Dr.Islam Gamal د.إسلام جمال

26/10/2025

عايز اقول ان ملح الهيمالايا زيه زى ملح الطعام العادى والاتنين بيرفعوا الضغط لدى مريض الضغط ل استخدمناهم خارج الطعام..

والافضل منهم والمناسب اكتر لمريض الضغط هو ملح البوتاسيوم

21/10/2025

21/10/2025

من فترة جاى العيادة مريض شكله متعب جدًا 😔
بيشتكي من وجع مستمر في المعدة، غثيان، انتفاخ، فقدان شهية، وحرقان فظيع بعد الأكل 🍽️🔥
كان فاكر إنها مجرد حموضة بسيطة، لكن التحاليل أثبتت إنها جرثومة المعدة 🦠

ابتدينا خطة علاج منظمة 🎯
فيها أدوية محددة، متابعة دقيقة، ونظام غذائي محسوب
ومع كل زيارة، كنت شايف بعيني التغير ❤️‍🩹
الأعراض بتخف يوم بعد يوم، والنوم بقى أهدى، والأكل رجع يبقى لذيذ من غير وجع 😋

وبفضل الله 🌿
التحاليل الأخيرة طلعت سلبية تمامًا 🙌
وقدر المريض يرجع يعيش حياته طبيعي من غير ألم ولا قلق 💪

د.إسلام جمال أخصائى الباطنه والسكر

دمتم سالمين ❤️

20/10/2025

من أهم العوامل اللى لو عملتها كمريض سكر بجانب العلاج طبعا هتلاقى سكرك ظبت بشكل انت مش هتتخيله :

* تثبيت مواعيد الأكل والعلاج..
*النوم الليلى ( حوالى ٨ ساعات )..

20/10/2025

د.إسلام جمال
أخصائي الباطنة العامة
والسكر بالغين وأطفال
وأمراض الجهاز الهضمى
علاج جرثومة المعدة
علاج التهابات القولون العصبى
ارتجاع المرئ والتهابات المراره
علاج الانيميا
علاج ارتفاع الكولسترول والدهون الثلاثية
متابعة مرض السكر ومضاعفاته
متابعه مرض الضغط ومضاعفاته

واتساب لاى استفسار
010 95477905

05/10/2025

الممنوع لمرضى ارتفاع ضغط الدم هو :
الملح خارج الطبخ ...

يعني ملح الأكل يكون عادي ! لكن ممنوع خارج الطبخ ، يعني ممنوع جنب الأكل وممنوع المخلل وممنوع ملح على السلطة واستبداله بالخل أو الليمون ! والمكسرات تكون نية وبدون ملح.

د.إسلام جمال أخصائى الباطنه والسكر

25/09/2025

لما بيجي مريض سكر نوع اول ماشي علي انسولين طويل مفعول كل ٢٤ ساعة و سريع قبل الوجبات لكن السكر ما بينزلش....!؟

لابد من مراجعة
١ـ طريقة أخذ الانسولين بإنه الحقن بالقلم لابد من التأكد إن سن القلم مفتوح بإننا نظبط الجرعة علي وحدة او اتنين ونحدفهم في الهواء و نشوفهم و هم خارجين قبل كل حقن.

٢ـ التأكد من تغيير مكان الحقن و عدم وجود كلاكيع في مكان الحقن و نؤكد إن الحقن ينفع في البطن كلها و جانبي الذراع و جانبي المؤخرة و الفخذين.

٣ـ نسيب سن القلم أو السرنجة جوا بعد الحقن و نعد من ١ـ١٠ للتأكد من عدم خروج جزء من الانسولين بخروج السرنجة.

٤ـ لابد من استثناء وجود عدوي بقياس الحرارة و تحليل بول و مزرعة و فحص القدم ، وجود عدوي بيمنع نزول السكر بالدم.

٥ـ بعد حل كل المشكلات السابقة بنزود جرعة الانسولين ١٠٪ كل ٣ ايام مصحوب بجدول قياسات يومياً سبع مرات قبل كل وجبة و بعدها بساعتين و قياس الثالثة فجرا.

٦- اللانتوس لابد يؤخذ في نفس الموعد يومياً فرق ربع ساعة بحد أقصى و الا لابد من استخدام الأنواع الأغلي زي الترسيبا
إذا حدث هبوط بنقلل جرعة الانسولين ٢٠٪ .

لابد من تطهير اليد بكحول قبل القياس و ليس صابون أو برفان لأنهم قد يحتووا علي عطور سكرية قد تعطي نتيجة غير صحيحة.