What are the opening hours?

Monday 6pm - 8pm Wednesday 5pm - 8pm Thursday 6pm - 8pm Saturday 11am - 6pm Sunday 11am - 6pm

https://t.me/SK_yesyoucanchange

Life Coach Sarah Khattab, Ismailia (2026)

18/11/2025

مشاعرك محتاجة دليل ... يساعدها تخرج للنور ..
تتحرر في أمان ..
حبسها جواك مؤذي لك ..
وأحد أسباب الأمراض المناعية وإنتشار أشكال من الألم غير معلوم السبب ومحير في التشخيص الطبي ...
ساعد نفسك ..
اختار تحرير مشاعرك ... بعادات تحقق لك السكينة .. الراحة ... الهدوء ..
فتحقق ملاذك الذاتي الآمن من كل شر والبعيد عن أي ألم ..

إقرأ ... ففي القراءة حياة 📖

25/10/2025

اللي بيدخل السكة دي بيتعب فعلا .. الموضوع يبان من بره بسيط ..
لكن محتاج طاقة قبول ودعم وتفهم لكل كلمة .. بتسمعها ... وبتفكر مليون مرة قبل ما تقولها ...

النهاردة اتسألت ..
بتعملي إيه في ظل اللي بتسمعيه ؟
بتحتاجي تتكلمي مع حد ؟
ده بيؤثر عليكي ؟
بتفضي اللي بتسمعيه إزاي ؟؟

دي إجابتي وجزء من اللي بأقدر استعيد به توازني في وقت ضغط الجلسات أو الإحساس بحمل نفسي مرهق ...
لو حاسة إن جوايا شحنة مشاعر كبيرة من الشفقة والخوف والحزن بأختار امشي على رجلي ..
أقعد في مكان مفتوح على مساحة من المياة أو الخضرة
اسمع حاجة بأحبها
استعيد أوقات ذكريات في حياتي كنت فيها حاسة بقوة واستقلال

في الصيف باختار رجلي تكون في الرمل ... ماليش في نزول المية قوي ..😄
المشي بين المياة والرمل ..
الجلوس على النجيلة ..
التعرض للشمس صيف أو شتاء ... الإحساس بحرارتها

التأمل بكل الحواس ..
يعني تركز سمعك على الأصوات الطبيعية حواليك ... حركة الشجر .. صوت العصافير .. صوت الهواء ... الموج ..
تتأمل حركة غراب " مثلا ... منتشرين في الإسماعيلية " اتحرك منين ورحلة بحثه عن الماء أو الغذاء ...
اختيار تأمل لطف ربنا بالكائنات

المهم يبقى تركيزك في تفاصيل تغسل دماغك من أي دوشة ...

تمارين تساعدك تتحقق تواصل أعلى مع قيمك وذاتك وتعلي إحساسك بروحانياتك وتزكية نفسك هتلاقيهم في باكيدج التغيير إسأل عن أماكن توافرها توصلك أرقام التواصل ولينك البيع 🙂

21/10/2025

ما بين Release هنا ... وReflection هناك

اللي بيحصل في لحظات بتختارها بإرادتك في رحلة تعافيك الذاتي وتحررك من قيود الأفكار والآلام ...

بتلاقي النسخة اللي بتظهر لك من نفسك .. جديدة عليك 💎
وإنت بتستخدم أدوات جراحية كمشارط دقيقة لتنظيف ما علق وترسخ من أوجاع الماضي والإحتفاظ بموارد قوتك والمميز في شخصيتك ..

كل كورس بسأل نفسي سؤال ... وبتسئله ... " إيه اللي يخلي حد يعمل كده في نفسه ؟؟ "

💙ممكن سعيه يكون أفضل .. يزكي نفسه ويختار يهذبها ويساعدها
💚وممكن رغبته إنه يتعافي من ألم مؤثر على طرق تفكيره
🧡وأحيانا بيكون اختيار إنه يفهم مشاعره اللي بتحرك أفكاره ويحدد عمقها ويعالجها من جذورها ..

الأهم إنه يوصل لحل أقوى من المسكنات ...
يقدر يتصالح مع اللي عدى من عمره ..
يسامح نفسه في تجاربه على قدر خبرته ..

يختار بإرادة حرة اللي يستحقه ... واللي يريحه .. واللي يعبر عنه ..
فيبقى النسخة الحقيقية .. " النسخة الأصلية 👌" Authentic self
اللي ساعدها تتعامل بحقيقتها بدون ضغط أو تزييف وعالج تشوهها بهدوء وحكمة .. وقدر يستكشف مميزاتها ... الموجودة ... لإن ربنا ميز كل واحد مننا ... بس يمكن ما أخدش الفرصة كاملة يشوف كل الحلو اللي جواه

لو مهتمة تكتشفى الحلو المستخبي وتستعيدي موارد قوتك ..
تطبطبي على نفسك بنفسك .. تصالحيها وتساعديها ..
إسألي على جلسات تحرر الألم والتعافي بالعلاج بخط الزمن 📩

19/10/2025

إيه علاقة الروايات الحلوة دي بحياتنا ؟؟؟
الرواية تفاصيلها وشخوصها وحبكتها فردها الكاتب على الورق ..
لكن اللي ظهر لك على الشاشة غير اللي اتكتب ... فيه تفاصيل اتشالت وفيه حكايات اتحطت ..
وفيه جو تاني علشان تقدر تشوف وتتقبل فكرة من أفكار الرواية

استحالة تصدق إن مسلسل زي " لن أعيش في جلباب أبي " في رواية ١٥٠ صفحة فقط 🙄 ... ده فرح سنية محتاج مجلدات ..😊

"حديث الصباح والمساء" مكتوب أفراد الحكاية بالترتيب الأبجدي .. يعني الحكاية ما بتبدأش بيزيد المصري أصلا ..🤫

رواية زي " ذات" .. تتلخبط وسط الأخبار ... في المسلسل سردية منطقية لأحداث وحقبات تاريخية بملامح ناس مصرية .. تحس إنك قابلتهم في صور قرايبك زمان 🥰

علشان تشوف الحاجات وتقبلها بيدخل " معالج درامي " يشوف إيه المهم .. إيه اللي الناس هتحبه يزود تفاصيله .. اللي يساعد الناس تتابع يركز عليه .. اللي بعيد عنهم وهيعمل مشاكل يغيره

أهو الحياة كده ..
بتحتاج معالجة .. ورؤية بعد الرؤية ..

💌فيه معالجة مخفية عنك " النسخة الأصلية لأحداث الحياة " ربنا سبحانه وتعالى مدبر الأحداث وأسبابها ونتائجها ..
فلما تختار تشوف اعرف إن فيه رؤية خلف الرؤية ..meta vision
تفهم المعنى اللي بسببه اترتبت الأقدار
توصل لحكمة ربنا في أقداره

المعالجة دي ما بتظهرش بسهولة .. بتحتاج منك

😌المعالجة المبدئية ..
إنك تقبل إن اللي بتشوفه وتسمعه وبيحصل حواليك وراه أبعاد كتير تخفى عليك
وإنك تختار تؤمن إن اللي بيحصل لك هو أفضل احتمال
إنك تدي نفسك فرصة تدور على الحكمة خلف الأقدار
لو احتاجت مساعدة هتلاقي تدريبات لاستشعار الحكمة في إسأل على منافذ البيع .. توصل لك تفاصيلها 😉

12/10/2025

هو صحيح عمر اللي فات ما هيرجع تاني ؟؟

أمال ليه بيرجع الألم .. الفقد .. إحساس الخذلان .. مرارة الوحدة ..؟؟
ليه ما بترجعش اللحظات الحلوة ؟؟
ليه الماضي مرتبط بالهزيمة ولحظات الضعف ؟؟

من سنتين فهمت أسباب الألم اللي بنحسه ..
ليه بيظهر .. وبيتكرر ..
ليه بنخاف نسيب الألم ؟؟
ورسالة ظهوره بيكون الهدف منها إيه ؟؟

لما درست التعافي من الصدمات وإختلاف طرق التدخل لكل صدمة .. فهمت إن جزء من إرتباطنا بالألم بيكون سببه إننا خايفين من خسارة أكبر .. ..الألم وراه هدف تاني ومعنى أهم Secondary Gain خايفين نتعافى فنخسره ... فبنختار دائرة الألم اللي عارفينها 🙄

لما بناخد خطوات في زيادة وعينا .. وتعافينا بنكون في رحلة جديدة .. تبان صعبة لأننا بنغير جزء معطلنا ..موجود جوانا ..
بنتوجع على قد ما بناخد خطوات حقيقية في التعافي ..

كل ما كانت رغبتك حقيقية إنك تحل مشكلتك واللي معطلك ... هيكون الوجع هين قصاد مكسبك الحقيقي ... نفسك .. الجديدة ..😇
النسخة الأقوى منك ..
النسخة اللي فهمت الدرس من الألم ..
النسخة اللي عرفت الحكمة خلف القدر ..
النسخة اللي تقبلت إنك بتربي نفسك بنفسك ..
إنك محتاج تساعد نفسك .. قبل ما تختار غيرك يساعدك ..

الحل ما بيكونش إنك تاخد شهادة .. تتدرب .. أو حتى تعمل جلسات ..

التغيير الحقيقي بتلمسه في كل لحظة اخترت تداوي نفسك .. تطبق اللي بتتعلمه .. تتألم وإنت بتتغير .. كإنك بتصقل الألماس وتلمعه ..💎 لحد ما يظهر ويتجلى الحلو اللي جواك

لما بتكون حقيقي لمست كل تغيير في نفسك .. بتحاول .. بتجرب .. هتقدر تحس بشكل أعمق ... بقلب أرق .. وعيون أبصر .. بكل مستفيد احتاج دعم نفسه .. قبل دعمك .. وبأهمية كلمتك وعلمك في خطواته للتغيير ..
فاللهم لك الحمد على نعمة العلم .. والتبصر خلف الألم .. واليقين في معنى التغيير

الصورة من البرنامج التدريبي لعلاج صدمات الوعي الجمعي عبر الأجيال مع د.ريتشارد بولستاد 11-12/10/2023
-Transcendence
Healing Our Collective Story. Dr.Richard Bolistad - Transformation International Consulting & Training Ltd.

دراستي واعتمادي من مدرسة تتعامل لحل ألم الماضي حتى تستطيع التفكير بالحاضر ثم التميز بالمستقبل :

كوتش التغيير المستدام المدرسة الألمانية للكوتشينج ICI
International Association of Coaching Institutes

كوتش علاج الأزمات Resolve Coach

كوتش المرونة النفسية و التعافي من الصدمات Resilience Coach
( مؤسسة د. ريتشارد بوليستاد Richard Bolistad )
Transformations International Consulting & Training ) Dr. Richard Bolistad

#تربيةالذات #اليومالعالميللصحةالنفسية

11/10/2025

هتلاقيها في وقتها ...
غايبة عنك لحكمة ..

بقالي مدة عارفة إن الأنسيال ده وقع مني .. متأكدة في البيت .. بس مش عارفة فين ؟؟
تحت السرير ؟؟
لأ كان في إيدي هألبسه ووقع ..

كل مرة ألبس إكسسواراتي عارفة إنه مش موجود وادعي يارب رده ليا .. أو عترني فيه ..

لحد امبارح بأقول ياربي لو فقدته خالص فاللهم لك الحمد أينعم كان مميز بالنسبة لي وبأحبه وبيليق على حاجات كتير ..

النهاردة بأطلع أقلام وأغطيتها من جيب الشنطة وده مكان ما بأحطش فيه الأقلام كتير وإذ فجأة ألاقيه بيطلع بينهم ..
الحمد لله ... يااه .. معقول كان معايا وحواليا وأنا مش شايفاه ..

ظهر لي علشان جددت نية صلة الرحم والود من ثواني بمكالمة تليفونية ؟؟ فده جزاء ربنا الفوري ؟؟ 🤔

يمكن لإن ده كان الوقت المناسب لظهوره بعد الإختفاء ؟؟

ولا علشان قررت التفويض والتخلي وفصل التعلق بالأشياء لرب الأشياء ؟؟

كل تساؤل منهم عرفني إن مجريات الدنيا واحدة .. أشياء وأشخاص بيكونوا في حياتنا .. نتعلق بهم وما نقدرش نستغنى عنهم ...
لحد ما يختفوا فجأة ... في امتحان لغلاوتهم .. وقدرة على ابتهالنا لله وتفويض أمورنا الحقيقي .. .. لنتعلق بصاحب الأمر المطلق ..
من أبسط أمور حياتنا .. نرضى بأمره .. لتتفوق ترضيته لنا ..

هيفضل التفويض والتسليم لأمر الله أغلى درس باتعلمه خلال الأشهر الماضية بشكل فائق الوصف ..
تجلي نعم وعطايا الله في كل أمر شغلت نفسي بترتيبه .. بعد التسليم المطلق لحكمة الله يظهر أفضل من خيالي ..

ألطاف الله في أقداره وحكمته في إننا نتعلم الصبر والتسليم أجمل درس في فصول تربية النفس Self Decipline حتى تستقر وتطمئن نفسك وتنشغل بدورها ورسالتها الحقيقية

#تربيةالذات #اليومالعالميللصحةالنفسية

10/10/2025

السنة دي اخترت نفسي 😇
اخترت كل فترة أراجع أولوياتي وأختار سعادتي فيها ..
اخترت اشتغل اللي بأحبه ..
اخترت أشوف الحلو في كل موقف ..
واتعلم الحكمة في كل صعب ..
اخترت أهادي نفسي في عيد ميلادي إني اتعلم 😄
اخترت أحترم نفسي .. ابعد عن اللي يتعبها .. ويؤذيها من مواقف .. أشخاص .. اخترت أبني حدودي بقوة وحزم ..
اخترت أشارك خطوات صعبة وأحلام ..

اخترت أجرب .. تعامل مع ناس جديدة .. علم جديد .. وبدأتها بتجارب الأكل ..الأماكن ...علشان لما أجرب أغير أفكاري وأفهم مشاعري أكون مهدت لنفسي طريق ..

اخترت أقدم لنفسي الدعم .. أمنحها قوة .. أقبل ضعفها ولحظات إنهيارها .. وأسجل لحظات الإختلافات ..

كل لحظة بأشحن نفسي فيها بأعمل لها ذكري .. بأصورها وأكتب الحلو فيها ..

في كل مرة خطوة .. بأطبق فيها اللي اتعلمته .. بأراكم المعرفة بالتطبيق .. بأقدر نفسي .. ما باستناش " برافو " اللي من بره ..

ودي المنحة اللي بأهديها لنفسها وأراجعها قرب عيد ميلادي في أغسطس .. في اليوم العالمي للصحة النفسية في أكتوبر .. وفي نهاية السنة في ديسمبر ..
بأراجع ألبومات حياتي .. تجارب السنة .. واكتب خطاب شكر لربنا على كل درس من لحظة صعبة وكل لحظة حلوة عشتها ...

واتبسط بنفسي واشجعها إنها كملت وعافرت وفهمت ...
فاللهم لك الحمد ..
لما تقدر لحظات ضعفك .. وتحاول تفهم نفسك وتقبلها ..
تسجل لحظات هروبك لكتعة تساعدك وتشحنك ..
تدون اللي لخبطك .. بإمتنان لحياتك في كل لحظة ..
ده أقرب دعم وحب تقدمه لنفسك ..

#تربيةالذات #اليومالعالميللصحةالنفسية

09/10/2025

ده إنتي بالك طويييييل 😌

الحمد لله ... إن ده اللي ظاهر 😄
في الحقيقة دي مهارة مكتسبة ... يعني بالتدريب ... ممكن تتحقق وتبقى في حياتنا ..

بصراحة الجملة دي لما اتقالت لي ... قبلها زوجي قال لإبني ..." على فكرة ماما صبورة عليك قوي " ..

طبعا قبل كل الصبر وطولة البال دي كان بيحصل كوارث ..🤯
دموعي اللي كنت بأحبسها ... إحساس الخنقة والضيق .. دماغي اللي بأحس إنها هتنفجر .. إحساس الإمتلاء وكره الأكل ..بعده أدوية القولون العصبي " اللي الحمد لله اختفت من حياتي " 😇

ده حصل بعد كمية تربية " ذاتية " Self Decipline
اخترت بعدها بدل الندم ... من التسرع ..و يا ريتني سكتت 🤐
إني أفهم إن الموضوع كان محتاج أفكر .. أهدأ .. أسمع .. وأتبين ...

لما لقيت حقي ممكن يضيع في الإنفعال ... اتعلمت أهدأ..

لو عاوزة أطلب حقي يبقى بهدوء .. أعرف حقي إيه و خطواتي مفهومة أجيبه إزاي...

ساعات بأختار أفوض أمري لربنا .. مع سعي ويقين إن ربنا هيدبرها ..

التربية الأكبر كانت في كل مرة بقيت أختار انفعل كأم .. بأفكر .. إيه اللي هأكسبه ؟؟ طلعت ثورة غضبي وإنفعالي وإحباطي عليهم.. 😡🤬

طيب ده يستاهل قدام اللي هأخسره 🤔.. ..أمان ولادي وراحتهم معايا ...
خوفهم أنهم يتكلموا من كتر ما أنا بالنسبة لهم قنبلة إنفعال ..
وظيفتي كأم .. ودوري كداعمة ومحبة ... هيختلف ..وصورتي في عينيهم هتكون غير اللي بأحاول أبنيه ...

مستاهلة يعني 🤔 ؟؟

😌فكرة التغافل ... والسماح بالفرص .. وفهم اللي ورا التصرفات اللي بتحصل ... ده اللي فرق جدا في كل حاجة ..
بقى بيديني فرصة... أطول بالي ..
صبري يزيد .... أفكر في السبب اللي خلى اللي قدامي عمل ده ..

ودي الأعذار المقبولة لإنه " إنسان " وطبيعته بشرية يعني بيغلط عادي ... ما احناش ملايكة .. نساع بعض في الدنيا ...😊

كل مرة بتسمح لنفسك إنك تحكم انفعالك وما تجريش ورا " تصور إنك كده بتجيب حقك 🤫" ... بتساعد نفسك إنك تكون أهدأ وبالك يطول ... وتكون سيد قرارك ومدير إنفعالك 👨‍💼👩‍💼

لو حابين تعرفوا أكتر عن تطبيقات تساعدكم في تحقيق إدارة وتربية الذات اكتبوا Decipline في الكومنتات 👇

#تربيةالذات

07/10/2025

رزقي ومقسوم لي ..

جملة قالها صاحب المكتبة وأنا بأحاسبه .. جوايا بأقول ياريت تكون الفلوس الفكة قد الطلبات .. وسبحان الله قناعته ورضاه برزقه كان مقسوم ومتفصل على المبلغ ..

إحنا عارفين إن رزقنا بيد ربنا سبحانه وتعالى .. لكن بنستعجل كل أنواعه .. فلوس .. شغل .. خلفة .. جواز .. توفيق .. نجاح .. قبول ...

الفرق لما بنرضى بوقت القسمة وتجلي الرزق .. ربنا بيراضينا بجمال وفيض كرمه ... وبركة الرزق نفسه ..

🤔إيه اللي يخليني بعد ما خلصت شغلي ومقررة أروح مكتبة جنب البيت .. امشي في طريق تاني .. ألمح مكتبة أول مرة أشوفها .. ألاقي فيها طلباتي ... وكمان بيصور ورق ويطبع ... أقرب لبيتي من المكتبة اللي بأطبع فيها ..

قال رزقي ومقسوم لي ... الحقيقية ده كان رزقي ... في فهم توزيع رزق ربنا ... وترتيباته علشان أوصل للمكتبة فتفتح باب رزق لصاحبها ..
سبحان الله في أقداره وحكمة ترتيباته ..

بقالي فترة مقررة اتعلم من كل يوم في حياتي معنى بيتجلى من ألطاف الله في الكون ..
كل يوم بأختار اتعلم ...
وكل يوم باستشعر حلاوة الإدراك ..

من التحديات اللي اخترتها لنفسي من بلانر التغيير في تمارين التأمل ..
وساعدتني أشوف كل اللي حواليا بشكل جديد ..
فاللهم لك الحمد ..🥰🌷

لو حابين تستمتعوا بتحديات وأكثر من ٣٠ تمرين للتأمل وتطبيقات المرونة النفسية إسألوا عن منافذ بيع دليل وبلانر التغيير وأرقام التواصل 📩

Life Coach Sarah Khattab

18/11/2025

25/10/2025

21/10/2025

19/10/2025

12/10/2025

11/10/2025

10/10/2025

09/10/2025

07/10/2025

Address

Opening Hours

Telephone

Website

Alerts

Contact The Practice

Shortcuts

Share

Monday	6pm - 8pm
Wednesday	5pm - 8pm
Thursday	6pm - 8pm
Saturday	11am - 6pm
Sunday	11am - 6pm