13/04/2026
لو في مريض بياخد فيتامين D بقاله فترة والتحليل مش بيتحسن أو الأعراض مستمرة
(إرهاق – شد عضلي – ضعف – ألم) يركز معايا
أغلب الناس فاكرة إن فيتامين D لما يقل الحل بسيط
تاخد جرعة أعلى وخلاص تركز معاي
بس الحقيقة اللي قليل جدًا فاهمها إنك ممكن تاخد فيتامين D سنين ومستواه ما يتحسنش مش عشان الجرعة قليلة لكن عشان جسمك مش عارف يستخدمه
خليني أشرح لك اللي بيحصل فعلاً جوه جسمك
فيتامين D في صورته اللي بناخدها سواء شمس أو مكملات هو مادة غير نشطة لازم يتحول مرتين عشان يشتغل
أول تحويل في الكبد
تاني تحويل في الكلى يتحول للشكل النشط
طب ايه بقي بيخلي الكلي تعمل التحويل ده !؟؟
هرمون الغده الجار درقية هي اللي تقرر ده
طب سوال بقي مين اللي يخلي الغدة الجار درقية أصلا تشتغل وتقرر تفرز هرمون !؟؟
المغنسيوم عزيزي القاريء
وبالتالي لو عندك نقص ماغنسيوم حتي لو عندك فيتامين D مش هيكون متفعل يعني مش شغال
كأنك عندك مصنع كامل بس مفيش كهربا توصلة أمر التشغيل يعني في حالة نقص الماغنسيوم قدرتك على تحويل فيتامين D أصلاً محدودة
في حاجة اخطر كمان عزيزي القاريء فيتامين D بيتنقل في الدم على بروتين معين
المغنيسيوم بقي بيلعب دور في كفاءة النقل ده
يعني ممكن يكون فيتامين D موجود في التحليل بس مش واصل للكلى عشان يتحول وده بيفسر ليه أحيانًا التحاليل تبان كويسة بس الأعراض لسه موجودة
الجزء الأهم بقى في دراسة قوية جدًا (Dai 2018) عملوا حاجة ذكية
أدوا ناس مغنيسيوم وشافوا تأثيره على فيتامين D
النتيجة كانت عكس اللي الناس متوقعاه
اللي عندهم فيتامين D قليل زاد
اللي عندهم فيتامين D عالي قل
يعني إيه؟
المغنيسيوم مش بيزود فيتامين D المغنيسيوم بينظّم السيستم كله
زي ترموستات بيظبط الحرارة مش زرار بيزودها وخلاص
والدليل الأقوى
في مرضى عندهم نوع من الكساح بياخدوا فيتامين D ومفيش أي تحسن أول ما يتحط مغنيسيوم الحالة تتحسن
ليه؟
لأن المشكلة مكانتش في الفيتامين المشكلة كانت في المصنع اللي بيشغله
تعالى ناخدها بشكل عملي لو عندك مريض
بياخد فيتامين D بقاله فترة والتحليل مش بيتحسن أو الأعراض مستمرة (إرهاق – شد عضلي – ضعف – ألم)
ما تزودش الجرعة على طول اسأل نفسك الأول
هل المغنيسيوم ناقص؟
خصوصًا لو فيه stress عالي وأكل فقير في المعادن او استخدام مدرات بول او استخدام أدوية معدة لفترات طويلة او نوم سيء او شد عضلي متكرر الفكرة اللي لازم تفضل في دماغك
وأخطر خطأ شائع حاليًا إننا بنعالج أرقام في التحاليل
مش بنفهم السيستم
افهم السيستم هتوفر وقت وهتوفر فلوس وهتوصل للحل
التغذية العلاجية فهم مش شووية أنظمة دايت وخلاص
