https://www.facebook.com/105010832300518/

Microbiology magazine, Kafr el Sheikh (2026)

13/09/2023

📌 هنتكلم في بوست انهارده عن بكتيريا يمكن أغلبنا سمع عنها بس ميعرفش هي بتعمل ايه بظبط ولا بتصيب ايه 🤔
📌 علشان كده هنتكلم عنها انهارده وهي بكتيريا البروسيلا Brucella 🦠 وهي بكتيريا سالبه لجرام وهوائيه .
📌طب ايه فكرتها ولا بتعمل ايه ده بقي موضوعنا انهارده 🤓 اولا هي بتسبب مرض بكتيري واللي بيسببه انواع كتير منها لانها مش نوع واحد فيه منها انواع كتير زي مثلا البروسيلا مليتنسيس
البروسيلا سويس
البروسيلا ابورتوس
📌 طب ودي بتصيب ايه يا تري ؟ 🤔 في الحقيقه هي بتشتغل علي الحيوانات بشكل مباشر أو غير مباشر وبتصيب غالبا الأشخاص العاملين في قطاع الثروه الحيوانيه ، حيث أن استهلاك الحليب والجبن المصنوع من الحليب لحيوان مصاب هو المصدر الرئيسي للعدوي في الإنسان 🙂
📌 طب والمرض ده بينتقل ازاي ؟؟ 🤓 عن طريق شرب حليب غير مبستر أو منتجاته أو تناول لحوم غير مطهيه بشكل جيد من حيوانات مصابه بالمرض ،الاحتكاك المباشر مع حيوانات المصابه أو افرازات هذه الحيوانات من خلال وجود شقوق في الجلد أو عن طريق الهواء في الحظائر و الاسطبلات .
📌 وفتره حضانه الأعراض عاده بتبقي من 5 ايام الي 60 يوماً 🙊
🖋️ written by eng: Diana Alaa

10/08/2023

📌رجعنا تاني وموضوعنا المرادي مختلف عن أي موضوع اتكلمنا فيه 😊
📌 هنتكلم عن انهارده عن بكتيريا في الحقيقه أصحاب المزارع هما اللي عارفنها اكتر من اي حد تاني تقريبا كده شبه عايشين معاها كل موسم 🤌
📌 معانا بكتيريا clostridium 🦠
📌وهي بكتيريا لاهوائيه موجبه لجرام
📌 ممكن يكون فيه ناس عرفاها أو سمعت عنها لكن أصحاب مزارع الدواجن هما اكتر ناس عارفينها لان البكتيريا ديه بتصيب الدواجن بأنواعها 🦆 اه والله زي ما بقولكم كده 🙊
📌 هي بكتيريا معويه وتصيب قطعان الدواجن الرومي وبعض الطيور الأخري ، تؤدي اللي التسمم المعوي وتهتك جدار الأمعاء وايضا سموم عصبيه تؤثر علي اعصاب الطيور 🐔
📌 وبتعيش في الأرض عموما أو في التربه أو الفرشه وبتحتاج لاكسجين قليل .
📌كما انها موجوده في أمعاء الطيور ولكن بصوره غير ممرضه .
📌 طب ايه اللي بيخليها تنشط ويزيد عددها وتبدأ تعمل مرض خطير للطيور ؟؟! 🤔
📌 في الحقيقه الظروف المحيطة بالطيور سيئه جداا وده اللي بيسبب المرض
وحدوث تهتك في جدار الأمعاء بسبب وجود اصابه معاويه أخري بالطفيل المسبب للكوكيسديا
وتقليب الفرشه باستمرار من اكتر الحاجات اللي علطول تنشط الكلوسترديا عشان بتجيب حويصلات البكتيريا الكامنه في الأرض أو الفرشه من تحت لفوق 🤓
📌 وعلشان كده لازم نعرف خطوره البكتيريا في الدواجن داخل المزرعة🙂
📌البكتيريا لها القدره أن تحيط نفسها خارج الجسم الطائر في الفرشة ، بغلاف حماية ضد عوامل البيئيه وهذا يفسر قدرتها علي التغلب علي بعض المطهرات لذا يجب الاهتمام بالتطهير 🌚
Written by eng: Diana Alaa

30/09/2022

بوست انهارده مميز جداا وممتع ♥️☺️
هنتكلم انهارده عن تقنيه جديده في عالم الميكروبايولوجي 🦠 وممكن يكون موضوع انهارده جديده علي ناس كتير وعلشان كده حبيت اتكلم فيه انهارده 🌚
📌 هنتكلم انهارده عن أحد التقنيات الحديثة واللي عملت طفره كبيره اووي في عالم العلاج الجيني 🧬
🖇️ ايوا زي ما بقولكوا كده في العلاج الجيني و التقنيه ديه بقت بتستخدم في علاج أمراض وراثية كتير زي العمي والكانسر و مرضي السكر 🤓
📌 هنتكلم انهارده علي نظام كريسبر CRISPR gene 🧬🤓
📌 ممكن يكون الاسم جديد عليكوا بس هو في الحقيقه اختصار لكلمه clustered Regularly Interspersed short palindromic Repeats 🧬
📌 وهو نظام مناعي يتكون من بروتين cas 9 مرتبط بتتابع قصير من ال RNA
📌 ونيجي بقي للسؤال الأهم طب ازاي تم اكتشاف التقنيه ديه 🤔 خليكوا معايا في اللي جاي 😌
📌 تم اكتشاف هذا النظام في بكتيريا streptococcus pyogenes 🦠 و تقوم التقنيه بالتعرف علي DNA الغريب عن البكتيريا زي ( البلازميدات / ترانسبوزون / فيروسات )
📎 ويقوم بمهاجمه DNA الغريب وتكسيره لحمايه الخليه من الضرر الناتج عن دخول DNA الغريب داخلها 🧬
📌 تعالوا نعرف كريسبر بيتكون من ايه ؟؟؟
📎يتكون من RNA الدليل
بروتين CAS 9
المستهدف DNA
تتابع التعرف Pam
📌 نيجي بقي لي أليه عمله 🤓
🖇️ عند اصابه البكتيريا بالفيروس فتكون البكتيريا بالدفاع عن نفسها وتفرز انزيم CAS 1 الذي يقوم بحفظ DNAالفيروس علي البكتيريا في الذاكره ، وعند الاصابه بنفس الفيروس للمره الثانيه، يتم اضافه فواصل ( قطع صغيره) من DNA الغريب اللي جينوم البكتيريا ،
وبعد ذلك يتم نسخ تلك عوامل crRNA الذي يشفر تتابع DNA الغريب ، ثم يتم اضافه جزء آخر يعرف ب trac RNA الي جزء crRNA و ذلك في خلال وجود منطقه التكامل بين خيطي RNA 🤓
ويحدث ارتباط بين بروتين CAS 9 وال RNA بيتكون التركيب النشط للبروتين كريسبر CAS 9 🧬
📌 و باختصار شديد ديه كانت فكره التقنيه وهي أن عند اصابه البكتيريا بنفس الفيروس للمره التانيه يقوم بإفراز بروتين CAS 9 الذي كان يحتفظ ب DNA الفيروس في الذاكره وعند مقارنه بالاصابه للمره الاولي فيقوم بقصه ويقصه من نفس تتابع DNA اللي أخذه من الفيروس من المره الاولي 🤓
📌 وديه كانت تقنيه من أهم التقنيات التي التي احدث طفره في الفتره السابقه بسبب انها اعتمدت علي العلاج الجيني واللي كان حل لأمراض وراقيه كتير منتشره و يسوف يتم تطبيقها ايضا علي النباتات لإصلاحها من الاصابه بالافات 🤓
🖋️ written by eng: Diana Alaa

19/09/2022

اهلا يا رفاق ♥️🥰
📌 هنكمل انهارده آليات عمل المضادات الحيوية واللي ميعرفش اي حكايه المضادات الحيويه ديه يقدر يشوف البوست السابق الاول ويرجع يشوف ده ☺️
📌 تاني آلية معانا هي وقف عمل البروتين protein synthesis 🤓
📌 يعتمد علي وقف نشاط الريبوسوم ( وهو العضو الحيوي الوحيد داخل الخليه ) وطبعا زي ما كلنا عارفين أن البكتيريا S 70 🦠 وتبدا بعض المضادات الحيوية ترتبط بوحده الريبوسوم الكبري 50 S مثل Macrolides حيث بيمنع عمليه الترجمه ويوقف إنتاج البروتين 💊
📌 وبعض المضادات الحيوية أيضا ترتبط بوحده الريبوسوم الصغريS 30 مثل Aminogly cosides / Tetracycline ويعمل علي منع الريبوسوم من ارتباطه ب tRNA ليبدأ عمليه تخليق البروتين 🤓
📌 ومعانا تالت آلية علي cell membrane 🌚
ويعمل علي تدمير الجدار الخلوي ويؤدي الي حدوث leakage لمكونات الخليه للخارج مثل Bacteriocidel يقتل البكتيريا فوراً لكنه خطير جداا علي صحه الانسان 🙊 لان الجدار الخلوي هو نفسه في البكتيريا والإنسان 🤓
📌 نيجي لآخر آليه معانا وهي Nucleic acid synthesis 🌝
حيث يعمل انزيم DNA grase علي فك التفاف الحمض النووي بصوره مبسطه لكي تقوم بالنسخ 🧬 ويجي هنا دور Fluroquinolones حيث يرتبط مع الانزيم السابق ويوقف نشاطه وبالتالي مش هيقدر يفك التفاف اللولب المعقد وتقف عمليه النسخ 🤓 مثل Ciprofloxacin of loxacin 💊
📌 وبكده خدنا نبذه عن آليات عمل Antibiotics 💊 وعايزه اسمع رايكوا في بوست انهارده ♥️🌚
🖋️ Written by eng : Diana Alaa ✨

29/08/2022

هنتكلم انهارده عن المضادات الحيويه 🤓 كتير مننا بياخد مضادات حيويه كتير وللاسف ميعرفش أن ده غلط او مش كل الاحيان لازم ناخد مضاد حيوي 🤔
📌 المضادات الحيوية هي مواد بيتم استخراجها من بعض الفطريات و البكتيريا لها القدره علي قتل ووقف نمو البكتيريا 🦠
📌 اول مضاد حيوي تم اكتشافه كان عن طريق الكسندر فليمينغ وذلك تم بعد تعرض احدي المزارع المخصصه للبكتيريا للهواء والتسمم ولاحظ السكندر أن البكتيريا بدأت بالذوبان حول الفطريات الموجوده في المزرعه التي كان أعدها في المعمل واستنتج من ذلك أن البكتيريا تقوم بإفراز ماده حول الفطريات وهذه الماده تعتبر قاتله للبكتيريا العنقودية وأطلق علي هذه الماده اسم البنسلين 💊
📌 طب ليه يا تري المضادات الحيويه مضره في الأحيان 🤔🤔 هقولكوا ليه احنا علطول لما بيجلنا دور برد او اي إنفلونزا بنروح ناخد اي مضاد حيوي علطول وده طبعا اكبر غلط ممكن تعمله 🙂 طب ليه !!! ركزوا معايا في الكلمتين الجايين 🌚 اولا علشان زي ما قولتلكوا أن المضادات الحيوية بتقتل البكتيريا بس لكن الانفلونزا ديه عباره عن فيروس وهي مش بتأثر علي الفيروس وبتالي لما بتاخد مضاد حيوي بيتفاعل مع بكتيريا normal flora وديه البكتيريا النافعة اللي موجوده في جسمك وده بيؤدي الي ضعف المناعه طبعاا 🙊
📌 طب ازاي لو انا عندي اصابه ببكتيريا واخدت مضاد حيوي ازاي بتأثر علي البكتيريا ؟؟ 🌚
هقولكوا ازاي بس قبل ما اقولكوا فيه شويه شروط علشان تختار المضاد الحيوي قبل متاخده
📎 اولا لازم يكون selective toxicity يعني لا يؤثر علي الإنسان بالخطوره
📎 وسهل الامتصاص عبر الدم وسهل الخروج من الكلي 🤓
📎 لا يؤثر علي البكتيريا النافعة الطبيعيه وفعال في تركيزات قليله 🧫
📌 نيجي بقي لاليه عمل المضادات الحيويه 🤓
🖇️ اول نوع وده بيشتغل علي inhibition of cell wall 🦠 وده نوع امن جداا يعمل علي وقف تصنيع وتدمير الجدار الخلوي للخليه 🌝 تحديدا بياثر علي طبقه peptidoglycan الموجوده في الجدار الخلوي ☺️ والمضاد الحيوي يؤثر بشكل عام علي gram positive أكثر من gram negative لان الجدار يكون سميك أكثر في الموجبه لجرام 🤓
📌 والمضادات ديه زي pencillin و cephalosporins 💊
📌 وعندنا مضاد حيوي Beta lactam group 🧫 وده بيعمل علي تكسير الروابط التي تربط peptidoglycan ببعضها وتؤثر علي صلابه 🌝
🖇️ وبكده أخدنا انهارده اختصار عن المضادات الحيويه و لسه فاضل تلت آليات لعمل المضادات الحيوية ☺️ تابعوا البوست الجاي هنتكلم عن باقي آليات عمل antibiotics 🤓
📌 عاوزه اسمع رايكوا في بوست النهارده 🌚☺️
🖋️ Written by eng : Diana Alaa ✨

13/08/2022

بوست انهارده مميز علشان معانا بكتيريا كلنا بنسمع عنها كتير بس عمرنا ما سألنا نفسنا هي بتيجي من ايه ولا ايه قصتها ☺️
📌 الاسم العلمي : salmonella enterica 🦠
📌 تنتمي الي العائله المعويه 🤓
📌 وهي بكتيريا سالبه لصبغه جرام ولا هوائيه اختياريه 🧫 وعلي شكل ق**ب ☺️
📌 وبالمناسبة هي سميت سالمونيلا علي اسم دانيال إلمر سالمون وهو طبيب جراح بيطري امريكي 🤓
📌 من اكثر الانواع انتشارا في الطبيعه وتتواجد في أمعاء بعض الحيوانات وخصوصا الدواجن والطيور والزواحف لذلك تصيب الإنسان عند تناول الدواجن الغير مطهيه جيدا 🐥
📌 البكتيريا ديه عندها أكثر من نوع ومن أشهرهم S. Typhi و S. Paratyphi ودول نوعين بيسببوا الحمي التيفوديه اللي بنسمع عنها كتير اوي 🤓 ولما بنحس بالاعراض ونروح نكشف الدكتور بيطلب مننا تحاليل widal test🔬 وديه تحاليل خاصه بالنوعين دول من البكتيريا 🧫
📌 وبتسبب إصابات داخل او خارج الجهاز الهضمي وتحديدا داخل الأمعاء وبتظهر بعدها أعراض مثل الغثيان و القيء واسهال 😔
📌 وبتبدا البكتيريا بالانتقال مع الطعام الملوث الي الأمعاء وتقوم باختراق جدار المبطن للامعاء وتصل الدم وتبدأ الاصابه 🙊
📌 وتستطيع أن تتكاثر داخل الخلايا المناعية لان لديها جينات تمنحها القدره علي المقاومه والمعايشه داخل microphage ولا تتحلل 🔬
📌 وتقاوم حموضه المعده أثناء دخولها مع الطعام الملوث 🤓
🖇️ الاعراض : الحمي التيفوديه Enteric fever 🤔 وتبدأ بظهور رعشه وتعرق مصحوب بضعف عام في الجسم والم عضلي وفي المفاصل 🙊
📌 العلاج : أخذ مضادات حيوية مثل ceftriaxone و ciprofloxacin 💊
📌 وديه كانت نبذه بسيطه عن بكتيريا السالمونيلا ☺️
🖋️ Written by eng: Diana Alaa ✨

29/07/2022

انهارده معانا بكتيريا عامله لمعظمنا مشاكل كتير 🤔 تفتكروا مين ؟؟؟! تعالوا الاول اعرفكوا بيها ☺️
📌 الاسم العلمي : propionibacterium acnes 🦠
📌 تنتمي لشعبه البكتيريا الشعاويه 🌝
📌 بكتيريا موجبه لصبغه جرام ولاهوائيه 🔬 وعلي شكل ق**ب من البكتيريا وسميت لعمليه التمثيل الغذائي, فهي قادره علي تصنيع حمض البروبيونيك باستخدام انزيمات تراتسكاربوكيلا غير عاديه 🙊
📌 عزيزي القارئ البكتيريا ديه المسببه لحب الشباب عرفتوا بقي ليه بتعملنا مشاكل 🤓
📌 توصل الباحثون أن كون العديد من جيناتها مسئوله عن إنتاج انزيمات قادره علي هضم وتفكيك الجلد والبروتينات التي قد تكون بروتينات مناعيه 🧫
📌 تنتمي هذه البكتيريا الي المجموعه البكتيريا المتعايشه مع الانسان ، حيث تعتبر جزء من النبت الجرثومي الجلدي الطبيعي الموجود علي سطح جلد الإنسان 🌚
📌 يمكن احيانا أن تسبب أمراضا معديه ، أكثرها هذه الالتهابات التي تمت دراستها cuitabacterium وهو حب الشباب 🤓 الذي تسببه البكتيريا وهو مرض التهاب مزمن ناتج عن انسداد الوحدات الشعريه الدهنيه مما يسبب آفات التهابيه 😔
📌 وتعد المسامات المغلقه المليئة بالدهنيات بيئه مناسبه جدا لنمو البكتيريا ووجود هذه البكتيريا يؤدي إلي إفراز سيتوكينات مناعيه 🤔 ما يسبب حدوث التهاب في المسامات المسدوده وبالتالي تكوين حب الشباب 🤓
🖇️ ويمكن الطبيب أن يعالج هذا المرض بأخذ مضادات حيوية 💊
📌 وديه كانت نبذه بسيطه عن بكتيريا حب الشباب ☺️
🖋️ Written by eng : Diana alaa 💕

25/07/2022

اهلا يا رفاق 🥰♥️♥️♥️♥️
انا جايه أحذرك انهارده عزيزي القارئ من بكتيريا موجوده في حياتنا اليوميه وبتسبب مشاكل كتير جداا فلازم ناخد بالنا منها كويس اوي 🫢 🤓
معانا انهارده بكتيريا Campylobacter 🦠
📌 من قبيله proteobacteria 🌚
📌 وهي بكتيريا سالبه لصبغه جرام وحلزونيه الشكل ومحبه للهواء 🔬
📌 عزيزي القارئ البكتيريا ديه خطيره جداا 🙊 هي أحد الأسباب الاربعه الرئيسيه لأمراض الاسهال في العالم طبقا لتصنيف منظمه الصحه العالميه 🤓
📌 تتواجد البكتيريا في أمعاء الحيوانات الاليفه والداجنه 🦁
📌 نيجي بقي لطرق الاصابه بالبكتيريا 🤔
📎 عند تناول اللحوم الملوثه أو غير المطبوخه جيدا خاصه الدواجن 🐥
📎وعند شرب المياه الملوثه أو الحليب الملوث وغير المبستر 🥛
📎 او التعامل مع الحيوانات المصابه
📎وعند ملامسه الأسطح الملوثه 🙊
📌 نيجي بقي عند الاصابه بالبكتيريا ايه اللي بيحصل يا تري 🤔🤔 البكتيريا بتنتقل لجسم الإنسان بعد فتره حضانه من 3/5 ايام يؤدي لظهور ارتفاع في درجات الحراره 🤒 وآلام في البطن 😞
📌 وتشمل الأعراض السريرية الأكثر شيوعا لحالات العدوي بالاسهال والحمي والصداع والغثيان 👌
📌 ويؤدي ذلك إلي ظهور مضاعفات مثل تجرثم الدم والتهاب الكبد والتهاب البنكرياس والتهاب المفاصل التفاعلي والتهاب عضلات البطن الاضطرابات العصبية مثلا متلازمه غيان 🤓
📌 العلاج : وفي حال وصول البكتيريا إلى مجرى الدم، فيجب استخدام المضاد الحيوي امبينيم أو الجنتامايسين لمدة تتراوح من ٢/٤ اسابيع 💊
📌 وده كان اختصار بسيط عن بكتيريا Campylobacter ☺️
🖋️ Made by eng: Diana alaa 💕

24/07/2022

بوست انهارده مميز جداا وفيه معلومات شيقه جداا 🤔😂♥️
تعالي عزيزي القارئ اعرفك بضيفنا انهارده والصراحة يعني قصته مثيره جداا لاي حد مسمعش عنه قبل كده 🌝 تعالوا اعرفكوا بيه 🥰
🖇️ معانا انهارده بكتيريا يمكن معظمنا مسمعش عنها كتير قبل كده اسمها Actinomycetes 🦠
ناخد نبذه بسيطه عنها 😍
📌 اسمها العلمي Actinomycetes
📌 من قبيله Actinobacteria
📌 وهي بكتيريا موجبه لصبغه جرام 💜
📌 وهي بكتيريا تشبه الفطريات من حيث شكلها لأنها عباره عن خيوط mycelium ونموها بطيء علي الاجار 🧫
📌 ويستخرج منها حوالي %75 من المضادات الحيوية الطبيعيه 💊
📌 وبالمناسبة البكتريا ديه بتكون نوعين من الخيوط بشكل عام Aerial mycelium و substrate mycelium 🔬
📌 نيجي بقي لأهم حاجه بتعملها البكتيريا ديه ويمكن تكون مفاجاه لمعظمكم 😂♥️ اكيد طبعا كلنا عارفين أن فيه ريحه مميزه للمطر ويمكن ديه اللي بتخلينا دايما حابين ننزل نتمشي في المطر والريحه ديه اللي بتعملها البكتيريا بتاعتنا 🌝
📎 ايه البكتيريا هي اللي مسئوله عن ريحه المطر 🙊 ؟؟؟؟؟
🖇️ اه والله زي ما بقولكوا كده بكتيريا Actinomycetes مميزه من نوعها ... طب ازاي ده بيحصل ؟؟؟! بصوا بقي عند ملامسه الامطار للأراضي الجافه بتقوم البكتيريا بتحليل المواد العضويه الميته أو المتحلله وتحويلها لمركبات بسيطه وينتج عنها مركب عضوي بيسهم في تكوين رائحه المطر واسمه ( الجيوسمين ) 💦🌧️✨ وهو مركب عضوي من مشتقات الديكالين الذي ينتمي إلي مجموعه الكحولات 🤓
📌 واخيراا البكتيريا بتلعب دور مهم جداا في تكوين الدبال فهي تساعد علي خصوبه التربه فتعمل علي تحليل الماده العضويه المعقده مثل السيليلوز والبكتين ويحولها الي صوره سهله تستخدمها النباتات ☘️
📌 وده كان اختصار بسيط عن بكتيريا Actinomycetes ☺️
✒️ Made by eng: Diana alaa ✨

Microbiology magazine

13/09/2023

10/08/2023

30/09/2022

19/09/2022

29/08/2022

13/08/2022

29/07/2022

25/07/2022

24/07/2022

Address

Website

Alerts

Shortcuts

Share

Category