23/09/2025
🧑⚕️💊
كتير من الناس بتسأل:
هل في حاجة اسمها “ممنوع تمامًا” (Absolute) أو “ممنوع نسبيًا” (Relative) في الطب؟ 🤔
الإجابة: آه ✅
🔹 Absolute contraindication:
يعني مانع استعمال مطلق، الدواء أو الإجراء ممنوع تمامًا، لأن أضراره أكبر من أي فائدة.
مثال:
• الحمل = مانع مطلق لاستعمال دواء زي Isotretinoin.
• الحساسية الشديدة السابقة للبنسلين = مانع مطلق لإعادة استخدامه.
🔹 Relative contraindication:
يعني مانع نسبي، ممكن يتاخد لكن بحذر أو في ظروف خاصة.
مثال:
• مريض ربو ممكن يبقى عنده مانع نسبي لاستخدام Non-selective beta blockers.
⚠️ بالمناسبة 👶👇
فيه كلام منتشر إن استخدام الام للباراسيتامول بيعمل توحد للأطفال… ودي معلومة خاطئة بالشكل ده ❌.
📚 لحد النهارده مفيش أي دليل علمي قوي يثبت إن استخدام الباراسيتامول للأطفال يسبب توحد.
•الـ FDA بدأ إجراءات لتعديل التحذير الموجود على علب الأدوية اللي تحتوي على Acetaminophen، بحيث يتم التنويه إلى أن هناك “دليل محتمل” على ارتباط بين استخدامه أثناء الحمل ومخاطر مثل التوحد
•قالوا إن الخطر قد يكون أكبر لو كان الاستخدام مستمر أو متكرر أثناء الحمل. 
•لكن مافيش حتى الآن تأكيد علمي أن الباراسيتامول يسبب التوحد بشكل مباشر؛ العلماء بيقولوا إن الدراسات الموجودة حتى الآن مراقِبة (observational)، يعني بتلاحظ ارتباط لكن ما تثبتش السببية.
🌟يعني ما زلنا في مرحلة “احتياطية” — ممكن ننصح الأم الحامل تستخدم الباراسيتامول بأقل جرعة ممكنة، ولمدة قصيرة، وتحت إشراف طبي، خاصة إذا كان الهدف هو خفض حمى أو ألم قوي.
•مفيش دليل قوي وقطعي إن الباراسيتامول يسبب التوحد، لكن لازم نحترم الحذر لحد ما الدراسات الجديدة توضح الصورة أكثر .
