29/10/2025
✨ "الطفل مش آلة تسجيل.. هو محتاج يفهم مش يردد!" ✨
كتير من الأهالي بيكون هدفهم إن الطفل يقول الكلمة أو الجملة بأي طريقة، بس بننسى أهم حاجة…
إن الطفل لازم يفهم هو بيقول إيه قبل ما ينطقها.
🎯 الفرق بين النُطق والفهم:
النطق = الطفل بيقلد صوت سمعه.
الفهم = الطفل بيعرف معنى الكلمة وبيستخدمها في الموقف الصح.
👩🏫 وده السبب إننا في الجلسات بنبدأ دايمًا بـ فهم اللغة أولاً عن طريق الصور، المواقف، الألعاب، والتفاعل.
🧩 طيب نتعامل معاه ازاي ؟
1. قبل ما تطلبي من طفلك يقول الكلمة، تأكدي إنه فاهم معناها.
2. استخدميها في مواقف طبيعية (مثلاً قوله "هات الكورة" وهو شايفها).
3. متصححيش الكلمة كل مرة، خليه يجرب ويتعلم بالتكرار.
4. خليه يسمع الكلمة بصوتك في مواقف مختلفة عشان يربطها بالمعنى.
💬 الهدف مش إن الطفل "يتكلم كتير"،
الهدف إنه يفهم ويتكلم صح ❤️
