Dr Mohammed wagdy

30/06/2025

“🚫 وقفت دوا الضغط علشان حسيت إنه بيتعبك؟ استنى قبل ما تغلط!”

ناس كتير بتبدأ علاج الضغط،
وبعد أيام يوقفوه بسبب أعراض جانبية…
لكن القرار ده ممكن يكلفك كتير 💥

📌 شوف أشهر الأعراض الجانبية وحلولها 👇

⸻

🌀 دوخة؟
ده طبيعي في البداية، خاصة مع أدوية زي كونكور – أتينولول
✅ الحل: راجع الجرعة مع الدكتور

⸻

🦵 تورم في الرجلين؟
شائع مع أملور – نورفاسك
✅ الحل: فيه بدائل تانية كتير

⸻

😤 كحة ناشفة؟
بتحصل مع رينيتك – إبيريل
✅ الحل: تغيير المجموعة بالكامل لحاجة تريحك

⸻

🚽 تبول كتير؟
ده طبيعي مع لازيكس – إيزيدريكس
✅ معناها إن الدوا بيشتغل!

⸻

⚠️ الأعراض دي ليها حلول…
لكن لما توقف العلاج من نفسك؟
ممكن تفتح على نفسك باب لجلطة 🧠، نزيف 🩸، أو أزمة قلبية ❤️

⸻

✅ لو أي عرض ضايقك… كلم دكتورك
بس ما توقفش لوحدك! 🛑

23/06/2025

"تورم الرجلين.. ممكن يكون بسيط وممكن يكون خطر!"

10/06/2025

10/04/2025

المعلومة دي ممكن تنقذ حياة و من اكتر الحاجات اللي بنتعرضلها بشكل يومي

لو مريض سكر حصله غيبوبة بسبب انخفاض السكر في الدك،
إياك تفكر تحط له عصير او عسل او سكر عن طريق الفم !

ناس كتير بتعمل كده بنيّة المساعدة، بس للأسف ده ممكن يجيبله التهاب رئوي ويدخل في مشاكل أكبر بكتير! و للاسف ممكن كمان يتحط علي جهاز تنفس صناعي بدل ما كان الموضوع ممكن يعدي بمحاليل بسيطة

ليه؟
لأن المريض في الغيبوبة مش بيبلع، وأي حاجة تدخل عن طريق الفك ممكن تنزل على الرئة بدل المعدة، وساعتها الوضع بيبقى خطر جداً.

التصرف الصح؟
اطلب إسعاف فوراً او اتحرك لأقرب مستشفى

21/02/2025

❌ لو بتاخد أدوية الغدة الدرقية، خلي بالك من الاحتياطات دي! ❌

📌 الأدوية الشائعة لعلاج الغدة:
• ليفوثيروكسين (Levothyroxine): لعلاج كسل الغدة الدرقية.
• الأسماء التجارية: إثيروكس (Euthyrox)، ثايروكسين (Thyroxin)، ليفوكسين (Levoxin).

• خد الدواء على معدة فاضية، قبل الفطار بنص ساعة.
• تجنب الأكل أو المشروبات الغنية بالكالسيوم والحديد لمدة ساعتين بعد الجرعة (زي الألبان أو المكملات الغذائية).
• ما تغيرش الجرعة من نفسك، لأن الجرعة الدقيقة مهمة لضبط الهرمونات.
• تابع تحاليل TSH بانتظام للتأكد من الجرعة المناسبة.

📌 الخلاصة: أدوية الغدة حساسة جدًا، ولازم الالتزام بالتعليمات ومتابعة التحاليل بانتظام عشان تتفادى أي مضاعفات أو مشاكل صحية!

19/02/2025

مش أي حد قلبه يقف ينفع نستخدم معاه جهاز الصدمات الكهربائية! الأفلام لعبت في دماغنا وخلتنا فاكرين إن أي حد قلبه يقف، يحطوله الجهاز ده يقوم تاني، لكن الحقيقة عكس كده تمامًا.

جهاز الصدمات الكهربائية مش حل سحري، بالعكس في أغلب حالات توقف القلب الجهاز مالوش أي تأثير! اللي بينقذ المريض فعلاً في الحالات دي هو الإنعاش القلبي الرئوي (CPR) والحقن زي الأدرينالين.

فبلاش نصدق اللي بنشوفه في السينما، لأن الطب حاجة، والتمثيل حاجة تانية خالص!

12/02/2025

❌ لو بتاخد الوارفارين (Warfarin)، المتابعة الدورية مش رفاهية! ❌

📌 ليه المتابعة مهمة؟
الوارفارين (Warfarin) دواء حساس، وأي تغيير بسيط في الجرعة أو الأكل ممكن يسبب نزيف أو يزيد خطر الجلطات.

⚠ أسماء تجارية للوارفارين:
• ماريفان (Marevan)

⚠ إيه اللي لازم تتابعه؟
• تحليل INR: تحليل لازم يتعمل بانتظام عشان نعرف مستوى سيولة الدم. المعدل الطبيعي بيكون بين 2-3، بس الدكتور ممكن يحددلك رقم تاني حسب حالتك.
• أي دواء جديد أو تغيير في الأكل لازم تبلغ عنه فورًا.
• تابع أي علامات نزيف زي الكدمات أو نزيف اللثة.

✅ نصايح مهمة:
• التزم بمواعيد التحاليل اللي يحددها الدكتور.
• حافظ على أكلك ثابت من حيث النوع والكمية.
• لو حصل أي حاجة غير طبيعية، اتواصل مع دكتورك فورًا.

📌 الخلاصة: المتابعة المنتظمة مع الدكتور هي مفتاح سلامتك، وبتساعدك تحافظ على توازن سيولة الدم وتجنب أي مشاكل خطيرة!

10/02/2025

📢 كل ما تحتاج معرفته عن دهون الكبد 📢

🛑 إيه هي؟
تراكم الدهون في الكبد بسبب السمنة، السكري، وارتفاع الدهون، ولو اتساب بدون علاج ممكن يؤدي لالتهاب أو تليف.

⚠️ مين الأكثر عُرضة؟
🔹 مرضى السمنة و”الكرش”
🔹 مرضى السكري والضغط العالي
🔹 اللي عندهم دهون ثلاثية عالية أو كوليسترول منخفض
🔹 قلة الحركة والأكل غير الصحي

🩺 إزاي نعرف؟
📌 السونار: بيظهر الكبد أكثر لمعانًا
📌 تحليل الإنزيمات: ALT غالبًا أعلى من AST
📌 فحوصات إضافية: فيبروسكان، تحاليل فيب-4

💡 إيه الحل؟
✅ فقدان 7-10% من الوزن
✅ نظام البحر المتوسط الغذائي
✅ 150 دقيقة مشي أو تمارين أسبوعيًا
✅ ضبط السكر، الضغط، والدهون
✅ بعض الأدوية (GLP-1 agonists) في الحالات المتقدمة

🔴 الخلاصة
دهون الكبد قابلة للعلاج، لكن لازم تبدأ من دلوقتي!

08/02/2025

📢 نقص فيتامين د.. المشكلة اللي ناس كتير مش واخدة بالها منها!

🦴 فيتامين د مش مجرد فيتامين، ده عنصر أساسي لصحة العظام، المناعة، والمزاج. نقصه ممكن يسبب:
⚡ تعب مستمر وإرهاق
🦵 آلام في العظام والعضلات
🛡️ ضعف المناعة والتعرض المتكرر للعدوى
😔 اكتئاب وتقلبات مزاجية

👥 أكتر الناس المعرضين للنقص:
☀️ اللي مش بيتعرضوا للشمس كفاية
⚖️ اللي عندهم سمنة أو مشاكل في الامتصاص
🤰👴🧒 الحوامل، كبار السن، والأطفال

🩺 الحل؟
✅ تحليل بسيط يشوف نسبته في الدم
🥚🐟 أكل غني بفيتامين د
☀️ التعرض للشمس 15-30 دقيقة يوميًا
💊 مكملات بوصفة دكتور

💙 ما تستناش لحد ما التعب يسيطر عليك، لو عندك أعراض أو شك إنك ناقص فيتامين د، راجع دكتورك وتابع صحتك! 💪

03/02/2025

“حساسية الجلوتين: مش مجرد مشكلة في الهضم!”

حساسية الجلوتين أو مرض السيلياك هو مرض مناعي بيحصل لما الجسم يهاجم الأمعاء الدقيقة لما يأكل شخص أي حاجة فيها جلوتين (اللي بيبقى موجود في القمح، الشعير،الالبان ). ده بيأثر على الأمعاء وبيخلي الجسم مش قادر يمتص العناصر الغذائية كويس.

أعراضه بتشمل:
✅ إسهال مزمن، انتفاخ في البطن، وآلام
✅ نقص في الوزن، أنيميا، هشاشة عظام
✅ تعب مستمر، صداع، وألم في المفاصل وتنميل في الأطراف

إزاي يتم تشخيصه؟
📌 بنعمل تحليل دم علشان نكشف عن الأجسام المضادة للجلوتين (Anti-tTG IgA)
📌 وأحيانًا بنعمل مسحة من الأمعاء علشان نتأكد من التشخيص

العلاج؟
العلاج الوحيد هو إنك تتجنب تمامًا الأطعمة اللي فيها جلوتين، وتحافظ على نظام غذائي خالي من الجلوتين طول حياتك!

31/01/2025

❌ لو بتاخد بلافكس (كلوبيدوجريل)، خلي بالك من أدوية المعدة! ❌

كتير من مرضى القلب بياخدوا بلافكس بعد تركيب دعامة أو بسبب مشاكل القلب، لكن مش كل الناس تعرف إن بعض أدوية المعدة ممكن تقلل من تأثيره وتخليه يشتغل بكفاءة أقل!

⚠ أدوية المعدة اللي يُفضل تتجنبها مع بلافكس:
• أوميبرازول (زي: جاسترازول، لوسيك، باريت، بيبتازول، أوميبرال، أوميز، ميبرازول)
• إيزوميبرازول (زي: نيكسيوم، إيزوماك، إيزوميبراز، إيزو باريت، إيزوميبرازول فارماتشينس)

الأدوية دي بتأثر على إنزيم مسؤول عن تفعيل بلافكس، وده ممكن يقلل حمايتك من الجلطات!

✅ إيه البديل الآمن؟
لو محتاج تاخد دواء لحماية المعدة، استخدم بانتوبرازول لأنه أقل تأثيرًا على مفعول بلافكس، زي:
• كونترولوك (Controloc)
• بروتونيكس (Protonix)
• بانتوزول (Pantazol)
• بانتوميد (Pantomid)
• بانتوبرازول 40 (Pantoprazole )

🔸 لو عندك حموضة خفيفة، ممكن تاخد بدلها:
• مضادات الحموضة الآمنة:
• مالوكس (Maalox)
• جافيسكون (Gaviscon)
• ريني (Rennie)
• حبوب فاموتيدين (حاصرات H2) زي:
• فاموتاك (Famotak)
• بيبسيد (Pepcid)
• جسترودومينا (Gastrodomina)

📌 الخلاصة: لو بتاخد بلافكس، اسأل دايمًا الدكتور قبل ما تستخدم أي دواء للمعدة عشان تحافظ على صحة قلبك وتجنب أي تداخل دوائي ممكن يضرك.

10/06/2024

**الوقاية من حساسية الصدر**

1. **تجنب المحفزات**:
- **الدخان**: ابتعد عن التدخين وأي مكان فيه دخان سواء من السجاير أو الشيشة. التدخين السلبي كمان خطر.
- **الأتربة وحبوب اللقاح**: حاول تقفل النوافذ في أيام الرياح اللي مليانة غبار، واستخدم فلتر للهواء في البيت.
- **العطور والكيماويات**: تجنب العطور القوية والمواد الكيماوية زي المنظفات اللي ممكن تهيج الصدر.

2. **الحفاظ على نظافة البيت**:
- **تنظيف السجاد والمفروشات**: نظف السجاد والمفروشات بانتظام عشان تتخلص من الغبار.
- **تهوية الغرف**: حافظ على تهوية البيت بشكل جيد، وتأكد من نظافة الأماكن الرطبة زي الحمامات والمطابخ.

3. **الاهتمام بالحيوانات الأليفة**:
- لو عندك حيوانات أليفة، حافظ على نظافتها ومنعها من دخول غرفة النوم.

4. **التغذية الصحية**:
- اتبع نظام غذائي متوازن مليان بالفواكه والخضروات اللي بتقوي المناعة.

5. **ممارسة الرياضة**:
- ممارسة الرياضة بانتظام بتساعد في تحسين وظائف الرئة، لكن تجنب التمارين الشديدة في الأماكن الملوثة أو أثناء نوبات الحساسية.

6. **تجنب العدوى**:
- غسل اليدين بانتظام، وتجنب الاختلاط بالناس المصابين بنزلات البرد أو الإنفلونزا.

7. **استخدام الأدوية بشكل صحيح**:
- لو عندك أدوية موصوفة من الدكتور، استخدمها بانتظام وبالطريقة الصحيحة، حتى لو حسيت إن الأعراض اتحسنت.

8. **التطعيمات**:
- خد تطعيم الإنفلونزا السنوي وتأكد من حصولك على باقي التطعيمات اللازمة للوقاية من الالتهابات اللي ممكن تهيج حساسية الصدر.