Psy / Alaa Ebrahem

29/04/2026

هو "سرقة" ولا "مرض"؟ 🧐

⬅️ كتير بنسمع عن حد حالته المادية كويسة جداً، ومع ذلك "إيده بتمد" على حاجات بسيطة وتافهة ملوش احتياج ليها والناس فوراً بتصنفها إنها قلة أدب أو سرقة!

⬅️ بس الحقيقة ممكن تكون أعمق من كدة بكتير..

⬅️ يعني إيه "كليبتومانيا" أو السرقة المرضية؟ 🤔

⬅️ دي مش رغبة في المكسب، ولا هي "شطارة".. دي اضطراب نفسي بيخلي الشخص يحس بـ:
• توتر وقلق شديد قبل ما ياخد الحاجة.
• اندفاع قهري مبيقدرش يقاومه (زي اللي بيحاول يبطل سجاير ومش قادر).
• راحة وقتية ولذة لحظية أول ما ياخد الحاجة.
• جلد ذات وندم رهيب بعدها، وممكن يرمي الحاجة أو يرجعها من غير ما حد يحس.

⬅️ إمتى نعرف إن الموضوع "مرض" مش "طمع"؟

١- لما تكون الحاجات اللي بتتاخد ملهاش قيمة مادية تذكر (قلم، توكة، معلقة).
٢- لما الشخص ميكونش محتاج الحاجة دي أصلاً ولا بيستخدمها.
٣- لما ميكونش فيه "تخطيط" مسبق.. هي بتيجي حالة اندفاع فجائية.

💡 الكلمة اللي محتاجين نفهمها:
السرقة المرضية مرض نفسي مش عيب أخلاقي، والشخص المصاب بيها بيكون بيتعذب داخلياً ومحتاج مساعدة مش محتاج سجن أو فضيحة.

⬅️ لو تعرف حد بيعاني من الأعراض دي، أو بتحس إنك مش قادر تسيطر على الاندفاع ده.. متخافش، ده ليه علاج سلوكي ودوائي ..

⬅️ خلينا نساعدهم بدل ما نكسرهم..❤️

26/04/2026

تعبت من التمثيل؟

⬅️ قدام الناس أنت تمام، بس بينك وبين نفسك عارف إن في حاجة غلط.

⬅️ الشاشات دي بقت هي "المهرب" بتاعك، بس للأسف، المهرب ده بقى هو السجن.

⬅️ إدمان الإباحية مش عيب ولا قلة أدب، ده مرض ومحتاج علاج متخصص.

⬅️ الإباحية مابتسيبش حد في حاله، بتسرق وقتك، وتركيزك، وحتى علاقاتك بالناس الحقيقية.

⬅️ لو حاسس إن الموضوع مبقاش مجرد تسلية، وبقى بيتحكم فيك.. يبقى لازم تقف مع نفسك وتطلب المساعدة ..

⬅️ احجز جلستك دلوقتي من خلال رسائل الصفحة أو الواتساب علي رقم 010 23604339

22/04/2026

المغناطيس المكسور"..
ليه الشخصية الحدّية والنرجسية بينجذبوا لبعض؟ 🧲💔

⬅️ كتير بنشوف علاقات بتبدأ "نار" وحب أسطوري، وفجأة بتتحول لساحة معركة مبيخلصش فيها الوجع. أشهر الثنائيات دي هي العلاقة بين (اضطراب الشخصية الحدّية) و(الشخصية النرجسية).

⬅️ ليه الانجذاب ده بيحصل؟ هل هي مجرد "صدفة"؟

⬅️ الحقيقة إنها غالباً بتكون "إعادة تمثيل لجراح الطفولة" بشكل غير واعي:

1️⃣ الاحتياج والمثالية: صاحب الشخصية الحدّية عنده خوف مرعب من الهجر، وفي الأول، النرجسي بيدي له "جرعة مكثفة" من الاهتمام والتقدير (Love Bombing)، فبيحس إنه لقى "المنقذ" اللي هيملى الفراغ اللي جواه.

2️⃣ المرايا العاكسة: النرجسي بيتغذى على الإعجاب، والشخصية الحدّية لما بتحب بتدوب في اللي قدامها وتخليه محور كونها، وده بيبقى "غذاء مثالي" للأنا عند النرجسي.

3️⃣ لعبة (الضحية والمنقذ): العلاقة بتبقى عبارة عن "رولر كوستر" (قطار ملاهي) من المشاعر. يوم في السما ويوم في سابع أرض. الحدّي بيخاف يمشي فيتمسك أكتر، والنرجسي بيستغل ده عشان يسيطر أكتر.

⬅️ جاذبية قاتلة ولا جرح قديم؟

للأسف، الاتنين بيدوروا في الدايرة دي عشان يداووا جروح قديمة مع الأهل، بس النتيجة بتبقى "إعادة تدوير للألم". الحدّي بيعيش صراع "متمشيش وتسيبني"، والنرجسي بيعيش صراع "أنا لازم أكون الأحسن والأقوى".

الخلاصة..

⬅️ العلاقة دي "سامة" لأنها مش مبنية على الحب الحقيقي بقدر ما هي مبنية على "احتياجات غير مشبعة" من الطفولة.

⬅️ الوعي بالجرح هو أول خطوة للعلاج، وإننا نوقف الدايرة دي ونبدأ نختار علاقات صحية بجد.

⬅️ لو حاسس إنك محبوس في الدايرة دي، افتكر إن "الوعي" هو بداية الطريق للخروج من "المصيدة".

⬅️للحجز والاستعلام من خلال رسايل البيدج او من خلال واتس اب 010 23604339

21/04/2026

هو أنا مالي؟" .. لما الروح تطلب استراحة..

​⬅️ السؤال ده بنسأله لنفسنا كتير أوي في الفترة الأخيرة لما نلاقي نفسنا بنصحى من النوم تعبانين وكأننا منمناش، لما نلاقي الشغف اللي كان بيحركنا انطفى، أو لما نلاقي أبسط المواقف بتخلينا نعيط أو نتنرفز بزيادة.

​⬅️ الحقيقة إن "هو أنا مالي" مش مجرد سؤال، ده إنذار من نفسيتك بتقولك إن "الحمل تقل". إحنا عايشين في ساقية وضغوط مابتخلصش، وبنيجي على نفسنا كتير عشان نرضي اللي حوالينا، أو عشان نلحق المسؤوليات، وبننسى أهم حد في المعادلة دي.. بننسى "نفسنا".
​
⬅️ يعني إيه أحتاج معالج نفسي؟
العلاج النفسي مش معناه إنك ضعيف، ولا معناه إنك "مجنون" زي ما الأفلام صدرت لنا زمان. العلاج النفسي هو إنك تقعد مع حد متخصص، يسمعك من غير ما يحكم عليك، يساعدك تفكك العقد والكركبة اللي جوه قلبك وعقلك، ويرتب معاك الأولويات من تاني.
​
⬅️ إحنا بنحتاج المعالج عشان:

​1- نفهم ليه بنكرر نفس العلاقات المرهقة.
​2- نعرف نتعامل مع القلق اللي مبيخليناش ننام.
​3- نتعلم نقول "لأ" في الوقت الصح من غير ما نحس بـ ذنب.
​4- نتصالح مع جروح قديمة لسه مأثرة في حاضرنا.
​
⬅️متسيبش نفسك للوقت، لأن الوقت مبيحلش المشاكل النفسية، هو بس بيخلينا "نتعود" على الوجع.. والتعود ده بياخد من صحتنا وعمرنا.

⬅️ الخطوة الأولى دايماً هي أصعب خطوة، بس هي اللي بتفتح باب النور والراحة.
​
⬅️ أنا هنا عشان أسمعك ونبدأ الرحلة دي سوا..
​للحجز والتواصل من خلال رسائل الصفحة أو من خلال رقم الواتساب: 010 23604339

19/04/2026

حاسس إنك محبوس في دايرة مقفولة من التفكير والقلق؟ 🌱
​جلساتنا العلاجية مش مجرد كلام وفضفضة، لأ.. دي خطوة عملية عشان تفهم نفسك صح، وتعرف إزاي تتعامل مع التوتر والضغوط اللي بتقابلك، وتبني حياة فيها توازن وإيجابية أكتر.
​استثمر في نفسك وصحتك النفسية، وابدأ رحلة التغيير من النهاردة.
​للحجز والاستفسار، ابعتلنا رسالة على الصفحة أو كلمنا على الرقم: 010 23604339

16/04/2026

⬅️ العلاج النفسي مش بس كلام، ده مسار لتغيير نظرتك للحياة....
⬅️ بنوفرلك بيئة آمنة وداعمة عشان تقدر تعبر عن مشاعرك وأفكارك بحرية، ونساعدك تلاقي حلول لمشاكلك من غير أي حكم عليك..🤍

⬅️لحجز الجلسات في العياده او اونلاين 010 23604339

13/04/2026

الاعتراف بالالم هو اول خطوة في طريق التعافي..🍃🤍

12/04/2026

بعد اللايف المرعب اللي شفنا فيه "بسنت سليمان" بتنط من الدور ال١٣ محتاجين الناس تفهم يعني ايه اكتئاب!!

(الكلام اللي جي مهم جدا عشان كلنا فيه حوالينا في اهلنا واصحابنا ناس زيها ومش شايفين ده ولازم تكون فاهمه كويس)

الاكتئاب مرض، مش شوية زعل وهيفكوا بخروجة، ولا شوية دلع ولا قلة دين لانه بيكون عارف ربنا، مبيبانش عالناس من برة لان الانسان بيكون بيضحك عادي وبيعمل ريلز وبيهزر ومتابع وكل حاجة، بس من جواه بيكون بيتاكل، الاكتئاب اضطراب مزاجي، يعني بتكون حزين وفاقد الشغف بشكل مرضي، مبيروحش من نفسه انما بيروح بكورس دواء.

الاكتئاب مؤذي جدا، احساس وحش مستمر، بيخليك متعرفش تنام، بيؤدي لافكار وميول تخليك عايز تنهي حياتك لو اتسبت لوحدك هتنفذها، انعدام الرغبة في الحياة، والفكرة انك مبتبقاش عارف انك عيان، بتقول اصل ضغوط الحياة السبب، اعراضه عصبية وكآبة وبكاء مستمر، صعوبة تركيز واضطراب نوم، قلق وحساسية مفرطة.

المرض ده بيصيب كيمياء الدماغ، بييجي من اسباب كتير اهمها الظروف البيئية، يعني مشاكل الحياة زي مشاكل بسنت كدة، طليقها اللي عايز شقتها، وبناتها اللي مش عارفة تصرف عليهم، وصحابها اللي سايبينها لوحدها، واهلها، والفلوس اللي بتقل، كل ده ممكن ينتهي بشوية زعل وممكن ينتهي بالاكتئاب وفي لحظة ضعف يحصل اللي حصل.

المرض ده مرض مزمن زي الضغط والسكر، محتاج علاج طويل، محتاج متتسابش لوحدك، محتاج حد يتابع، حد ميستعيبش يروح لدكتور نفسي ويقول انا هفك لوحدي، محدش بيفك لوحده المرض بيزيد ونهايته سيئة جدا، ومحدش يقول ان كلنا مضغوطين ومحدش فينا بيعمل كدة لان ده في النهاية عيا مفيش حد كبير عالعيا، هيا نفسها فضلت متعلقة عالسور فترة كانت مستنية ايد تتمدلها ومحصلش، ربنا ينتقم من اللي وصلوها لكدة.

- ضروري : اي حد بيمر بظروف وبيلمح لزعل او فقدان شغف بشكل مستمر محدش يسيبه لوحده او لأفكاره ابدا لازم تكون على وعي ان الاكتئاب ده مرض احنا بس اللي مبنعرفش نتعامل معاه، ميتسابش لوحده، ميتكنسش حزنه تحت السجادة، دا مش مرض فرافيري ولا حاجة عيب.

12/04/2026

الاكتئاب مش مجرد "زعل"، ده معركة حقيقية..😞

⬅️ كتير مننا بيسمع كلمة "أنا مكتئب" بتتقال في وسط الكلام العادي لما حد يزعل شوية أو موده يتغير، بس الحقيقة إن الاكتئاب أصعب بكتير من مجرد شعور بالحزن.

⬅️ الاكتئاب عامل زي "سحابة سوداء" بتغطي الرؤية، بتخلي الألوان باهتة، والحاجات اللي كنت بتحبها مابقاش لها طعم. هو مش ضعف شخصية، ولا قلة إيمان، ولا "دلع".. هو خلل بيأثر على تفكيرك، طاقتك، وحتى جسمك.
لو حاسس بـ:
• فقدان شغف مستمر في كل حاجة.
• إرهاق وتعب من أقل مجهود وكأن جسمك شايل جبل.
• رغبة في العزلة والهروب من مواجهة العالم.
• اضطرابات في النوم والأكل (زيادة أو نقصان).
• أفكار سلبية وصوت جواك دايماً بيلومك.
حابب أقولك: "أنت مش لوحدك، ومش لازم تواجه ده لوحدك.

⬅️ الاعتراف بالألم هو أول خطوة في طريق التعافي.

⬅️العلاج النفسي بيساعدك تفهم مشاعرك، وتفكك الأفكار اللي حابساك، وترجع تمسك خيوط حياتك من تاني.
دايماً فيه أمل.. ودايماً فيه باب مفتوح للبداية. 🌿

11/04/2026

أنا كمعالج نفسي…مش دوري بس إني أسمعك…
دوري إني أكون مسئول عن اللي بيحصل جواك.
لما بفتح معاك جرح قديم…أنا عارف إني بلمس حاجة موجعة…حاجة يمكن أنت هربت منها سنين…أو خفت حتى تبص لها.
وعشان كده…أنا مش بستعجل.
مش بضغط عليك تحكي كل حاجة مرة واحدة...ومش بفتح باب مش جاهزين نقف قدامه سوا.
لأن الحقيقة اللي اتعلمتها:إن فتح الجروح سهل…لكن احتوائها هو اللي محتاج أمان حقيقي.
أنا مسئول إني أخليك تحس بالأمان…مش إني أوجعك وخلاص.
مسئول إن كل التدخلات العلاجية …علشان كدة هأمشي معاك خطوة خطوة…لحد ما الجرح ده يتشاف… ويتفهم… ويبدأ يخف.

10/04/2026

🫰

يسعدنا ويشرفنا انضمام الدكتور / علاء إبراهيم اخصائي العلاج النفسي والادمان لفريق دكتورك.
الآن يمكنك الحجز عن طريق الابليكشن لعياده الحامول شارع المركز عماره المجد.