https://www.facebook.com/604805912719834/

Therapist Alaa Elnwasra, Kafrelsheikh, Kafr el Sheikh (2025)

05/08/2025

•ساعات بنفتكر إن اللي بيحصل في علاقاتنا
"عيب فينا"...

مع إن الحقيقة... هو مجرد نمط اتعلمناه وإحنا صغيرين علشان نحس بالأمان.

في ناس بتتعلق بسرعة وبتخاف تتساب.

وفي ناس بتخاف تقرب أصلاً... عشان وجع القُرب أصعب عليهم من الوحدة.

البوست ده مش جاي يقولك "انت غلط"..!

لكن جاي يقولك: "ممكن نعيد تعريف إحساسك
بالأمان".

15/07/2025

"حتي تجعل اللاوعي واعياً ،فسوف يوجه حياتك ،وستسميه قدراً"
-كارل يونج

•في حاجات جوانا بنفتكر إننا نسيناها… بس هي لسه بتحركنا.
بتخلينا نختار نفس النوع من العلاقات، نكرر نفس رد الفعل، ونقع في نفس الغلط.
ومش بنفهم ليه!
لحد ما نقرر نرجع لنفسنا بهدوء، ونسمع اللي ساكت جوانا…
ساعتها بس بنبطل نعيش على الـ”أوتوماتيك”، ونبدأ نختار عن وعي.

05/07/2025

•حقائق المعاناة الأربعة… مش بس فلسفة، دي خريطة لفهم نفسك
(من جوهر الفلسفة البوذية)

فيه أربع حقائق لو فهمناهم بعمق، ممكن حياتنا تتغير من جذورها، ونبدأ نعيش بوعي وسلام أكتر:

•الحقيقة الأولى: المعاناة موجودة
مش لازم تكون مأساة… أحياناً بتظهر كقلق خفيف، فراغ، أو عدم رضا رغم إن “كل حاجة تمام”.
الحياة بطبيعتها فيها تعب، فُقدان، تغيّر… وده مش ضعف منك، ده واقع إنساني.

•الحقيقة الثانية: للمعاناة سبب
غالباً بنعاني لأننا متعلّقين بشيء: صورة، حلم، شخص، إحساس.
الرغبة في إن كل حاجة تفضل زي ما هي، أو إننا نفضل نحس بنفس الشعور الحلو على طول… هي دي بذرة الألم.

•الحقيقة الثالثة: وقف المعاناة أمر في المتناول
الوجع مش لازم يفضل مسيطر عليك.
لما تبدأ تفكّ التعلّق، وتسيب الحاجات اللي بتشدك لورا…
هتلاقي جواك مساحة جديدة للهدوء والراحة.
الحرية بتيجي من جواك، مش من تغيير الظروف.

•الحقيقة الرابعة: هناك طريق لوقف المعاناة
اسمه “الطريق الثُماني النبيل”، وده مش بس تأمل… ده أسلوب حياة متكامل فيه:
فهم، نية، كلام، فعل، طريقة عيش، وعي، تأمل… كل ده بيقودنا لتحوّل حقيقي.

03/07/2025

How to Set Healthy Boundaries?

•بتحس إنك دايماً لازم ترضي كل الناس؟
وبتساعد أكتر من طاقتك؟
وساعات بتسكت عن حاجات بتضايقك علشان متزعلش حد؟

"البوست ده معمول مخصوص علشانك."
فيه خطوات عملية تساعدك تحط حدود في الشغل أو العلاقات، من غير صدام أو إحساس بالذنب.

"لأن احترامك لنفسك مش غلط… ده حقك علي نفسك"

30/06/2025

•خطأ التفكير رقم ٩

•من أخطاء التفكير اللي بتستنزفك من غير ما تحس "يجب ويلزم"

كل مرة تقول لنفسك:
“كان لازم أتصرف أحسن من كده”
“المفروض أكون أقوى”
“مكنش المفروض أضعف”
انت كده بتحكم على نفسك من منظور مثالي مش واقعي.

الحياة مش مفروض فيها سيناريو واحد صح والباقي غلط.
إحنا بنتعلم ونتطور مش بنِمثّل فيلم لازم نكون فيه perfect طول الوقت.

جملة “كان لازم” بتعلّي توقعاتك من نفسك بطريقة تخليك دايماً حاسس إنك مقصّر ،حتى لو عملت كل اللي تقدر عليه.

•استبدلها بـ:
“أنا كنت بعمل أحسن حاجة عرفتها وقتها”
“أنا بتعلم وهعرف أتصرف أحسن بعد كده”
“أنا بقبل نفسي وأنا بتطوّر”

لما تفلتر كلامك لنفسك، دماغك هتبطل تحاربك وتبتدي تساعدك.

27/06/2025

•خطأ التفكير رقم ٨ : الشخصنة

"كل حاجة بتلوم نفسك عليها؟"

“أكيد أنا السبب”
“لو كنت اتكلمت بدري، مكانش حصل كده”
“أنا اللي بوّظت كل حاجة”

•دي مش حقايق… دي شخصنة.

-يعني إيه؟
يعني دماغك واخدة على لوم نفسك حتى على الحاجات اللي مش بإيدك.

الشخص اللي بيفكر كده ،دايماً شايل عبء زيادة… حتى لو مش هو اللي غلط.

المرة الجاية اللي تلاقي فيها صوت جواك بيقولك: “إنت السبب”، اسأله:
“هو أنا فعلاً كنت أقدر أتحكم في ده؟ ولا ده فوق قدرتي؟”

"بلاش تحاكم نفسك على حاجة مكنتش قاضي فيها من الأول"

#الشخصنة

22/06/2025

•خطأ التفكير رقم ٧ : تجاهل الإيجابيات

“آه بس دي ما تعتبرش!”

عمرك لاحظت إنك بتتجاهل كل حاجة كويسة بتحصل لك؟
•حد يقولك: “انتي شاطرة” .. تردي: “عادي يعني، كلهم نجحوا”
•تنجحي في حاجة ،تقولك دماغك: “هي صدفة مش أكتر”
•حد يعبرلك عن إعجابه ،تقولي: “هو أكيد بيجامل”

•ده اسمه “تجاهل الإيجابيات”
دماغك بتفلتر أي حاجة حلوة بتحصل لك
وبتركّز بس على اللي ناقص… أو اللي كان ممكن يكون أحسن!

•طب والنتيجة؟
-ولا حاجة بتكفي
-ولا إنجاز بيعني لك
-ولا كلمة حلوة بتلمسك

•بس الحقيقة؟
في حاجات حلوة..
وانت بتعمل حاجات تستاهل تتحس وتتقال
بس لو فضلت تتجاهلها مش هتقدّر نفسك حتى لو الناس كلها قدّرتك

#أخطاء_التفكير

18/06/2025

•خطأ التفكير رقم ٦ :التفكير بالتوقع السلبي

"هو أنا ليه دايماً متوقع الأسوء؟”

•في ناس لما يلاقوا نفسهم مرتاحين ..يقلقوا!

•ولما حاجة حلوة تحصل ..يستنوا المصيبة اللي بعدها!

-لو حد اتأخر في الرد: “أكيد زهق مني”
-لو نتيجة متأخرة:“أكيد سقطت”
-لو الجو هادي زيادة: “أكيد في حاجة وحشة جاية”

ده اسمه: التفكير بالتوقع السلبي.
يعني دماغك بتقعد تتوقع اللي هيحصل… وغالباً بتتوقع الأسوء.

•مش لأن في دليل، بس علشان عقلك اتعود يحميك بالتشاؤم.

-بس المشكلة؟
إنك بتعيش القلق قبل ما السبب الحقيقي ييجي…
وساعات بتروح انت بنفسك تجيبه!

فاكر إنك بتحمي نفسك..
بس الحقيقة إنك بتستنزفها.

16/06/2025

•خطأ التفكير رقم ٥ :التفكير الكارثي

•خناقة صغيرة؟
-دماغك تقول: “أكيد العلاقة خلصت!”

•صداع بسيط؟
-دماغك تقول: “شكلي عندي مرض خطير!”

•أي حاجة بتحصل :
-على طول بتتخيل أسوأ سيناريو ممكن؟

ده اسمه “التفكير الكارثي”.
دماغك بتزوّد الفيلم… وتخلي المشهد البسيط فيلم رعب!

•بس الحقيقة؟
-أغلب الكوارث اللي بنخاف منها، عمرها ما حصلت أصلاً.

"خوّفك من الكارثة… أكبر من الكارثة نفسها"

جربي تعيدي تقييم الموقف بعين تانية…
يمكن تكتشفي إنه مش كارثة… ده مجرد تفصيلة!

12/06/2025

•خطأ التفكير رقم ٤ "قراءة الافكار" "Mind Reading"

"أكيد شايفني غبية "
"هي بتضحك ؟ يبقي اكيد بتتريق عليا!"
"لو كنت فعلاً غالي ،كان كلمني الاول"

أوقات بنفتكر إننا بنفهم الناس أكتر من نفسهم.
بنحكم على نواياهم من غير ما نتأكد ،ونصدق إنهم شايفينا بطريقة معينة ..ونبني على ده مشاعر وسيناريوهات ،وغالباً بتكون مؤذية.

•ده اسمه "قراءة الأفكار" لما تتوقع إنك عارف اللي بيدور في عقل اللي قدامك من غير ما يقولك.

•الحقيقة؟
مافيش حد بيقرأ أفكار حد ..اللي عنده سؤال ،يسأل.
واللي عنده مشاعر ،يعبر والباقي ..ظنون مش دايماً صح!

•اسأل نفسك:
-“هل أنا فعلاً عرفت اللي بيفكر فيه؟ ولا أنا بفسّر على مزاجي؟”
-“في دليل؟ ولا بس إحساس؟”

•لأن أحياناً احساسك مش أصدق من الحقيقة.

09/06/2025

•خطأ التفكير رقم ٣ :التصفية السلبيه..

"ليه دايماً بنركز علي الحاجات الوحشه"!
أو
"بنبص للنص الفاضي من الكوباية بس"!
أو
"تعمل حاجه كويسه ،بس اول غلطة بسيطة تحصل تخليك تقول :لا ده كله غلط معرفتش اعمل حاجه صح"!

•التصفية السلبيه :
هي لما تفكر في موقف حصل معاك ،تركز علي الحاجات الوحشه ..وتنسي كل الحاجات الحلوه اللي حصلت.

•زي مثلاً:
-لو حليت الامتحان كله كويس ونسيت اجابة سؤال واحد تقول
"امتحاني كله راح بسبب سؤال واحد"!

-لما تحاول تساعد حد ،والرد مكنش علي قد توقعك تقول
"أنا دايماً بتعب علي الفاضي"!

•المشكلة ان دماغنا اوقات بتلعب علينا ،وبتخلينا نشوف النص الفاضي من الكوباية بس ،وننسي النص المليان اللي فيه نجاحات صغيرة ممكن تكون كتير!

•الحل :
-انك تحاول تلاحظ الحاجات الايجابيه حتي لو كانت صغيرة.

"خليك لطيف مع نفسك ،وشجعها علي النظر للنص الكامل مش بس النص الفاضي"♥️

#أخطاء_التفكير

03/06/2025

•خطأ التفكير رقم ٢ :
“التفكير بالأبيض والأسود”

يعني يا الدنيا بيضا يا سودا، يا أنا ناجح جداً يا أنا فاشل جداً!
"مفيش حاجة في النص ،مفيش درجات رمادي".

•يعني مثلاً تقول:
“لو مجبتش الدرجة النهائية.. يبقى أنا غبي!”
“لو غلطت مرة مع أولادي.. يبقى أنا أم فاشلة!”
“صاحبتي مردتش على الرسالة.. أكيد بتكرهني!”
"لو اتخانقت مع جوزي مره ..يبقي الجواز فاشل!"
"لو مخلصتش كل الشغل اللي ورايا يبقي انا كسلانة!"

•بس الحقيقة؟
الحياة مش كده خالص!

"فيه حاجة اسمها: نص نص، بتحسّن، بتتعلّم، بتغلط وتصلّح"

•جرب تقول:

“مكنتش في أحسن حالاتي النهاردة، بس بحاول أكون أفضل"
“غلطت في حاجة، بس ده مش معناه إني وحش طول الوقت"

•التفكير الأبيض والأسود بيخلي الواحد يقسّى على نفسه وعلى الناس ،ويخليه يشوف الموقف بشكل متطرف.

خلي عندك مساحة تشوف كل الألوان مش بس الأبيض والأسود

#أخطاء_التفكير
!

Therapist Alaa Elnwasra

05/08/2025

15/07/2025

05/07/2025

03/07/2025

30/06/2025

27/06/2025

22/06/2025

18/06/2025

16/06/2025

12/06/2025

09/06/2025

03/06/2025

Address

Website

Alerts

Shortcuts

Share

Category