Hanan Elsisi

27/12/2025

04/10/2025

️📍قارون اللي كانت مفاتيح كنوزه تُرهق أكتاف الرجال، ما كانش يعرف إنك تقدر تحط قطعة بلاستيك صغيرة في جيبك، تسافر بيها وتشتري وتحوّل فلوسك بضغطة زر.. وتفتح لك خزائن العالم من غير ما تتحرك خطوة.

📍كسرى اللي قعد على عرش من ذهب، وسط هيبة وموكب وعبيد، ما جربش الراحة البسيطة اللي بتلاقيها في كنبة إسفنجية في أوضة صغيرة، تغريك تنام قيلولة، وتخليك تحس إنك ملك الدنيا كلها.

📍قيصر اللي كانوا العبيد يهووا عليه بريش النعام، ما عرفش أبداً نسمة مكيف بتنتشر بهدوء في كل ركن من بيتك، وتخلي جو الغرفة على مزاجك في أي لحظة.

📍هرقل اللي كان يشرب من قنينة فخار، ويتباهى ببرودتها وسط الحر، ما تذوقش زر صغير في مطبخك، يديك ميّة باردة كأنها نهر جاري ما بيخلصش.

📍الخليفة المنصور اللي العبيد كانوا يخلطوا له الميّة السخنة على الباردة عشان يستحمّى، ما عاشش رفاهية دش حديث.. تتحكم بدرجته بلمسة إصبع، وتغني تحت ميّته براحة كأنك في مسرحك الخاص.

📍الحاج القديم اللي كان يقطع الصحاري على ظهور الإبل شهور طويلة عشان يوصل للكعبة، ما جربش رحلة ساعة واحدة في طيارة مكيّفة، يقرأ فيها دعاء السفر مرتين قبل ما يلقى نفسه بيبص للكعبة من شباك الطائرة.

📍الحقيقة إن “النعمة” مش بس في اللي عندك.. النعمة الحقيقية في “العين” اللي بتشوفها، وفي “القلب” اللي يعرف يقدّرها.
اللي قلبه شاكر.. هيتحول بيته لجنة، وأبسط تفاصيل يومه لنعيم.
أما اللي قلبه جاحد.. فحتى لو عاش في قصور من ذهب، هيحس بالفقر والضيق، ويعيش في جحيم.

📍فلما تبص حواليك دلوقتي.. افتكر إنك عايش حياة، ملوك وأباطرة ما عاشوش زيها.. بس الفارق الحقيقي مش في التاريخ ولا في الزمن.. الفارق كله في “نظرة عينك” و الرضا

30/08/2025

13/08/2025

13/08/2025

إذا أردت أن تُخاصم فخاصم، لكن لا تجرح بالكلام، لا تشتم، لا تستعمل سراً دفينا باح لك به كسلاح ضده، لا تستحضر ماضٍ له مشين لتحرجه،لا تتحدث عن خصومتك معه وتدور بها في المجالس.. كن راقي النفس، عفيف الفعل.

29/07/2025

💛

28/07/2025

فيه سر بيخلي الناس تستغلك وتدوس عليك...
عايز تعرفه؟
الإنسان اللي مابيعرفش قيمة نفسه… سهل أوي يتشرى ويتباع… كأنك ماسك جوهرة نادرة وبتعرضها للبيع في سوق الخضار!!! هتلاقي اللي يفاصل معاك… واللي يحاول يقلل من قيمتها… وفي الآخر ممكن تفرط فيها بتراب الفلوس…
ليه؟
عشان أنت من الأول ماعرفتش إنها جوهرة!!!

لما مابنقدرش قيمة نفسنا… بنسمح لأي حد إنه يستغلنا… أو يقلل من قيمتنا… أو حتى يتحكم فينا… كأنك كاتب على جبينك:
"أنا رخيص ومتاح للاستغلال"!!!
ودا بيحصل فعلاً لما بتدوس على كرامتك… أو بتتخلى عن مبادئك… أو بتوافق على أي حاجة عشان ترضي غيرك… كأنك بتبيع قطعة من روحك… قطعة مش هتعرف ترجعها تاني...

قيمتك في إيدك… مش في إيد حد تاني…
أنت غالي… وغالي أوي كمان…
ماتسمحش لحد يقلل منك…
وماتستناش حد يقدرك…
قدر نفسك بنفسك… واديها حقها اللي تستاهله…

مقامك حيث أقمت نفسك لا حيث أقامك الناس… فالناس لا تعدل ولا تزن👌

28/07/2025

16/07/2025

الصورتين اللي قدامك مش بس أشعة دماغ دول حكايتين مختلفتين لطفلين عندهم نفس العمر 3 سنين زي ما نشرها الطبيب النفسي "بروس بيري" من جامعة تكساس.
الطفل اللي على الشمال دماغه طبيعية وسليمة، لأنه اتربى في بيئة فيها حب واهتمام وأمان

أما الصورة اللي على اليمين، فدي لطفل اتعرض لإهمال عاطفي ونفسي، اتحرم من الحضن والاهتمام… والنتيجة؟ دماغه أصغر وفيه نقص كبير في الخلايا.

الفرق مش بس في شكل المخ، الفرق في المستقبل، في القدرات، في الصحة النفسية والعقلية اللي هتأثر عليه طول حياته.

الطفولة مش مرحلة بتعدي وخلاص… الطفولة هي الأساس.
كلمة حلوة، حضن، إحساس بالأمان = مخ بيتبني صح وطفل سليم.

اهتموا بأولادكم… مش بس بالأكل والشرب، لكن بالحضن والكلمة الطيبة والاهتمام.

تعديل :-
إليك المصادر الأصلية الموثوقة التي نُشرت فيها هذه الدراسة:

📄 الدراسة الأصلية من بروس بيري:
• عنوان البحث:
“Childhood Experience and the Expression of Genetic Potential: What Childhood Neglect Tells Us About Nature and Nurture”
• رابط مباشر (نسخة PDF):
https://www.sakkyndig.com/psykologi/artvit/perry1997.pdf

⸻

📷 الصورة مع الشرح العلمي في موقع ResearchGate:
• رابط ResearchGate للصورة والبحث

04/05/2025

ازاي الأم ممكن تكون سبب في بعض السلوكيات الجنسية الشاذة للأطفال ..!

اللي هو إزاى 🤔⁉️

🛑الطبطبه على مؤخره الطفل ليهدأ أو ينام

🛑هز البيبي من المؤخره.... ونومه على بطنه وهزه

🛑جلوس البيبي على رجل ماما أو تيته وهزه

🛑 البيبي يلبس مقاس بامبرز اصغر منه ... او بنطلون ضيق

🛑 نغيرله الحفاض ونسيبه وقت طويل بدون هدوم .... او يقف قدام المرايا ....

🛑يشوف حد بيغير أخوه أخته .... او ماما تدخل قدامه الحمام (من سنه ونص ل فيما فوق)

🛑يلعب لوحده كتير

🛑لمس مؤخره الطفل بطريقة خاطئة ... او تدليك المنطقة الحساسة لفتره طويله او باستمرار

🛑التأخير في التدريب على الحمام .... لبس الحفاض لسن كبير

🛑وجود التهابات او هرش لدى الطفل

🛑 استكشاف الطفل لنفسه أثناء التدريب على الحمام (محتاجه بوست لوحده )

🛑استحمام امام الطفل ...أو استحمام الاطفال مع بعض

🛑الهزار مع الطفل بلمسه من المناطق الحساسه..... او الهزار والضحك علي سلوك جنسي من الطفل

🛑عدم وجود مساحة شخصية بين الأم والطفل والانفصال التدريجي
يعني إيه 🤔
يعني ماما تفضل تلمس الطفل ووشه وجسمه وحب كتير ولمس جسدى بعد السنتين بشكل مبالغ فيه

ان الطفل ينام واضع ايده جوا صدر الام وده بنشوفه مع أطفال اربع وخمس سنوات ومش بينام غير كده

وده بيدى انطباع للطفل...أن الامان بالنسبة هو القرب الجسدي وبالتالي ممكن يأثر عليه بأنه يخليه يقرب من اى حد اى كان هو مين ... وعدم فهم المساحه الشخصية

🛑عدم فصل الطفل في سرير لوحده لسن كبير

🛑قصور الادراك والتأخر اللغوى وجلوس الطفل في الفراغ لوقت طويل وعدم استغلال وقت الطفل ومهاراته

🛑التدليل الزائد والحماية الزائده والاستجابه لكل رغبات الطفل

🛑استخدام الموبايل والشاشات لوقت طويل

🛑عدم ممارسة الرياضة والهوايات

🛑عدم التوعيه بالثقافة الجنسية وحدود جسمه... او التوعيه بشكل خاطئ

🛑عدم الرقابه على الاطفال.....أو تركهم لوقت طويل بدون وجود شخص كبير امين ... وخاصه في وجود الشاشات

🛑رفض الطفل .... نقد الطفل كثيرا ....احساس الطفل بعدم الاحتواء ....احساس الطفل بالفشل أو تمييز أحد الآخرين عنه .... كبت مشاعر الطفل وعدم التعبير عن نفسه.... شعور الطفل أنه غير مسموع