Dr.Abd El-Razik Ahmed ENT Clinic

19/11/2024

مجمع الإصلاح الطبي بقولونجيل بجوار الرقابة الإدارية
من أفضل الأماكن حالياً بالدقهلية والمنصورة خاصة في تقديم خدمة طبية بجودة عالية
وأنا مقدرش أكمل في مكان ولا أنصح به مريض إلا إذا كان تقييمي له يستحق الإشادة به وتقييمي نتاج خبرات سابقة في معظم أماكن تقديم الرعاية الطبية وعملي بالإدارة ومديرية الصحة والتفتيش والمرور علي معظم المستشفيات
هذا المجمع له إدارة فنية من أطباء علي كفاءة عالية ودراية كافية بإدارة المنشئات الطبية وتقديم خدمة طبية مميزة والتعاقد مع أفضل الأطباء في مجال تخصصهم و إحترام المريض وتوفير بيئة عمل نظيفة مع تحقيق أعلي معايير الجودة الطبية ومكافحة العدوي
وفقهم الله وسدد خطاهم

18/11/2024

بفضل الله تم إستئصال كامل لناسور وكيس خلقي أمام صوان الأذن
لمريض يعاني من إلتهاب وصديد متكرر من فتحة صغيرة أمام الأذن

ناسور الأذن
عبارة عن جيب أو قناة تحت الجلد
يظهر أمام صوان الأذن كفتحة صغيرة
ولكن يختلف امتداده داخل الأنسجة المحيطة

يجب استئصاله جراحيا في حالة حدوث التهاب متكرر و خروج إفرازات جبنية كريهة
كما يتم استئصاله في بعض الأحيان كجراحة تجميلية

أهم معلومة
أثناء حدوث التهاب يجب عدم التعامل معه كخراج بأن يفتح ويتم تصفية الصديد
المفروض أن يتم فقط إعطاء المضادات الحيوية لحين تحسن الالتهاب ثم يستأصل جراحيا

قبل الجراحة تم الحقن بالصبغة لتسهيل تتبع أجزاء الناسور واستئصاله كاملا لضمان عدم الارتجاع مرة أخرى
والخياطة التجميلية للمحافظة على شكل الجلد الخارجي

دعواتكم بالتوفيق وتمام الشفاء للمريض
دكتور عبدالرازق أحمد
إستشاري جراحة الأنف والأذن والحنجرة
01007170132

25/12/2022

دا دور ومسؤلية الصيدلي في ضمان صلاحية الأدوية وسلامتها

21/12/2022

لما تفكر تقوى مناعة ابنك ماتفكرش تديله ايه يزود مناعته؟!
فكر الاول: امنع عنه ايه بيدمر مناعته❓😔
يفيد بايه لو اديت ابنك حاجات تقوى المناعه وهو اصلا مناعته بتدمر يوم بعد يوم 🥺
💛 عندنا المناعة اما ذاتيه بتتنقل من الام للجنين اثناء الحمل او مناعه مكتسبه ودى بتيجى من تكرار الاصابه بالامراض فالجسم بيطور نفسه بنفسه انه يهاجم البكتريا الغريبه ويطور اسلحته ويسجل فى ذاكرته شكل المرض ونوعه ولو دخل المرض الجسم مره اخرى بيهاجمه بشراسه ويتغلب عليه💪
🚫لكن لو ابنك بيتكرر اصابته بنفس المرض ونفس نوع البكتريا كل شويه 🤒🥴يبقى هنا لااااااازم وقفه مع نفسك وتفكر 🤚....
⚠️ايه اللى بيمنع تطور المناعه❓ ايه اللى بيدمر مناعة ابنى❓😳
مجموعة من المدمرات انت اللى بتديها لابنك يوميا 😔
1️⃣ اولهم السكر:
اكبر مدمر لمناعة الطفل
السكر هو غذاء البكتريا وهو اكبر سبب لتكرر الألتهاب عند الاطفال وبالتالى إضعاف المناعه
⛔️المقصود بالسكر هنا السكرالابيض والبنى وكثرة المربى والعسل و المعجنات والدقيق الأبيض والعصيرات والزبادى اللى بالنكهات وحتى العصيرات الطبيعيه لما نحليها بسكر كتير
2️⃣ ثانى مدمر للمناعه المواد الحافظه والألوان الصناعية:
ودى موجوده فى كل الشيبسات وأكياس الحلويات وأطعمه كتيييير حوالينا
وده بيدمر المناعة الذاتية اللى الطفل اكتسبها وهو فى رحم أمه ..
وكمان بتزيد من الالتهاب فى الخلايا وبالتالى الطفل بيكون عرضه لتحول خلاياه لخلايا سرطانية
⛔️كثرة الالتهاب بتشغل الجهاز المناعى عن مهاجمة الامراض وبتنهك قوى الجهاز المناعي
3️⃣ ثالث مدمر :استخدام المضادات الحيوية بدون داع
الطفل اول ما يسخن نديله المضاد أبو علبه صفرا وله المضاد أبو معلقه😡
ادى الجهاز المناعى عند ابنك فرصه يتعرف على الجرثومه ويبدأ يطور من نفسه ويحارب الجراثيم بدون تدخل خارجى
مالهاش لازمه الحنية الذايدة من الامهات وتكرار المضاد الحيوى مع كل مرض..استنى على ابنك شويه انتِ كده بتدمرى مناعته
4️⃣ كثرة الضغط النفسى عند الاطفال بيأخر أستجابة المناعة وبيسبب مشاكل فى الهرمونات وبيلخبط سن البلوغ عند الاطفال :
المقصود بالضغط النفسى هنا مش بس عدم الاستقرار الاسرى وكثرة العقاب
بل كمان تحميل الطفل واجبات اكثر من قدرته ووضع الطفل فى دائرة المهام الزائدة والالتزام الصارم وبالتالى الطفل بينهار نفسيا وبدنيا ومناعته بتنهار مع الضغط النفسي
ادوا أبنائكم متعة التأمل والهدوء النفسى والنوم المتواصل حوالى 8 ساعات ليلا والغذاء الصحى لان ده من الحاجات اللى بتزود المناعة
اطفالنا مستقبلنا واستثمارنا لبكره 👫👼🏻
Kids Clinic.د/محمود عزت الحسينى
- استشاري الاطفال و حديثي الولاده
- عضو الجمعيه الامريكيه لطب الاطفال
📍 السنبلاوين - ارض المحلج - الشارع المقابل لسنتر مكه امام صيدليه الشعب
01001739466 ☎️
01111288565 ☎️
رقم العياده للحجز
01097335589 ☎️

11/12/2022

حالة اليوم:
إستخراج جسم غريب (صامولة معدن )من داخل أنف طفلة بدون بنج كلي أو موضعي بفضل الله
الرجاء في مثل هذه الحالات التوجه فورا لطبيب متخصص أنف وأذن وعدم محاولات البعض لإستخراج الجسم الغريب🙅 لتجنب جرح الأنف وحدوث نزيف أو زيادة دخول الجسم لعمق الأنف وصعوبة إستخراجه بدون البنج الكلي وقد يندفع الجسم لمجري التنفس محدثا إختناق للطفل لا قدر الله.

✍️ مهم جدا نعرف إن أخطر أنواع الأجسام الغريبة هو 👈حجر البطارية (بطارية الساعة ) لأنه يحدث تفاعل وتدمير للأنسجه وحدوث نزيف وإختراق للممرات التنفسية برجاء سرعة التوجه للطبيب المختص وعدم التعامل مع الحالة من غير المتخصصين وفي الصيدليات الله يكرمكم الطفل بيوصلنا بعد ما يكون إتبهدل علي الفاضي وبينزف من المحاولات الفاشلة.

✍️ كمان مهم جدا نعرف إن مع ظهور رائحة كريهة 🫢من أنف الطفل وإفرازات علي جانب واحد من الأنف غالبا تكون بسبب وجود جسم غريب بفتحة الأنف مهمل منذ فترة 👈برجاء التوجه لطبيب الأنف والأذن لإستخراج الجسم الغريب وتجنب المزيد من إلتهابات الجيوب الأنفية والمضاعفات الأخري.
دمتم في حفظ الله ورعايته
د.عبدالرازق أحمد عبدالرازق
إستشاري جراحات الأنف والأذن والحنجرة
01007170132

22/07/2022

الطاعون الدبلي
لايوجد بمصر حالات وعلاجه بسيط

سجّلت منطقة نينجشيا بشمال غربي الصين، الثلاثاء، حالة إصابة بالطاعون الدبلي أو ما يسمى الموت الأسود في مدينة ينتشوان الصينية

ده متن الخبر وسنوافيكم بالتفاصيل

هالخص الطاعون فى كام معلومة وانتهينا . هم 3 انواع من الطاعون بيحصلوا بسبب بكتيريا سالبة الجرام اسمها Yersinia Pestis . البكتيريا دى بتصيب القوارض . فئران وعرس وجرذان وسناجب . لو حد من البشر راح أكل لحوم قوارض ( يع ) هايجيله المرض ويستاهل الصراحة . بس كمان فيه برغوث صغير كدة ممكن يقرص القوارض وبعدين يقرص الانسان وساعتها لدغة البرغوث هاتنقل البكتريا للشخص ويجيله طاعون وده ميستاهلش الصراحة .

لو حصل عدوى سواء الشخص يستاهل او ميستاهلش . الانسان يسخن ويعرق ويصدع وجسمه يوجعه . زى اعراض الانفلونزا بالضبط وبتظهر فى خلال اسبوع من الاصابة بس اللى بيميزها هو تضخم والتهاب العقد الليمفاوية Lymphadenitis لدرجة انها بتعمل دمل اسمه Bubo وعشان كدة اسمها Bubonic Plague او الطاعون الدبلى وده الحالة اللى اكتشفت فى الصين . وطبعا الدمامل دى بتظهر فى اماكن العقد الليمفاوية فى الرقبة وتحت الابط او الاسطح الداخلية من الفخذين groin وبتكون كبيرة فى حجم بيضة الفرخة كدة

الشخص ده فى حد ذاته مش معدى . بس بعد شوية . البكتيريا هاتسيب العقدة الليمفاوية وتدخل الدم وتعمل النوع الثانى من الطاعون Septicemic Plague الطاعون الدموى او الانتانى . هنا البكتيريا هاتعمل جلطات صغيرة فى كل حتة فى الجسم DIC وبالتالى كل الصفائح الدموية وعوامل التجلط هاتخلص لان الجسم استعملها فى تكوين جلطات صغيرة منتشرة وبكدة اصبح الجسم عرضة للنزيف ( جلطات ونزيف )وبالتالى يتقيأ دم ويتبول دم ويتبرز دم وينتشر على جلده طفح جلدى احمر زى الدبابيس الصغيرة وبعدين يتحول الى لون اسود لان الاعضاء بتموت بسبب الجلطات والنزيف وبالتالى الاقى اصابع اليدين والقدمين سوداء والعياذ بالله زى الغرغرينا بالضبط وعشان كدة سموه ( الموت الاسود ) والشخص بيموت فى نفس اليوم بالضبط . اقل من 24 ساعة يكون ميت .

لو البكتيريا وصلت الى الرئة فده النوع الثالث Pneumonic Plague او الطاعون الرئوى . هايعمل اعراض التهاب رئوى . ألم فى الصدر وسعال وضيق فى التنفس ودم فى السعال زى مريض السل كدة وهنا المريض معدى جدااااااااااا للى حواليه لو عطس او سعل او مسك اى شىء ولوثه بالبكتريا . غالبا الشخص بيموت فى خلال اسبوع

الموضوع مش بيخوف زى زمان لان الناس اخدت خبرة من القرن ال 14 وهو القرن اللى الناس عرفت فيه مرض الطاعون ولو عالجت المرض فى بدايته فشكرا . المريض بيخف ويبقى فلة ومفيش عدوى ولا دياولو . أعالجه ازاى ؟؟؟؟ فكر كدة . بكتيريا سالبة . يبقى اى مضاد شغال على البكتريا السالبة

خد عندك Streptomycin - Gentamycin - Doxycycline - Chloramphenicol - Levofloxacin - Ciprofloxacin . كل دول ينفعوا .

امريكا بتستخدم جنتاميسين مع ليفوفلوكساسين . لمدة 14 يوم . فى الاول حقن وريد وبعد كدة اقراص بالفم .

طيب لو انا تعاملت مع شخص مصاب وخايف على نفسى وعايز اخد وقاية عشان ميجليش المرض . اخد ايه ؟؟؟ تقدر تاخد Post-exposure Prophylaxis يعنى هتاخد Doxycycline اللى هو فيبرامايسين كل 12 ساعة او Ciprofloxacin 500 برضه كل 12 ساعة ويتاخدوا Oral ولمدة اسبوع واحد فقط وليس اسبوعين لان فترة الحضانة هى اسبوع .

08/07/2022

07/03/2022

طفل تم إجراء عملية إستئصال اللحمية للمرة الثانية بمستشفي كبير بالمنصورة منذ ٥ أيام والأم جاتلي العيادة للإطمئنان علي الطفل بعد العملية و بفحصه بالمنظار ألاقي اللحمية لسه موجودة وقافله الأنف تماما 😲و مقابلاني في المنظار وبتقولي إزيك أنا أهو لسه موجوده 🤗
وبسؤالي للأم تبين إنه معملش منظار قبل العملية ولا أثناء العملية
شئ صعب جدا إن طفل هيدخل للمرة الثالثة عملية تخدير كلي عشان عملية بسيطة إستئصال لحمية
وطبعا بنقول القصة عشان ننبه الناس إن عملية اللحمية كانت تتم بدون رؤية الجراح بمعني إن الجراح بيدخل بآلة كحت خلف سقف الحلق لإزالة اللحمية بدون رؤية كاملة لكن حاليا في وجود المنظار الجراحي ووسائل التقنية الحديثة (مش بس في العمليات دا المنظار حاليا موجود في العيادات للكشف العادي) تتم العملية برؤية واضحة لإستئصال كامل النسيج المتضخم وكي أماكن النزف بالتردد الحراري أو الكوبليشن
نكرر لابد من إستخدام المنظار قبل وأثناء عملية اللحمية وخاصة المرتجعة لإزالة اللحمية بالكامل لعدم حدوث تكرار تضخم اللحمية ورجوعها بعد العملية
ويعاد المنظار في العيادة بعد العملية للإطمئنان علي نجاح العملية