02/09/2025
❗خايف ابني يطلع إنسان "غير سوي" 😓
❗هو يعني إيه إنسان سوي من وجهة نظرك؟
❗يعني حد عاقل كده... طبيعي 🤷
❗طيب وإيه اللي خلاك تظن إنه هيطلع غير سوي؟
- عشان تاعبنا كلنا... تصرفاته كلها غباء وعناد ، مش عارف مصلحته، ولا سايبنا نساعده ..
🌀 يبقى دا كده سوي؟ 😓
- هو الطفل السوي مبيغلطش ..؟ مبيعاندش ..؟ مبيتوهش ويعك ..؟ 🤔
- أنا مبقتش عارف... بس أنا قلقان عليه ، مستقبله هيبقى صعب لو فضل عايش كده ...!!
🫵 طيب اسمعني كده... علشان نعرف هو "سوي" ولا لأ، لازم الأول نفهم يعني إيه "شخص سوي" 🫴
🎖️السوي مش اللي مفيهوش مشاكل ، السوي هو اللي واعي بنفسه ، بيراقب سلوكه ، وبيحاول يطور من نفسه باستمرار ، عنده قيم ومعايير ، حتى لو لسه بيضبطها ويعدل فيها ....
🎖️السوي هو اللي بيغلط ويصلح ، بيتألم ويتعلم ، وبيعرف يقوم نفسه تاني حتى لو وقع ، حتى لو عنده توحد ، أو ADHD ، أو ضعف في التعاطف ، طالما بيحاول يفهم ، يوازن ، ويتصرف بوعي … يبقى هو ماشي على طريق السواء ♥️
فمينفعش تحكم علي طفل بالسواء او عدم السواء الا بعد ال ١٨ سنه .. الا لو عنده مرض عقلي ...!!!
🛑 نرجع لسؤالك...
أولادنا بيتعلموا في بيوتنا شوية حاجات مهمة:
1.قد إيه يقدر يختبر حدودك ويجرب قوته عليك😃
2. بيتشرّب القيم والأسلوب من طريقه تعاملك معاه
3.بيكتشف نفسه من خلال نظرتك ليه وكلامك عنه
4. بيكون شخصيته من كلامك وكلام صحابه وتجارب كتير – بس هيقولك: دي شخصيتي أنا 😅
5. بيتعلّم مهارات الحياة واحدة واحدة ، من البيت والمدرسة والدنيا كلها
🚫 فالعند ..؟ الجدال..؟ الغلاسة ..؟ التجربة والغلط..؟
🤟كل دي مراحل طبيعية جدًا... مش علامات خلل ، دي علامات تعلم وتشكُّل شخصية ...
🚫 دورك إيه بقى...؟؟ 🫵
👈 توضحله معايير ثابتة يفرّق بيها الصح من الغلط (دين -قانون - قيم )مش (مجتمع - عادات - راي الاخرين)
👈 وتعلمه مهارات نفسية زي :
(التعاطف – اتخاذ القرار – إدارة المشاعر – بدء المهام – تقدير الذات... إلخ)
👈وبعد كده ، تساعده يواجه مشاكله أو التحديات اللي اتولد بيها ، لو فيه ..!!
🚦وبعد كل ده؟
ـ تسيب النتيجة على الله .. لأن الحساب مش على النتيجة... الحساب على الجهد والنية والرعاية** 💕
💥 وصلت ولا لسه؟ 🤌
❤💚💛💜 💛💚💜❤
دكتور / محمد حلمي شهاب الدين
مدير قسم العلاج الجدلي السلوكي بمستشفي الحياة
❤💚💛💜 💛💚💜❤
❓للحجز والاستفسار
مديرة مركز رعاية للدعم النفسى
💜 الاستاذة/ مايا مجدى
☎️ 0502787408
01064077455_ 01557010606 01096553264_01015435426
🏠 بلقاس / شارع محمد فريد - امام ستوديو حسنى - اعلى صيدلية العبادى - الدور الاول
