Therapist Engy Eltaweel

11/03/2026

05/02/2026

The journey continues✨🤍

10/01/2026

"في وقت صغير جداً من طفولتي عقدتُ عهداً أن أخرج من الجحيم، وعندها سأدخل مره أخري وسأخرج الأخرين معي وهذا العهد سيطر علي كل حياتي"

-مارشا لينهان

29/12/2025

🧠 إمتى نطلب المساعدة النفسية؟

مش لازم توصل لمرحلة الانهيار
علشان تقول «أنا محتاج مساعدة».

نطلب المساعدة لما:

• المشاعر التقيلة مكملة معانا أكتر من أسبوعين
• الحزن أو القلق مأثرين على الشغل أو الدراسة
• النوم بايظ أو الشهية اتغيرت بشكل ملحوظ
• مبقاش في طاقة أو رغبة لأي حاجة
• بنتهرب دايمًا أو بنأجل كل اللي ورانا
• نفس الأفكار والمشاعر بتتكرر ومش عارفة تطلع منها
• حاسس إنك لوحدك ومحتاج حد يسمعك بجد
• فقدت الإحساس بالمعنى أو الأمل

⚠️ مهم نفتكر:
طلب المساعدة مش ضعف
ولا فشل
ولا معناه إنك “مش قادر”.

🌿 العلاج النفسي مساحة آمنة
تفهم فيها نفسك
وتفك الدواير اللي بتتكرر

✨ لو حاسس إنك محتاج تبدأ…
الإحساس ده لوحده سبب كافي.

📞 احجز جلستك وابدأ رحلتك النفسية
⁨01027788189⁩

16/12/2025

لو حاسس إنك تايه ومش لاقي نفسك…
لو حاسس إن الحاجات اللي كانت بتبسطك مبقتش تفرق
لو طول الوقت بتأجّل كل اللي وراك
لو محتاج حد يسمعك بصدق ومن غير حُكم
ولو حاسس إن نفس المشاعر بتتكرر
ونفس الدواير بتلف فيها مهما حاولت تطلع منها…

العلاج النفسي مش علشان نصلّحك،
ولا نغيّرك،
لكن علشان نرجّعك لنفسك واحدة واحدة🤍

بداية سنة جديدة
ممكن تكون بداية علاقة أهدى وأرحم مع نفسك 🌱

احجز جلستك وابدأ رحلتك النفسية
⁨01027788189⁩📞

08/12/2025

“العلاج النفسي هو مساحة آمنة يجرؤ فيها الإنسان أن يقول الحقيقة لنفسه لأول مرة.”

_ إرفين يالوم

30/11/2025

🧠✨ نكمل مع بعض سلسلة اضطرابات الأكل…
وزي ما اتكلمنا قبل كده عن فقدان الشهية العصبي والشره العصبي،
النهارده هنكمل النوع التالت من اضطرابات الأكل، واللي ناس كتير مش بتاخد بالها منه:

🍽️ 3️⃣ اضطراب نهم الطعام (Binge Eating Disorder)

🔎 إيه هو؟
اضطراب نفسي بيخلّي الشخص يمرّ بنوبات أكل بشراهة وكميات كبيرة جدًا في وقت قصير…
من غير أي سلوك تعويضي بعدها (زي القيء أو الصيام).
الشخص بيكون حاسس إنه فاقد السيطرة تمامًا… وبيتبعها إحساس بالذنب أو العار.

💭 إيه اللي بيميزه عن الشره العصبي؟
في الشره العصبي بيكون في محاولة “للتخلّص” من الأكل.
لكن في نهم الطعام مفيش ده…
الأكل نفسه بيكون وسيلة للراحة، للهروب، أو لتهدئة مشاعر صعبة.

🧠 الأعراض الشائعة:
• نوبات أكل كبيرة جدًا في وقت قصير
• الأكل بسرعة بشكل مبالغ فيه
• الأكل من غير إحساس بالجوع
• الشعور بالذنب أو الاشمئزاز بعد الأكل
• الأكل سرًا أو في عزلة
• فقدان السيطرة أثناء النوبة

🌿 العلاج:
• علاج معرفي سلوكي (CBT) لإعادة تنظيم العلاقة بالأكل والمشاعر
• علاج نفسي داعم للتعامل مع القلق/التوتر اللي بيغذي السلوك
• دعم غذائي بإشراف مختص
• أحيانًا تدخل دوائي لو في اكتئاب أو قلق مصاحب

💡 افتكري:
نهم الطعام مش “قلة إرادة”…
هو اضطراب محتاج تفهم، وتعاطف، وعلاج حقيقي.
وانتي تستحقي علاقة صحية مع جسمك… ومع أكلك ❤️

📞 احجزي جلستك دلوقتي — يمكن تكون دي البداية اللي محتاجاها حياتك.
⁨01027788189⁩ 📱






#اضطرابات

02/10/2025

نكمل مع بعض سلسلة اضطرابات الأكل 🧠✨
وزي ما بدأنا بفقدان الشهية العصبي… دلوقتي هنتكلم عن النوع التاني:

2️⃣ الشره العصبي (Bulimia Nervosa)

🔎 إيه هو؟
اضطراب نفسي بيظهر في صورة نوبات أكل بشراهة وخروج عن السيطرة… بعدها يحاول الشخص “يتخلّص” من الأكل عن طريق القيء المتعمد، أو الصيام، أو استخدام ملينات، أو تمرين بشكل مبالغ فيه.
دائرة مرهقة بين الأكل → الذنب → محاولات للتعويض → ثم نوبة أكل تانية.

🧠 الأعراض الشائعة:
• نوبات متكررة من الأكل بكميات كبيرة جدًا في وقت قصير
• فقدان السيطرة أثناء الأكل
• سلوكيات تعويضية (قيء، ملينات، رياضة مفرطة)
• شعور دائم بالذنب والعار بعد الأكل
• انشغال مفرط بالوزن وشكل الجسم

🌿 العلاج:
•علاج معرفي سلوكي CBT
•دعم غذائي ونفسي
•أحيانًا تدخل دوائي + دعم أسري

💡 افتكري: الشره العصبي مش ضعف… هو اضطراب محتاج علاج ودعم حقيقي

🍽️ انتي تستحقي تاكلي من غير خوف… ومن غير ذنب.

📞كلمينا واحجزي جلستك… يمكن تكون دي البداية اللي كنتي محتاجاها.
010 27788189📱

#بوليميا

20/08/2025

💡 التغيير الحقيقي يبدأ من جوهرك…
مع الأخصائية النفسية إنچي الطويل ✨
هتتعلم إزاي تسمع لنفسك، وتفهم مشاعرك، وتبني حياة تستاهلها 🤍

📌 تخصص في علاج:
🧠 اضطرابات الشخصية | 🥗 اضطرابات الطعام | 😰 اضطرابات القلق
🔄 الوسواس القهري | 💔 كرب ما بعد الصدمة | 🚫 الإدمان | 🧠 الاكتئاب

✔️ باستخدام أحدث طرق العلاج النفسي (CBT – DBT – العلاج الدينامي)

📲 احجز جلستك دلوقتي، وخليك أولويتك 🤍💡

18/08/2025

نكمل مع بعض سلسلة اضطرابات الأكل…
زي ما وعدتكم، دي خطوة جديدة في رحلتنا لفهم اضطرابات الأكل🧠💡

✨ نبدأ بأول نوع من اضطرابات الأكل:

1️⃣ فقدان الشهية العصبي (Anorexia Nervosa)

🔎 إيه هو؟
اضطراب نفسي بيخلّي الشخص يخاف جدًا من زيادة وزنه، فيلجأ لتقليل الأكل بشكل خطير، أو يمارس رياضة بشكل مبالغ فيه… حتى مع إن جسمه بقى هزيل وضعيف، يفضل شايف نفسه “لسه تخين” أو “مش كفاية”.

🧠 الأعراض الشائعة:
•خوف مرضي من الأكل أو من اكتساب الوزن
•حساب السعرات بدقة شديدة جدًا
•تجنّب أكلات معينة أو وجبات كاملة
•فقدان وزن ملحوظ أو ثبات عند وزن قليل جدًا
•انشغال مفرط بالمراية والميزان
•جلد ذات وإحساس دائم بعدم الكفاية

🌿 العلاج:
•جلسات علاج معرفي سلوكي (CBT) لمعالجة الأفكار المشوهة عن الجسم والأكل
•دعم غذائي تدريجي بإشراف متخصص
•أحيانًا تدخل دوائي لو في اكتئاب أو قلق مصاحب
•دعم أسري مهم جدًا… لأن التعافي مش رحلة فردية

فقدان الشهية مش “رجيم شديد” أو “قوة إرادة” زي ما البعض فاكر…
هو اضطراب نفسي خطير بيأثر على الجسم والعقل مع بعض، ومحتاج تدخل علاجي حقيقي

🚨 متترددش تتواصل معانا لو حسّيت إن الأعراض دي عندك

✨ التغيير ممكن… وخطوة صغيرة النهاردة تفرق جدًا في حياتك.
📌 تابعي معانا، في البوست الجاي هنفهم أكتر عن الشره العصبي (Bulimia Nervosa) وإزاي بيأثر على الحياة اليوميه.


#بوليمياًً

29/07/2025

زي ما اتكلمنا… اضطرابات الأكل مش مجرد “أكل كتير أو قليل” — دي وجع داخلي بيتكلم بلغة الجسم.

وبما إن الوجع ليه أشكال كتير، فاضطرابات الأكل كمان ليها أنواع مختلفة، أهمها:

1️⃣ فقدان الشهية العصبي (Anorexia Nervosa)
الخوف من زيادة الوزن بيخلّي الشخص يوقف الأكل أو يقيّده بشدة… حتى لو جسمه بقى هزيل جدًا، يفضل شايف نفسه “مش كفاية”.
المراية بتكدب… بس الألم بيصدقها.

2️⃣ الشره العصبي (Bulimia Nervosa)
نوبات أكل بشراهة، يتبعها قيء متعمّد أو استخدام ملينات… كل دا عشان “يمسح” الشعور بالذنب.
دائرة مرهقة بين الجوع، التقييد، والإحساس بالفشل.

3️⃣ اضطراب نهم الطعام (Binge Eating Disorder)
نوبات أكل خارجة عن السيطرة… من غير قيء بعديها، بس فيها شعور بالعار والتعب النفسي بعد كل مرة.

4️⃣ اضطراب التقييد/التجنّب (ARFID)
مش بسبب الوزن أو الشكل… لكن الشخص بيتجنّب أكل أنواع كتير أو بيخاف من الأكل نفسه، وده بيأثر على صحته وتغذيته.

5️⃣ اضطرابات غير محددة (OSFED)
فيها أعراض من أكتر من نوع، بس مش بتطابق تعريف واحد. وده ما يقللش من خطورتها أو تأثيرها.

⸻

🌿 معرفتك بالأنواع دي مش بس علشان “تحطي اسم” للي بتحسيه…
لكن علشان تفهمي إنك مش لوحدك، وإن اللي بيمر بيه الجسم ليه أصل، وليه علاج.

في البوست الجاي، هنبدأ نفهم كل نوع بالتفصيل، وازاي بيبدأ، وازاي نقدر نواجهه… واحدة واحدة.



#بوليمياًً


. #جلسات