Reem's Balanced Plate

Reem's Balanced Plate Contact information, map and directions, contact form, opening hours, services, ratings, photos, videos and announcements from Reem's Balanced Plate, Medical and health, Mansoura.

أنظمة غذائية مرنة لخسارة أو زيادة الوزن | Flexible weight loss or gain plans
استشارات أونلاين متاحة | Online consultations available
نصايح يومية للتغذية | Daily nutrition tips
ابدأ رحلتك الصحية برسالة | DM to start your journey

23/08/2025

تعالي اقولك على تريكات تزوّد الحرق عندك

✔️ امشي بعد كل وجبة 10 دقايق
✔️ بدل القعدة بالوقوف وأنتي بتعمل اي حاجه أو بتكلم في التليفون
✔️خد دش بارد (بينشط الدورة الدموية)
✔️كل وجبات صغيرة ومتفرقة بدل وجبة كبيرة
✔️ضيف البروتين في كل وجبة
✔️ كتر من الألياف (خضار – بذور)
✔️اعمل تمارين حتى لو بسيطة وياسلام لو تمارين مقاومة
✔️قلل السكر الأبيض والدقيق
✔️ حافظ على عضلاتك… لأن العضلات بتحرق أكتر من الدهون
✔️ اشربي مياه كتير طول اليوم * ٣ لتر *
✔️ابدأ يومك بفطار فيه بروتين
✔️اشرب قهوة أو شاي أخضر (من غير سكر )
✔️خد وجباتك في مواعيد ثابتة
✔️ نام كويس (من 6-8 ساعات)
✔️ ضيف فلفل للأكل
✔️امضغ الأكل ببطء

20/08/2025

صباح الخير
عارفين ايه أكتر عادات بتبوظ الدايت من غير ما تحس!

الأكل السريع والجاهز 🍟🍕🍧
سعراته عالية وبيشبع وقت قصير.
جرّب بدائل صحية بيتية وخفيفة بطعم احلي وتشبعك فترة اطول

لسكريات والحلويات🍮🍰
بتدي طاقة لحظية وبعدها جوع ورغبة في أكل أكتر.
استبدلها بالفواكه أو مربع شوكولاتة دارك وممكن نعمل وصفات جديدة بسعرات قليلة

قلة النوم 🥱🙂‍↔️
بتلخبط هرمونات الجوع والشبع.
نام بدري عشان جسمك يعرف يحرق صح.

الأكل قدام الشاشات تليفزيون او موبايل 📱
بتاكل ضعف الكمية من غير ما تحس.
كل بهدوء وببطء وركز مع أكلتك.

التفكير إن الغلطة الواحدة بوظت الدايت. 🥺
وجبة زيادة مش نهاية الدايت ولا يوم هيبوظ تعب شهر🙄
كمل من الوجبة اللي بعدها انك هتلتزم 🤝

المفتاح هو الاستمرارية مش الكمال✔️
خطوة صغيرة كل يوم = فرق كبير على المدى الطويل.🤷

15/08/2025

النظام الغذائي مش هدفه بس إنك تخس!

كتير فاكرين إن الدايت يعني خسارة وزن وبس…
لكن الحقيقة إن الأكل الصحي ليه أهداف أكبر وأهم 🤷

تحسين صحتك العامة 🏋️
تقليل فرص الإصابة بالأمراض المزمنة زي السكر، الضغط، وأمراض القلب.

زيادة طاقتك ونشاطك 🏃
لما جسمك ياخد المغذيات الصح، هتحس بطاقة طول اليوم بدل الكسل والخمول.

تحسين الهضم وصحة الأمعاء 🥗
اختيار أكل غني بالألياف والفيتامينات يقلل مشاكل الانتفاخ والإمساك.

تحسين المناعة 🥛
الأكل المتوازن بيقوي جهازك المناعي ويحميك من العدوى.

تحسين المزاج والصحة النفسية 😊
فيتامينات ومعادن معينة بتأثر على هرمونات السعادة في جسمك.

تحسين شكل البشرة والشعر والأظافر 💅
التغذية الصح بتديك مظهر صحي وجميل من جوه لبرا.

الأكل الصحي مش "حرمان"… هو استثمار في صحتك وحياتك 💚

10/08/2025

الحديد والحرق.

لو حاسس إنك بتاكل كويس وبتلعب رياضة وبرضه معدل الحرق بطيء
ممكن السبب يكون نقص الحديد !!!!

ليه؟
الحديد هو الأساس في تكوين الهيموجلوبين اللي بينقل الأكسجين للخلايا. من غير أكسجين كافي، الخلايا مش هتحرق الطاقة بكفاءة، وساعتها جسمك هيبقى بطيء في الحرق حتى لو عامل كل حاجة صح.

أعراض نقص الحديد 🤔

إرهاق وخمول طول الوقت❌

ضيق في النفس مع أقل مجهود❌

ضعف التركيز❌

شحوب في البشرة❌

*أهم مصادر الحديد🤌

الكبدة واللحوم الحمراء✔️

السبانخ والخضار الورقي✔️

البقوليات زي العدس والفاصوليا✔️

المكسرات والبذور✔️

نصيحة:🥲
لو عندك أعراض نقص الحديد أو تحليل الفيريتين منخفض، لازم تعالج النقص قبل ما تركز على الدايت أو التمرين

08/08/2025

إيه رأيكم النهارده نتكلم عن فيتامين د؟
بوست طويل شوية… بس هيفيدك جدًا 👌

عارفين إن 50% مننا عندهم نقص فيتامين د ومش عارفين؟
والأغلب كمان بياخدوا الجرعة غلط!

نقص فيتامين د ممكن يسبب❌

إجهاد وإرهاق عام ودا موجود عند معظمنا - هشاشة في العظام - لخبطة هرمونات - وكمان مزاج مش مضبوط

إزاي نحافظ على نسبته في جسمنا؟

نمشي كل يوم 10 دقايق في الشمس ☀️

ناكل بيض ، كبدة، وأسماك زي السلمون

طب لو إنت محجبة أو انا يا دكتور بحط صن بلوك ومش بحب الشمس ايه الحل ؟؟؟

الحل في الجرعة الصح من المكمل ✔️

ناخد ١٠٠٠ وحدة يوميًا مع وقف الخميس والجمعة
أو
ناخذ ٥٠٠٠ وحدة مرة في الأسبوع

طب انا حللت يا دكتور ولقيت عندي نقص
لو التحليل أقل من 30 نانو جرام😬😬
هنا الجرعة تختلف✔️
ناخد ٥٠ الف وحده مرة أسبوعيًا
او ناخد ١٠ الاف وحدة يوميًا ما عدا الخميس والجمعة

⚠️ خلي بالك: فيتامين د مش هيمتص من غير كالسيوم!

نشرب كوبين لبن 🥛
وناكل علبة زبادي يوميًا

ولو مش هتقدر، لازم تاخد مكمل كالسيوم 500 مجم يوميًا

كومنت لو عايز تعرف المواعيد الصح لفيتامين د والكالسيوم ✔️
او لو عايز تعرف نعمل ايه في الحقن الي بناخدها 🌝

07/08/2025

معلومة صباحية صغيرة
ايه رأيكم نبدأ يومنا كل يوم ب كوباية مياه دافيه وعليها نص ليمونة !!!

تعالي اقولك هيعمل ايه 🤗

يساعد على تنشيط الهضم ✔️

ممكن يقلل الانتفاخات لو عندك مشاكل في الهضم✔️

يساعد الجسم يتخلص من السموم✔️

وكمان يحفز حرق الدهون بشكل بسيط✔️

05/08/2025

ازيكم يا حلوين بوست النهارده عن الأشواجندا
ناس كتير بدأت تسأل عن عشبة الأشواجندا وهل فعلاً ممكن تساعد في خسارة الوزن أو لا؟ 🤔
خصوصا انها انتشرت دلوقتي لعلاج التوتر والأرق

إزاي ده بيحصل؟
لما التوتر يقل، هرمون الكورتيزول كمان بيقل، وده ممكن يحسن من عملية الحرق فيقلل تخزين الدهون في الجسم.

يعني الأشواجندا تحرق الدهون؟ 🌝
مش بشكل مباشر، لكنها ممكن تساعد الجسم على توازن الهرمونات وتقليل الأكل العاطفي وتحسين النوم وده كله يرفع من كفاءة الحرق.

ممكن تكون مفيدة، لكن مش سحرية النظام الغذائي اكفأ منها بكتير ✔️

بس خد بالك
مافيش مكمل ينفع لكل الناس لازم تستشير الأخصائي قبل ما تبدأ أي مكمل جديد.

ايه دا !!! يعني الأشواجندا ليها عيوب ؟! 🌝

اااه طبعا تعالي اقولك عيوبها

1️⃣ هبوط ضغط الدم:
لو ضغطك واطي، الأشواجندا ممكن تزوده انخفاض

2️⃣ تداخل مع الأدوية:
ممكن تتفاعل مع أدوية زي أدوية الغدة، السكر، الضغط،و المهدئات.

3️⃣ مش آمنة للحامل أو المرضعة

4️⃣ مشاكل في المعدة:
في بعض الحالات بتسبب غثيان، إسهال، أو اضطرابات في الجهاز الهضمي.

5️⃣ غير مناسبة لمرضى نشاط الغدة الدرقية

04/08/2025

"مفيش بنزين يبقى العربية مش هتمشي "

طب وجسمك هيخس إزاي من غير أكل؟

فاكر إن لما تقلل أكلك اوي هتخس !🤔
الحقيقة إنك كده بتقفل المحرك مش بتشغله!

لما تحرم نفسك 😁

الحرق بيقل❌

بتخزن دهون أكتر❌

بتتعب بسرعة❌

ومودك بيبقى في الأرض❌

طب لو اكلت صح 🥰

جسمك يحرق أسرع✔️

بتفقد دهون مش عضل✔️

تحافظ على صحتك✔️

وتوصل لهدفك أسرع وباستمرار✔️

متقللش أكلك… عدّله 🙄
ابدأ بأسلوب صحي متوازن 💚

03/08/2025

٣ حاجات بسيطة تغيّر يومك ليوم صحي
جربهم لمدة اسبوع وشوف الفرق

1. كوبين مياه أول ما تصحي

2. المشي لمدة 20 دقيقة يوميا

3. وجبة افطار متوازنة فيها بروتين وخضار

البدايات البسيطة بتعمل المعجزات 🥰💚

02/08/2025

☕ لو بتحب القهوة يبقي اشربها صح ✔️

القهوة من أكتر المشروبات اللي بنحبها، وناس كتير بتعتمد عليها في الدايت…
لكن في شوية قواعد مهمة علشان تستفيد منها

القهوة ممكن تزود التركيز والحرق بشكل مؤقت وبسيط ✔️
بس لو على معدة فاضية = حموضة وتعب للمعدة ❌

اشرب كوباية مياه قبل القهوه ✔️

اشربها بعد الأكل بنص ساعة على الأقل✔️

بلاش على الريق علشان تحافظي على معدتك❌

خليها من غير سكر أو بسكر دايت + لبن خالي الدسم ✔️

نصيحة اليوم من 🤗

02/08/2025

كل ما حد يبدأ دايت... أول حاجة بيقطعها؟
العيـــــــــش

العيش بيتخن؟ ولا المشكله في الكمية؟
🤔

العيش مش عدونا المهم هو الكمية والنوع والتوقيت،✔️

جسمك بيحتاج كاربوهيدرات علشان:
يبني عضلات
يشغل تركيزك
يثبت معدل الحرق

الحرمان بيبوّظ الدايت😓
التوازن هو المفتاح ✔️

- تابعوني علشان نبدأ نفهم الدايت من غير خرافات

01/08/2025

صباح الخير 🤗🤍
لو قدامك تختار أول حاجة تفطر بيها ، تختار إيه؟

1️⃣ بيضة مسلوقة + عيش 🤔
2️⃣ شوفان بالحليب والموز 🌝
3️⃣ جبنة + خضار🙄
4️⃣ قهوة بس ☕

اكتب رقم اختيارك في الكومنت
وهقولك رأيي في كل اختيار


Address

Mansoura

Website

Alerts

Be the first to know and let us send you an email when Reem's Balanced Plate posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category