24/01/2026
⁉️"ليه ابني بقاله فترة بيدرب على مهارة معينة ومش بيتحسن ؟"
سؤال بسمعه كتير من أولياء الأمور بعد شهور من الشغل ف المراكز .
الاجابه بكل بساطه هي أن إحنا مش بنبني بيت، إحنا بنبني "عقل".
علشان كدا مينفعش نشتغل على "الذاكرة" والطفل لسا عنده مشكلة في "الانتباه".
الذاكرة هي "مخزن" المعلومات، بس عشان المعلومة تدخل المخزن ده وتثبت، لازم تمر بمراحل قبلها.. لو وقعت مرحلة، الذاكرة هتبان ضعيفة وهيبقا الشغل تضييع وقت ليك وللطفل .
📌سلم الذاكرة الارتقائي:
🖇️ الانتباه: لو الطفل مش منتبه للمعلومة أصلاً، الذاكرة مش هتلاقي حاجة تخزنها.
🖇️ الإدراك: لو الطفل مش فاهم أو مش مدرك معنى اللي بيشوفه أو يسمعه، الذاكرة هتخزنه كـ "شفرة" مجهولة وهتتمسح بسرعة.
🖇️التشفير: هنا بيجي دور المهارة المعرفية في تنظيم المعلومة.
🖇️ الذاكرة: وهي النتيجة النهائية لكل اللي فات.
📌 انك تشتغل علي الذاكره وتهمل الإنتباه والادراك ، زي اللي بيحاول يملى كباية مكسورة
