What are the opening hours?

Monday 6am - 2am Tuesday 6am - 2am Wednesday 6am - 2am Thursday 6am - 2am Friday 6am - 2am Saturday 6am - 2am Sunday 6am - 2am

https://www.facebook.com/1723537761267947/

أجزاخانة الصحة, الشرقية/منيا القمح/منتصف شارع القيسارية, Minya el-Qamh (2026)

10/12/2025

كُحتك ببلغم؟ ولا ناشفة؟ 🤔

لو الكحة "ببلغم" أعرف إن الحل لازم يكون دواء يساعد في طرد البلغم مش يسكنها بس 🤷🏻‍♂️
لأن أكبر غلطة بنشوفها إن الناس تاخد مهدئ كحة وهي عندها بلغم فيحبس الإفرازات جوه الصدر!

وهنا دايمًا برشح دواء Loprecouph.

لأنه ببساطة بيعمل 3 حاجات مهمين جدًا:
✔️ يسيل البلغم ويخفف لزوجته
✔️ يساعد الجسم يتخلص منه بسهولة
✔️ يريح صدرك ويخفف الكحة

وياريت تشرب مياه كويس ومع أول يومين هتحس إن صدرك بقى أخف ونفسك بقى أريح 😴

وفي النهاية
العلاج الصح مش اللي يسكن الكحة..
العلاج الصح اللي ينضف صدرك.
وده بالظبط اللي بيعمله Loprecouph.

ولازم تستشير طبيب قبل استخدامه عشان الجرعة والمتابعة خصوصًا لو الكحة مصحوبة بحرارة أو استمرت أكتر من أسبوع 👌🏻

09/12/2025

لو بشرتك بتعاني من احمرار أو تهيج، ملمس خشن أو بهتان، بقع داكنة أو آثار حبوب وفقدان نضارة يبقى ده بالظبط اللي بشرتك محتاجاه 👌🏻

ليه المنتج ده بالذات؟ 🤔
لأنه مش مجرد سيروم فيتامين C ده تركيبة طبية قوية مكونة من
1⃣ 20% Vitamin C Complex
النوع المستخدم Stable ومناسب للبشرة الحساسة.
بيقلل التصبغات ويزيد النضارة ويحسن لون البشرة.
2⃣ Niacinamide (فيتامين B3)
يحافظ على حاجز البشرة.
يقلل الالتهاب والاحمرار.
يقلل الأكسدة ويمنع ظهور بقع جديدة.
3⃣ Uriage Thermal Water
لتهدئة قوية للبشرة.
يقلل الالتهاب ويخفف الحساسية.
يرطب ويوفر حماية طبيعية للبشرة.
4⃣ Mela-Technology Complex
(التقنية الأساسية في لاين Depiderm)
وهي مزيج من مستخلصات نباتية مضادة للتصبغ.
تقلل إنتاج الميلانين ونشاط التيروزيناز.
لها نتائج واضحة لتفتيح البقع خلال 28 يوم.

وكل المكونات دي مصممة مخصوص لـ:
تفتيح البقع والتصبغات بشكل واضح ✅
يوحد لون البشرة ويصلح علامات الشمس ✅
يقلل التهيج والاحمرار ✅
يرجع لبشرتك النضارة واللمعة الصحية ✅
يعالج الملمس الخشن وعدم التساوي ✅

وأكتر حاجة بحبها فيه إنه مناسب لكل أنواع البشرة even الحساسة وبيمتص بسرعة من غير ما يسيب لزق أو لمعان زائد 😌

08/12/2025

في غلطة بشوفها كتير في حالات الجروح!
وهي استخدام الكحول أو ماء الأكسجين مباشرة على الجروح المفتوحة.

خليني أوضحلكم الموضوع ببساطة…
الكحول معمول للجلد السليم بس قبل الإجراءات الطبية زي:
▪️ سحب دم
▪️ تركيب كانيولا
مش للتطهير العميق ولا هو علاج للجروح المفتوحة.

طيب ليه غلط؟ 🤔
لأن الكحول وماء الأكسجين بيقتلوا الخلايا السليمة اللي مسؤولة عن التئام الجرح.
وكمان بيبطئوا تكوّن نسيج الشفاء (granulation tissue).
وبيزودوا الالتهاب والألم من غير أي فائدة علاجية.
والأهم إن تأثيرهم سطحي مش تطهير فعلي للجرح 🤷🏻‍♂️

والبديل الأأمن والأصح لتنظيف أي جرح هو 👇🏻
✅ Betadine مخفف لو الجرح ملوث جدا
وطريقة التخفيف
Betadine 1 : Saline 9
(يعني جزء واحد بيتادين + 9 أجزاء محلول ملحي)

وممنوع نهائيًا استخدام مطهرات قوية على Bedsores (قرح الفراش)
ولو اضطرينا نستخدمها تتخفف لنفس تركيز الجروح العادية.

جرحك محتاج عناية صح…
مش ألم زيادة! 👌🏻

07/12/2025

في بداية اليوم أو في آخر السهرة.. جسمك هيحتاج دفى طبيعي يحميه من نزلات برد الشتا 😉

مع Sekem هتحس بالدفا الطبيعي بدون أي مواد صناعية لأنه 100% مكونات طبيعية ل
✅ تقوية الجسم والمناعة
✅ إمدادك بالطاقة على مدار اليوم
✅ حماية من نزلات البرد والإنفلونزا
✅ شعور بالراحة والدفى طول اليوم

خلي شتاك دافي وصحي مع Sekem 💚

06/12/2025

قبل أي عملية جراحية في سؤال لازم الطبيب بيسأله للمريض قبل أي خطوة للعملية وهو 👇🏻
بتاخد أدوية إيه؟

لإن في أدوية شكلها بسيط جدًا لكن ممكن تعمل مشاكل كبيرة في غرفة العمليات
🚫 نزيف
🚫 هبوط شديد
🚫 تفاعل مع التخدير
🚫 تأخير في التئام الجروح

وعشان كده لازم نوضح إن مش كل دواء ينفع يكمل معاك ليوم العملية 👌🏻

أهم الأدوية 👇🏻
1️⃣ Aspirin و Clopidogrel
الأدوية دي بتزود سيولة الدم.
لازم تقف قبل العملية بـ 5–7 أيام
وبترجع بعد ما طبيبك يطمن إن مفيش نزيف وغالبًا خلال 24–48 ساعة.

2️⃣ Warfarin
دا محتاج متابعة أدق.
بيتوقف قبل الجراحة بـ 5 أيام
وبنراقب INR
ولو المريض High risk ممكن نغطيه بـ Heparin حسب تقييم الدكتور.

3️⃣ أدوية السيولة الحديثة (DOACs)
Eliquis – Xarelto – Pradaxa
بتتوقف 2–3 أيام حسب الكلى ونوع الدواء
وبترجع خلال 24–72 ساعة بعد العملية حسب كمية النزيف.

4⃣أدوية السكر الفموي
وخاصة Metformin
لازم يتوقف قبل العملية بـ 24–48 ساعة
وده لتجنب Lactic Acidosis خصوصًا لو هيستخدموا صبغة أو وظائف الكلى ضعيفة وبيرجع أول ما الحالة تستقر.

5️⃣ أدوية الضغط من نوع ACE/ARBs
زي Ramipril – Valsartan
بتتوقف قبل العملية بـ 24 ساعة
وبترجع بعد الجراحة لما الضغط يبقى ثابت.

6️⃣ المدرات (Diuretics)
زي Lasix
تتوقف يوم العملية
وترجع لما نطمن على السوائل والضغط.

دمتم أصحاء

05/12/2025

معظم البنات عايزة سيروم يشد البشرة ويقلل الخطوط بس كمان محتاجة حاجة تفتح وتعالج البقع 💁🏻‍♂️

تعالي أقولك تجيبي إيه بالظبط 👌🏻
النهاردة هعرفك على اتنين من أقوى السيروم اللي وصلتني من EQUAL BERRY
وصدقيني دول لو دخلوا روتينك بشرتك هتشكرك! 😌

🔷 1- سيروم Bakuchiol Plumping لشد وترميم البشرة بدون تهيج
لو بشرتك حساسة ومش قادرة تتكيف على الريتينول دا هيكون صاحبك الجديد 😉
✔️ بيشد البشرة ويقلل التجاعيد من غير ما يهيجها.
✔️ يحفز إنتاج الكولاجين ويجدد خلايا البشرة.
✔️ يعزز مرونة البشرة ويملاها نضارة.
✔️ يقوي حاجز البشرة ويحميها.
مناسب للإستخدام الليلي ✅

🔷 2- سيروم Vitamin Illuminating
لو عندك اسمرار وبقع أو عدم توحد لون دا الحل الأقوى.
✔️ يوحد اللون ويقلل التصبغات والعلامات الداكنة.
✔️ يقلل البهتان ويرجعلك الچلو الطبيعي.
✔️ يحافظ على ترطيب البشرة طوال اليوم.
✔️ غني بالـ Acerola و Niacinamide لنتيجة تفتيح مضمونة.
وده تستخدميه بالنهار ✅

الروتين الأقوى لبشرة مشدودة وموحدة ومليانة نضارة 🥰

04/12/2025

عارف المشاهد السريعة الصغيرة اللي بتشوفها في الريلز اللي بتعدي في ثواني معدودة دي!!
الحقيقة هي مبتعديش هي بتأثر على مخك تأثير أنت مش متخيل أبعاده 💁🏻‍♂️

هي بتفضل تتردد في دماغك طول اليوم ف مزاجك يتغير… نومك يتلخبط… تفكيرك يزيد 🫡
وأه دي مش صدفة ده نتيجة الريلز السريعة 🤷🏻‍♂️

⚠️ ليه الريلز بتأثر عليك بالمنظر ده؟
لأن المخ بيتعامل مع المحتوى السريع على إنه “مكافأة فورية”
كل ريل بيدي دفعة Dopamine صغيرة ومع الوقت تدمنها.
وهنا تبدأ المشاكل❗
▪️تركيز أقل
▪️قلق أعلى
▪️نوم مش مظبوط
▪️ومخ مش راضي يهدى مهما قفلت الموبايل وبعدت عن أي دوشة

كمية المعلومات اللي بتدخل في دقيقة من الريلز أكبر من اللي كان مخك بياخدها في ساعات زمان! ☹️

وأكيد مش هقولك اقطع "السوشيال ميديا” لكن هقولك تعمل Reset محترم للمخ:
1️⃣ خليك واعي لوقتك والمحتوى اللي بتشوفه وأنت ماسك الموبايل
2️⃣ خصص وقت محدد ليها مش على مدار اليوم
3️⃣ حاول تفصل وتبعد عن الموبايل قبل النوم بساعة على الأقل
4️⃣ ولو القلق والتوتر أو النوم اتلخبط
هنا بقى دور الطب فالصح إنك تستشير طبيب يكتبلك مكملات تهدي الأعصاب، تحسن جودة النوم وتظبط الكيمياء العصبية 👌🏻

دماغك مش محتاجة محتوى أكتر.. محتاجة راحة أكتر 😴💚

03/12/2025

في بنات كتير بشرتها مرهقة ومجهدة بس مش عارفة تبدأ منين ولا تستخدم إيه 💁🏻‍♂️

مجموعة Tetra Hydro وفرتلك روتين عناية بالبشرة والجسم وأنا شخصيًا برشحها 👌🏻
ليه؟ لأن كل منتج في السلسلة معمول عشان يحل مشكلة حقيقية مش مجرد شكل ولون.

1️⃣ Tetra Hydro – Urea Cream
للبشرة شديدة الجفاف والخشنة
✔ يحتوي على اليوريا 10%:
ترطيب عميق + تنعيم + يعالج تشققات الكوع والركبة والكعبين.
✔ حمض اللاكتيك: بيقشر بلطف ويخلي البشرة تنعم بسرعة.
✔ بانثينول + جلسرين: يحبس الترطيب جوا الجلد لمدة طويلة.
مناسب لــ:
الإكزيما – التشققات – الجفاف القوي – مناطق الجسم الخشنة.

2️⃣ Ceramide Barrier Gel
جل مرطب خفيف جدًا مناسب للبشرة الدهنية
✔ سيراميد: يعيد بناء الحاجز الطبيعي للبشرة.
✔ هيالورونيك أسيد: ترطيب من غير ما يسيب طبقة لزجة.
✔ ألانتوين: تهدئة واحمرار أقل.
مناسب لــ:
البشرة الدهنية، المختلطة، الحساسة، المجهدة من الغسول والعوامل الخارجية.

3⃣ Ceramide Barrier Cream
ترطيب قوي بس من غير ما يسد المسام
✔ 3 أنواع من السيراميد: ترميم وتهدئة.
✔ كوليسترول + أحماض دهنية: يدعم حاجز البشرة الطبيعي.
✔ بانثينول: يقلل الالتهاب والحساسية.
مناسب لــ:
البشرة الجافة والحساسة – ما بعد جلسات ليزر – التهيج المزمن.

4️⃣ Ceramide Body Lotion
لوشن جسم يومي لكل أنواع البشرة
✔ سيراميد + هيالورونيك أسيد: ترطيب ناعم ومش دهني.
✔ زيوت طبيعية خفيفة: تغذية من غير ما يسيب طبقة مزعجة.
✔ مثالي للاستخدام اليومي بعد الشاور.
بيسيب الجسم ناعم ومترطب طول اليوم.

5️⃣ Hand Cream – Moisturizing
كريم يدين معالج مش بس معطر
✔ سيراميد: يمنع التشققات.
✔ بانثينول + جلسرين: ترطيب وتهدئة.
✔ قوام خفيف يمتص بسرعة.
مناسب للأيادي اللي بتستخدم مياه كتير أو بتتعرض لمطهرات.

6️⃣ Daily Gel Cleanser
غسول جل خفيف – ينضف من غير ما ينشف
✔ سيراميد: يحافظ على طبقة الجلد.
✔ هيالورونيك أسيد: يقلل الشد بعد الغسول.
✔ رغوة لطيفة ومناسبة للاستخدام اليومي.
يناسب كل أنواع البشرة خصوصًا الحساسة.

لو عايزة روتين يعالج مشكلتك ويهدي بشرتك من غير مواد قاسية
يبقى سلسلة Tetra Hydro هي الاختيار الأفضل عشان معمولين بفلسفة
ترميم – ترطيب – تهدئة 💚

02/12/2025

إيه أكتر حاجة آمنة أستخدمها بعد إزالة الشعر؟
ولو عندي التهاب واحمرار ومش لاقية حاجة تهدي الجلد.. أعمل إيه؟
مفيش بنت مسألتش نفسها الأسئلة دي 🤔

متقلقيش أنا هجاوبك في البوست ده 👇🏻
الحقيقة مش كل كريم ينفع للمناطق الحساسة، لأنها بتحتاج عناية أدق بكتير من باقي الجسم.
عشان كده اختاري Panthenol Pink ✅

ليه؟
لأنه ببساطة معمول بمكونات مخصوصة للبشرة الحساسة👌🏻
▪️بانثينول (Pro-Vitamin B5): يرطب ويصلح حاجز البشرة.
▪️جلسرين: يجذب الترطيب ويحافظ على نعومة الجلد.
▪️ألانتوين: يهدي الالتهابات ويخفف الاحمرار.
▪️فيتامين E: مضاد أكسدة بيساعد في حماية وتجديد البشرة.

فالكريم ده مش بس بيلطف ده حرفيًا بيزيل الألم واللسعة اللي بتحصل بعد إزالة الشعر أو الاحتكاك وبيقلل الاحمرار بشكل واضح جدًا.

وأكتر حاجة بتطمني من ناحيته إنه بيرطب بعمق وبيساعد في ترميم وتجديد الجلد، وده اللي بيخلي المنطقة ترجعلها نعومتها الطبيعية بسرعة ومن غير تهيج ✅

ولو بشرتك حساسة جدًا فهو معمول علشانك من الأساس 😌

باختصار…
لو نفسك في مرطب آمن ولطيف ونتيجته ملحوظة Panthenol Pink هيبقى اختيارك الصح 😌👌🏻

هتلاقوه متوفر دلوقتي في صيدلية الصحة والطلب متاح وتوصيل لحد البيت 👏🏻

01/12/2025

نزيف مستمر.. بطانة رحم مهاجرة.. عدم انتظام الدورة الشهرية..
لو بتعاني من أي واحدة فيهم أكيد هتاخدي واحد من الـ ٣ أدوية دول 👇🏻

طب لي هما بالذات؟ 🤔
أدوية النوريثيستيرون هي نوع من الهرمونات الصناعية الشبيهة بهرمون البروجستيرون الطبيعي اللي جسمك بينتجه.
وظيفتها إنها تثبت بطانة الرحم وتمنعها من النزول ✅
تمنع التقلبات الهرمونية اللي بتسبب الألم أو النزيف ✅
تقلل سُمك البطانة في بعض الحالات اللي فيها نمو غير طبيعي ✅

وبالتالي الدورة الشهرية متنزلش إلا لما توقفي الدواء، ساعتها مستوى الهرمون بينخفض ونزول الدورة بيحصل طبيعي 👌🏻

والأدوية دي بنستخدمها فقط في 3 حالات واضحة:
1️⃣ تأخير الدورة الشهرية
لما يكون عندك سفر، عمرة، بطولة، مناسبة وعايزة تتحكمي في معادها.
2️⃣ بطانة الرحم المهاجرة
لو الألم شديد والدورة غير منتظمة وبتأثر على يومك.
3️⃣ النزيف الرحمي الشديد
لما كمية الدم تزيد بشكل غير طبيعي أو يحصل نزيف بين الدورات.

⚠️ الأدوية دي آمنة لكن ممنوع تستخدميها من غير استشارة طبيبك وتحت إشراف طبي كامل لأن
▪️الجرعة بتختلف من بنت للتانية
▪️طريقة الاستخدام بتتغير حسب العمر، التاريخ الصحي، وسبب الاستخدام وكمان في حالات معينة مينفعش نستخدمها

اعملي منشن لصحبتك وفيديها 👏🏻

30/11/2025

قبل م تقولي شعري بيقع ومش عارفة أعمل له إيه؟.. شوفي إنتي بتغذي فروة رأسك بإيه؟ 💁🏻‍♂️
لإن الحقيقة اللي ناس كتير مش واخدة بالها منها إن أكتر سبب لتساقط الشعر إن فروة الرأس نفسها تبقى ضعيفة ومجهدة.

عشان كده لما حد ييجي يسألني عن سيروم فعال فعلاً، برشح له L’Oréal Elvive Aminexil 1.5%.

ليه بالذات المنتج ده؟ 🤔
لإن المادة الأساسية فيه Aminexil بتركيز 1.5% ودي من أقوى المواد اللي بتشتغل على منع تصلب بصيلات الشعر.
ومعنى كده إن الشعر يثبت مكانه وجذره يقوى مع الوقت بدل ما يقع بسهولة.
✅ بيقلل التساقط من أول أسبوعين
✅ يقوي الجذور ويحسن الدورة الدموية في فروة الرأس
✅ خفيف وبيمتص بسرعة ومبيسدش الشعر

ولو بتسألي نفسك "هل هو مناسب لشعري؟"
ف هو مناسب لكل أنواع الشعر حتى لو دهني.
ولو كنتي من الناس اللي جربت منتجات كتير ومفيش نتيجة فده وقت إنك تجربي حاجة معمولة مخصوص علشان توقف التساقط من جذوره 👌🏻

متنسيش تسألي عن سعره ف الكومنتات 👇🏻

29/11/2025

مع أول نسمة برد في الشتا بيبدأ موسم "حساسية الجيوب الأنفية" رسميًا 🤧

والأسئلة بتبدأ تكتر عن أنواع البخاخات والفرق بينهم وفي البوست ده أنا هوضحلك 😉

خليني أقولك السر بسرعة…
إحنا عندنا 3 مواد فعالة أساسية في بخاخات الستيرويد:
🔹 mometasone ← الأقوى
🔹 fluticasone ← يليه
🔹 triamcinolone ← الأقل
لكن بالرغم من قوة المواد دي
بيجيلي ناس كتير جدًا تقولي:
دكتور… البخاخ بستخدمه ومش بحس بفرق!

وهنا بقى المشكلة اللي قليل يعرفها ⬇️
إن الستيرويدات الأنفية مش علاج سريع.
الـ onset بتاعها يبدأ بعد 12 ساعة.
وكامل تأثيرها بياخد من أسبوعين لـ 3 أسابيع من الانتظام.

يعني لازم صبر علشان تشوف النتيجة الصح 👌🏻

طيب لو عايز ارتياح أسرع؟
هنا الناس بتروح للـ decongestant drops
وفعلًا بتفتح الأنف بسرعة رهيبة.
لكن المشكلة؟
مينفعش تستعملها أكتر من 5 أيام بسبب حاجة اسمها Rhinitis medicamentosa
اللي هو ببساطة إن أنفك يتعود على النقط وما يفتحش من غيرها.

ولأن ده حل خطر ومؤقت كان لازم يكون في مخرج أحسن.
وهنا يظهر الاختراع ده 👇🏻
Ticanase Plus
ده مزيج ذكي بين حاجتين:
✅ Azelastine → يشتغل بسرعة جدًا في نص ساعة تحس بفرق
✅ Fluticasone → يبدأ تأثيره المستمر بعد كده ويثبت الحالة لفترة أطول

وده بالظبط اللي بنحتاجه في الشتا
وقت ما الحساسية والانسداد يظهروا فجأة! 💁🏻‍♂️

الخلاصة اللي أحب تفهمها قبل ما تستخدم أي بخاخ👇🏻
مش كل بخاخ بيشتغل بنفس الطريقة،
ومش كل انسداد محتاج نفس الحل.
استخدم الصح… في الوقت الصح…
وإحنا موجودين دايمًا نوجهك وتاخد أعلى نتيجة بدون ضرر 😉👏🏻

أجزاخانة الصحة

10/12/2025

09/12/2025

08/12/2025

07/12/2025

06/12/2025

05/12/2025

04/12/2025

03/12/2025

02/12/2025

01/12/2025

30/11/2025

29/11/2025

Address

Opening Hours

Telephone

Website

Alerts

Shortcuts

Share

Category

Monday	6am - 2am
Tuesday	6am - 2am
Wednesday	6am - 2am
Thursday	6am - 2am
Friday	6am - 2am
Saturday	6am - 2am
Sunday	6am - 2am