https://www.facebook.com/102943812434170/

3ladwy, Minya (2025)

20/10/2025

🦅 ✌

انهارده هنتكلم على تمرين من اقوي تمارين البطن والي هيخلصك من دهون الكرش ف وقت قليل جداًمن نظام اكل مناسب طبعا 😎

وبأمانه من أكتر التمارين البسيطة والفعّالة اللي بتستهدف عضلات البطن بشكل مباشر.

دراسات كتير أثبتت إن تمرين الـ Crunch بيعمل تنشيط عالي جدًا لعضلات البطن مقارنة بتمارين تانية مشابهة، لأنه بيعزل البطن وبيقلل مشاركة عضلات تانية. وده معناه إنك بتدي عضلات بطنك الحمل الصح اللي محتاجاه عشان تتطور وتبان

الفكرة إنك تركز إن الحركة تبقى من البطن مش من الرقبة أو الضهر، عشان تستفيد صح وتجنب الإصابات.

طيب نعمله ازاى يعم جيمى 😎

تعالى اقولك يهرم ☺️💚

1. نام على ضهرك على الأرض أو السجاده .
2. اتني رجلك 90 درجة وخلي كعبك ثابت على الأرض.
3. إيدك ورا دماغك أو متقاطعة على صدرك (المهم من غير شد على الرقبة).
4. خد نفس عميق، ومع الزفير ارفع كتفك لأعلى بخفة لحد ما تحس بشد في عضلات البطن.
5. ارجع للوضعية الأولى ببطء (من غير ما تسترخي كامل).

ما تشدش برقبتك ولا تستخدم وسطك انك تزق بيه .

ركز إن الحركة كلها طالعة من عضلات البطن نفسها.

3–4 مجموعات × 15–20 عدة. ومع الوقت زوّد الصعوبة إنك تعمل تباطؤ في النزول أو تمسك وزن صغير على صدرك.

طيب اى فوائد التمرين دا يجيمس 😎🤔

✅ تقويه عضلات البطن والمساعده فى بروزها وظهورها
✅ التمرين ده بيساعدك تقوّي الكور (Core) بتاعك
✅ بيحسّن شكلك وأداءك في أي تمرين تاني
✅ ومع الالتزام بالأكل المظبوط هتشوف البطن بتتشكل وتبان أكتر
ومتنسناش فى دعواتك ولك بالمثل💚
ج ✌💥
✌🦅
🔥
🍌
💚 🌜
❤
✌💚🦅
🩼🤸‍♂️

03/10/2025

بما انا هنا الكبسه عامله شغل كويس فى الجسم ومخلياك زى البلونه 😅😅

ف انا هقولك على تمرين لو عملته ٥ دقايق يومياً هتنسي الكرش بأذن الله مع تظبيط اكلك 👌🔥
طيب اى التمرين دا يعم جيمى 🤔👈

تعالى اقولك يهرم ☺️

يمكن تفتكر إن تمرين البلانك (Plank) مجرد تمرين عادي، لكن الحقيقة إنه من أذكى التمارين اللي ممكن تعملها، لأنه بيشتغل على حاجة اسمها:
Core Stability أو “ثبات العضلة المركزية”.

ليه البلانك مهم؟
• عضلات البطن (Re**us Abdominis + Transverse Abdominis): البلانك بيشغل كل طبقات البطن من السطحية للداخلية.
• عضلات الظهر السفلية (Erector Spinae): بتحافظ إن ضهرك يفضل مستقيم.
• الكتفين والـ Scapula: البلانك بيعلمك إزاي تسيطر على حركة لوح الكتف.
• الجلوتس والفخذ الخلفي: هما اللي بيقفلوا السلسلة الحركية وبيخلوك واقف ثابت من غير ترهلات.

النتيجة؟
• ضهر أقوى وأقل عرضة للإصابات.
• بطن مش بس شكل، لكن كمان قوة وتحمل.
• أداء أحسن في أي رياضة أو تمرين تاني.

إزاي تعمله بشكل علمي صح؟
1. الوضعية:
• كوعك تحت كتفك مباشرة.
• ظهرك خط مستقيم من الرأس للكعب.
2. الشد الداخلي:
• شد بطنك كأن حد هيضربك على معدتك.
• شد الجلوتس (عضلة المؤخرة) علشان تمنع أي تقوس.
3. التنفس:
• متحبسش النفس.
• خليك تتنفس بعمق من الحجاب الحاجز (Diaphragmatic Breathing).
4. المدة:
• الجودة أهم من الوقت. دقيقة ببلانك صح أحسن من ٥ دقايق غلط..✌🤸‍♂️

لأننا مؤمنين إن العلم الصح هو أسرع طريق للتحول، وإحنا موجودين نديك العلم ده بالحب 👌💚

✌🦅
🔥
🍌
💚 🌜
❤
✌💚🦅
🩼🤸‍♂️

03/10/2025

-
"‏وإن شئت فى الدَارين أن تُسعَد ؛؛ فأگثر
مِن الصلاة على محمد ﷺ ❤

-

19/09/2025

.
👌💚

29/08/2025

🤸‍♂️✌
انهارده هنتكلم عن بعض العضلات المسئوله الاستقامة (حُراس) العمود الفقري

العضلات اللي باينة باللون الأحمر في الصورة هي عضلات Erector Spinae، ودي بتشتغل كأنها “الدعامة الداخلية” للظهر.
بتبدأ من الحوض وتطلع على طول العمود الفقري لحد منتصف الظهر، وبتشتغل طول الوقت — حتى وإنت واقف ساكت — علشان تحافظ على استقامة الجسم وتوازن الحوض.

---

طيب اى بقا الى يحصل يعم جيمى لو حصل ضعف فى العضلات دى 🤔🤔

1. انحناء غير طبيعي في العمود الفقري

• زي زيادة التقوس القطني (Hyperlordosis) أو تسطحه (Flat Back)
• بيأثر على توزيع الوزن، وبيزود الضغط على الفقرات والمفاصل

2. اختلال في وضعية الحوض

• الحوض ممكن يميل للأمام أو للخلف
• ده بيأثر على المشي، الوقوف، وحتى التنفس

3. تحميل زائد على عضلات أخرى

• زي عضلات البطن، الفخذ، والرقبة
• وده ممكن يسبب شد عضلي مزمن أو آلام متنقلة

4. زيادة خطر الإصابة بالانزلاق الغضروفي

• بسبب ضعف الدعم الخلفي للفقرات
• خاصة في الحالات اللي فيها حمل أو حركة مفاجئة

---

طيب نحافظ عليها ازاى بقا يجيمس ☺️🤔

• من خلال تمارين تقوية زي Superman، Bird-Dog، وPlank المعدل
• تمارين إيطاله خفيفة بعد الجلوس الطويل
• تقييم دوري لوضعية الجسم، خاصة في حالات القوام المنحرف.
#فى مركز الدكتور لتأهيل الاصابات بيتگ التانى💚
✌🦅
🔥
🍌
💚 🌜
❤
✌💚🦅
🩼🤸‍♂️

08/08/2025

🔥 #ملخص سريع وبسيط ع منطولش ع بعض😅😅
دى دراسه بشل مبسط ومفيد عن علاج ألم أسفل الظهر (Low Back Pain) من خلال التركيز على مفصل الحوض (Hip) 🔥

🔍 ليه نركّز على الـ Hip مع مرضى الـ Low Back Pain يعم جيمى 🤔

بص يحته 🙄
مش كل ألم في الظهر سببه الظهر نفسه!

»» مل اى يعم الفهيم انت 🙂😅

بص غالبًا بيكون في حاجه من دول :
- يا ضعف عضلات الحوض (Hip muscle weakness).
- يا قلة مرونة مفصل الحوض (Hip mobility restriction).
- يا خلل في ميكانيكية الحوض والعمود الفقري (Altered lumbopelvic mechanics).

»» وكان فى دراسه اتعملت عن Low Back Pain
#خلاصة الدراسة دى (2023):
العلاج الموجه لمفصل الحوض (تقوية + تحسين المرونة) بيقلل الألم ويحسن الحركة بشكل كبير في مرضى الـ LBP (
Low Back Pain )
---

ودول بعض التمارين البسيطه الى تقدر تعملها حتى وانت ف البيت للعضلات دى 🤸‍♂️🤸‍♂️
1️⃣ ✅ تقوية عضلة Gluteus Medius
- التمرين: Clamshell with Resistance Band
- الطريقة:
- النوم على الجنب، الركبتين مثنيتين.
- فتح الركبة العليا مع إبقاء القدمين متلامسين.
- ٣ مجموعات × ١٥ تكرار.

2️⃣🔵 تحسين مرونة عضلات الـ Hip Flexors
- التمرين:Thomas Stretch
- الطريقة:
- النوم على طاولة، جذب ركبة واحدة للصدر.
- ترك الرجل الأخرى تتدلى لأسفل للشعور بالشد.
- ٣٠ ثانية × ٣ مرات لكل رجل.

3️⃣🟠 تحسين ثبات الحوض والظهر (Lumbopelvic Stability)
- التمرينGlute Bridge with Marching
- الطريقة:
- رفع الحوض لأعلى ثم رفع رجل واحدة بالتناوب مع الثبات.
- ٣ مجموعات × ١٠ تكرار.

4️⃣ 🔴 تقوية عضلات الـ Hip Abductors
- التمرين:Standing Hip Abduction with Band
- لطريقة:
- الوقوف وربط Band حول الكاحلين.
- تحريك الرجل للخارج (حركة جانبية).
- ٣ مجموعات × ١٢ تكرار لكل رجل.

---

🎯 الفكرة الأساسية:
مش بس نعالج الظهر، لكن نعيد التوازن بين:
Hip – Pelvis – Lumbar Spine

👨⚕️ نصيحة للدكاترة والطلاب:
لاحظوا Compensations اللي بتيجي من الحوض في مرضى الـ LBP ( Low Back Pain)، واعملوا Assessment شامل قبل ما تحكموا أن المشكلة في الظهر فقط!

📌 العلاج الناجح = تشخيص دقيق + تأهيل مع حد فاهم☺️🤸‍♂️

---

💬 لو عندك أي حالة معينة محتاجة مناقشة، كلمنا! 😊
#فى مركز الدكتور لتأهيل الاصابات بيتگ التانى💚
✌🦅
🔥
🍌
💚 🌜
❤
✌💚🦅
🩼🤸‍♂️

31/07/2025

#فى مركز الدكتور لتأهيل الاصابات بيتگ التانى💚
✌🦅
🔥
🍌
💚 🌜
❤
✌💚🦅
🩼🤸‍♂️

31/07/2025

في ناس بتفتكر إن إصابة الرباط الصليبي الأمامي (Anterior Cruciate Ligament - ACL) دي مشكلة تخص اللعيبة بس، لكن الحقيقة إن أي حد بيجري بسرعة أو بينط أو ينزل سلم بسرعة ممكن يتعرض لإصابة في الرباط ده..🥲🥲🤸‍♂️💔

طيب اى هو اصلا الرباط المصلب دا يعم جيمى ☺️😅😅
تعالى اقولك يحبيب اخوك ☺️

🔹 الرباط الصليبي الأمامي هو واحد من الأربطة الأربعة الأساسية اللي بتثبت مفصل الركبة.🦵🦵
بيربط بين عظمة الفخذ (Femur) وعظمة الساق (Tibia)، ووظيفته إنه يمنع عظمة الساق من إنها تتحرك للأمام أكتر من اللازم، وكمان بيثبت الركبة وقت الحركات المفاجئة أو تغيير الاتجاهات المفاجئة (Pivoting).

طيب اى اعراضه دا ولا نعرفه ازاى🤔

🔸 إصابة الرباط الصليبي بتحصل لما الرباط يحصل فيه شد جامد أو تمزق جزئي أو قطع كامل. ودي بتحصل عادة بسبب حركة عنيفة أو التواء مفاجئ.

✅ أعراض الإصابة بالرباط الصليبي الأمامي🦴👈
1️⃣ سماع صوت فرقعة واضح وقت الإصابة (Pop sound) وده بيكون علامة مميزة على حدوث قطع أو تمزق.
2️⃣ ألم شديد ومفاجئ غالبا بيخلي المصاب ميقدرش يكمل لعب أو حركة.
3️⃣ تورم سريع بيحصل نتيجة تجمع دم داخل المفصل..
4️⃣ إحساس بعدم الثبات في الركبة أو إنها بتخون الشخص أثناء الوقوف أو الحركة.
5️⃣ صعوبة في حركة الركبة سواء في الثني (Flexion) أو الفرد (Extension) بسبب الألم أو التورم.
6️⃣ العضلات المحيطة زي عضلة الفخذ الأمامية (Quadriceps) والخلفية (Hamstrings) بتنقبض بشكل لا إرادي كنوع من الحماية وده اسمه Muscle Guarding.
7️⃣ الإحساس بضعف في الركبة أو فقدان السيطرة عليها.

🔸 ومش شرط الأعراض كلها تظهر مع بعض، في بعض الإصابات الجزئية أو المزمنة الألم بيكون أقل لكن عدم الثبات بيكون العلامة الأوضح.

وبعدين دى لو الاعراض دى كلها ظهرت عندك يبقى كده المفصل بتاعك ركب قطر 6 الاتلت💔😅😅

طيب اى بقا الاسباب والمشاكل والمترتب عليه والذى منه الى بتؤدى لاصابه ACL🦵🤸‍♂️

✅ الأسباب أو العوامل اللي بتؤدي لإصابة الرباط الصليبي الأمامي:
1️⃣ حركات رياضية مفاجئة زي لف الجسم بسرعة أو التوقف المفاجئ أو النزول من وثبة عالية والرجل مفرودة ومش مثنية كويس. ده شائع في رياضات زي كرة السلة وكرة الطائرة وكرة القدم .
2️⃣ خبطة قوية على الركبة من الجنب أو من الأمام والقدم مثبتة في الأرض، وده بيحصل كتير في رياضات زي كرة القدم.
3️⃣ حركة خاطئة للركبة زي إنها تدخل للداخل بشكل مفاجئ أثناء الجري أو النزول من وثبة (Knee Valgus).
4️⃣ وجود إصابات قديمة في الركبة متأهلتش كويس بيزود فرصة الإصابة الجديدة.
5️⃣ ضعف عضلات الفخذ الخلفية (Hamstrings) أو عضلات الحوض (Glutes) أو وجود ليونة زائدة في الأربطة (Ligamentous Laxity).
6️⃣ الإرهاق الشديد أو الإجهاد آخر التمرين بيخلي العضلات مش قادرة تثبت الركبة كويس وبيزود فرصة الإصابة.

✅ إزاي يتم التشخيص:
🔸 اختبارات سريرية زي Lachman Test وAnterior Drawer Test وPivot Shift Test لتحديد مدى ارتخاء الركبة. 🦵
#ودى طبعا كجمال بفضل نعملها بعد ما نتأكد من الآشعه وتشخيص دكتور العظام الاول لانه صاحب التشخيص الاول👌☺️

🔸 أشعة الرنين المغناطيسي (MRI) لتحديد هل في Partial Tear ولا Complete Tear وهل في إصابات تانية في الغضاريف أو العظام.
🔸 الأشعة العادية (X-ray) لاستبعاد وجود كسر أو Avulsion Fracture.

✅ درجات إصابة الرباط الصليبي الأمامي:
1️⃣ الدرجة الأولى (Grade1): شد بسيط أو التواء خفيف في الرباط بدون قطع، الركبة بتكون مستقرة والألم والتورم بيكونوا بسيطين.
2️⃣ الدرجة الثانية (Grade 2): قطع جزئي في ألياف الرباط مع وجود عدم ثبات نسبي وألم وتورم واضحين.

وفى الحال دى الرأي بيكون لدكتور العظام هل هنحتاج عمليه جراحيه ولا تأهيل فقط. 👌

وفى الجزء دا هفهمك كجمال اى المعايير الى بيتحدد عليها لدكتور العظام ان شاء الله فى بوستات تانيه ☺️☺️

3️⃣ الدرجة الثالثة (Grade 3): قطع كامل في الرباط، الركبة بتكون غير مستقرة بشكل كبير، مع ألم شديد وتورم واضح وغالبا بتحتاج تدخل جراحي لإعادة بناء الرباط (ACL Reconstruction).

طيب اى يعنى يعم جمال لو حصل الكلام دا معايا وفكيت من العمليه او معملتش تأهيل هنموت يعنى ولا اى☺️🙂
لا طبعا يحبيب اخوك هيحصل شويه مضاعفات بس كده على شويه مكسرات فى ركبتك بس ☺️🤸‍♂️🦵💔

✅ المضاعفات لو الإصابة متتعالجتش كويس:
🔸 استمرار عدم الثبات في الركبة وزيادة فرصة حدوث خلع أو إصابات تانية في الغضروف الهلالي أو المفصل.
🔸 ظهور خشونة في الركبة مبكر بسبب تلف الغضروف (Early Osteoarthritis).
🔸 ضعف مستمر وألم مزمن وضعف في العضلات.
🔸 صعوبة في الرجوع لمستوى اللياقة أو الأداء الرياضي الطبيعي.

✅ الوقاية:
1️⃣ تقوية العضلات المحيطة بالركبة خاصة عضلات الفخذ الأمامية والخلفية وعضلات ال (Core muscles).
2️⃣ تعلم الهبوط الصحيح من الوثب (Proper Landing Technique).
3️⃣ الإحماء الجيد قبل أي نشاط رياضي مع التمديد الجيد للعضلات (Stretching).
4️⃣ استخدام معدات رياضية مناسبة وأرضية لعب مناسبة.
5️⃣ التوقف فورًا عن اللعب أو التمرين لو حسيت بألم أو عدم ثبات عشان يتم التشخيص مبكر.
#فى مركز الدكتور لتأهيل الاصابات بيتگ التانى💚
✌🦅
🔥
🍌
💚 🌜
❤
✌💚🦅
🩼🤸‍♂️

3ladwy

20/10/2025

03/10/2025

03/10/2025

19/09/2025

29/08/2025

08/08/2025

31/07/2025

31/07/2025

Address

Telephone

Website

Alerts

Contact The Practice

Shortcuts

Share