Dr Doaa Elsayed Kids Clinic

10/12/2025

تحية خاصة لأحدث المتابعين لي! يسرني انضمامك! Fathy Moursy, Ahmed Gamal, Aya Mahmoud

24/11/2025

تكملة للبوست السابق🧐
هنعرف هنا كيفية التعامل مع الدور ده 👇
----------------------------------------------------------
✅ الطفل اللى تعب ده 🤧 يقعد فى البيت لمدة اسبوع وممنوع ينزل الحضانة او المدرسة .. ولو نزلتوه يبقى انتم سبب فى انتشار العدوى وتشيلوا ذنب ابنكم وذنب الاطفال اللى اتعدت منه ( طب لو فيه امتحانات وتقييمات😏 يبقي يلبس كمامة😷 وهو نازل)

✅ ممنوع ممنوع ممنوع تأكلوه سكريات (يعنى اى حاجة محطوط عليها سكر مصنع ايا كان نوعها او شكلها ممنوعة )

✅ الدور ده فيروسى : يعنى هتيجي يمين هتيجى شمال الدور ده هياخد وقته يعنى هياخد وقته .. وهو من اسبوع لاسبوعين وبعدين ابنكم هيرجع كما كان بفضل الله .. ياريت بلاش نجرى على الصيدلية نديهم حقنة البرد المتينة اللى هتخسر العيال مناعتها

✅بعض الأطفال بتشتكى من رجلها اثناء الدور ده وساعات بعد ماتخف .. فى العموم دى حاجة طبيعية بيبقى التهاب عضلى نتيجة الاصابة بالفيروس .. بيهدى لوحده
🚨 ولكن لو الموضوع طول نستشير الطبيب

✅ ازاي اعالج الاعراض صح ؟؟
--السخونية الشديدة : 🔥

كمادات مية من الحنفية على الرقبة وتحت الابط وعند الفخدتين .. مع خوافض الحرارة زى
- السيتال : لو الطفل اقل من 6 شهور
- السيتال ومعاه بروفين بالتبادل لو الطفل اكتر من 6 شهور

--الكحة الشديدة :

المشروبات الدافية زى الجنزبيل بالعسل - التيليو والينسون بالعسل - الزعتر وورق الجوافة مع #جلسات التنفس ( ممنوع العسل لو الطفل عمره اقل من السنة)
🚨 وطبعا لو فيه نهجان أو الكحة طولت وبتصحيه بالليل وماثرة علي نشاطه لازم نستشير الطبيب

✅ اطفال حساسية الانف والصدر هم عرضة اكتر ان الدور يقلب عندهم او يحتاجوا لا قدر الله انهم يتحجزوا فى المستشفيات .. علشان كده بمجرد ماتظهر اعراض عند الاطفال دول .. لازم فحص كامل واشعة على الصدر وتحاليل دلالات الالتهاب زى CBC -CRP .. وماتنسوش ابدا بخاخات الصدر والانف

✅ نأجل استخدام المضاد الحيوي تماما خصوصا اول 3 ايام من التعب .. ورجاء خاص منروحش نصرف مضاد حيوي من الصيدلية بدون ما دكتور الاطفال يفحص الطفل كويس ويطلب تحاليل وبناءا عليها يشوف هيكتب مضاد ولا لا وغالبا مش هيحتاج لان ده دور فيروسى هياخد وقته وهيتحسن ان شاء الله

✅ حديث الولادة والاطفال قبل 6 شهور ممنوع نتعامل ابدا ابدا من نفسنا .. لاااازم نروح لدكتور الاطفال ويسمع صدر العيل🩺 كويس لانه كمان ممكن يطلب اشعة على صدره لو شك لا قدر الله فى حدوث التهاب رئوى

✅ الموضوع مش مرعب ومش محتاج كل الفزع ده ومفيش وفيات .. ببساطة لو الطفل تعب .. نقعده فى البيت ..لغاية لما الدور ينحصر وترجع الامور لطبيعتها

✅ التطعيمات الاضافية💉 والله ماهى كذبة ولا على الفاضى .. الواحد بيحس جدااا بقيمتها فى الايام دى ..( واتكلمت عنها في بوست سابق)

✅ واخيرا : الأدوية

🪄 محفزات المناعة في منها انواع كتير في الصيدلية
تتاخد لمدة شهرين على الاقل

🪄 التاميفلو : هام جدااا الفترة دى وبيساعد فى تحسن الحالة جداا خصوصا لو اتاخد اول 48 ساعة من الاصابة ويصرف حسب رأي الطبيب المعالج

🪄 شراب الزنك : زي
Zinc origin syp
(جرعته :
5 مل مرة يوميا قبل سنة ..
بعد سنة 10 مل )

❤❤

17/11/2025

في الأسابيع الأخيرة ظهرت:
* زيادة ملحوظة في حالات ارتفاع درجة الحرارة، التهاب الحلق، كحة ناشفة، آلام جسم شديدة ، ورشح و اجهاد شديد و فقدان شهية و أحيانا مغص و اسهال و فقدان للشم و التذوق

* كثير من الحالات سريعة الانتشار داخل الأسرة الواحدة
* المرض يستمر من 5–7 أيام في معظم الحالات
هذه الصورة تطابق بشكل كبير متحورات كورونا و فيروسات الانفلونزا الموسمية و فيروسات البرد Rhino virus و الفيروس المخلويsyncitial
وهذه الفيروسات الآن هي المسؤولة عن معظم نزلات البرد الشديدة حول العالم.

هل هناك خطورة؟
المتحورات الحالية أخف من كورونا القديمة لا تسبب التهاب رئوي شديد إلا في حالات خاصة :
* مرضى المناعة الضعيفة

هل يحتاج مضاد حيوي؟
❌ لا
يُستخدم فقط لو ظهرت علامات بكتيريا مثل:
* بؤرة في الصدر
* بلغم صديدى

العلاج :
في حالة عدم وجود التهابات رئوية او نقص في نسبة الأكسجين بالدم يكون العلاج مجرد علاج تحفظي للاعراض فقط مثل حافض حرارة عند اللزوم و شراب مهدئ للسعال في حال وجود كحة و مضاد للهستامين في حال وجود رشح او عطس و هكذا
بالإضافة طبعا الي التغذية الجيدة و السوايل و الراحة

10/11/2025

دراسات : كل مالطفل زاد في العنِد معاكي
كل ما كانت شخصيته أقوي ومستقبله افضل..!

بصي كل ما يتعبك غمضي عنيكي وخدي نفس عميق وقولي في سرك (ابني شخصية اسم الله والحارس الله) هتبقي أحسن ان شاء الله 🤣🤣🤣

27/10/2025

اعضاء الجروب الكرام بعتذر عن عدم نشر بوستات الفترة دي لظروف خاصة وضيق الوقت🙏🏻🙏🏻
وان شاء الله البوستات هتبقي جاهزة آخر الأسبوع القادم
دمتم سالمين وبصحة جيدة❤️❤️❤️

19/10/2025

12/10/2025

الكحة بتقعد من ١٠ ايام لـ اسبوعين😷🤧..
هتغير العلاج
هتغير الدكتور
هتغير عفش البيت
الكحة برضه بتقعد اسبوعين 😌😅😎
✍️👌هنتكلم البوست الجاي ان شاء الله عن الكحة وانواعها واسبابها وازاي نحمي اطفالنا

دمتم سالمين🌺🌺

09/10/2025

شكرًا لكونك أحد أبرز المتفاعلين ودخولك إلى قائمة التفاعلات الأسبوعية الخاصة بي! 🎉 Mahmoud Elsayed, Dahab Ahmed, Engy Anan, Anisa Elsaeed, Dina Farouk, Yehia Magdi, Aya Ashraf, عبير المحمدى, Amany Gamal, Drhanan Akl

09/10/2025

تحية خاصة لأحدث المتابعين لي! يسرني انضمامك! Mohamed Farag, Ahmed Mosbah, Ahmed Reda, Mohamed Magdy, Saeed Fareid El Gabre, محمد رضا, فتحي عبد السميع, Ahmed Morsy, أحمد خالد, Rahma Aziz, Salah Said, Youssef Kamel, Dahab Ahmed, Śàĺmà Mòśààď, Maram Elshemy, Mohand Mortade, Mai Abdelmotaleb, Hadar Mawot