د/ ريهام عمران - استشاري طب الاطفال وحديثي الولادة Dr. Reham Omran

03/03/2026

⚠️ بناءً على رغبة متابعينا 👇
متاح الكشف أونلاين في عيادة الأطفال والتغذية العلاجية مع د/ ريهام عمران ✅

كشف التغذية العلاجية
لو طفلك يعاني من 👇
✨ضعف الشهيه.
✨الانتقائية في الأكل.
✨الأنيميا أو نقص الفيتامينات.
✨زيادة الوزن او نقص الوزن.
✨السمنه و مقاومة الانسولين.
✨تثقيف الطفل السكري.
✨تقييم نمو الطفل حسب العمر .

🔴 المتابعه تشمل:
1️⃣تقييم الحالة الغذائية للطفل.
2️⃣ تثقيف الأم والطفل بأساسيات التغذية الصحية.
3️⃣ وضع نظام غذائي مخصص حسب عمر الطفل و حالته الصحيه.
4️⃣ تصميم روتين يومي صحي ( أكل - نوم - رياضة ).
5️⃣ متابعة وتعديل النظام حسب الاستجابة.
6️⃣وصفات صحيه سهله و لذيذه للأطفال و الكبار.

🕞مدة الجلسة ٤٥ دقيقه.
⌛عدد الجلسات ٤ شهريا.
🗓️جلسة أسبوعيا.

للحجز و والإستفسارات :
واتس أب 01120003354

27/02/2026

هيئة تحذّر من بعض منتجات حليب الأطفال التابعة لشركة "نوتريشيا دانون" (Aptamil، Bebelac)، لاحتمالية تلوثها بمادة "سيريوليد" الناتجة عن بكتيريا "باسيلس سيريوس"، وذلك ضمن إجراء سحب طوعي احترازي.

https://sfda.gov.sa/ar/warnings/5521646

25/02/2026

اعلنت الهيئة القومية لسلامة الغذاء، اليوم الأربعاء 25 فبراير 2026، اتخاذ قرار بسحب واسترجاع عدد من تشغيلات منتجات شركة دانون – مصر من السوق المحلي، في إطار المتابعة الدورية وضمان الالتزام بمعايير سلامة الغذاء.

وأوضحت الهيئة أن القرار يشمل 7 تشغيلات من منتجي «بيبيلاك 1» و«بيبيلاك جونيور 3» عبوة 400 جرام، بإجمالي كميات وصلت إلى 526 ألفًا و725 عبوة متداولة في الأسواق.

وبالنسبة لمنتج «بيبيلاك 1»، فقد تقرر سحب تشغيلات تنتهي صلاحيتها خلال الفترة من يونيو إلى أغسطس 2027، بإجمالي يتجاوز 383 ألف عبوة. كما شمل القرار سحب تشغيلتين من «بيبيلاك جونيور 3» تنتهي صلاحيتهما في يوليو وأغسطس 2027 بعدد يقارب 143 ألف عبوة.

وأكدت الهيئة أن شركة دانون بدأت بالفعل تنفيذ سحب طوعي للتشغيلات المتأثرة تحت إشراف مباشر من الجهات الرقابية المختصة، وفق نظم إدارة سلامة الغذاء المعتمدة.

وأشارت إلى أن هذا الإجراء جاء في ضوء المستجدات العلمية الدولية المتعلقة بمادة «Cereulide» التي تفرزها بكتيريا Bacillus cereus، والتي قد تتسبب عند التعرض لكميات مرتفعة منها في أعراض مثل القيء والغثيان، خاصة لدى الأطفال.

كما أوضحت الهيئة أنها استندت إلى أحدث التقارير الصادرة عن الهيئة الأوروبية لسلامة الغذاء في 2 فبراير 2026، والتي حددت جرعة مرجعية آمنة لهذه المادة لدى الرضع، مؤكدة أن الإخطار الوارد عبر نظام الإنذار الأوروبي للغذاء لا يرتبط بواقعة تسمم مؤكدة، وإنما يندرج ضمن إجراءات تنظيمية احترازية.

19/02/2026

🌙 أول يوم رمضان… مش يوم دايت
في حاجة مختلفة بتحصل في أول يوم رمضان…
مش مجرد بداية صيام، ولا تغيير مواعيد أكل.
دي لحظة العالم كله فيها بيهدى فجأة… كأن الزمن نفسه قرر ياخد نفس عميق.
أول يوم رمضان مش يوم نظام غذائي.
هو عيد صغير… لمة، ضحك، صوت أطباق بتتحط على السفرة، ودعوات طالعة من قلوب تعبت طول السنة.
وعشان كده هقولك حاجة يمكن غريبة شوية من دكتورة تغذية:
👉 انسَ الدايت النهارده.
مش استهتار بالصحة…
لكن احترام لطبيعة الإنسان.
خليني أقولك ليه — علميًا قبل ما يكون إحساس.
________________________________________
① صحتك مش بتتحدد في الأيام الاستثنائية
الجسم مش آلة بتحاسبك على وجبة.
الجسم بيحسب اللي بيتكرر.
الأبحاث في التغذية السلوكية بتأكد إن صحتنا الأيضية مرتبطة بالنمط طويل المدى، مش بالأيام الفردية أو المناسبات.
يعني اللي بيحدد وزنك وصحتك هو اللي بتعمله أغلب أيام السنة… مش أول إفطار رمضان.
ببساطة:
يوم واحد مش بيعمل سمنة… زي ما يوم واحد جيم مش بيعمل عضلات.
الخوف من يوم استثنائي غالبًا مش حرص… لكنه شعور متراكم بالذنب.
________________________________________
② الحرمان النفسي أحيانًا أسوأ من الأكل نفسه
لما تقعد على السفرة وتقول لنفسك:
“ممنوع… ممنوع… ممنوع…”
مخك بيفسر ده كضغط.
الدراسات بتوضح إن التقييد الذهني الشديد للأكل بيرفع هرمون التوتر (الكورتيزول)، وده بيزود الرغبة في السكريات والأكل الاندفاعي بعد كده.
يعني paradox غريبة:
كل ما تشد أكتر… احتمالية فقدان التحكم بتزيد.
المشكلة مش في الأكل… المشكلة في الصراع الداخلي معاه.
________________________________________
③ رمضان تجربة إنسانية قبل ما يكون تجربة غذائية
الأكل مش بيولوجيا بس… هو علاقة.
الدراسات بتوضح إن الناس بتغيّر طريقة أكلها حسب الأشخاص اللي حواليها، لأن الأكل تجربة اجتماعية في الأساس.
الأكل مع العيلة بيقلل التوتر.
اللمة بتدي إحساس أمان.
والمشاركة نفسها لها أثر نفسي حقيقي.
لو حولت اللحظة دي لمعركة دايت… أنت كده حرمت نفسك من جزء مهم من معنى رمضان.
________________________________________
طيب لو أنا أصلًا ماشي على نظام غذائي؟
مش محتاج تسيبه… بس تديره بذكاء.
✅ إزاي تعدّي أول يوم رمضان بدون صراع؟
1️⃣ غيّر الهدف
مش هدفك تقلل الأكل… هدفك تستمتع بوعي.
اسأل نفسك: عايز أطلع من اليوم ده بإحساس إيه؟
2️⃣ ابدأ ببطء
تمر، شوربة، ومياه.
سيب لجسمك 10–15 دقيقة قبل ما تكمل أكلك.
3️⃣ اختار… ما تمنعش
بدل ما تقول “مش هاكل حلويات”،
قول “هاختار الحاجة اللي نفسي فيها فعلًا”.
4️⃣ قاعدة الـ70%
كُل لحد الراحة… مش الامتلاء.
5️⃣ ركّز على الناس مش الطبق
اتكلم، اضحك، شارك اللحظة.
لما الانتباه يروح للناس، الإفراط بيقل تلقائيًا.
________________________________________
الرسالة الأهم
أول يوم رمضان مش اختبار إرادة… ولا امتحان سعرات.
هو تدريب هادئ على علاقة صحية مع الأكل.
العلاقة دي تبدأ لما الأكل يبقى صديق مش خصم.
اللي بيأذيك مش طبق الكنافة…
لكن شعور الذنب بعده.
الجسم — زي القلب — بيزدهر بالاتزان، مش بالقسوة.
فلو سألتني تعمل إيه النهارده؟
✨ كُل
✨ اضحك
✨ اقعد وسط أهلك
✨ وانسى الدايت يوم واحد
لأن الصحة الحقيقية مش إنك تتحكم في كل لحظة…
لكن إنك تعرف إمتى تسيب اللحظة تعيشك.
رمضان كريم 🤍

17/02/2026

الدكتورة ريهام عمران
⚡ استشاري طب الأطفال و حديثي الولادة و أخصائي تغذية الأطفال 🔝
تهنئكم بمناسبة حلول شهر رمضان المبارك 🌙❤️
كل عام وانتم بخير 😍

17/02/2026

👩‍⚕️ رسالة لكل أم في شهر الصيام✨

رمضان فرصة ذهبية لتحسين عادات أطفالنا الغذائية 👌🏻

رمضان مش بس شهر عبادة…
هو كمان فرصة تربوية وصحية نقدر نستغلها عشان نكوّن عادات غذائية سليمة لأولادنا تستمر طول السنة.

👌🏻 كأخصائية تغذية أطفال، بحب دايمًا أقول إن الطفل بيتعلم بالأجواء اللي حواليه…
ولما يشوف نظام وترتيب في الأكل خلال رمضان، ده بيأثر عليه جدًا بشكل إيجابي.
خليني أقولك إزاي 👇

1️⃣ تنظيم مواعيد الأكل
رمضان بيعلّم الأطفال معنى الالتزام بمواعيد محددة (إفطار – سحور)، وده بيقلل من:

*الأكل العشوائي طول اليوم.
*استهلاك السناكس المصنعة.
*الارتباط العاطفي بالأكل.

2️⃣ تحسين جودة الوجبات
الإفطار المتوازن لازم يحتوي على:
✔️ مصدر بروتين (فراخ – لحمة – بيض – بقول)
✔️ خضار مطبوخ أو سلطة
✔️ نشويات معقدة (أرز – مكرونة – عيش بلدي)
✔️ فاكهة بدل الحلويات الشرقية يوميًا

💡 مش معنى إن في قطايف وكنافة يبقى لازم يوميًا… الاعتدال هو الأساس.

3️⃣ تقليل السكر والمقليات
الإفراط في السكريات والمقليات:

*بيأثر على تركيز الطفل.
*يسبب اضطرابات في الطاقة.
*يزود خطر السمنة ومقاومة
الإنسولين.
*بيزود الالتهابات بالجسم و يفتح باب لأمراض خطيره.
نقدر نستبدل: 🔸 العصاير المحلاة → بعصير فريش بدون سكر أو ماء.
🔸 الحلويات اليومية → كفايه مره في الاسبوع و بأعتدال.
🔸 القلي → بالشوي أو في الفرن.

4️⃣ السحور مهم حتى لغير الصائمين
لو طفلك بيحب يشارككم أجواء السحور، خليها فرصة لوجبة خفيفة مغذية:
🥛 لبن أو زبادي
🥚 بيض
🥖 قطعة خبز و جبنه
🍌 فاكهة
ده بيساعد على استقرار مستوى السكر في الدم ويحسن الشهية و المزاج في اليوم التالي.

5️⃣ غرس مفاهيم صحية طويلة المدى:
زي ضبط النفس .
زي الاهتمام بشرب الماء.
زي تنظيم الوقت.

رمضان فرصة نعلم أطفالنا:
معنى الاعتدال+ الاستماع لإحساس الجوع والشبع.

إن الأكل مش مكافأة ولا عقاب.
إن جسمنا و صحتنا أمانه لازم نحافظ عليها.

🌙 الخلاصة:
رمضان ممكن يكون نقطة تحول في سلوك طفلك الغذائي… مش بالحرمان، لكن بالتنظيم و الفهم والاختيار الذكي.

لو استغلينا الشهر صح، هنخرج منه مش بس بروح أفض، لكن كمان بعادات صحية هتفضل مع أولادنا طول العمر 🤍

وكل سنه وأنتم طيبين و بخير.
رمضان كريم. 🥰❤️
—========
📱 للحجز والاستفسار : 01120003354

🏩 عنوان العيادة : 164 الدور الثاني- شارع التسعين الشمالي- التجمع الخامس القاهرة الجديدة بجوار مستشفى شفا.

#رمضان
#أطفال
#صيام
#تغذية _أطفال
#غذاء
#تغذية

15/02/2026

🌸 مش لازم تستني طفلك يعيّط عشان ترضعيه 🌸
كتير من الأمهات فاكرة إن العياط هو أول علامة للجوع،
لكن الحقيقة علميًا إن العياط آخر مرحلة للجوع 💔
قبل ما طفلك يعيّط، بيقولك إنه جعان بإشارات بسيطة زي:
👶 مص الشفايف
👶 فتح الفم والبحث عن الثدي
👶 حركة الرأس يمين وشمال
👶 وضع إيده في فمه

✨ لما ترضعي طفلك مع أول العلامات قبل العياط:
✔️ يرضع بهدوء.
✔️ يمسك الثدي أفضل.
✔️يبلع و ينسق النفس مع الرضاعه أسهل.
✔️ يشبع أسرع.
✔️ تقل فرص المغص والتوتر.

طيب لو الطفل دخل فعلًا في مرحلة العياط والغضب؟
قبل ما تحاولي ترضعيه: 🤍 احمليه قريب من صدرك (Skin to skin)
🤍 اهدي صوتك وكلميه بنبرة هادئة
🤍 هزيه بهدوء أو امشي خطوات بسيطة
🤍 لما يهدى… اعرضي عليه الثدي
💡 الطفل الهادي يرضع أفضل من الطفل الغاضب.
❤️ الرضاعة مش بالساعة…
الرضاعة حسب الاحتياج، وكل طفل له إيقاعه الخاص.

📌استجابتك السريعة بتبني الأمان لما طفلك يحس إنك بتفهمي إشاراته:
يحس بالأمان
يهدى أسرع
ينام أحسن
❤️وده أساس مهم للصحة النفسية من أول أيام الحياة.
💡 رسالة طمأنة للأم مش مطلوب منك الكمال…
مطلوب بس ملاحظة، استجابة، وحب 🤍
ومع الوقت هتعرفي طفلك أكتر من أي حد.
========
📱 للحجز والاستفسار : 01120003354

🏩 عنوان العيادة : 164 الدور الثاني- شارع التسعين الشمالي- التجمع الخامس القاهرة الجديدة بجوار مستشفى شفا.

09/02/2026

31/01/2026

هل مرض حقيقي ⁉️

⚠️ من أكبر التحديات اللي بتقابلنا في استشارات الرضاعه الطبيعيه حين تحتاج الأم علاجا قبل الطفل.

الطفل لا يهدأ و الأم تحتاج دعماً 👌
🔴 إنتِ أم جيدة… حتى لو تعبانة.
واللي حاسة بيه مش ضعف، ده اكتئاب ما بعد الولادة، وده بيحصل لستات كتير جدًا.
اكتئاب ما بعد الولادة مش اختيار
ومش معناه إنك مش حابة ابنك
ولا إنك فاشلة في الرضاعة أو الأمومة
📌 الجسم اتغير، الهرمونات اتغيرت، الحياة اتقلبت فجأة
والمخ أحيانًا ما يقدرش يواكب كل ده لوحده.

📍 الطفل بيحس بالحالة النفسية للأم
التوتر والحزن بيأثروا على:
إفراز هرمون اللبن (Oxytocin)
تواصل الأم مع طفلها
هدوء الطفل وتنظيم نومه
👉 الطفل مش صعب…
👉 الطفل متأثر.

🔴 اكتئاب ما بعد الولادة مرض حقيقي، زي السكر والضغط.
والتجاهل أو التقليل منه ممكن يسبب أضرار غير متوقعة.
❌ عبارات مؤذية لازم تتوقف:
«إنتِ مكبرة الموضوع»
«كلنا خلفنا وعدينا»
«استغفري وتهدي»
«الطفل نعمة، ازاي تزعل؟»
🔴 العبارات دي بتزود الذنب والعزلة
وممكن تدهور الحالة بدل ما تعالجها.

⚡إذا لم يُعالج:
❄️فشل الرضاعة الطبيعية أو توقفها.
❄️اضطراب نوم الطفل وبكاؤه المستمر.
❄️ضعف الارتباط العاطفي.
❄️تأخر نمو الطفل نفسيًا وسلوكيًا.
❄️وفي حالات نادرة: إيذاء النفس أو الطفل (لا قدر الله).

✔️التدخل المبكر يحمى الأم و الطفل معا.
✔️ دعم نفسي بدون أحكام.
✔️ مساعدة فعلية (أكل – نوم – راحة).
✔️ تشجيع العلاج النفسي ومتابعته.
✔️ عدم ترك الأم وحدها فترات طويلة.
✔️ طمأنتها إن العلاج مش عيب ولا فشل.

======

📱 للحجز والاستفسار : 01120003354

🏩 عنوان العيادة : 164 الدور الثاني- شارع التسعين الشمالي- التجمع الخامس القاهرة الجديدة بجوار مستشفى شفا.

31/01/2026

الصحة: فحص 9.2 مليون طفل ضمن مبادرة رئيس الجمهورية للكشف المبكر وعلاج ضعف وفقدان السمع لدى حديثي الولادة

أعلنت وزارة الصحة والسكان، تقديم خدمات الفحص السمعي لـ9 ملايين و236 ألفًا و503 أطفال حديثي الولادة، ضمن مبادرة رئيس الجمهورية للكشف المبكر وعلاج ضعف وفقدان السمع، منذ انطلاقها في سبتمبر 2019 تحت شعار «100 مليون صحة».

وأوضح الدكتور حسام عبدالغفار، المتحدث الرسمي للوزارة، أن عدد مراكز الإحالة السمعية ارتفع إلى 34 مركزًا موزعة على جميع المحافظات، مزودة بأحدث الأجهزة والمستلزمات الطبية لضمان تقديم خدمات دقيقة ومتكاملة، كما زاد عدد وحدات الفحص السمعي إلى 3825 وحدة صحية تغطي الفحص من يوم الولادة وحتى عمر 28 يومًا.

وأشار إلى أن 498 ألفًا و172 طفلًا تم تحويلهم لإعادة الفحص التأكيدي بعد أسبوع من الفحص الأول في نفس الوحدة، فيما تم تحويل 64 ألفًا و810 أطفال إلى مراكز الإحالة بعد الاختبار الثاني لتقييم الحالة بدقة أعلى، وبدء العلاج المناسب سواء بتركيب سماعة أذن أو إجراء عملية زرع قوقعة حسب الحاجة.

وأكد المتحدث الرسمي أن المبادرة تسعى إلى توسيع التغطية الصحية الشاملة وفق أحدث أساليب العلاج، لتوفير حياة صحية آمنة للأطفال، وتجنب الإعاقة السمعية والمشكلات اللاحقة في التخاطب والنمو النفسي، وذلك تماشيًا مع رؤية مصر 2030 وأهداف مبادرات «100 مليون صحة».

ولفت إلى أن عدم اجتياز الاختبار الثاني لا يعني بالضرورة الإصابة بضعف السمع، بل يشير إلى الحاجة لفحوصات متقدمة في مراكز متخصصة، منوها إلى جهود الوزارة في تدريب أطقم التمريض على جهاز الانبعاث الصوتي، وتدريب مدخلي البيانات لتسجيل بيانات الأطفال إلكترونيًا، مما يساهم في إنشاء ملف صحي متكامل لكل طفل، مع إدراج خانة الفحص السمعي في شهادات الميلاد.

تستقبل الوزارة استفسارات المواطنين حول المبادرة على الخط الساخن 105 و الخط 15335 الخاص بمبادرات «100 مليون صحة»، لضمان وصول كل طفل إلى الرعاية المبكرة والعلاج المناسب في الوقت المناسب.

31/01/2026

حياتك تستاهل تهتمي بيها، علشان كدة بننصحك تكشفي مبكرًا على سرطان عنق الرحم، وتحصلي على التطعيم ضد فيروس الورم الحليمي البشري، عشان تقللي فرص الإصابة والمضاعفات الخطيرة في حالة الإصابة 👌🙏

مبادرة رئيس الجمهورية للكشف المبكر وعلاج الأورام السرطانية تقدم خدماتها من الكشف والمتابعة والعلاج بالمجان✅

الاستبيان الإلكتروني الخاص بالمبادرة:
https://shorturl.at/anBHM