https://www.facebook.com/107754892226238/

Coach Basma

Home
Egypt
october
Coach Basma

Contact information, map and directions, contact form, opening hours, services, ratings, photos, videos and announcements from Coach Basma, Therapist, 6 October, october.

أنا بسمة إبراهيم
لايف كوتش و ناجيه من الكانسر
إكتشفت قوة اليقين بالله وبدأت رحلتي في دعم النساء على اكتشاف نفسهم وتعافيهم
✨رسالتي هي إن كل ألم ممكن نحوله لنور، وكل سقوط بعده بداية جديدة

🤍جلسات فرديه
🤍ورش جماعيه
🤍كتيب رحلة اليقين للكتابه العلاجيه

17/01/2026

رسالتك النهارده💌

15/01/2026

إحنا بقى بنخاف من الفراغ…

بنملى كل لحظة بصوت، محتوى، شاشة، معلومة، رأي…

كأن اللاشيء عدو
وكأن الصمت خطر
وكأن السكوت علامة نقص

لكن الحقيقة ان الدوشه مش دليل على الحياة… دي دليل على الخوف

خوف إننا نواجه نفسنا لما ما يبقاش فيه حاجة تشتت انتباهنا

الفراغ مش عدوك…
ده هو المكان الوحيد اللي حياتك الحقيقية بتتولد فيه
المكان اللي تقدر تصالح فيه روحك، تسمع قلبك، وتقرب من ربنا

نعمتان مغبون فيهما ناس كتير: الصحة والفراغ

جرب تقعد خمس دقايق من غير موبايل، من غير دوشة… واسمع نفسك

مستعد تواجه الفراغ وتكتشف اللي مستخبي جواك؟

12/01/2026

رسالتك النهارده 💌

03/01/2026

💚🌿

01/01/2026

اول مره سافرت فيها لوحدي في الجامعه كانت شنطتي تقيله جدا
الموظف قالي "معاكي وزن زيادة… لازم تدفعي"

دفعت ولما روحت وفتحتها اكتشفت إن أغلب اللي كنت
شايلاه ملوش أي لازمة!

ومن ساعتها إتعلمت إزاي أرتب شنطتي وآخد بس اللي محتاجاه

ده بالظبط اللي بيحصل معانا كل يوم:
– علاقات مرهقة
– قرارات معلقة
– عادات بتسحب طاقتنا
– وحمل نفسي متراكم

💔 النتيجة؟ سنة جديدة… ونفس الحياة القديمة

✨ كورس التغيير – ترتيب شنطة السنة الجديدة ✨
جلسات أونلاين 4/6/8 جلسات حسب احتياجك
مش مجرد خطوات عامة… لكن خطة مخصصة ليكي بالظبط، مصممة على مقاسك الشخصي

هنتخلص من الحمل القديم، نقرر مين وإيه يكمل وايه اللي لازم يتشال، ونبني هيكل السنة الجديدة بطريقة عملية ومنظمه

إسألي نفسك:
عايزة تدخلي السنة بنفس الشنطة التقيلة؟
ولا بشنطة خفيفة… فيها بس اللي يخلي رحلتك أسهل وأجمل؟

📩 احجزي مكانك دلوقتي وابدئي التغيير الحقيقي…اول مره سافرت فيها لوحدي في الجامعه كانت شنطتي تقيله جدا
الموظف قالي "معاكي وزن زيادة… لازم تدفعي"

دفعت ولما روحت وفتحتها اكتشفت إن أغلب اللي كنت
شايلاه ملوش أي لازمة!

ومن ساعتها إتعلمت إزاي أرتب شنطتي وآخد بس اللي محتاجاه

ده بالظبط اللي بيحصل معانا كل يوم:
– علاقات مرهقة
– قرارات معلقة
– عادات بتسحب طاقتنا
– وحمل نفسي متراكم

💔 النتيجة؟ سنة جديدة… ونفس الحياة القديمة

✨ كورس التغيير – ترتيب شنطة السنة الجديدة ✨
جلسات أونلاين 4/6/8 جلسات حسب احتياجك
مش مجرد خطوات عامة… لكن خطة مخصصة ليكي بالظبط، مصممة على مقاسك الشخصي

هنتخلص من الحمل القديم، نقرر مين وإيه يكمل وايه اللي لازم يتشال، ونبني هيكل السنة الجديدة بطريقة عملية ومنظمه

إسألي نفسك:
عايزة تدخلي السنة بنفس الشنطة التقيلة؟
ولا بشنطة خفيفة… فيها بس اللي يخلي رحلتك أسهل وأجمل؟

📩 احجزي مكانك دلوقتي وابدئي التغيير الحقيقي…

31/12/2025

عسى ربنا أن يبدلنا خيراً منها
゚viralシ

29/12/2025

الموهبة و الهواية و الوظيفة ..
مش حاجه واحده ... ولو لسه متعرفش الفرق بينهم
طبيعي تحس بلخبطة في طريقك

كتير من الناس عايشة حالة تشوش مهني (Career Confusion)
مش عارفين:
أنا شاطر في إيه؟
بحب إيه؟
ولا المفروض أشتغل إيه؟

خلينا نفهم التلاتة صح 👇
🩵 الموهبة الفطرية (Innate Talent)
الموهبة هي استعداد عصبي طبيعي
يعني قدرة مزروعة جواك من غير مجهود مبالغ فيه
وده اللي علم النفس بيسميه Natural Aptitude

علاماتها:
بتعملها بسهولة
بتدخل فيها حالة اندماج وتركيز عميق (Flow State)
الناس بتلاحظ تميزك فيها قبل ما إنت تاخد بالك

بس مهم تعرف إن الموهبة من غير تطوير = طاقة كامنة غير مستغله (Untapped Potential)
عشان تتحول لقوة حقيقية بتحتاج منك :
تدريب
️ممارسة واعية
️تعلم أصولها وتحويلها لمهارة مدرّة للدخل

💛 الهواية (Hobby)
الهواية مرتبطة بالدافع الداخلي (Intrinsic Motivation)
بتعملها عشان المتعة مش العائد
دورها النفسي مهم جدا في:
️تنظيم المشاعر
️تفريغ الضغط
رفع الرضا العام عن الحياة (Well-being)

بس مش كل هواية ينفع تبقى شغل
ومش كل شغل لازم يبقى ممتع
الهواية ممكن تتحول لموهبة لو دخل فيها التزام وتطوير
لكن لو فضلت مجرد مساحة راحه وفصلان ده طبيعي وصحي

🖤 الوظيفة (Job / Career)
الوظيفة مرتبطة ب:
الأمان
الاستقرار
تلبية الاحتياجات الأساسية
وده جزء من هرم ماسلو للاحتياجات النفسية
ومش عيب أبدا إن شغلك الحالي ميبقاش شغفك ولا موهبتك
الخطورة مش هنا
الخطورة إنك تفضل فيها طول عمرك وانت منفصل عن ذاتك

✨ سر التناغم النفسي الحقيقي (Alignment)
أعلى درجات الرضا والطاقة بتحصل لما:
✅️ موهبتك تتحول لمسار مهني
✅ ️وظيفتك تبقى امتداد لذاتك
✅ ️هواياتك تفضل تغذي روحك مش تضغط عليك

ساعتها بتحقق:
إنجاز
أمان
معنى

وده اسمه في علم النفس:
Self-Actualization – تحقيق الذات

لو حاسس إن عندك امكانيات وطاقات جواك مش مستغلة
ولو عايز تعرف موهبتك الفطرية الحقيقية
وتحولها لمسار واضح ومصدر دخل عملي

اسأل عن :"باكدج جلسات اكتشاف الموهبة الفطرية وتحويلها لمصدر دخل"

عرفت موهبتك الفطريه ايه ولا لسه؟

28/12/2025

بتحبي قلبك؟
بطلي تضغطيه بعلاقات بتأذيكي
وقولي " لأ مش مناسب ليا" من غير ذنب

بتحبي أعصابك؟
خديB12
قللي متابعة أخبار وناس بتستنزفك
اعملي حدود واضحة
وخدي نفس عميق 5 دقايق قبل أي رد فعل هتاخديه

بتحبي عقلك؟
خدي اوميجا3
اتعلمي الكتابه العلاجيه
بطلي جلد ذات
وما تصدقيش كل فكرة تيجي في دماغك

بتحبي نومك؟
خدي مغنيسيوم
اشربي بابونج
اقفلي الموبايل قبل النوم بنص ساعة
وسلمي يومك لربنا

بتحبي روحك؟
افطري بالتلبينه النبويه
ثبتي ورد ذكر مهما كان بسيط
وما تبطليش تحاولي تقربي من ربنا

بتحبي طاقتك؟
اهتمي بفيتامين D
بطلي تبرري كتير
واختاري نفسك من غير ما تستأذني
الطاقة رأس مالك الحقيقي

بتحبي حياتك؟
ما تستنيش تبقي جاهزة
ابدأي وإنتي متلخبطة
ربنا بيفتح سبل للي بيسعى مش اللي واقف مكانه

ولو حابة تشتغلي على نفسك بوعي وتفهمي مشاعرك
وتبني يقين ثابت وسط الضغوط بأدوات وتمارين عملية

📩 ابعتي رسالة بكلمة "يقين"
وهقولك كل التفاصيل عن:
✅️نوتة رحلة يقين للكتابه العلاجيه
✅️وبرنامج رحلة يقين للجلسات الفرديه

27/12/2025

✨ المحطه الخامسه| من رحلة مراجعة واغلاق 2025 ✨

تفريغ كتابي مهم جدا
هاتي ورقة وقلم واقعدي في مكان هادي مع مشروبك المفضل وجاوبي على الأسئلة دي👇

لو ٢٠٢٥ كانت عايزه تقولك حاجه واحده، هتقولك إيه؟

إيه النمط اللي اتكرر السنة دي؟
نفس الألم أو نفس النوع من الناس؟ نفس النهاية؟
مهم تعرفي النمط المتكرر مش سوء حظ، هو رسالة ليكي

ايه المواقف اللي كنتي فاكرة نفسك قوية فيها بس الحقيقة إنك كنتي متحملة أكتر من اللازم؟
وفيه فرق كبير بين القوه وإنك تتأقلمي على شيله مش شيلتك

إيه الحاجه او الشخص اللي فضلتي مستنية إنها تتغير وهي عمرها ما اتغيرت؟
وإنتي كنتي مستنية إيه بالظبط؟ اعتذار؟ تقدير؟ أمان؟

إيه القرار اللي أجلتيه طول ٢٠٢٥
مش علشان مش جاهزة
لكن علشان كنتي خايفة من اللي هيحصل بعد القرار؟ او عشان شاكه انك مش قد مسؤليه تبعاته؟

لو كل اللي حصلك كان لحمايتك مش لإيذائك
إنتي كنتي محتاجة تتحمي من إيه؟ ومن مين ؟

مين النسخة اللي حاولتي ترضيها السنة دي؟
الناس؟ العيلة؟ المجتمع؟
و فين النسخة الحقيقية منك؟

إيه الحقيقة عن نفسك اللي كنتي بتهربي منها و٢٠٢٥ أجبرتك تشوفيها؟

آخر وأهم سؤال:
إيه الحمل اللي مش لازم تشيليه تاني؟
واكتشفتي انه مش مسئوليتك ومش دورك و مش ذنبك

لو جاوبتي بصدق…
السنة الجديدة هتستقبلك بنسخة أنضج،
مش نسخة مجروحة بتتمنى البداية ومش عارفه تلاقيها فين

اكتبي الجملة دي، واقفلي الكشكول، وسيبيه ورا ضهرك:
"أنا أُغلق ٢٠٢٥ بوعي بكل دروسها ورسايلها
انا عملت اللي كان في وسعي وقتها وبسلم اللي عجزت عنه لرب العالمين بقلب مطمئن ملئ باليقين "

لو البوست ده لمس حاجة جواكي
فإنتي محتاجة تبدأي كتابة علاجية

اسالي على نوتة "رحلة يقين" اتعملت علشان تمشي معاكي خطوة خطوه في رحلتك نحو السلام والتعافي

26/12/2025

انتي بتخافي من النجاح مش من الفشل
✨ المحطة #4 من رحلة مراجعة وإغلاق 2025 ✨

النجاح معناه:
🔸️مسؤولية أكبر مش هينفع تهربي منها
🔸️تغيير في علاقات قديمة ممكن ما تتحملش النسخة الجديدة منك
🔸️خروج حقيقي من منطقة الأمان اللي اتعودتي عليها

فعقلك بدل ما يقولك (أنا خايف)
بيعمل حركات أذكى عشان مايتقفش😎
✅️ مماطلة
✅️ تخريب ذاتي
✅️ انسحاب قبل اكمال الخطط

في حاجة اسمها Fear of Success
العقل بيخاف من فقدان الانتماء، من النقد، من الاختلاف فبيختار يوقفلك خططك واهدافك

إمتى تعرفي إن الخوف ده شغال؟
لما تكوني قريبة جداا من الهدف وفجأة 👇
🔸️تبوظي الدايت
🔸️ ️توقفي المشروع
🔸️️تضيعي مجهود شهور في أسبوع واحد
🔸️متكمليش حاجه كنتي شغوفه بيها

ده مش ضعف إراده
ده صراع داخلي ما اتفهمش

من الآخر👇
❌️السنة الجديدة مش محتاجة بلانر أكبر
❌️ولا تو دو ليست أطول
❌️ولا تنظيم وقت
قد ماهي محتاجة شجاعة المواجهه
وانك تسألي نفسك
تفتكري خايفه تنجحي ليه؟🤔

25/12/2025

5 حاجات لازم توقفيهم فوراا
ودي
✨ المحطة التالتة من رحلة مراجعة وإغلاق 2025 ✨

حد قالك قبل كده إن التوقف عن اللي بيستنزفك أهم من إضافة اهداف وعادات جديدة؟
ودي اهم 5 حاجات بتستنزفك

1️⃣ مقارنة نفسك بالناس
أنتي مش في سباق مع حد
أنتي في رحلة شفاء ونمو
ومعيارك الوحيد هو نسختك القديمه فقطط

2️⃣ جلد نفسك على اللي فات
الخطأ (مُعلِّم) ولو مفهمتيش الدرس منه بيتحول لسجن
وعشان تقدري تحرري انتي محتاجه تسامحي نفسك وتفهمي الدرس وبس كدا

3️⃣ محاولة إرضاء الكل
إرضاء الجميع = خيانة نفسك
مش كل زعل محتاج مراضيه
ولا كل رفض محتاج شرح او تبرير

4️⃣ الانتظار
استنيتي كتير
واللحظة المثالية عمرها ما بتيجي
ابداي حتى وانتي مش جاهزه

5️⃣ الشك في نفسك
ربنا ما بيحطش روح في معركة
إلا وهو مديها عدتها
القوة جواكي
بس محتاجة تصدقي ده

من الآخر
السنة الجديدة مش محتاجة نسخة جديدة منك
محتاجة نسخة أخف
ومسلمة أمرها لربنا وواثقه فيه وفي نفسها

السنه الجديده رمز لصفحة بيضا
بلاش نعيد نفس الشخابيط

لو الكلام ده لمسك
شيريه لواحدة محتاجة تسمعه دلوقتي

24/12/2025

✨ المحطة الثانية: رحلة مراجعة إغلاق 2025 ✨
"جرد العلاقات"
ودي مش مجرد تصفيه دي عملية إنقاذ ذاتي!

أكبر حمولة ممكن تشيليها معاكي للسنة الجديدة هي "علاقات مصاصين الطاقة"
مشكلة العلاقات السامة إنها مش دايماً خناقات ودراما
أحياناً بتكون استنزاف صامت فقط

شخص بيشوفك او يكلمك بس لما يكون محتاجك
أو بيقلل منك ومن إنجازاتك عشان يحس إنه أحسن منك

صدقيني صحتك النفسية مرتبطة مباشرة بجودة علاقاتك
لإن إحنا ببساطة نتاج أكتر 5 أشخاص بنتعامل معاهم يومياً!!!

حان الوقت ل "جرد حقيقي" قبل ما السنة تخلص
و دي 3 علامات بتقولك: العلاقة دي لازم تنتهي دلوقتي!

1.إحساس الذنب المزمن:
بتحسي إنك عملتي حاجة غلط أو إنك مش كفاية بعد كل مكالمة أو مقابلة

2.شفط الطاقة الحرفي: بتدخلي العلاقة دي نشيطة ومتحمسة، وبتخرجي منها مجهدة، مستنزفة، وكأنك كنتي في ماراثون عاطفي

3.خوفك من "لأ":
بتخافي من رد فعله أو إن الشخص ده يزعل، فبتوافقي على حساب نفسك وسلامك الداخلي

4. عايشه في المبررات لازم تبرري كل تصرف او شعور او فكره او احتياج او طلب

التعافي من العلاقات دي مش رفاهية، ده قرار مصيري عشان تستعيدي حياتك وطاقتك
لو عايزة تبدأي السنة الجديدة بحدود صحية زي السور القوي و سلام نفسي حقيقي...

برنامج "التعافي الواعي" هو بوصلتك
هيساعدك تعملي الجرد ده صح، تفكي التعلق اللي رابطك، وتتعلمي إزاي تحطي حدود محدش يتخطاها تاني
اسألي عن البرنامج دلوقتي عشان تلحقي مكانك!

قوليلي في التعليقات:
إيه أكتر علامة من دول حسيتي إنها بتوصف علاقة في حياتك؟ شاركينا عشان نبدأ رحلة الوعي سوا

Address

6 October
October

Telephone

+201154914549

Website

facebook.com

Alerts

Be the first to know and let us send you an email when Coach Basma posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Coach Basma:

Shortcuts

Want your practice to be the top-listed Clinic in october?