Rawda Salah-Relationship coach

17/12/2025

برنامج ابيض ولا اسود

متحمسين؟

16/12/2025

بتكسري نفسك عشان العلاقة تمشي؟
وبتطلعي الخسرانة؟

جروب ثيرابي للبنات والسيدات 🤍
عن الحدود النفسية في العلاقات القريبة المؤذية
من غير قطيعة
ومن غير شعور بالذنب.

هنتعلم مع بعض: • تحطي حدود من غير ما تحسي إنك أنانية
• تقولي «لا» وانتِ ثابتة
• تحمي طاقتك من الاستنزاف
• وتتعالجي بدل ما تتحمّلي

ده مش فضفضة
ده شغل علاجي حقيقي
بتمارين + توعية + مساحة آمنة 🤍

الأماكن محدودة ♡

05/12/2025

ربنا عصم النبي ﷺ من الخطأ في التبليغ وفي الدين عشان يكون قدوة و مرجع ترجع له كل ما الدنيا تهزك أو تضيع منك المعايير 🤍

ولما تصلي عليه، مش بس بتاخد أجر
أنت بتعمل تنظيم نفسي لقلبك 🤍
• بتذكّر نفسك بالطريق الصح.
• بتثبّت قيمك.
• بتريّح عقلك وسط الزحمة.
دة غير اجرها عند ربنا وفي ميزانك وتأثيرها على حياتك.

النبي ﷺ قال: "من صلى عليَّ صلاة واحدة، صلى الله عليه بها عشرًا."
الصلاة على النبي مش مجرد ذكر ده زر لإعادة ضبط النفس والقلب 🫀

كل جمعة وأنت لسانك عامر بذكر الله وبالصلاة على النبي 🤍

28/11/2025

سورة الكهف بتعلّمنا إن النِعَم مش دايماً "عطاء" والإبتلاء مش دايماً "فقد"

صديقتي امبارح بتقولي ان النعم ٣ انواع:
١. نعمة لو اكتملت هتضيع
﴿أَمَّا السَّفِينَةُ فَكَانَتْ لِمَسَاكِين....
السفينة كانت رزقهم الوحيد ولو فضلت سليمة كانت هتضيع فالعيب كان "ستر وحفظ" مش حرمان.

٢. نعمة لو جتلك هتنشغل بيها أو تتهلك
﴿وَأَمَّا الْغُلَامُ فَكَانَ أَبَوَاهُ مُؤْمِنَيْن فَخَشِينَا أَنْ يُرْهِقَهُمَا طُغْيَانًا وَكُفْرًا﴾
في حاجات لو دخلت حياتك هتسحبك هتضيع تركيزك هتقلل إيمانك فالمنع هنا حماية مش عقوبة.

٣. نعمة لو جتلك بدري هتضيع منك
﴿وَأَمَّا الْجِدَارُ فَكَانَ لِغُلَامَيْنِ يَتِيمَيْن..
الكنز استنى لما يكبروا لأنهم لو خدوه بدري مش هيعرفوا يحافظوا عليه، بعض الرزق محتاج نضج.

أوقات كتير بنشوف المواقف من زاوية الوجع بس لكن سورة الكهف بتفكرنا إن: اللي اتأخر اتأخر عشان نكون مستعدين له واللي اتاخد اتاخد عشان ما يوجعناش أكتر واللي اتشوّه اتشوّه للحفظ والستر.

جمعتك رضا 🌻

19/11/2025

🌻

18/11/2025

لو حاسة إنك تعبتِ من جلد الذات
تعبتِ من الشك في قراراتك
تعبتِ من الإحساس إنك (مش كفاية) مهما عملتي
يبقى الكورس ده معمول علشانك 💚

كورس الاستحقاق – أونلاين ومسجّل بالكامل

أكتر من 11 حلقة علاجية وتطويرية هتاخدك خطوة بخطوة لبناء نسخة أقوى من نفسك.
الكورس ده مش مجرد “تحفيز”… ده برنامج علاجي حقيقي بيوضح لك جذور المشكلة، ويديك أدوات عملية تطبقيها فورًا.

الكورس مناسبك لو

• صوتك الداخلي بيقلل منك
• بتترددي قبل أي خطوة
• بتخافي من المواجهة أو قول رأيك
• نفسك ترجعي تبقي واثقة، هادية، ومتصالحة
• عايزة تبني ثقة ثابتة مش مؤقتة

النتيجة؟

نسخة منك أنضج، أوضح، تثق بنفسها ، وعارفة قيمتها.
ثقة جاية من جوا… مش من تصفيق الناس.

ابعتيلي رسالة او كومنت فيها كلمة (استحقاق) وهبعتلك كل التفاصيل ✨

🌻

15/11/2025

حاسّة إنك دايمًا اللي بتدي في العلاقة ومش بتاخدي اللي تستحقيه؟

بتلاقي نفسك متعلقة زيادة
أو خايفة تدي فرصة من الأساس؟

بتتأذي من نفس النمط كل مرة ومش فاهمة ليه ده بيحصل؟

لو جاوبتي اه يبقى انت محتاجة تبدأ جلسات تعافي 🤍

ليه الجلسات دي هتفيدك؟
لانك هتتعلمي
• تفهمي جذور أنماطك العاطفية.
• تميّزي الـ Red Flags من قلقك الشخصي.
• تبني علاقة صحّية من غير تضحية بنفسك.
• تحطي حدود وتنفذيها بوعي.

تعالجي جروحك العاطفية القديمة اللي لسه مأثرة على اختياراتك ودة مهم جداا 🤍

ابعتيلي كلمة session وهبعتلك التفاصيل.

🌻

04/11/2025

"مش لازم تفضلي قوية طول الوقت"

أنتِ بشر 🫀

ساعات اللي محتاجاه مش نصيحة..
محتاجة مساحة أتكلم، أتنفس، أُفهم 🤍

الجلسة مش مجرد حوار ..
دي مساحة آمنة نسمع فيها وجعك بدون حكم 🫂
ونشتغل مع بعض على أسباب الاستحقاق المنخفض ..
جروح الطفولة..
الوسواس..
أو أي وجع نفسي تعبك.

انتي تستحقِ ترتاحي
تستحقِ تتسمعي
تستحقِ شفاء حقيقي 🤍

ابعتيلي كلمة session وهبعتلك كل التفاصيل

🌻

20/10/2025

بتحسي إنك بتكرّري نفس الدواير في حياتك؟

علاقات متعبة..
شعور بالنقص..
خوف من الرفض..
أو وسواس ملوش نهاية!

الموضوع مش ضعف ولا قلة إيمان
ده جرح محتاج يتشافى ويتعافى🤍

في الجلسة بنفهم أصل الوجع
• من الطفولة
• من التجارب القديمة. من اللاواعي.

وبنبدأ نرجّعك لنفسك الحقيقية 🤍
بتبدأ تكتشفِ نسخ جديدة في نفسك.

خدي أول خطوة في رحلة التعافي
احجزي جلسة دلوقتي ♡
ابعتيلي ع الخاص كلمة session.

15/10/2025

Father wound- جرح الأب
ايه اعراض جرح الأب؟

التعافي من جرح الأب من خلال الجلسات العلاجية 🌻

13/10/2025

كنت بعمل الفقرة دي من 3 سنين او اكتر ❤ .. بنزل صورة نفسية وبسأل المتابعين شايف الصورة ازاي؟ .. وأرد عليهم بالتحليل النفسي .. غالباً نظرتك للصورة بتعكس أفكارك .. مشاعرك.. حتى حالتك النفسية بتختلف وكل واحد بيبقى له نظرة ورد مختلف 🌷 .. نظراً لضيق الوقت وقفت الفقرة دي بس النهارده قررت ارجعها لكن هتبقى ع story الانستجرام عشان يبقى اسهل لو هرد بفويس 💚.. هنتظر مشاركتكم 😍..

البوست دة عن فقره "التحليل النفسي" 🧠

- الفقرة الممتعة اللي بتحبوها ❤ و النهارده هتكون ممتعة اكتر م المرات اللي فاتت 😍 اهميتها انها تفهمك اكثر عن نفسيتك.

أكتب في كومنت شايف الصورة ازاي و حاول توصفها م غير ماتشوف باقي الكومنتات ♥
و بردو اعمل منشن لصديقك عشان نحلل نفسيته 🥰💙

🧠