Dr Badr Ibrahim

24/02/2026

🌾بما ان رمضان موسم الدعاء والتضرع و موسم تحقيق الأمنيات
🌾وبما ان انا من هواة الدعاء
كل ما الاقى دعاء حلو اكتبة فى اجندة مخصوص للأدعية
🌾وبما ان الدعاء سلاح المؤمن
🌾وبما ان الدعاء والقدر يتصارعان
أيها يغلب اصاب.
سلسلة ادعونى استجب لكم هكتب فيها دعاء وفايدته وامتى ندعى به.
ادخلى واسمعى👇 اول اوديو أدعية خاصة لزوج.
❤️⚘️❤️⚘️❤️⚘️❤️⚘️❤️
شرفونا فى جروب الواتس https://chat.whatsapp.com/FX7hJBMJ3Jl6IJHbRObKbI?mode=gi_t
وقناة التيليجرام
https://t.me/salamnafsy

14/02/2026

اتعلم من العميلات ❤️
بيقابلنى ناس جميلة
مؤمنة تحب الله
وراضية بقضاء الله
وتستعين به
واجد فى نفسى شعور نحوهم بالامتنان لتعرفى عليهم .
انا بستفاد من كل سيشن بدخلها مع العميلات .
اوقات بيكون دور الاستماع الفعال فقط
هو كل ما تحتاجه العميلة
او الدعم والتشجيع فقط.
لو تقدرى تقدمى لصديقة لك دعم او تسمعى فقط
فقد كفيتي ووفيتي
لا تعطوا نصايح
اسمعوا فقط
أعطى نصيحة فقط لما يطلب منك فقط
ودمتم مستعمين جيدين وداعمين لاحبابكم⚘️
كوتش /بدر الكحكى
ممارس علاج شعورى
ارشاد نفسى واسرى

07/02/2026

فى ناس محتاجة بس مساعدة صغيرة
تدريب يفرق معاها
سؤال مجرد سؤال
لكن ينور جواها حاجات كتيير
هو دا دور الكوتش
يسأل بطريقة معينة
او يعمل تدريب معين
عشان كشف النور اللى جواك
اللى يوضح لك نقاط القوة اللى عندك
وانتى مش شايفاها

اسأل واستشير
#كوتش /بدر الكحكى
ممارس س علاج شعورى بتقنيات peat
ارشاد نفسى واسرى
باحثة ماستر برمجة لغوية عصبية

06/02/2026

عقلية الحل وعقلية المشكلة
فى ناس لما يقابلها تحدى(مشكلة)
تتكلم فى التحدى وحصل ازاى واد ايه مأثر على حياتها واد هى اظلمت واد ايه مشكلتها كبييييرة واد اى تعبانة
وتظل تتكلم عن التحدى وتشتكي او تلوم وتنتقد الأخرين

ماذا تعلمتى؟ ماذا استفدتى؟ طب هتعالجى التحدى ازاى ؟
لا تعرف
هم دول عقلية المشكلة
الذين يعيشون دور الضحية
يعيشون دور المراقب الذى يصنف الناس
اوعى تكونى منهم

خليكى عقلية الحل
حصل تحدى
تقول. قدر الله وما شاء فعل
الوقتى نفكر ازاى نعالج الموضوع
او نشوف حل
ايوة هى دى عقلية الحل

مثال
ام بنتها كسرت طبق وهى بتغسل المواعين
عقلية المشكلة ليه كدا يا خسارة الطبق انت خايبة
ما هو لو بتعملى معايا من بدرى كنتى بقيتى شاطرة.

عقلية الحل
قدر الله وما شاء فعل
هاتى الجاروف ولمى وابقى خدى بالك المرة الجاية وامسكى الطبق كويس عشان الصابون بيزحلق

كوني عقلية الحل
لا تكونى عقلية المشكلة

كوتش /بدر الكحكى
ماستر برمجة لغوية عصبية

05/02/2026

شكر كبير إلى ياسر الكحكي, Noon Noon, Sahar Farh

نظير كل الدعم المقدم! تهانينا على انضمامك إلى أبرز المعجبين في فترة تواصل دون انقطاع ‏🔥‏!

25/01/2026

زوجات فى اول حياتها الزوجية زوجها بيحاول يكون زوج مثالى وبيكون رائع

ومرور الوقت والمؤليات او يحصل تغير فى الظروف

الزوج بيتغير مش بيقدر يكمل فى الصورة اللى رسمها لزوجته

الوقت دا الزوجة بيحصل لها تعلق بالصورة المثالية اللى كانت فى اول حياتهم

ومن هنا بيكون فى معاناه لزوجة
دا نوع من انواع التعلق
تعلق بالصورة الاولى
وتفضل الزوجة تلوم وتنتقد و بالتالي الزوج يبعد أكتر وأكتر .

الحل ايه
عزيزتي الزوجة
كلنا بشر وزوجك بشر عنده نقص
فكى تعلقك بالصورة الاولى لزوجك
اكتبى ١٠ مميزات فى زوجك
كل ما تفكرى فى اخطاء زوجك
قولى ذكر لا اله الا الله وحده لا شريك له له الملك وله الحمد وهو على كل شئ قدير.
انتى فى مرحلة جديدة من حياتك الاسرية وهى اكتشاف عيوب زوجك
ارسمي صورة كاملة لزوجك العيوب والمميزات .
تقبلى عيوبه لاننا كلنا كدا عندنا عيوب ومميزات.
لان انتى عندك عيوب ومميزات
الكمال لله
تقبلى قدراته واخفاقاته

ركزى على نفسك
انا عايزة ايه
اسعد نفسى ازاى
اطور نفسى
استغل وقت
اتقرب الى الله
زوجك جانب من جوانب حياتك
وليس كل حياتك
اهتمى بصحتك و ارجع لهواية قديمة
ادرس كورس دايما تحلمى تتعلميه من زمان
ادرس تربية
اطور نفسى فى مجال شغلك
#انتى بطلة الرحلة
*كوتش/ بدر الكحكى*
ممارس علاج شعورى
ماستر برمجة لغوية نفسية
باحثة ماجستير صحة نفسية

15/01/2026

15/01/2026

انتى اخترتى احسن اختيار وقتها
ما تندمي على مواقف قديمة جدا وتحسى بالاحراج او تلومي نفسك على ضعفك وقتها
انت وقت الموقف اخترتى احسن اختيار مناسب على اد خبرتك وسنك و ظروف الموقف .
اما الان فانتى اكثر خبرة واقوى واوعى
ليه تحكمى من منظور الان على نفسك فى الماضى وانتى وقتها مش فى وعيك دا
دا تصرف طبيعى جدا على اد ظروفك وقتها
عشان كدا وقفى #جلد ذات
طبطبى على نفسك
قولى لها انتى اتصرفت أفضل تصرف وقتها
وانا مش زعلانه منك يا نفسى ولا خجلانه منك

مع تحياتى
كوتش / #بدر #الكحكى
ما ستر #برمجة #لغوية #عصبية
ممارس علاج #شعورى

15/01/2026

#من واقع #استشاراتي
اتعرضت لضغط لفترة
صدقت الاتهامات من اللى حواليها
لامت نفسها و فقدت الثقة فى نفسها بخيث انها مش شايفة اى انجاز فى حياتها
عندها شعور انها مش بتعمل حاجة لها قيمة او اى انجاز
أصبحت تهرب من المسؤليات الى النوم
تنام طول النهار وتصحى بالليل تعمل كل اللى وراها
لانها صدقت كلام اللى حواليا اقالوا لها انتى معمتيش لنا اى حاجة
فبالي مش هقدر اعمل اى حاجة
فبالتالي انا مش قدها
فبالتالي انا ضعيفة
حست بالوحدة
النهار طويل والليل قصير
فبالتالي انا اناااااااااام النهار الطويل
واعيش فى الليل القصير

الحل ايه
الهروب دا أصله خوف
وعلاج المخاوف له طرق مختلفة
منها التدوين اكتبى كل مشاعرك وفرغى خزانك كويس
فضى عقلك من الأفكار
وفى حالات تحتاج مساعدة جلسات تفريغ مشاعر بنقنيات علمية محددة .
#مخاوف
#من واقع #استشارات
مع تحياتى
كوتش /بدر الكحكى

08/01/2026

كل شخص يمتلك كل الامكانيات لتحقيق ما يريد

يعنى انتى جواكى طاقة عظيمة وقدرات رائعة الله سبحانه وتعالى وضعها فيكى
المهم هو اكتشاف قدراتك دى
لو عايزة تحققى هدف تقدرى
شوفى حد نجح فى المجال اللى عايزة تنجحى فيه واعملي زيه
ما دام الإنسان دا وصل يبقى انتى تقدرى

اولا التقليد
اتعلمى هو نجح ازاى كان بيعمل ايه بيشتغل ازاى
ادرسى القدوة دى كويس جدا
وقلدي الشخص دا
فى حالة انه عنده معتقد يتعارض مع معتقاداتك او دينك او قيمك
ممكن تغير فقط الحتة دى
وكملي فى التقليد
بعد فترة هتنجحى وشوية بعدها هتبدعى وتطورى كمان .

الدراسات لنماذج الناجحة بتقول كدا
عشان كدا
انتى.مستنية ايه
عندك كل الامكانيات اللى تحتاجيها لتحقيق ما تريدين
فقط محتاجة انك تؤمنى بنفسك
تؤمنى بقدراتك
قصدى ثم حسنى قم طورى
استشيرى واستخيرى

كوتش /بدر الكحكى
ماستر #برمجة #لغوية #عصبية
#ممارس #علاج #شعورى

08/01/2026

#من #واقع #استشاراتى
بنوتة شاطورة سوية نفسيا و واثقة فى نفسها.
اتخطبت لواحد بيحاول كتيير يحسسها انها فى كل مشكلة انها غلطانة
حصل موقف لقيته متصور مع بنت غيرها ١٦ سنة .
وقالها انتى السبب عشان ما اهتمتيش بيا فى فترة امتحانتها 🤯

البنت أصبح عندها شعور انها حد غير كافي
حتى أنه ممكن حد من صحبتها يسيبها لأنها حد مش كفاية
الزن على الودان امر من السحر .

اى واحدة تتعرض لمواقف الطرف التانى يجعلها هى السبب
اعرفى انه لما يشاور عليكى بصباع الاتهام 👈
هو بيشاور على نفسه ب٣ صوابع اتهام بنفس الايد
دا اسمه خدعة نفسية الشماعة وهو عايش دور الضحية
مش عايز يحاول يتغير
او يتحمل مسؤولية اخطاءه

اوعى تصدقيه
انصحك اعملى بلوك نفسى معاه
يعنى تسمعى الكلام من ودنك اليمين يخرج بسرعة يجرى من الودن الشمال .
ودن من عجين وودن من طين
#قصص #واقعية
#سلام #نفسى

05/01/2026

ايه هو جلد الذات؟
هو لوم نفسك باستمرار
هو دايما شايفة نفسك مقصرة
تكلمى نفسك بشكل سلبى باستمرار يعنى انا كل مرة اغلط الغلطة دى
انا دايما مندفعة
ما فيش فايدة
مش هكون زوجة كويسة.انا أم فاشلة
باستمرار حديثك مع نفسك سلبى

طيب علاجه ايه ؟
الاعتراف بالشعور
بدل ما أقول أنا فاشلة
فى شعور بالفشل
بدل ما أقول أنا مندفعة
انا بتعلم وشوية شوية هكون أهدى وأكتر اتزان .

2_ لا تسعى للكمالية او المثالية
جُبلنا على النقصصصصص
الكمال لله
3_ احتفلى بانجازاتك الصغيرة .
4_كافئ نفسك بهدايا ومكافئات
5_ تمارين علاج الطفل الداخلى
ودى محتاجة كوتش .

طبطبى على نفسك
#جلد #الذات
#سلام #نفسى
*كوتش /بدر الكحكى*
ماستر برمجة لغوية عصبية
ماجستير صحة نفسية