06/09/2025
تخيل تبص على إنسان ماشي وانت شايف أعضاؤه الداخلية… متستغربش، الموضوع دا حصل بالفعل ولكنه في حيوان.
باحثين من جامعة تكساس في دالاس (University of Texas at Dallas) بقيادة البروفيسور زيفنغ لو (Dr. Zhenpeng Qin) قدروا يخلوا الفئران شفافة بشكل مؤقت باستخدام صبغة أكل مشهورة جدًا اسمها Tartrazine (المعروفة كمُلوِّن غذائي موجود في منتجات زي الشيبسي والـ Doritos).
إزاي؟
الفكرة إن الصبغة دي بتغير معامل الانكسار بتاع الأنسجة (refractive index) وبالتالي بتقلل تشتت الضوء لما يعدي خلالها. النتيجة إن الجلد والعضلات والأوعية الدموية بقت باينة قدام الباحثين كأن الفار اتحول لزجاج، ومن غير أي تدخل جراحي.
الميزة الكبيرة إن التأثير دا مؤقت، بمجرد غسل الصبغة بالمية بيرجع الفار طبيعي خلال دقائق.
الفريق البحثي شايف إن التقنية دي ممكن تغير شكل التشخيص الطبي مستقبلًا، لو اتطبقت على البشر: ممكن نحدد الأورام بالعين المجردة، نسحب عينات دم بسهولة، أو نفحص أعضاء داخلية بدون جراحة ولا أجهزة تصوير معقدة.
الخلاصة: اللي كان خيال علمي في رواية "Invisible Man" بقى حقيقة في المعمل. هحطلكم المصادر في الكومنتات.
يلا سلام
