المنقذ للصيانة والخدمات Elmonkz Home

07/11/2022

ايه هو نظام سمارت هوم ؟
نظام سمارت هوم هو احد تطبيقات IOT و الذي يسمح لنا بالتحكم فى الاناره المنزلية و الاجهزه الكهربائية بشكل عام و مراقبتها عن بعد لاسلكيا من خلال الهواتف الذكيه عبر شبكات الواي فاي المحليه اوعبر الانترنت .

كيف يعمل نظام سمارت هوم ؟
يعمل نظام سمارت هوم عن طريق تطبيق علي الهاتف الذكي يقوم بربط الهاتف الذكي بالمتحكمات عبر شبكه الواي فاي لتتمكن من مراقبه الاجهزه المتصله و التحكم بها بشكل لحظي .
و في المتحكمات الحديثه يتم الربط ايضا علي مستوي شبكه الانترنت و يمكنك ذلك من مراقبه الاجهزه و التحكم بها بشكل لحظي من اي مكان بالعالم.

انواع متحكمات سمارت هوم و الفرق بينها :-
تختلف المتحكمات بشكل رئيسي من حيث :
1- عدد الخطوط التي تدعمها.
2- القدرة الكهربائية لكل خط.
3- دعم نظام ديفاتير ( لتعمل بجانب المفاتيح التقليدية ).
4- امكانية التحكم عبر شبكة الانترنت.
5- خاصية self-optimization.
6- درجة الحماية و الخصوصية.
7- عدد المتحكمات اللتي يمكن توصيلها علي نفس الشبكة.

تطبيقات عملية علي نظام سمارت هوم :-
التحكم في الانارة عن طريق الهواتف الذكية.
التحكم فى الاجهزة المنزلية عن طريق الاجهزة الذكية.
الانارة التلقائية المعتمده علي مستشعرات الحركة.
التحكم فى درجة حرارة المكان بشكل الي.
التحكم فى مواتير ضخ المياه و انظمة الري الحديثة.
انظمة الحماية الحديثة و اجهزة الانذار.
التحكم في محابس الغاز الطبيعي عن طريق الهواتف الذكية.
التحكم في الابواب و الشبابيك و الستائر و اي شي تقريبا.

07/11/2022

السباكه:-

بند السباکه من أهم البنود اللي لازم تهتم بيها في التأسيس . لأن الغلط في البند دة هيعملك مشاكل طول عمرك ومتستهونش بيها

قبل ما نقولكم ازاي هتنفذوا البند دة في شقتكم ..
خليني أشرحلكم حاجه مهمة جدا
( إسمها الشرب )

الشرب دة ببساطة هو مسافة 1 م فوق البورسلين او سيراميك شقتك
إيه فايدته ؟
فايدته انك بتحدد منسوب " مسافة " كل حاجه من مستوي أرضيتك النهائية ... مثال مثلا علب الكهربا السفليه لازم كلها
تكون على نفس المستوي من أرضيتك بعد ما تخلص ... فازاي بنظبط كل العلب على مستوي واحد ؟
عن طريق الشرب

طب إزاي بنحددوا واحنا لسه معملناش الأرضيات ؟
بص يا سيدي ... المفروض أن تشطيب ارضية المدخل قدام باب الشقه يكون على نفس مستوي الأرضية في شقتك . وبالتالي بتقيس مسافة 1 م من الأرضية قدام باب الشقه وتعلم علامة السباك بينقلوا جوة عندك في الشقه بحاجه اسمها میزان خرطوم .

ايه هو ميزان الخرطوم وبنستخدمه ازاي ؟
هو خرطوم رفيع بيكون مليان مياه ... وواحد بيمسك ناحية منه ويثبتها عند العلامه اللي علمناها قدام باب الشقه وواحد بيبدأ يثبت الخرطوم الناحية التانيه على الحيطة اللي هيعلم عليها الشرب الجديد جوة الشقه لحد ما مستوي المياه يقف على العلامة اللي بره عند باب الشقه في الوقت دة مستوي المياه في الخرطوم بره وجوة بيكون على نفس المستوي وبالتالي لو اخدنا 1 م من العلامه اللي علمناها جوة الشقه يبقي ده مستوي الأرضية بتاعتنا . .
حددنا الشرب ... تمام ؟؟ يالا نبدأ
السباك بيدخل الشقه بيعرف منك هتحط القاعده فين ؟
والحوض فين ؟
وهل هتعمل شاور ولا بانيو ؟
واماكن التكييفات عشان بيكون ليه صرف داخلي في الشقه عشان مترميش المياه عالجيران
وهيطلب منك شوية طلبات .. هتنزل تجيبهم ..
الخامات ديه أنواعهم ايه ؟
تعالي أقولك . . . . بالترتيب
خامات التغذية :
أكواثيرم وديه ألماني وسعرها عالي شوية
بولو بلاست ودية ألماني وسعرها متوسط
وفي خامات انواع تانيه زي البحر الاحمر بس اللي فوق دول أشهر 3 شركات في السوق

خامات الصرف وليها اكتر من نوع :
بروج الشريف سمارت هوم .

هتشتريله الخامات وهيبدأ في تأسيس شبكتين ( تغذية

وصرف )

لازم تحددله اذا كنت هتركب حوض بركبة او حوض بعامود او حوض ساقط رخامه , هل هترکب سيفون اللي بيتدفن جوة الحيطة ولا سيفون عادي ؟
واوعي تعمل شطاف بارد ساخن لانه بيكون غلط عالاطفال
هيبدأ يكسر ويعمل مسار لمواسير التغذية ويركب المواسير ويخلص الشبكة كاملة بتاعت التغذية وبعد كدة ينضف الأرضية كويس جدا من بواقي التكسير

وقبل ما نعمل شبكة الصرف بتاعتنا : ندخل في موضوع العزل الان العزل بيتعمل قبل الصرف واوعي تصدق السباك اللى هيقولك العزل بيتعمل فوق المواسير او انه مالوش فايده
فايدة العزل؟
انه بيحمي جارك والحوائط بتاعتك من المياه البسيطة اللى بتتسرب من ارضية الحمام ... ولكن لو فيه مشكلة سباكه ...مفيش اي عزل هيوقفها
العزل :
فيه أنواع كتير من العزل . بس أشهرهم
عزل المیمبرین و العزل الاسمنتي الكيماوي ". . .
السباك ممكن يكون معاه حد للعزل وممكن لأ ...
فهتضطر تجيب حد يعزل بعد مالسباك يخلص تغذية *
العزل الاسمنتي أفضل زي شركة سيكا وكيماويات
البناء الحدیث او باسيف الالمانيه
استلام العزل بيكون ازاي ؟
هيملا الأرضية كلها بالمياه وتاني يوم تيجي وتبص على حوائط الشقه وسقف الشقه اللي تحتك في حالة انها مش متشطبة ... لو لاحظت نشع يبقي لازم تعيد العزل ...
وبعد كدة هيبدأ السباك يركب شبكة الصرف واللي بتشمل
مواسير صرف التكييفات
وبعد لما يخلص
هتتصل بالشركة المصنعه لمواسير التغذيه عندك وهتيجي تعملك اختبار على مواسير التغذية وتبصلك على اللحامات مواسير الصرف وتديك شهادة ضمان كدة الشركة استلمت بدالك فنيا من السباك.. ولكن المقاسات لازم انتا تعيد وتتأكد

من المقاسات اللي مديها للسباك زي مكان الحوض ويبدأ السباك " يحبش " على مواسير الصرف بمونه
عشان يحميها آن حد يدوس عليها لانها بتكون
مظبوطة بميل معين

وبعد كدة بنعمل حاجه اسمها لياسة " ودیه مونه بنفردها عالارض عشان تحمي العزل بتاعنا

نرجع للشرب بقي بعد لما بنخلص تأسيس السباكه وعمل صرف التكييفات ساعات بنلاقي ان مستوي المواسير عالي او ان مراتك طلبت من السباك بيبه " بلاعه " فالمطبخ والمطبخ مبيكونش ليه سقوط زي الخرسانات ف الحمامات وبالتالي البيبة ديه ليها ارتفاع .. فبتأثر على منسوب الأرضية

وفي الحالة ديه يا اما بنفصل المطبخ عن بقيت الشقه یا اما بنعلي كل الشقه وفي الحالة ديه بقيت عالي عن تشطيب مستوي السلم ... وفي الحالة ديه بنفصل برخامه

کام ملحوظة كدة :

1 ) مستوي مخرج صرف التكييف في الحائط لازم يكون خلف وحدة التكييف ناحية شمال التكييف ... والحاجة الاهم انك لازم تعمل حساب سقوط الجيبسم بورد ان وجد ... التكييف بيحتاج تقريبا من 35-40 سم تحت سقف الجیبسم

بورد

2 ) متديش السباك كل حسابه ..
ويفضل اللي هيأسس هو اللي هیشطب

3) لو هتعمل تكييف کونسيلد فوق الجبس بورد . . هتخلي السباك يطلع صرف التكييف فوق مستوي الجيبسم بورد
عشان يكون متداري

ولو عندكم أي سؤال اكتبوه ف كومنت وهنرد عليكم

07/11/2022

-الهدف من تأسيس الكهرباء هو تشغيل إضاءة وأجهزة المنزل المختلفة.
ولكي تعمل الإضاءة والأجهزة لابد من ربطها بقطبي كهرباء عن طريق موصلات وهي الأسلاك الكهربائية بأقطارها المختلفة.
وقطبي الكهرباء هما:
- الأول يطلق عليه كهرباء أو فاز أو موجب أو لاين أو الطرف الحي، ويرمز له بالرمز " L " أو (+) وهو الذي يحمل الشحنات الكهربائية
- والثاني يطلق عليه سالب أو "أرضي بلغة السوق" أو نيوترال أو نتر أو بارد ويرمز له بالرمز " N " أو (-) وهو خط محايد لا يحمل شحنات كهربائية في حال عدم توصيله.
هذه هي الفكرة الرئيسية المجردة لعمل الكهرباء، ولكن بالطبع يلزمها بعض التقنيات لكي تخرج بالشكل اللائق الذي نراه في منازلنا.
- فالكهرباء الخاصة بالأجهزة لانقوم بتوصيلها عبر الأسلاك مباشرة، وكلما أردنا تشغيل أحد الأجهزة نوصله بالسلك الخاص به ثم ننزعه إذا أردنا إطفاء الجهاز.
ولكن نقوم بعمل وحدات خاصة تسمى مخارج أو مآخذ أومقابس أو برايز في المكان الذي نحتاج أن نضع به الجهاز، وبالطبع هذه البريزة لها تجهيزات خاصة، فهي يتم تركيبها على علبة خاصة بها تسمى "علبة مفتاح" ويوجد أنواع متعددة من المفاتيج والبرايز والعلب، اخترنا منها نوعية واحدة لنشرح عليها، ويتم تثبيت هذه العلب داخل الجدار بعد تكسيره بحسب حجم العلبة، ويصل إليها قطبي الكهرباء عبر السلك بقطر مناسب للجهاز، وهذا السلك لابد أن يكون داخل مجاري خاصة به، تسمى مواسير أو خراطيم، ولها أشكال وأنواع متعددة حسب الاستخدام، وهذه الخراطيم يتم تكسير أماكن لها داخل الجدار لتكون بمساواة الجدار في النهاية حتى لا تشوه المنظر.
أما الكهرباء الخاصة بوحدات الإضاء فلها تقنية مختلفة قليلا، فنحن نوصل قطبي الكهرباء بوحدة الإضاءة ولكن مع قطع أحد الأقطاب في الطريق ونقوم بتوصيل الطرفين المقطوعين بمفتاح للتحكم في وحدة الإضاءة وغالبا يكون القطب الذي يركب علبه المفتاح هو الذي يحمل الكهرباء ويكون هذا المفتاح بالطبع قريبا من وحدة الإضاءة الخاصة به وفي متناول اليد ويتم تركيبه أيضا داخل علبة مثله مثل البريزة.
ومن خصائص الكهرباء أنه يمكنك عمل شبكة عنكبوتية منها، أي من مصدر كهربائي واحد يمكنك تغذية العديد من الوحدات.
والغالب أن مصدر الكهرباء في الوحدات السكنية يأتي عبر طرفي سلك سميك بعد عداد الكهرباء، (لاحط أننا نتحدث عن الكهرباء 220 فولت، أو أحادي الأوجه ويطلق عليها أيضا سنجل فاز) ونقوم نحن بتركيب لوحة كهربائية داخل الوحدة السكنية تسمى لوحة التوزيع وندخل هذين السلكين فيها، ومن هذه اللوحة نقوم بتوزيع الكهرباء لغرف الوحدة السكنية وحماماتها ومطبخها
هذه اللوحة بها مفتاح رئيسي يدخل عليه قطب الكهرباء أولا ، ومفاتيح فرعية يتم تغذيتها من المفتاح الرئيسي، أما القطب الآخر وهو النيوترال يتم ربطه في شريحة نحاسية تسمى بارة النيوترال ( بارة الأرضي بلغة السوق)
وكل مكان نريد توصيل الكهرباء إليه لابد من أخذ قطب من أحد المفتاتيح الفرعية والقطب الآخر من بارة النيوترال.
وهذه اللوحة وظيفتها حماية الداوئر الكهربائية وحماية الأجهزة.

18/08/2022

نصائح عامة لمعرفة المكان المناسب لتركيب صمام عدم الرجوع (س*س بلف) لانه يجب ان يكون فى مستوى به مياه لعدم اخذ هواء. اذا كان ضغط المياه لا يصل الى الادوار السفلى بصورة جيده او انهم يعانوا من نفس المشكلة، يجب زيادة قدرة الموتور المطلوب ليكون بإستطاعته سحب المياه من مسافة كبيره.
لابد من تركيب حساس فلوماك او اتوماتيك لمساعدة الموتور على تنظيم الفصل والتشغيل
تركيب البالونة وعمل الصيانة الدورية لها يساعد على اطالة عمر الموتور

16/08/2022

لا يجوز بأي شكل من الاشكل المساس بالعناصر الانشائيه( اعمده + كمرات+ بلاطات ) .
طبعا لايمكن التكسير في العمود لاي سبب من الاسباب

06/08/2022

الصيانة الصحيحة تعتمد على الفهم الجيد و المهارات اليدوية المتميزة .

كتير من الفنيين يمتلكون عنصر واحد من الأثنين

فتجد من لديه مهارة يدوية و ينقصه فهم صحيح للمخططات و الدوائر و القياس و آليات تتبع الأعطال المختلفة .

و تجد أيضا من لديه فهم جيد للدوائر و آليات تتبع الاعطال وينقصه بناء و اكتساب مهارات يدوية متميزة .

04/08/2022

احذر الإهمال في الصيانة والمتابعة لمراوح السقف لما لها من مخاطر وتختلف المراوح عن غيرها من وسائل لتبريد أو ترطيب جو الغرفة، حيث انتشر على "الفيس بوك" في الفترة الأخيرة تحذيرات من بعض الأطباء من النوم تحت مروحة السقف وتشغيلها حيث سقطت بعض المراوح على المواطنين نتيجة تأكل المسمار الذي يربط المروحة بالماسورة، ما تسبب في إصابات خطيرة لهم.

01/08/2022

نقسم أعمال تشطيب السباكة إلى ثلاثة أجزاء رئيسية:
1. شبكة التغذية.
2. عزل أرضيات الحمام.
3. شبكة الصرف.
أما التنفيذ فيشمل مرحلتين أساسيتين:
1. الأولى هي مرحلة التأسيس.
2. الثانية المرحلة النهائية أو مرحلة التشطيبات وتركيب الأدوات الصحية.
لذا يجب عليك أن ترتِّب أفكارك بشكل سليم، وإليك بعض النصائح التي تساعدك على ذلك:
بدايةً، من الأفضل والأصح أن يكون رسم مسارات السباكة بوحدتك العقارية مُصمَّمًا من قبل جهة موثوق بها ومهندسين ذوي خبرة.
وذلك لضمان دقة وسلامة العمل، ولأن تلك الأعمال كثيرة ومتشعبة، قد تحتار في كيفية ترتيب أولوية التنفيذ.

01/08/2022