السكري - Diabetes (2025)

21/10/2025

لما السكري يبعتلي التراكمي فوق 8 لفترة طويلة...بس هو حاسس ب تنميل ووخز وألم ونقص ف الوزن وضعف وتعب وارهاق بشكل عام ومش عارف ايه السبب ؟!

السكري - Diabetes

21/10/2025

ايه رائيكم ياسكريين ؟!

21/10/2025

📌 الفواكهه وتأثيرها على السكري

الفواكه مش ممنوعة لمرضى السكر ولكن الكميه والوقت مهمين.
وكل نوع فاكهة بيختلف في تأثيره على السكر حسب كمية السكر اللي فيها ونسبة الألياف.

🍏 التفاح
أليافه كتير وسكره قليل

🍓 الفراولة
كويسه جدا – قليلة السكر وغنية بمضادات أكسدة

🥝 الكيوي
قليل السعرات ويقلل امتصاص السكر

🍑 الخوخ
ممكن نصف ثمرة صغيرة

🍈 الشمام والبطيخ
بكميات صغيرة جدًا تأثيرهم اكبر

🍐 الكمثرى
أليافها عالية وتنظم الهضم

🍊 البرتقال
ثمرة واحدة صغيرة أفضل من العصير

🍋 الجريب فروت (بمبلموس) كويس بس ممكن يتفاعل مع بعض الادويه نخلي بالنا ونستشير الطبيب ف اكله.

🍇 التوت الأزرق أو الأحمر
غني بالألياف

🟦فواكه نقلل منها جدًا
🍌 الموز
يرفع السكر بسرعة خاصة لو مستوي أو كبير الحجم

🍍 الأناناس
سكره عالي

🍉 البطيخ والشمام
نسبة سكرهم عالية جدا... قطعه صغيره منزودش

🍑 الخوخ والمشمش
باعتدال فقط

🍎 الرمان
نصف كوب فقط لأنه غني بالسكر

🔴 فواكه نمنعها أو نتجنبها قدر الإمكان:

🥭 المانجا
من أكثر الفواكه اللى بترفع للسكر

🍇 العنب
سكرياته عالية جدا

🍈 التين الطازج أو المجفف
يرفع السكر بسرعة

🍌 الكاكا (البرسيمون)
سكرها عالي جدا

🍑 التمر والعجوة والزبيب
ترفع السكر بسرعه حتى بكميات صغيرة

🍉 العصائر حتى الطبيعية
ممنوعة لأنها ترفع السكر أسرع من الفاكهة نفسها
(بسبب غياب الألياف)

📌 نصائح عند أكلها :-
كل الفاكهة بعد الوجبة او معاها مش قبلها ولا على معده فاضيه .
ما تجمعش أنواع فواكه كتير في مرة واحدة.
ما تعصرش الفاكهة، تتاكل كاملة عشان الالياف.
لو هتأكل فاكهة فيها سكر عالي، خدها مع شوية مكسرات أو زبادي عشان تبطئ امتصاص .

وطبعا نخلي بالنا.. لان كل حاله بتختلف عن غيرها ف الخطه العلاجية او الغذائيه على حسب الحاله الصحيه للشخص ف نرجع ل دكتورك المتابع لحالتك او دكتور تغذية.

#الفاكهه

21/10/2025

صباح الخير 💙

📌 12 خطوة بسيطة لتنظيم السكر التراكمي :-

🔹️الالتزام بالأنسولين في مواعيده المضبوطة ، نتعلم حساب الكارب .
🔹️نركز ف صلاحيه الانسولين ونحفظه صح ✅️
🔹️ نغير ف أماكن الحقن عشان نتجنب التكتلات تحت الجلد ، والانسولين يكون تأثيره كويس .
🔹️تقليل النشويات (عيش، رز، حلويات).
🔹️أكل وجبات صغيرة ومنتظمة.
🔹️رياضة خفيفة يوميا (حتى مشي 20-30 دقيقة).
🔹️متابعة السكر 4 مرات يوميًا على الأقل خصوصا لو ف الفترة الاولي منه .
🔹️علاج أي التهابات أو أنيميا أو مشاكل بالغدة.
🔹️ النفسيه ، مشاكل الحياة كتير بس خليك فاكر ان سكرك بيزعل على زعلك ✅️
🔹️مواعيد النوم بلاش سهر كتير هيرفع سكرك ، فترة النوم من 6 ل 8 ساعات .
🔹️ اعرف اللى بيضايق سكرك واتجنبه ✅️
🔹️ تابع صفحة السكري ، واعمل شير للبوست عشان غيرك يستفيد .

17/10/2025

💙اسأل سؤال والسكري هيجاوبك ...؟!

15/10/2025

🟦 خد بالك يا سكري ... العلاج مش واحد لكل الناس! 💊

✅ كل حالة سكر مختلفة عن التانية، وده معناه إن العلاج اللي بيظبط سكر شخص، ممكن ماينفعش لغيره تمامًا.

🚫 مينفعش نغير أو نبدل العلاج من نفسنا أو بناء على تجربة حد تاني — لازم دايمًا تحت إشراف الطبيب المتابع للحالة هو عارف حالتك كويس وهيكتبلك العلاج المناسب اللى ميأثرش عليك او ميعملش اى مضاعفات لان ف ناس عندها ضغط مع السكر ، وغيرهم اللى عنده مشكله ف الكبد او الكلي او غيره ف لازم ناخد بالنا .

👨‍⚕️ ولو انت متابع مع دكتور، وحالتك مش بتتحسن رغم الالتزام، من حقك تطلب تعديل العلاج.
ولو الطبيب مش بيتعاون أو مش بيستجيب لحالتك، يبقى لازم تتابع مع طبيب متخصص في السكر والغدد يقدر يشخصك صح ويظبط علاجك.

🍽️ العلاج لوحده مش كفاية!
علشان تظبط سكرك لازم كمان:
🥗 تنظم أكلك وتقلل النشويات
🥦 تخلي طبقك متوازن فيه خضار، بروتين، وكمية نشويات بسيطة
🚶‍♀️ ومع ده كله رياضة خفيفة يوميا — والمشي السريع نص ساعة يوميا بيعمل فرق كبير جدا في ضبط السكر
وتحسين الدورة الدموية والمزاج.

💙 افتكر دايما انها معادله بسيطه :
التحكم في السكر = علاج مناسب + أكل متوازن + حركة يومية + متابعة منتظمة مع طبيبك ✅️

السكري - السكري - Diabetes

13/10/2025

❇️ يعني إيه سكر تراكمي ؟!
وهل ينفع يغني عن القياسات اليومية ؟!

🔹️ السكر التراكمي (HbA1c)
هو متوسط مستوى السكر في الدم خلال آخر 3 شهور.
يعني كأنه "نتيجة تعبك ومجهودك" في محاولة ضبط السكر الفترة اللي فاتت ✅

❇️ طب طالما التحليل ده بيكشف عن الـ3 شهور اللي فاتوا،
إيه لازمة القياسات اليومية؟
📚 هو ينفع تمتحن من غير ما تذاكر؟
أكيد لا!
نفس الفكرة بالضبط 👇
👈 التحليل التراكمي بيقولك النتيجة النهائية،
لكن القياسات اليومية هي اللي بتخليك تعرف:
فين غلطت؟
وإزاي تصلح غلطك؟

🔹️ مثال بسيط:
النهارده حللت السكر صايم لقيته كويس،
بعد الفطار بساعتين لقيته عالي 😮
كده هتتعلم وتظبط أكلك تاني يوم 👍

🔹️ليه القياسات اليومية مهمة جدًا؟
👈 لأنها بتساعدك:
💊تعرف العلاج مناسب ولا محتاج تعديل
🍽تراقب تأثير الوجبات على سكرك
تتصرف بسرعة في حالات الطوارئ سواء ارتفاع أو انخفاض
والأهم: تحمي نفسك من الغيبوبة أو الهبوط المفاجئ 😔

💙 يعني باختصار:
❌ لا غنى عن القياسات اليومية
✅ عشان تحافظ على صحتك
✅ وتمنع المضاعفات
✅ وتتعامل بسرعة في أي طارئ
📍 خليك دايمًا صاحب جهاز القياس في كل مكان
📍 ومتكررّش نفس الغلط مرتين
📍 وتعلّم أعراض الهبوط والارتفاع وإزاي تتصرف في الحالتين
حتى لو مش مريض سكر،
ممكن تنقذ حياة شخص بيتعرض لهبوط أو ارتفاع مفاجئ 🩵

السكري - Diabetes

10/10/2025

20 قاعدة لحياة افضل✅️
لفقدان الوزن وللتخلص من مقاومه الأنسولين
والسكرى النوع الثانى اللى من أسبابه زياده الوزن
والسمنه لمرضى السكري 👌

1. نقلل الكميات ونختار النوع الصح خاصه ف السكريات والنشويات .

2. اكل صحي ومتوازن:

🔹️بروتين (فراخ، سمك، بيض، بقوليات)

🔹️خضار كتير

🔹️فواكه باعتدال
نفضل( التفاح ، التوت ، الكمثري
نفضل تجنب (التين ،العنب ،البطيخ ، المانجا ) خصوصا للسكريين.

🔹️نقلل النشويات (عيش، رز، مكرونة)
ونستبدلهم بالحبوب الكامله

3. نشرب مية كتير: على الأقل ٨ أكواب في اليوم.

4. امشي كل يوم: حتى ٣٠ دقيقة يوميًا بتفرق جدا .

5. ننام كويس النوم القليل بيأثر على الحرق والشهية.

6. نقلل السكريات والمقليات والاكل الجاهز : دول أكتر حاجة بتزود الوزن.

7. ناكل ببطء: عشان نحس بالشبع أسرع.

8. نعمل وجبات صغيرة على مدار اليوم: ٣ وجبات رئيسية + ٢ خفيفين اسناك

9. نتابع الوزن مرة كل أسبوع او اسبوعين .

10. دهون اقل 👈 ألياف اكثر

11. ملح اقل 👈خل أكثر

12. سكريات اقل 👈فواكه أكثر ولكن نركز على النوع والكميه

13. اكل اقل 👈 مضغ أكثر

14 .عصير اقل 👈 زياده من شرب الماء

15. ضغط اقل 👈نوم اكثر

16 .قيادة اقل 👈 مزيد من المشي

17 .وجبات خفيفه غير صحيه أقل 👈 نستبدلها بالمزيد من القهوة والاعشاب الطبيعيه ولكن بااعتدال وبدون سكر

18 .غضب اقل 👈 مزيد من الضحك

19 شاى اسود اقل 👈 شاى اخضر أكثر

20 . كل عادة صغيرة بتفرق ، البداية دايما بتبدأ بخطوة بسيطة 💙

07/10/2025

👌

📌رساله لكل سكريه قبل ماتفكرى ف الحمل لازم لازم لازم تظبطى سكرك ✅

🔹️ التراكمى يكون اقل من 7 وتحافظى عليه كداا
بقدر الإمكان

🔹️متستنيش لما يحصل حمل ويكون السكر مش مظبوط وتجرى على دكتور السكر تقولى له الحقنى من اكبر الاخطاء اللى بتقع فيها معظم النساء ❌

🔹️ مرض السكر مش بيأخر الحمل ولكن للأسف لو مش مظبوط هيعمل مضاعفات ومشاكل ليكى او للجنين ❌

🔹️ لازم تتابعى دايما بالقياسات خلال اليوم

🔹️ القياسات لاززم نحافظ عليهااا قبل الاكل اقل من 95 وبعد الاكل بساعتين اقل من 120 عشان نكون ف الأمان دايما ان شاء الله ✅

🔹️ واى تغيرات تتابعى مع طبيبك ف العلاج اذا كان نساء او دكتور السكر ✔️

🔹️نهتم بلاكل الصحى الخضروات والفواكه ونحاول نقلل من النشويات والسكريات

🔹️فى إشاعة ان الست اللى عندها سكر بتجنب طفل سكرى ❌
الكلام ده مش صح تماما ملهااش علاقه ✅

🔹️ف إشاعة ان النساء اللى عندهم سكر ميقدروش يحملوا ويخلفوا... ❌
لا تقدرى تحملى وتخلفى طفل واتنين وعشره اصحاء بااذن الله طول ماسكرك متظبط✅

🔹️ ازاى نظبط التراكمى ونحافظ عليه مظبوط هنزلكم لينك خاص بيه ف الكومنتات ان شاء الله ✅👌

🔹️متنساش تتابع كل جديد من صفحه السكرى والشير عشان غيرك يستفيد 🌹

💙
السكري - Diabetes

07/10/2025

محدش بيحس بالفرق اوى... الا لما بيظبط سكره اوى
السكري - Diabetes

06/10/2025

🩵 صباح الخير يا أبطال السكري 🩵

في غلطة كبييييرة ناس كتير بتعملها بدون ما تاخد بالها 😔
وهي جمع نوعين من النشويات في وجبة واحدة!
وده بيعمل ارتفاع مفاجئ وقوي جدًا في سكر الدم ❌️

📌 أمثلة شائعة جدًا:
فول + طعمية + عيش 👉 3 مصادر نشويات مع بعض
رز + بطاطس أو قلقاس
مكرونة + عيش
بطاطس محمرة مع كاتشب أو عيش شاورما
بقسماط + لبن
عدس + رز
كل ده بيزوّد الحمل النشوي على الجسم جدًا 🙂

📌 نصايح بسيطة:
1️⃣ خليك دايمًا مع نوع واحد من النشويات في الوجبة.
2️⃣ زوّد الخضار والسلطة عشان تقلل امتصاص السكر.
3️⃣ اشرب مية قبل الأكل بنص ساعة.
4️⃣ لو نفسك في نوعين نشويات، فرّق بينهم في الوجبات مش في نفس المرة.

صحتك أهم من رغبتك اللحظية 💪
وازن أكلك... وعيش حياتك بسكر متحكّم فيه 💙

06/10/2025

صباح الخير 💙

اخبار قياس السكر صايم ..؟!

السكري - Diabetes

21/10/2025

21/10/2025

21/10/2025

21/10/2025

17/10/2025

15/10/2025

13/10/2025

10/10/2025

07/10/2025

07/10/2025

06/10/2025

06/10/2025

Address

Website

Alerts

Shortcuts

Share