https://www.facebook.com/413891959249262/

Dr. Christin Fathy, قنا/حوض ١٠/ميدان المحافظة امام صيدلية المحافظة, Qena (2026)

09/12/2019

كل العيال بتكح 😔

٩٠ ٪؜ من الكحه سببها الإفرازات الخلفيه للأنف
٣٠ ٪؜ من حساسية الصدر مشترك معاها حساسية أنف
٦٠ ٪؜ من أدوار البرد والرشح بتقلب بإلتهاب شُعبي بسبب الافرازات الخلفية للأنف

يعني الأنف باللي فيها عامل مشترك في لمعظم أدوار الكحه حالياً

مش معقول بقا نكون عارفين كدا وسايبين الواد مرشح أوووفر من غير ما تنظفي مناخيره من البلاوي اللي فيها ✋️

:

👆سلكوا مناخير عيالكم ،، دعوة لكل الأمهات تتعلم ازاي تغسل مناخير طفلها بإستخدام بخاخ ماء البحر او محلول الملح وشفاط الأنف

👆مستحيل صدر ابنك ينضف الا اذا منعتي مصدر الافرازات من فوق

👆مستحيل بخاخات الكورتيزون (نازونكس-آفاميس-نازوكورت ) تشتغل في وسط الكم الهائل من الافرازات اللي موجوده بالأنف

👆جلسة محلول ملح فقط ،، لها تأثير عجيب في اذابة المخاط اللي موجود داخل الأنف والباقي عليكي .. شفطيه

👆التنظيف بالبخار steam cleaning
مقصدش سجاد البيت ،، لأ 😂
أقصد مناخير البيه الصغير ،، خديه علي الحمام وشغلي المياه السخنه وخليه يستنشق البخار اللي طالع ،، بتفرق كتير

👆المواد الطبيعيه زي:
صبغة جاوي للإستنشاق او فابوزول،، ملعقة علي مياه دافيه بس تتحكمي فيه ليضربها بإيده ،، وتحطي فوطه علي راسه ويشم البخار اللي طالع ،، بفضلها للسن الكبير 👌

👆كريمات الاستنشاق زي snuffle baby cream
تأثيره فظيع وبالأخص للبيبيهات .. بندهنه علي منديل ونسيبه علي صدر البيبي في اقرب مكان لمناخيره

اظن مفيش حد ليه حجه كدا
نظفوا بقا مناخير عيالكم ولاحظوا الفرق 👌
منقول عن ...

د. إيهاب الامام

04/11/2019

أسباب سيلان الأنف عند الأطفال⁉
⭕يرجع حدوث سيلان الأنف عند الأطفال إلى العديد من العوامل والأسباب اشهرها
🔹نزلات البرد بالانفلونزا: تعد نزلات البرد السبب الأكثر شيوعاً لسيلان الأنف ، ويُصاحبها ظهور مجموعة من الأعراض كالحمّى الخفيفة، والصداع، والتهاب الحلق، والسعال، إضافة إلى العُطاس، وتدميع العينين، والشعور بالإرهاق حالة الطفل قد تتحسّن من تلقاء نفسها في غضون سبعة أيام تقريباً.
🔹الحساسية: يحدث ذلك في موسم أو فصلٍ معين، أو يحدث نتيجة التعرض للمواد التي تُثير الحساسية بشكل عام، وقد يُصاحبها عدّة أعراض؛ كتدميع العينين والشعور بحكة فيهما، والعطاس، والربو، وفرك الأنف، وخروج كميات كبيرة من المُخاط الشفّاف.
🔹 عدوى الجيوب الأنفية: هذه العدوى البكتيرية تعمل في تطور واستمرار المرض، وفي و تظهر مجموعة من الأعراض لدى الأطفال الصغار هذه الأعراض تتمثل في التنقيط الأنفي الخلفي ورائحة النفس الكريهة والسّعال الذي يظهر في النهار ويزداد سوءاً أثناء الليل،
وسيلان الأنف الذي يستمر لمدّة تزيد عن 10-14 يوماً
🔹 البكاء: ي يتسبّب بخروج الدموع عبر القنوات الدمعيّة إلى التجويف الأنفيّ، ومن ثمّ إلى الأنف مُسبّباً سيلانه.

02/11/2019

⚠التشنج الحرارى
◼بيحدث في نسبة من الاطفال من ٣ - ٥ %
◼بيحدث في درجات الحرارة العالية جدا وفي الاغلب بتكون اطراف الطفل باردة ودرجة حرارته مرتفعة جدا
◼بيحدث في الاطفال من سن ٦اشهر وحتي ٥ سنوات وفي الاغلب بتستغرق اقل من ٥ دقايق
◼معظم حالات التشنجات الحرارية تاتي مصاحبة لبعض الأمراض الاكثر انتشاراً بين الاطفال زي الأنفلونزا والجديرى المائي والتهاب الأذن واللوزتين
◼بعض العوامل الوراثية التي تزيد من حدوث التشنجات

✅معظم الاطفال الي بيعانوا من التشنجات الحرارية بيتعافوا منها تماماً بعد العناية

27/10/2019

⚠لازم نعلم اطفالنا انه ممنوع يقفوا علي الاغطية الموجودة في الطرقات 👌

شير عشان نقدر نوعي الامهات 🤱

25/10/2019

⚠لو ابنك مدمن بيبسي لازم تخليه يبطلها لان اضرارها كبيرة جدا علي صحته خصوصاً في المراحل الاولي من حياته

⭕الاضرار
◼اصابته بالسمنة المرضية
◼هشاشة العظام
◼تسوس أسنانة اللبنية عند ظهورها وفقدانها سريعا
◼شعوره بالصداع الأرق بسبب إدمان الكافيين
◼بيكون مهئ للإصابة بمرض السكر في سن صغير

✅بدلي المشروبات الغازية بعصائر الفاكهة الطبيعية المفيدة لطفلك ولصحته

23/10/2019

✅ فيتامينات مهمة لصحة طفلك وبناءه 👌
⭕ڤيتامين D
بيعمل علي تنظيم جهاز المناعة ونمو الخلايا ، ويعالج ويمنع أي اضطرابات في العظام مثل الكساح وهشاشة العظام
يساعد علي تكوين اسنان قوية وبيلعب دور مهم في زيادة امتصاص الكالسيوم
⬅ يمكن الحصول علي ڤيتامين D من خلال التعرض لاشعة الشمس ومن خلال الاطعمة مثل
صفار البيض ، عصير البرتقال، الاسماك ، الكبد ، منتجات الألبان

⭕فيتامين E
خصائصه المضادة للأكسدة تساهم في تقوية مناعه الجسم وزيادة مقاومته للبكتريا والفيروسات
عنصر اساسي لمساعدة الجسم علي امتصاص العناصر المعدنية و الفيتامينات الاخرى ، بالاضافة الي انه بيساعد في تكوين خلايا الدم الحمراء والبيضاء
⬅يمكن الحصول علي ڤيتامين E من خلال الخضراوات الورقية الداكنة ، البندق ، الطماطم ، القمح ، اللوز

⭕ڤيتامين A
بيقوي مناعة جسم طفلك وبيحميه من الاصابة بالعدوى
وبيعزز من صحة البصر وصحة نمو الخلايا والانسجة خاصةً الشعر والجلد والاظافر
⬅للحصول علي فوائد فيتامين A ينبغي تناول الحليب ، الاجبان ، الجزر ، البطاطس ، الخوخ والمشمش

18/10/2019

حملات تطعيم اطفال المدارس بتبقي مهمة جدا لولادنا ضد الامراض المعدية زي الحمي الشوكية والثنائي بالاضافة الي حملة القضاء علي الديدان المعوية والكشف عن انيميا نقص الحديد

تشمل التطعيمات الاطفال في سن الحضانة والصف الاول الابتدائي حتي المرحلة الثانوية

خلينا نعرف كل مرحلة عمرية والتطعيم اللي بتاخده في المدرسة ⁉

اولا تطعيم الالتهاب السحائي
◼لاطفال الحضانة
◼والصف الاول الابتدائي
◼والصف الاول الاعدادي
◼والصف الاول الثانوي

تطعيم الثنائي البكتيرى DT
◼للصف الثاني الابتدائي
◼الصف الرابع الابتدائي

⚠ ولان الوقاية خير من المرض لازم تتاكدي ان طفلك اخد التطعيم لان في اطفال كتير خوفها من الحقن بتخليها تتهرب انها تاخد التطعيمات

16/10/2019

ليه تقدمي لطفلك الجزر المهروس ⁉🤔
الجزر مهم جداً للاطفال وفوائده لا تعد ولا تُحصي 👌

✅يعزز قوة النظر للاطفال لانه غني بكميات وفيرة من فيتامين أ
✅يحتوي علي فيتامين b6 اللي بيحافظ علي التوازن الغذائي في خلايا جسم الاطفال خاصة خلايا الجهاز العصبي والجلد والكبد
✅بيعزز عملية التمثيل البروتيني في اجسامهم
✅يساعد علي التئام الجروح بصورة سريعة وده لانه غني بفيتامين سي
✅غني بالحديد وهو احد اجزاء كريات الدم الحمراء الاساسية وبالتالي هيمنع الاصابة بفقر الدم
✅يرفع من فعالية الجهاز المناعي للاطفال وبالتالي هتزيد مقاومة الطفل للامراض
✅بيحتوي علي العديد من الالياف اللي بتسهل عملية الهضم وتنشط من حركة الامعاء في جسم الطفل

14/10/2019

مع اقتراب دخول فصل الشتاء الاطفال بيكونوا اكثر عُرضة للاصابة بالانفلونزا والنزلات الشعبية

✅ عشان كده لازم تاخدي بالك من صحة طفلك وتقللي من احتمالية إصابته بأي مشكلة صحية

في تطعيمات كتير بتساعد طفلك من الوقاية بأي امراض في فصل الشتاء زي :
⭕تطعيم الإنفلونزا البكتيرى
لانه بيساعد في وقاية طفلك من التهابات الاذن والنزلات الشعبية

⭕تطعيم الإنفلونزا الموسمي
حماية من نزلات الإنفلونزا

⭕تطعيم المكورات الرئوية
يساعد في حماية الطفل من الاصابة بالتهابات الجهاز التنفسي والالتهاب الرئوي والمشاكل الصحية الاخرى كالالتهاب السحائي وتسمم الدم

⭕تطعيم فيروس الروتا
تعتبر الروتا فيروس مسبب للنزلات المعوية والجفاف ، لذلك التطعيم يقلل من فرص إصابة الطفل بها

11/10/2019

⭕اتكلمنا في البوست اللي فات عن اهم محتويات حقيبة الاسعافات الاولية وعن بعض الحالات وازي تتصرفي معاها التصرف السليم قبل التوجه للطبيب

✅هنكمل معاكي باقي اهم الاسعافات الأولية ومنها

⭕الإسعافات الأولية في حالة الحروق من الدرجة الاولي
◼قصي الملابس فورًا في حالة وقوع سائل سخان عليها، لتجنب مزيد من الضرر بجلد الطفل.
◼ضعي المكان المتضرر تحت الماء الفاتر الجاري لمدة 10 دقائق على الأقل لتبريده
◼تجنب استخدام الماء المثلج حتى لا يتسبب في حدوث صدمة لجسمه
◼ادهني الجزء المصاب بمرهم معالج للحروق ليعمل على تقليل الألم والمساعدة في سرعة التداوي.
◼ تجنبي استخدام الثلج أو الدقيق أو معجون الأسنان على الجزء المصاب، لانه قد يؤدي إلى أضرار مضاعفة

⚠ اتصلي بالإسعاف أو توجهي فورًا بالطفل إلى قسم الطوارئ بأقرب مستشفى في حالة حروق الدرجة الثانية والثالثة

10/10/2019

اغلب الامهات معندهاش خلفية عن اهم الاسعافات الاولية اللي لازم تتبعها في حالة حدوث اي اصابة لطفلها

وعشان ده يتم لازم تكوني مجهزة صندوق او حقيبة للاسعافات الاولية مكونة من
✅ قطن طبي ، شاش طبي ، مطهر جروح ، مقص، خافض للحرارة ، مسكن للآلام ، ترمومتر الحرارة ، مرهم موضعي للكدمات ، لاصق طبي ، دواء لحالات التقيؤ والاسهال ، قفازات ايد طبية

⭕الاسعافات الاولية في حالة الكدمات او الجروح
◼لازم تطهرى مكان الجرح
◼وضع المطهرات مكان الجرح
◼وضع الشاش الطبي وضمادة مناسبة حسب حجم الاصابة

⭕الاسعافات الاولية في حالة بلع شئ ما
◼وضع اليد اليمني علي بطن الطفل واليد اليسرى علي ظهره
◼الخبط علي ظهر الطفل براحة اليد حتي يخرج الشئ المبلوع من فمه
⚠سرعة التصرف والذهاب الي المستشفي في حالودة بلع الطفل الشئ سواء قطعة معدنية او قطعة حلوي

#تابعي معانا باقي اهم الاسعافات الاولية عشان تقدرى تتصرفي في حالة حدوث اي منها ومنشن للامهات عشان تقدر تستفيد 👌💙

Dr. Christin Fathy

09/12/2019

04/11/2019

02/11/2019

27/10/2019

25/10/2019

23/10/2019

18/10/2019

16/10/2019

14/10/2019

11/10/2019

10/10/2019

Address

Telephone

Website

Alerts

Shortcuts

Share

Category