Health Hustlers

20/09/2025

خطوة جديدة لينا!
تم اعتماد فريق Health Hustlers رسميًا من طلاب من أجل مصر ❤️

اللي جاي أقوى … مستنيين دعمكم 🙌

انطلاقًا من إيمان أسرة "طلاب من أجل مصر" بدور الأنشطة التعليمية في بناء مجتمع طلابي نشِط ومشارك، نعلن عن تولّي فريق طلابي متميز مسؤولية تنظيم نشاط الاستعداد للعام الاكاديمي الجديد لتنفيذ أنشطة Student-to-Student Learning داخل برنامج الطب والجراحة.

وقد وقع الاختيار على مبادرة " Health Hustlers " لتقوم بهذه المهمة، بعد أن أثبتت قدرتها على تقديم دعم علمي منظم وفعّال لطلاب البرنامج، من خلال آليات عمل واضحة تعتمد على تبسيط المحتوى، وتيسير عملية المذاكرة للمرحلة الإكلينيكية.

الجدير بالذكر أن " Health Hustlers " كان اول الفرق السباقة داخل الجامعة في إطلاق جروبات تعليمية طلابية تعمل على ترتيب المحتوى العلمي بشكل عملي ومتاح للجميع، إلى جانب إنشاء مجتمعات تليجرام مخصصة لكل فرقة دراسية داخل البرنامج لتقوية روح التعاون والمشاركة بين الزملاء.

هذه المبادرات تتم تحت إشراف معالي رائد الأسرة أ.د/ أحمد علي عامر ، وبدعم مستمر من إدارة الجامعة برئاسة معالي أ.د/ أحمد عكاوي، الذي يولي اهتمامًا كبيرًا بتمكين الطلاب وإتاحة الفرص لهم لإحداث فارق داخل مجتمعهم الجامعي ومتابعة معالي أ.د/محمد اسماعيل النائب الاكاديمي للجامعة

17/09/2025

Iᴛ's ᴛɪᴍᴇ ᴛᴏ ᴀɴsᴡᴇʀ sᴏᴍᴇ Qᴜᴇsᴛɪᴏɴs 👇

13/09/2025

🩺 نصيحة طبية:
بتسهر كتير وتقول “عادي، هعوض النوم بعدين”؟ 😴

الحقيقة إن جسمك مش بنك تدخر فيه ساعات النوم وتسحبها وقت ما تحب.
النوم له دور أساسي في:
• 🧠 تركيزك وحفظك للمعلومة → المخ بيعمل “ترتيب وتنظيم” لكل حاجة اتعلمتها طول اليوم وانت نايم.
• ❤️ صحة قلبك وضغطك → السهر المستمر ممكن يزود خطورة ارتفاع الضغط وأمراض القلب.
• 💪 المناعة → جسمك بيجهز خلايا المناعة ويتعامل مع الالتهابات أثناء النوم.

❌ قلة النوم مش معناها بس إنك “تتعب شوية”. على المدى البعيد، السهر المستمر ممكن يخليك:
• تفقد تركيزك بسرعة.
• تتعصب من أقل حاجة.
• تحس إن جسمك منهك حتى من غير مجهود.

✅ الحل؟
جرّب تنظم نومك بحيث تاخد 6–8 ساعات يوميًا بانتظام، حتى لو بالتدريج.
هتتفاجئ قد إيه يومك هيبقى أخف ومذاكرتك أسرع ومزاجك أحسن.

💡 الخلاصة: النوم مش رفاهية… النوم علاج مجاني بيحافظ عليك دلوقتي ويحميك في المستقبل

26/06/2025

اشتغلنا كتير، تعبنا، لخبطنا، جرّبنا…
بس في كل مرة كنا بنرجع نكمل.

كل خطوة كنا بنمشيها، كانت بتقرّبنا من حلمنا
وكل فكرة كنا بنقدّمها… كانت طالعة من قلبنا.

دي مش صورة وخلاص،
دي علامة في طريق بدأناه وإحنا مصدقينه من أول لحظة.

ده حلم صغير بدأ بمجهود كبير… والصورة دي جزء منه 🔥.
من مشاركتنا في مبادرة " شباب الخير " التابعة لـ وزارة الشباب والرياضة ..
بعد تأهيلنا من بين ٢١١ مبادرة مشاركة .

13/06/2025

📌 السرطان اللي بيستخبّى في صدرك: Pulmonary Cancer مش مجرد كحة!

سرطان الرئة (Pulmonary cancer) واحد من أخطر السرطانات، مش علشان نادر، لكن لأنه في الغالب بيتكشف متأخر.

🔹 إيه اللي بيحصل؟
الـ bronchial epithelium بيتحوّل لخلايا سرطانية بسبب chronic exposure لـ carcinogens (زي التدخين). وده بيؤدي لـ neoplastic proliferation خارجة عن السيطرة.

🔹 الأنواع الشائعة:
Non-small cell lung cancer (NSCLC)
Small cell lung cancer (SCLC)

🔹 عوامل الخطورة:
التدخين (السبب في أكتر من 85٪ من الحالات)
التعرض لـ passive smoking
شغل فيه exposure لـ asbestos أو radon gas
وجود EGFR mutation أو ALK rearrangement
أمراض مزمنة زي COPD

🔹 الأعراض:
كحة مستمرة
Hemoptysis
Dyspnea
ألم في الصدر
Unintentional weight loss

🔹 التشخيص:
Chest X-ray
CT chest
Bronchoscopy + biopsy

🔹 العلاج:
جراحة (لو الحالة operable)
Chemo / Radiotherapy
Targeted therapy
Immunotherapy (زي PD-1 inhibitors)

🧠 متأخر؟ أيوه.
ميؤوس منه؟ لأ.
الخطوة الأولى إنك تلاحظ وتتحرك.

"السرطان مش حكم بالإعدام... بس التأخير بيكون قاتل"

05/06/2025

كل عام وأنتم بخير، أعاده الله علينا وعليكم باليُمن والبركات، وأمدّ في أعماركم على طاعته، وحفظكم من كل سوء. جعل الله عيدكم فرحًا دائمًا، وبيوتكم عامرة بالإيمان .

05/06/2025

لا تنسونا من صالح دعائكم .

23/05/2025

الحاله الثانيه وصلت 🔥🔥
Iᴛ's ᴛɪᴍᴇ ᴛᴏ ᴀɴsᴡᴇʀ sᴏᴍᴇ Qᴜᴇsᴛɪᴏɴs 👇

10/05/2025

اللى فى الصوره دى اسمها ”Frank's sign ”
تخيل أن ال sign دى علامه ممكن تدل على أن الشخص مصاب بال Coronary artery disease او ربما يصاب به يوما ما ..!
وموجوده فى نسبة مش قليله من المرضى !!
بس طبعا مش موجوده فى كل المرضى
منقول :
Dr :Hossam Mokhtar

06/05/2025

انا قبل كل ميد ..