https://www.facebook.com/107318182256085/

Dr. Marwa Fathy د.مروة فتحى, Qism Auwal Fâqûs (2025)

16/11/2025

👌

17/10/2023

جل ما في ايدينا هو صلاة قضاء الحاجه والصلاة في جوف الليل والدعاء والاستغفار والحوقلة والتكبير والتسبيح والتهليل بنية طلب العفو والعافيه والنصر من الله 🤲🤲🤲🤲💔💔💔💔
#الحمدلله

17/10/2023

جل ما في ايدينا هو صلاة قضاء الحاجه والصلاة في جوف الليل والدعاء والاستغفار والحوقلة والتكبير والتسبيح والتهليل بنية طلب العفو والعافيه والنصر من الله 🤲🤲🤲🤲💔💔💔💔

28/03/2023

صلي علي النبي وتبسم 🥰
روشتة ل الأم الهبطانه طول نهار رمضان
وكمان لو بنوته فوق ال١٨ سنة وصحتها علي ادها
R/kerovit caps
قرص يوميا بعد الفطار
R/D3 candy
ده كاندي واحده فقط بين الفطار والسحور
وياريت نكملهم شهرين كمان بعد رمضان ❤️❤️❤️
وياريت نتغذي كويس وناخد كفايتنا من الخضار والفاكهة وماية كتييير ونقلل السكريات ونقسم الاكل مابين الفطار والسحور ولازم وجبة السحور
واللي عندها انيميا تعالجهااااااا
وكل سنة وانتم طيبين رمضان مبارك علينا جميعا ❤️❤️
دمتم سالمين عزيزاتي 🥰
#شرب-الماء-حياة-للحياة .قال تعالي"وجعلنا من الماء كل شئ حي "
#متنسوش -الاستغفار..قال تعالي"وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا"

#دكتورة-حواء
#دكتورة-مروة-فتحي

21/03/2023

صلي علي النبي وتبسم 🥰
كل سنة وانتم طيبين ❤️❤️رمضان مبارك علينا وعليكم جميعا وعلي كل حبايبكم ❤️وينعاد علينا جميعا بالخير والبركة والسرور
🥰🥰🥰🥰🥰💗💗💗💗💗💗
#دكتورة-حواء
#دكتورة-مروة-فتحي

05/03/2023

صلي علي النبي وتبسم 🥰
نصيحه هتفرق معاك جدااا ..
لو انت عروسة فرحك قرب او بنوته علي وشك الخطوبة يبقي اطمني ان نسبة الحديد والكالسيوم وفيتامين د عندك في الطبيعي وتحاليلهم غالية شوية بس اعتبريهم من ضمن مصاريف الفرح الكتير وهما اهم من حاجات كتير ملهاش لازمه هتجبيها في الفرح كمان لو ام وبتخططي لحمل جديد ضروري تعمليهم وتاخدي علاج لو فيهم نقص مش هينفعك الا نفسك والراجل مش هيفرق معاه اي حاجه اد صحتك صدقيني والمتجوزين عارفين كدة 💗والنسب دي لو في الطبيعي بتفرق جدااا في حياتك نفسيا وجنسيا وصحتك عموما أثناء الحمل والرضاعة وكمان صحة البيبي
تب ليه الحديد والكالسيوم وفيتامين د بالذات ؟!
لان دول اكتر الحاجات اللي بتنقص أثناء الحمل والرضاعة إضافة ان اثناء الدورة الشهرية كمان بيحصل فيهم فقد شديد كمان سوء التغذية والمعلبات كل ده مفتقدين ليهم وبيأثروا علي امتصاهم ..
ونقصهم بسبب أمراض وأعراض كتيرة هنبقي نتكلم عند كل واحد بالتفصيل ان شاء الله ..
التحاليل هي
profile
ca
vit D
صدقيني لو ربنا كرمك واتجوزتي وحملتي ونسبهم عندك طبيعيه هيفرق معاك جدااا جداا جدااا وهتوفري صرف كتييير لان حالات كتير بتيجي واقعه في أول الحمل حقيقي بتعاني جدا جسديا ونفسيا وماديا أثناء شهور الحمل واثناء وبعد الولادة ..فياريت يبقي علاجهم قبل الجواز والحمل
معلومة: الحديد والكالسيوم ممنوعين اول تلت شهور للحمل ولم تثبت الدراسات حتي الآن امانهم علي الجنين في اول تلت شهور لانه بيكون لسة بيتخلق وعرضه للإصابة بالعيوب الخلقية عافانا الله وإياكم فلو بتاخديهم وحملتي بطليهم حالا اول تلت شهور بعد كدة بتاخديهم لغاية التاسع عادي ..
دمتم سالمين عزيزاتي 🥰
#شرب-الماء-حياة-للحياة .قال تعالي"وجعلنا من الماء كل شئ حي "
#متنسوش -الاستغفار..قال تعالي"وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا"

#دكتورة-حواء
#دكتورة-مروة-فتحي

28/02/2023

صلي علي النبي وتبسم 🥰
تخفيف آلام الدورة الشهرية ....
اولا :ممنوع مسكنات ذي البروفين والكاتفلام والفولتارين الله يكرمك انت كدة بتدمري كليتك من بدري اوووي وفري المسكنات دي لتعب تكوني مجبرة لأخذ مسكن قوي عافانا الله وإياكم.
كتييير اوووي من اللي بيغسلوا كلي في سن مبكر وكمان اللي بعد الجواز عندهم مشاكل في الحمل كانوا مدمنين للمسكنات دي أثناء الدورة ...
تب الحل ايه للأم الغير محتمل ده ؟!!....
١/عمل كمادات دافيه اسفل البطن
٢/تدليك اسفل البطن بزيت زيتون او زيت سمسم او اي زيت عطري متاح
٣/قللي التوتر الحياة مش مستاهله حبيبتي
٤/نزود اكل الخضار والفاكهة والاسماك وشرب مغلي النعناع او الجنزبيل .
٥/نقلل من الدهون والبروتين الحيواني وبلااااش كااافيييين القهوة والشاي والنسكافيه .
٦/اشربي ماية كتيييير
٧/الضغط علي بطن الايد اسفل الصباعين البنصر والوسطي هيقلل الالم والانقباضات جدااا وهنزل صورة للطريقة في الكومنتات
وده موجود في دراسة لعلم المنعكسات ودي مرتبطة بأن اعصاب الجسم متصله ببعضها اختصارا يعني تشتيت مسار الالم .
٨/ممارسة تمارين الاسترخاء ذي اليوغا وده له فديوهات كتير علي اليوتيوب
٩/لو انت مصممه تاخدي مسكن ومش عندك استعداد تجربي اي حاجه تانية يبقي اكتر مسكن آمن هو الparacetamol وحاليا ضافو ليه باسط عضلات وموجود في الصيدليات اسمه panadol woman ده أقل المسكنات ضررا وهيهدي الالم كتييير ان شاء الله
دمتم سالمين عزيزاتي 🥰
#شرب-الماء-حياة-للحياة .قال تعالي"وجعلنا من الماء كل شئ حي "
#متنسوش -الاستغفار..قال تعالي"وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا"

#دكتورة-حواء
#دكتورة-مروة-فتحي

28/02/2023

صلي علي النبي وتبسم 🥰
آلام الدورة الشهرية .......
الالم في بداية ايام الدورة عند البنات ده علامه كويسة وان التبويض بيتم بشكل سليم والالم ده بيقل كتير بعد الجواز والولادة ..
امتي نقلق ؟!!
١/لو الالم فجأة زاد جداااا عن الشهور السابقة
٢/او ان الالم بيستمر لبعد انتهاء الدورة
٣/او ان الالم غير مصحوب بالاعراض الاخري للدورة اللي هي غممان نفس ودوخه وصداع واوقات بيكون في ترجيع او اسهال
٤/الالم غير محتمل لدرجة عدم القدرة علي الحركة طوال فترة الدورة
تب ليه في الحالات دي نقلق ؟!لان في الغالب الحالات دي بيكون في مشكلة ذي مثلا الأورام الليفيه او بطانه الرحم المهاجرة او التهابات مزمنه في الحوض .
تب الحمد لله مفيش حاجه من دي والالم العادي بتاع الدورة اللي بيبدأ قبلها بيوم ويفضل اول يومين في الدورة
نعالجه او علي الاقل نقلله ازااي ؟!!!
علشان ميكنش البوست طويل وتزهقوا الإجابة في البوست القادم ان شاء الله 💗💗
دمتم سالمين عزيزاتي 🥰
#شرب-الماء-حياة-للحياة .قال تعالي"وجعلنا من الماء كل شئ حي "
#متنسوش -الاستغفار..قال تعالي"وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا"

#دكتورة-حواء
#دكتورة-مروة-فتحي

25/02/2023

صلي علي النبي وتبسم 🥰
أقراص الحديد...
كتير من اللي بيتعالجوا من الانيميا بتفضل عندهم النسبة ثابته حتي بعد شهور من العلاج !!!!
شكوي متكررة ..انا باخد أقراص حديد بقالي سنين وبردو الانيميا ذي ماهي عندي؟!!!!
تب ايه؟!!!
اولا:البحث عن سبب الانيميا وعلاجه .
ثانيا :لو بتاخدي أقراص حديد يبقي لازم تاخدي معاها فيتامين سي ...اما علي هيئة أقراص.
او تشربي كباية من عصير الليمون او عصير البرتقال مع الحديد
حتي تتم الاستفادة بأكبر قدر من الحديد
لان فيتامين سي يزيد من نسبة امتصاص الحديد
حيث اثبتت الدراسات ان تناول 100mgمن فيتامين سي مع الوجبة يزيد من نسبة امتصاص الحديد الي 67%
كما أنه يساعد علي إيقاف تأثير بعض الاطعمه التي تقلل من امتصاص الحديد مثل الاطعمه الغنية بالفيتات كالبقوليات والمكسرات..
ثالثا:ممنوع شرب الشاي بعد أقراص الحديد علطول او بعد الاكل عموما علي الاقل ساعتين فاصل ...
دمتم سالمين عزيزاتي 🥰
#شرب-الماء-حياة-للحياة .قال تعالي"وجعلنا من الماء كل شئ حي "
#متنسوش -الاستغفار..قال تعالي"وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا"

#دكتورة-حواء
#دكتورة-مروة-فتحي

24/02/2023

صلي علي النبي وتبسم 🥰
الكحه أثناء الحمل .....
كل أدوية الكحه ممنوعة أثناء الحمل ولم تثبت الدراسات امان ايا منها أثناء الحمل .
تب والحل ؟!!
الكحه عرض وليس مرض
اولا:هنعالج السبب لو موجود
ثانيا :هنستبدل أدوية الكحه بحاجات طبيعيه وافضلها علي الاطلاق لعلاج الكحه :
١/شوربة بصل مسلوق
٢/ليمون مغلي ومحلي بعسل نحل
٣/شوربة لحمه او شوربة عضم
دمتم سالمين عزيزاتي 🥰
#شرب-الماء-حياة-للحياة .قال تعالي"وجعلنا من الماء كل شئ حي "
#متنسوش -الاستغفار..قال تعالي"وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا"

#دكتورة-حواء
#دكتورة-مروة-فتحي

23/02/2023

بسم الله الرحمن الرحيم
#صلي علي النبي وتبسم 🥰
-ان شاء الله هنتكلم عن كيفيه الوقايه من الالتهابات المهبلية والحفاظ علي المنطقة من تكرار العدوي والحفاظ علي الph والبكتيريا النافعه في المنطقة ...
1/ممنوع منعا باتا استخدام الصابون او الشاور او الشامبو او اي كيماويات في غسل المنطقة .تب نستخدم ايه في الغسل والطهارة؟!.الماية فقط كافيه جداا وفي الحديث الشريف
عن أبي سعيد الخدري رضي الله عنه، قال: قال رسول الله صلى الله عليه وسلم: ((إن الماء طهورٌ لا يُنجِّسه شيء))؛ أخرجه الثلاثة، وصحَّحه أحمد
عايزة ايه بعد كلام الرسول ان الماء طهور لوحده ؟!!!
استخدام الصابون واي مواد كيميائية بيغير الphبتاعه المنطقة ويقضي علي البكتيريا النافعه فيها وخلاص بقي بتكون عرضة لأي عدوي بسيطة معدية ...
2/ممنوع البلل في المنطقة تنشفي بفوطه قطنيه بعد كل حمام وبلاش مناديل ورقية الا للضرورة لو برة البيت .والملابس الداخلية تكون قطنية لان القطن بيمتص الرطوبة ويسمح للبشرة بالتنفس علي عكس باقي الانواع .الملابس تتغير باستمرار مرتين في اليوم علي الاقل .الملابس الجديدة تتغسل قبل ماتستخدميها..
3/غسيل المنطقة بيتم من قدام لورا وليس العكس عشان متنقليش اي عدوي من فتحه الشرج او مجري البول للمهبل ....
4/لو عندك التهاب في المثانه او أملاح البول لازم تتعالج ...
5/الغسول الطبي بيستخدم مرتين في الأسبوع علي الأكثر ومبيتقعدش فيه مجرد التشطيف فقط ...
6/ممنوع عمل الدش المهبلي .تب ليه ؟!لان المهبل بينظف نفسه باستمرار من خلال الافرازات المهبلية ولا يحتاج لأي منظفات ولا دش مهبلي لأنك بكده هتقضي علي البكتيريا النافعه فيه وتغيري الph...
7/شرب كمية كافيه من الماء والسوائل للحفاظ علي رطوبة الجسم وتوازن نمو البكتيريا ...
8/تنظيف المنطقة باستمرار من اي شعر زايد ميفضلش اكتر من أربعين يوم ...
9/اهتمي بتناول المواد الغذائية المحتوية علي البروبايوتك لتعزيز صحه المهبل ذي الزبادي والجن القريش والموز والمخلل خصوصا مخلل الملفوف و الخيار والشكولاته الغامقه ...
10/متنسيش تشربي كباية قرنفل مغلي كل يوم وعصير أناناس 💗...
11/بلاش مضادات حيوية علي الفاضي والمليان...
12/لو مريضة سكر ظبطي سكرك باستمرار ...
13/ممنوع .ممنوع .ممنوع حبس البول خصوصا بعد الجماع لازم تفضي المثانه ...
14/واخيرا ممارسة تمرين كيجل هتلاقيه علي يوتيوب سهل وبسيط وبيقوي عضلات المنطقة ويزيد الدم المتدفق إليها وده بيعزز من البكتيريا النافعه وصحه المنطقة عموما ...
#شرب -الماء-حياه-للحياة .قال تعالي "وجعلنا من الماء كل شئ حي"..
#متنسوش -الاستغفار..قال تعالي "وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا "
#دمتم -سالمين -عزيزاتي .
#دكتورة -حواء
#دكتورة-مروة-فتحي

23/02/2023

بسم الله الرحمن الرحيم
#صلي علي النبي وتبسم 🥰
هنتكلم ان شاء الله عن موضوع بيأرق معظم البنات والستات ان مكنش كلهم للاسف وهو الالتهابات المهبلية ....
-دكتورة انا اتعالجت ميت مرة وبردو الالتهابات بترجع !!!
-دكتورة انا اخدت علاجات من المريخ ولفيت علي دكاترة بعدد شعر راسي وبردو مفيش فايدة والالتهابات بترجع تاني ؟!!!!!..
-تب ايه الحل ؟!!!!
-اولا .....طالما الالتهاب بيتكرر واخدت علاج مرة واتنين وعشرة وبيرجع تاني يبقي تريحي نفسك وتعملي مسحه مهبلية وعلي أساسها هتبدأي تاخدي العلاج الصح .
-ثانيا....لو متزوجه يبقي لازم جوزك يتعالج معااااااك .
-ثالثا....والأهم علي الاطلاااق انت لو اخدت علاج من المريخ بدون الاهتمام بالمنطقة والحفاظ علي البكتيريا النافعه فيها والحفاظ علي الph بتاعها اللي هو حمضي صدقيني مش هيأثر معاك اي علاج وهيبقي تحسن وقتي وهيرجع تاني ...
-تب ازاي اهتم بالمنطقة وامنع اسباب العدوي والالتهاب ؟!!!......الإجابة في البوست اللي جاي ان شاء الله ....

#شرب -الماء- حياة -للحياة .قال تعالي "وجعلنا من الماء كل شئ حي "
#متنسوش- الاستغفار .قال تعالي "فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا "
#دمتم -سالمين -عزيزاتي
#دكتورة -حواء
#دكتورة-مروة -فتحي

Dr. Marwa Fathy د.مروة فتحى

16/11/2025

17/10/2023

17/10/2023

28/03/2023

21/03/2023

05/03/2023

28/02/2023

28/02/2023

25/02/2023

24/02/2023

23/02/2023

23/02/2023

Address

Website

Alerts

Shortcuts

Share

Category