What are the opening hours?

Tuesday 3pm - 6pm Thursday 3pm - 6pm Sunday 3pm - 6pm

https://www.facebook.com/370064850244124/

د/ محمد أبو الخير, Quweisna (2026)

26/12/2020

خطر في الحمل🌡🤰

- من أصعب المشاكل اللي ممكن تقابلك في رحلة الحمل هي " إرتفاع ضغط الدم " واللي مينفعش تتعاملي معاه علي أنه عرض عادي لأنه بيأثر بشكل كبير عليكي وعلي الجنين بتوصل لـ " تسمم الحمل " ليكي، وإنخفاض وزن الطفل أو حدوث مشاكل في صحته نتيجة إعاقة وصول المغذيات للمشيمة ومنها للجنين.

الضغط غالباً لو ارتفع، بيرتفع بعد الأسبوع الـ 20 من الحمل وبيختلف تشخيصه حسب أعراضه، منه
1- ضغط مرتفع ناتج عن حدوث الحمل.
2- ضغط مرتفع مع وجود زلال في البول وانتفاخات بالجسم.
3- ضغط مرتفع مع زلال في البول وتشنجات عصبية.
4- ضغط مرتفع قبل الحمل يتزامن مع ضغط ناتج عن الحمل وزلال.
5- ضغط مرتفع مزمن

والعلاج في الحالة دي بيكون في متابعتك للضغط والجنين وزيارة الطبيب بشكل اسبوعي ،لو عندك سؤال سبيه في كومنت ودكتور محمد عبد الرحمن هيرد عليكي.♥️

02/12/2020

بفضل الله تعالى حالة تأخر إنجاب خمس سنين و بعد التشخيص السليم وعمل منظار بطن تشخيصي وفك التصاقات في البطن اللي كانت سبب في تاخر الانجاب 🌹🌹
تم إعطاء التنشيط اللازم وبفضل الله تعالى حدث الحمل،❤️🤰🤰🤰🌹🌹 وبعمل السونار ظهر كيس الحمل ❤️
ربنا يتم ليها علي خير

28/11/2020

استئصال كلي للرحم والمبيضين
لسيدة خمسين سنه تعاني من أعراض تقل شديد في الحوض وصعوبة يومية ونزيف دموي 😥 بعد عمل السونار تبين وجود ورم ليفي كبير 20في 15 سم وتكملة باقي الفحوصات تم عمل العملية بنجاح بفضل الله❤️❤️❤️

24/11/2020

حملك اتأخر ليه؟🤷‍♀️...بسبب
تكيسات المبايض ولا بطانة الرحم المهاجرة!🤔
عندك التصاقات في الحوض ولا إنسداد قناة فالوب!
زوائد لحمية و لا عيوب خلقية فى الرحم!

- مهما كانت المشكلة ايه نقدر نقولك من خلال الحالات اللي اتعالجت معانا إن المناظير الجراحيه أثبتت نجاح كبير جداً في تشخيص وكمان علاج معظم حالات تأخر الإنجاب

◉ وعلشان تكوني مطمنه أكتر #المنظار دا ساعدنا كأطباء للوصول لأدق الأماكن في الرحم زي " القناة التناسلية وعنق الرحم والتجويف الرحمي وفتحات قنوات فالوب " لتشخيص المشكلة وعلاجها علي أعلي مستوي دقة وأمان ومن غير ما نلجأ للجراحات التقليدية.🧑‍🍼🧑‍🍼🧑‍🍼

قوليلنا مشكلة ايه ودكتور محمد عبد الرحمن هيقولك حلها.❤️

21/11/2020

أول ما الحاله بتسمع ميعاد ولادتها بتظهر علامات الخوف علي وشها والأسئله تزيد😅🙄🙄
هحس بألم الولاده والجرح! .. هقدر اتحرك بعد وقت اد ايه! .. التخدير هيفضل لامتي يادكتور؟🤰

- حابين نطمنك إن دلوقتي ❤️ منعت ألم الولادة لأقصي درجة، وبمجرد ماتنتهي العملية بتقدري تتحركي طبيعي جداً وترضعي الطفل كمان طبيعي بدون وجع أو ألم ودا بيتم من خلال
◉ تخدير موضعي في طبقات البطن وقت الولادة القيصريه اللي بيخدر الأعصاب الحسية الخاصة بالألم
◉ إستخدام جهاز الـ PCA اللي بيمنع الألم نهائياً من خلال تحديد جرعات مسكنه للألم مناسبه لكل حاله💪🤰🤰👪

في عيادة دكتور محمد عبدالرحمن بنضملك راحه وولاده من غير وجع ولا ألم.♥️

20/11/2020

استئصال كلي للرحم مع المبيضين لسيدة كانت تعاني نزيف حاد من فترة طويلة😔
مع تاريخ مرضي بأربع قيصريات سابقة ووجود التصاقات بالقولون والامعاء والمثانةةمع الرحم وبطانة رحم مهاجرة و الحمد لله تمت بسلام وأمان وخرجت المريضة بصحة ممتازة بفضل الله ❤️🌹❤️🌹🌹

19/11/2020

كل خطوة مع الحمل بتكون محسوبة، ولأن التغيرات اللي في جسمك كتيرة فمن ضمن الحاجات اللي ممكن تخافي منها هو البرد، ومن ضمن الأسئلة اللي بتشغلك هو إن "مصل الإنفلونزا بيكون آمن للحوامل؟" 🤔

بدايةً المصل ده نوعين: نوع ثلاثي Trivalent Flu Vaccine، ونوع رباعي Quadrivalent Flu Vaccine والنوعين Inactivated Vaccine. وده آمن على الحامل، بس الأحسن ليها إنها هتاخده بعد ٣ شهور من الحمل.

من موانع إنك تاخدي المصل: لو عندك حساسية من أي مكون من مكونات المصل، أو لو درجة حرارتك عالية، أو لو عندك دور برد؛ ساعتها هيتأجل بعد ما يتم شفائك تمامًا.

المصل له أهمية كبيرة سواء في حماية الأم من خطر الإنفلونزا ومضاعفاتها خلال الحمل، والوقاية من المشكلات المحتملة التي تؤثر على صحة الجنين، وحتى حماية الطفل بعد الولادة.
المصل بياخد من أسبوعين لثلاثة أسابيع عشان يبدأ يحمي الجسم؛ عشان يوفر أجسام مضادة ضد فيروس الإنفلونزا.. وأحسن وأفضل وقت تاخد في المصل في شهر سبتمبر أو أكتوبر عشان يوفر افضل حماية قبل موسم الشتاء. 🙅‍♀️

خليكي دايماً في أمان، ولو عندك أي استفسار عن مصل الإنفلونزا دكتور محمد عبدالرحمن هيرد عليكم. ❤️

28/10/2020

الورم الليفي في الرحم او الورم العضلي الأملس الرحمي (المسمى أيضا بالليفوم الرّحمي - Uterine fibroids)

هو ورم حميد يصيب أنسجة عضلة الرحم لدى النساء في عمر الخصوبة.

يعتبر هذا الورم شائعا جدا، وتصاب به نحو 75% من النساء خلال حياتهن.
لكنه ليس خطيرًا لأنه لا يتحوّل الى ورم سرطاني ولأنه لا يشكّل أي خطر للإصابة بالأورام السرطانية الرحمية. لذلك، فلا حاجة لأي إجراء طبي لعلاجه.

وفي أغلب الأحيان، يتم تشخيصه عن طريق الصّدفة، خلال إجراء فحص نسائي روتيني أو أثناء إجراء فحص تصوير الأمواج فوق الصوتية (الألتراساوند - Ultrasound) في إطار متابعة وضع الحمل.

في حال تسبب الورم بأوجاع أو أدى لظهور أعراض أخرى، يمكن علاجه من خلال تناول الأدوية أو بواسطة إجراء عملية استئصال كامل للورم.

وإذا تسبب فى أعراض تكون كالأتى |:
- نزيف حاد خلال فترة الطمث.
- استمرار نزيف الطمث لمدة أسبوع كامل أو أكثر.
- ضغط وأوجاع في منطقة الحوض.
- صعوبات في تفريغ المثانة البولية بشكل كامل.
-الإمساك.
- آلام في الظهر أو الأرجل.

للتواصل من خلال الأرقام الخاصة بنا أو شرفونا علي العناوين الأتية :

العنوان : عيادة قويسنا:ش الجيش مستشفي الهدي التخصصي
عيادة:شبرا قبالة.بجوغر صيدلية د سمير عابدين.
عيادةعرب الرمل:أمام نادي عرب الرمل بجوار صيدلية د احمد مكاوي.
عيادةشبرا بخوم:بجوار صيدلية د الحسيني
ت : 01000503088----01555513231

#خصوبة #ولادة

14/10/2020

متابعة حركة الجنين.

امتى يبدا الاحساس بحركة الجنين؟
الاحساس بحركة الجنين بيبدأ من 16 اسبوع حمل حتى 20 اسبوع يعنى من منتصف الشهر الرابع حتى منتصف الشهر الخامس.
فى اسباب تخلينا نتاخر فى الاحساس بيها زى الحمل لاول مرة ولو حد وزنها زايد
وعلى العكس الى حملت قبل كده بتكون اكثر قدرة على تمييز الحركة بدرى وطبعا السيدات الى وزنهم أقل يحسو بالحركة بدرى.

امتى متابعة حركة الجنين بتكون ليها اهمية؟
بداية من الشهر السابع حتى نهاية الحمل.

مين الى يهمه الموضوع دا اكتر؟
الحالات الى حملها فيه بعض المشاكل زى السكر مع الحمل او الضغط مع الحمل او نقص كميه المياه حول الجنين او تاخر نمو الجنين.
ولكن اى واحده فى حملها الطبيعى لازم تتابع الحركة من وقت لاخر

ازاى نتابع الحركة؟
نبدا من اول اليوم عد لحركات الجنين . . المفروض يبقى اكثر من 10 حركات.

ايه ممكن يساعد على زياده الاحساس بيها؟
لو تناولنا بعض السكريات والراحة فى مكان هادىء

طبب لو الحركة قليلة باستمرار؟
مع الطبيب المختص بتكون فى وسائل اكثر دقة لتقييم حالة البيبى زى رسم نبض الجنين والدوبلر. هيأكد لو فى مشكلة.

25/09/2020

❤️ رسائل هامة إلى السيدات الحوامل ❤️

رفقا" و صبرا"

يا ريت حضراتكم تقروا الكلام اللي جاي ده لأنه مهم ليكم وتوفيرا للنفقات لأنه اليومين دول لاحظت أنه السيدات الحوامل بيصرفوا فلوس كتير في متابعة الحمل العادية وأساسا ظروف الأزواج لا تتحمل هذه المصاريف.

أولا : أعراض الحمل :

حضرتك لازم تعرفي أنه الحمل ده شئ فسيولوجي وليس مرض يعني حضرتك لما يكون عندك دوخة أو مغص أو قئ أو وجع في ضهرك أو حرقان في المعدة، دول كلهم أعراض الحمل وفي أغلب الأحوال لا تحتاج الي علاج إلا لو زادت عن الحد الطبيعي وده بيحدده الطبيب المعالج.
فما تجيش تطلبي من الطبيب انه يكتبلك لكل عرض علاج اكتبلي حاجة للمعدة اكتبلي حاجة للقئ اكتبلي للمغص، مش قادرة استحمل وجع ضهري اكتبلي حاجة.

ثانيا : بالنسبة لعدد زيارات المتابعة أثناء الحمل :

لو الحمل بتاعك حمل طبيعي يبقي طبقا للطب والعلم المتابعات بتكون مرة كل شهر من الشهر الأول حتي الشهر السابع ومرتين في الشهر في الشهر التامن ومرة كل أسبوع في الشهر التاسع.
يعني لو حسبتي متابعة الحمل كله هيكون عبارة عن
٦ كشوفات و٦ إعادات تقريبا وأنا شخصيا بعمل كده مع السيدات المتابعين معايا تكشف النهاردة مثلا واعادة الكشف بعد شهر ما لم يستجد أي طوارئ.
فما تجيش حضرتك كل شويه تروحي للدكتور وتصرفي فلوسك علي متابعات ملهاش لازمة طبيا.

فيه بعض الحالات الحرجة تتطلب عدد متابعات أكتر من اللي قولنا عليهم وده بيحدده الطبيب المعالج زي حالات السكر أو الضغط أو تسمم حمل أو حامل في تؤام أو مشيمة متقدمة.

ثالثا : بالنسبة الادوية الروتينية للحوامل في حمل طبيعي :

أول ٣ شهور من الحمل في الغالب لا تحتاجي الا حمض الفوليك وابتداءا من الشهر الرابع سوف تحتاجي إلى أقراص الحديد والكالسيوم مع الاهتمام بالتغذية السليمة.

فما ملوش لازمة تطلبي من الطبيب أنه يكتبلك فيتامينات أكتر واوميجا ثري وغيرهم،، حتى حقن تحفيز الرئة مش لازم لازم تاخديها لأنها مش بتتاخد في كل الحالات ودا شئ بيحدده الطبيب.

نيجي بئه لحقن الصفرا مفيش حاجة اسمها حقنة الصفرا دي حضرتك عبارة عن فيتامين k بتساعد في منع حدوث أمراض النزيف للجنين ويفضل انه ياخدها المولود خلال اول ساعة بعد الولادة .

مش كل ألم ولا مغص في الشهور الأخيرة يبقي دي آلام ولادة مبكرة وهوووب تطلبي من الطبيب انه يكتبلك مثبتات.

مش معنى انه حصل معاك إجهاض مرة أو حتي مرتين يبقي لازم تاخدي حقن سيولة زي كالهيبارين وكلكسان سيبي الموضوع لتقييم الطبيب لأنه ليها ضوابط ومعايير بتتاخد علي أساسها.

رابعا : بالنسبة للتحاليل أثناء الحمل :

مش كل زيارة تطلبي انه الطبيب يعملك تحاليل، احنا عندنا تحاليل اساسية زي فصيلة الدم و ال RH وصورة دم كاملة وتحليل سكر الدم وتحليل بول ودول كلهم ليهم مواعيد بيحددها الطبيب المعالج.

ومش معنى انه حضرتك سقطتي مرة يبقي لازم الطبيب يعملك تحاليل زي التحاليل اللي بتسموها تجلط في الدم
صدقيني هتصرفي مصاريف ملهاش أي لازمة،، سيبي الموضوع ده لتقييم الطبيب وهو هيعمل الصح.

خامسا : بالنسبة للأشعة الرباعية الأبعاد أثناء الحمل :
عمل هذه الأشعة ليس روتينيا أثناء الحمل ومش لازم لازم تعمليها الا لو الطبيب المعالج طلبها.

سادسا : بالنسبة للولادة :

لو حضرتك واثقة أنه الطبيب اللي بتابعي عنده طبيب أمين ومستواه الطبي كويس يبقي خليكي ماشية معاه في القرار اللي هياخده في الولادة سواء طبيعي أو قيصري.

واوعي في ولادتك سواء طبيعي أو قيصري تدوري علي أرخص سعر لأنه الرخيص غالي وكله هيكون علي حساب صحتك وسلامتك أثناء الولادة، فكري أنه اهم حاجة سلامتك انتي وطفلك، فيه ستات كتير بتصرف الآلاف في أسبوع المولود وييجوا عند حساب الولادة يفاصلوا ويستنصحوا.
وفي نفس الوقت حقك ترفضى الولادة عند طبيب مغالي جدا جدا في سعره عن الشائع في المنطقة اللي انتي عايشة فيها.

أنا ذكرت كل اللي فات عشان لقيت سيدات كتير بتصمم يكتبلها أدوية كتير ملهاش لازمة أو يطلبوا تحاليل ملهاش لازمة أو عاوزين كل يوم ييجوا يكشفوا عشان قلقانين علي الحمل، ودا كله هيكلفك فلوس ونفقات ممكن توفيرها لجوزك ولبيتك.

25/07/2020

📌📌كتير من السيدات الحوامل بتشتكي من ألم أسفل البطن أثناء الحمل🎺🎺...
خصوصا في الجنب اليمين... تعالو نتكلم عن سبب مهم جدا مش كتير من الدكاتره بتاخد بالها منه..🗒🗒

📍📍السبب دا هوا تضخم الحالب أو الكلية أثناء الحمل وخصوصا الكلية اليمين.. ودا بيتفاوت من تضخم بسيط إلي متوسط أو شديد ... وفي دراسة علمية بتقول إن ٨٠% من الستات الحوامل بيحصل عندهم التضخم دا...

🗝🗝هل هوا حاجة خطيرة

لا ابدا معظم السيدات % 93بتتحسن لمجرد الولادة
ويتحسن الألم مع بعض العلاجات البسبطة وتغيير وضع النوم أو الجلوس. 🛏🛋🛏🛋

🧪🧪🔬🔬طيب نشخصه ازاي

طبعا بالسونار فقط

🩺🩺هل ممكن يحصل معاه مضاعفات
في نسبه لا تتعدي ٨% من السيدات نحتاج بتركيب دعامه أو قسطرهpigtail في الكليه
في حالة تأثر وظائف الكلي

🧷🧷اعمل إيه لو عملت سونار لقيت عندي تضخم في الكليه
تحليل البول كل فتره ودي حاجه روتينيه في الحمل.
عمل وظائف كلي.
قياس الضغط باستمرار ودى حاجه روتينية في الحمل.

20/06/2020

خطوات مهمه لو هتولدى فى ٢٠٢٠😷😷

١. اختيار المستشفى للولاده شئ مهم جدا جدا
نختار مستشفى محترمه بتطبق قواعد مكافحه العدوى جيدا ودى اكيد دكتورك هيقولك عليها

٢.نتجنب الولاده المبكره بقدر الامكان وده طبعا باتباع تعليمات الطبيب علشان الطفل ميدخلش حضانه

٣.يوم الولاده هتروحى المستشفى معاكى شخص واحد كفايه مع زوجك وبلاش ناس كتير وممنووووع اصطحاب الاطفال للمستشفى

٤.شنطه الولاده هتزودى عليها كحول بخاخ وكلور بخاخ مخفف وغيارات وملابس اضافيه

٥.هتدخلوا المستشفى قبل الولاده بوقت قصير وكلكم لابسين ماسكات

٦.اتاكدى من تعقيم الغرفه قبل استخدامها زى الكراسى ومقابض الابواب ومفاتيح النور والريموت كنترول والحمام

٧.اى حد من المستشفى ممنوع يتعامل معاكى بدون ماسك واذا حصل لازم تشتكى فوراااااا الاداره المستشفى

٨.طبعا البنج النصفى هو الافضل على الاطلاااااااااق وخصوصا فى الوقت الحالى لانه بعيد عن الجهاز التنفسى ده غير مزاياه للجنين ولتقليل الالم بعد الولاده

٩.متقلعيش الماسك طول مانتى فى المستشفى

١٠.اول ما تتحسنى وتعملى حمام اخرجى فورا للبيت

١١.عند الوصول للبيت تغيير كل الملابس وغسلها بدرجه حراره ٦٠ عالاقل .

١٢.الرضاعه الطبيعيه افضل شئ لكن ننضف كويس ونلبس ماسك اثناء الرضاعه اول اسبوع بعد الولاده وممنوع تقبيل الأطفال

١٣ .مفيش سبوع
مفيش عقيقه
مفيش زيارات عائليه
كله مؤجل لما بعد الكورونا

١٤ .التغديه الصحيه وفيتامين س والزنك وفيتامين د مهمين جدا
١٥ .تهويه المنزل يوميااااا والفرش فى الشمس باستمرار

❤❤ربنا يقومكم بالسلامه❤❤
منقول

د/ محمد أبو الخير

26/12/2020

02/12/2020

28/11/2020

24/11/2020

21/11/2020

20/11/2020

19/11/2020

28/10/2020

14/10/2020

25/09/2020

25/07/2020

20/06/2020

Address

Opening Hours

Telephone

Website

Alerts

Contact The Practice

Shortcuts

Share

Category