د/ محمد حواس طبيب مقيم أمراض المخ والأعصاب

13/03/2025

لو طفلك تحت ال 10 سنين وفيه شكوي من المدرسين بتوعه أنه بيسرح كتير في المدرسة أرجوك بلاش تضربه أو تعنفه ولازم تكشف عليه لأن فيه نوع من الصرع بييجي علي هيئة نوبات من التوهان وغياب الوعي لمدة ثواني وبعدين الطفل يرجع لطبيعته ( أثناء النوبة هو غير مدرك تماما وبيفصل عن الواقع برغم أن عينه مفتوحة عادي )
#للعلم

05/03/2025

سلام عليكم
الشخص اللي جاله جلطة في المخ لم يمر عليها اكتر من ٣ شهور ممنوع من الصيام .
الشخص اللي بياخد أدوية صرع وهيتشنج لو فوت جرعة أو اتأخر في ميعادها ممنوع من الصيام .
#للعلم

10/11/2024

السلام عليكم ورحمه الله ويا مرحب بأصحاب الأعصاب الضعيفة 😊
كتير مننا بيحس بتنميل أو شكشكة أو سخونة أو ألم في أطرافه [ الإيدين والرجلين ] وساعات الموضوع يتطور والإحساس يضعف خالص أو يختفي!! عشان كدة البوست الجاي بإذن الله عن موضوع غاية في الأهمية ومنتشر بشكل كبير وهو " إعتلال الأعصاب الطرفية " وأسبابه الكتير اللي ملهاش حصر وطرق علاجها.. ولو حابين تسألونا أي سؤال بخصوص الموضوع ده اكتبولي ف التعليقات وهحط إجابته في البوست
❤️

09/10/2024

يا مرحب بأصحاب الأعصاب الضعيفة 😊
البوست ده تعريف سريع بأمراض الجهاز العصبي اللي التخصص بتاعنا بيشخصها ويعالجها وهي عبارة عن الأمراض اللي بتصيب :
المخ./ الحبل الشوكي/ الأعصاب الطرفية
عندك من بعض الأمثلة للأمراض دي :
١- جلطات المخ stroke
2- التصلب المتعدد ( اللويحي ) MS
3- ضعف الذاكرة
4- الصداع بجميع أنواعه ( له أنواع كتير اوي بالمناسبة )
4- التهاب أنسجة المخ
5- التهاب الأغشية السحائية المحيطة بالمخ والحبل الشوكي .
6- الشلل الرعاش .
7- حالات التشنجات سواء الحرارية في الأطفال تحت ال 5 سنين .
او التشنجات الصرعية ( بدون ارتفاع حرارة ودي أنواعها كتير بردو ) .
8- الوهن العضلي/ ضمور العضلات
9- مرض فرط الحركة وتشتت الذهن ADHD.
10- التهاب الأعصاب الطرفية .
11- الانزلاق الغضروفي غير الجراحي.
12- المثانة العصبية
وغيرهم كتير من الأمراض اللي ملهاش
حصر وكل يوم فيها جديد .
❤️

09/11/2019