02/04/2025
💕كل عام وانتم بخير وسعادة دائما عيد مبارك
فى الشهر الأول.👶💪
من أجمل وأغرب تجربة لأى أم, لما ربنا يرزقها بأول مولود. وعشان الموضوع بيكون جديد وغريب, فهنكلمك عن تطور الطفل الرضيع منذ الولادة حتى سن أربعة أسابيع.👀
هنتكلم عن تطور الطفل (الحركى - المعرفى - التطعيمات - الفحوصات المهمه - واجب الأباء - ونصائح للوالدين).👌👌
🔹أولا :😍
- التطور الحركى للطفل فى شهره الأول اثناء النوم بتكون الحركة بسيطه جدا, بعض سنتيمترات فقط, فمتستغربيش لو صحيتى لقتيه متحرك شوية من مكانه.
- بالنسبه لأطراف الطفل فبيقدر يحركها فى الشهر الأول ولكنها بتكون حركات عشوائية وغير متناسقة, فهتلاقى الطفل بيقرب ايده من وشه وعينه وبوقه, وفى الغالب هتلاقى كف ايده مقفول.
- يبدأ ينام على بطنه, وفى الوقت ده هيكون مطلوب منك تاخدى بالك من نفسه كويس وتحركى راسة وهو نايم كل فتره للجانب الأخر.
- بنهاية الشهر الأول هيقدر طفلك يرفع راسة من مكانها بشكل بسيط جدا وكمان هيقدر يحركها من ناحية لاخرى, وهيقدر يتقلب على جنبه لو كان نايم على ضهره.
🔹ثانيا :😍
- في الشهر الأول، الطفل بيكون نايم معظم اليوم، ولما بيكون صاحى بيستجيب لأصوات والديه وبيفرح لما يسمعهم.
- بيستمتع الطفل لما حد يلمسه او يشيله, وبيهتم بالشخص ال بيلاعبه وبيبصله وممكن يعبر عن فرحة بتحريك أطرافه.
- فى حالة بكاء طفلك فده ممكن يكون سببه اما يكون حاسس انه مش مرتاح أو لمجرد انه عاوز يجذب انتباه الأهل ليه.
- الطفل فى الشهر الأول بيقدر يتعرف على ملامح أبوه وأمه وبيفضلهم على رؤية أى شخص أخر.
🔹ثالثا :😍
- فى الشهر الأول بيقدر الطفل يميز بين الأصوات المألوفه مثل صوت أمه وبيفرح ويرتاح لما يسمع صوتها.
- الطريقة ال بيستخدمها الطفل فى الشهر الأول للتواصل مع الأشخاص بتكون بدون كلام زى حركة الأطراف, أو تعبير الوجه أو البكاء.
- يمكن للطفل التعرف على رائحة أمه والرد عن طريق تعابير الوجه المختلفة على الطعم والروائح التي يتعرف عليها.
- فى الشهر الأول يمكن للطفل التركيز على الأشياء على بعد حوالي 20 سم عن وجهه. كمان بيقدر يتابع الأجسام المتحركة أمام وجهه لمسافة بضعة سنتيمترات.
🔹رابعا فى الشهر الأول:😍
- أول يوم ولاده حتى نهاية الشهر الأول: نقط شلل الاطفال وحقنة الدرن.
- يحصل الطفل عند الولادة على لقاح ضد فيروس التهاب الكبد من نوع B، وبعد شهرين يتلقى التطعيم الثاني.
🔹خامسا فى الشهر الأول:😍
- فحص وزن الطفل, ويكون بعد عشرة أيام من الولادة.
- يتم فحص منطقة السرة للطفل وارشاد الأهل حول كيفية العناية بهذه المنطقة.
- فحص التطور البدني للطفل، طوله، وزنه ومحيط رأسه.
- في عمر 3 أسابيع يفضل أخذ الطفل إلى الفحص الأول لدى طبيب الاطفال لفحص ما إذا كان الطفل ينمو بشكل صحيح، وفحص استجابة الطفل للأصوات ، وما إذا كان يحافظ على الاتصال البصري بشكل طبيعي وسليم.
🔹سادسا ؟😍
- امنحوا طفلكم الحب والحنان لانه هيحس بده, عن طريق لمساتكم وحضنكم واهتمامكم.
- عودى طفلك على صوتك وشكلك وسمعيه كتير الأصوات ال حباه يتعرف عليها.
- مهم انك تحطى طفلك على بطنه منذ الولادة لان ده بيأثر على تطورة وخصوصا الحركى.
- سيبى طفلك يحاول الحركة وخلى حوالية فاضى لان ده هيطور توازن الطفل وهيأثر فيما بعد ع حبوه ومشية.
- في نهاية الشهر الأول يبدأ الطفل بالابتسام, وتكون ابتسامتة عبارة عن استجابة فسيولوجية تشير إلى أنه سعيد ومرتاح.
🔹سابعا فاستشيرى الطبيب!👇
1- وزن الطفل مبيزدش بشكل طبيعى!
2- طفلك مبيعرفش ينام على بطنه!
3- جسم طفلك صلب أو رخو بدرجة زائدة!
4- طفلك مبيرفعش راسة خالص ولا بيحركها!
5- ابنك بيعيط كتير أوى بدون أى سبب!
6- طفلك بيتعب بسرعه من أى حاجه!
7- ابنك مبيغمضش عينه لما يجى فيها نور قوى!
8- طفلك مبيحطش رأسه على الأرض لما يكون نايم على بطنه!
9- رأس طفلك مايل لأحد الجنبين أو جسمه كله.
10- لما طفلك ينام على بطنه بيرجع ايده لورا زى وضع الطياره!
لو أى نقطه من ال 10 موجودة فى طفلك ومتكررة فمن المهم انك تزورى طبيب الأطفال.
دمتم وأطفالكم بخير وسعادة دائما❤️
برج الديوان الدور التاسع ، يوميا من ٢ ظهرا إلى ٦م.
(ت الحجز/ ٠١٠٢٢٠١٧٨٤٣ )
بجوار معرض الشباسى للاجهزه ، يوميا من ٦:٣٠ م إلى ١١ م.
(ت الحجز/ ٠١٠٢٣٢٢٣١٤٠ )
