Dr.Esraa Eldeeb /د.إسراء الديب أخصائي التغذية العلاجية

  • Home
  • Egypt
  • Shebin al-Kom
  • Dr.Esraa Eldeeb /د.إسراء الديب أخصائي التغذية العلاجية

Dr.Esraa Eldeeb /د.إسراء الديب أخصائي التغذية العلاجية Clinical pharmacist and nutrition specialist 💊🏨🥼🩺 "Ready to take control of your health?
(6)

Let's explore the power of clinical nutrition together!"

" الشتا جه… وجسمك محتاج خط دفاع طبيعي! ❄️💪٤ مكونات بس… مشروب واحد يرفع مناعتك ضد البرد والإنفلونزا قبل ما توصل ليك. 🍊🌿جر...
09/12/2025

" الشتا جه… وجسمك محتاج خط دفاع طبيعي! ❄️💪
٤ مكونات بس… مشروب واحد يرفع مناعتك ضد البرد والإنفلونزا قبل ما توصل ليك. 🍊🌿

جرب الوصفة وشوف الفرق بنفسك —ومتنساش تبعتها لحد محتاج يقوّي مناعته 🧡👇"





#مناعه #شتاء #برد #انفلونزا

❌ زهقت من الدايت ومن إحساس الفشل يبقي البوست دا معمول ليك مش محتاج حرمان، ولا حساب سعرات، ولا منع أكل … ✅ محتاج فهم بسيط...
07/12/2025

❌ زهقت من الدايت ومن إحساس الفشل يبقي البوست دا معمول ليك مش محتاج حرمان، ولا حساب سعرات، ولا منع أكل …
✅ محتاج فهم بسيط لطبيعة جسمك اعمل save وابدأ من دلوقتي وشاركه مع اي حد محتاج يبدأ بداية جديدة 💪



#صحة #رشاقة #تخسيس

🧠5 علامات خطيرة جسمك بيقولك بيها: غير أكلك قبل ما تتعب!🗣️هل سبق وحسّيت إن جسمك بيبعتلك إشارات… بس انشغلت ؟في الحقيقة، جس...
17/11/2025

🧠5 علامات خطيرة جسمك بيقولك بيها: غير أكلك قبل ما تتعب!
🗣️هل سبق وحسّيت إن جسمك بيبعتلك إشارات… بس انشغلت ؟
في الحقيقة، جسمك دايمًا بيحاول يقولك إنه محتاج تعديل في التغذية قبل ما تتحول المشكلة لمرض!

📍إليك أهم 5 علامات لازم تنتبه ليها:

1️⃣ تعب مستمر بدون سبب واضح
ده ممكن يكون نقص فيتامينات زي B12 أو نقص الحديد أو سوء تغذية عام.
✔ الحل: ركزي على البروتين، الورقيات الخضرا، البيض، ومنتجات الألبان 🥛🍳🥩🐟

2️⃣ جوع متكرر حتى بعد الأكل
ده مؤشر إن أكلك قليل ألياف أو قليل بروتين؛ فمعدتك مش بتشبع.
✔ الحل: زوّد الشوفان، الخضار، الحبوب الكاملة، مصادر البروتين. 🥦🥒🥕🍎

3️⃣ انتفاخات وثقل بعد الوجبات
ده غالبًا سببه اختيار أطعمة عالية دهون أو سكر أو أكل سريع.
✔ الحل: اختار وجبات بسيطة، قليلة دهون، واعملي plate balance.☺️✌️

4️⃣ سقوط الشعر وضعف الأظافر
نقص البروتين والزنك من أشهر الأسباب.
✔ الحل: سمك، بيض، لبن، مكسرات، بقوليات. 🥛🍳🐟

5️⃣ ثبات الوزن رغم المحاولات
ده بيحصل لما سعراتك تكون قليلة جدًا أو غير مناسبة لطبيعة جسمك.
✔ الحل: ابدأ تنظيم غذائي علمي مش رجيم قاسي. 🍽️👌

💡 الخلاصة:
لو عندك علامة أو اتنين من دول… جسمك بيطلب مساعدة.
الغذاء الصح هو أول خطوة لصحة أفضل ومناعة أقوى ووزن ثابت.



#تغذيةعلاجية #صحة
#صحة #مناعة

14/11/2025

🎗️اليوم العالمي لمرض السكر 🎗️

🌸 أنواع السكر ببساطة… ونصايح تغذية لازم كل مريض يعرفها ..❗️

🛑 التوعية تبدأ بخطوة … وحياتك تستحق المتابعة! 🤍


📍لأي استفسار أو استشارة يمكن التواصل علي رسايل البيدج ☺️




#صحة #وعي #تغذيةعلاجية


🧠✨ فيتامين B12… سر الطاقة والتركيز!هل بتحس بتعب من غير سبب؟ 💤ممكن يكون جسمك محتاج فيتامين B12!⚡️ دوره في الجسم :✨ يحافظ ...
11/11/2025

🧠✨ فيتامين B12… سر الطاقة والتركيز!

هل بتحس بتعب من غير سبب؟ 💤
ممكن يكون جسمك محتاج فيتامين B12!

⚡️ دوره في الجسم :

✨ يحافظ على صحة الأعصاب والدماغ 🧠✌️
✨ يساعد في تكوين كرات الدم الحمراء 🔴
✨ بيدعم مستوى الطاقة ويقلل الإرهاق 💪💪

🎯 نقصه ممكن يسبب :

• إرهاق مستمر وضعف عام 😵
• دوخة أو تنميل في الأطراف 😵‍💫👎
• شحوب البشرة 🙁💔
• ضعف في الذاكرة أو التركيز 🧠☝️

💡 مصادر فيتامين B12 الطبيعية :

• الكبدة واللحوم الحمراء 🥩
• السمك والتونة والسالمون 🐟🐟
• البيض ومنتجات الألبان 🍳🥛🥛
(والنباتيين ممكن يحتاجوا مكمل غذائي بعد استشارة الطبيب 👨‍⚕️)

🥦 تذكّر: امتصاص فيتامين B12 بيقل مع التقدم في العمر أو مع بعض أدوية المعدة، لذلك المتابعة الدورية مهمة جدًا 🤗


#صحة #طاقة #فيتامينات #تغذية

⛔⛔ ناس كتير من اللي عندها الدور بتاع اليومين دول بيجي لهم بلغم بس للاسفعدم التعامل مع البلغم بطريقة صحيحة ممكن يخلي البك...
10/11/2025

⛔⛔ ناس كتير من اللي عندها الدور بتاع اليومين دول بيجي لهم بلغم بس للاسف
عدم التعامل مع البلغم بطريقة صحيحة ممكن يخلي البكتيريا تتكاثر عليه،
وساعتها بدل ما الموضوع يبقى دور برد بسيط،
يتطور لـ التهاب رئوي أو تحتاج مضاد حيوي 😷

☁️
البلغم ده مادة لزجة وسميكة شوية، كلنا عندنا منها طبيعي.
بس لما يجيلك دور برد أو التهاب بيبقى اثقل وبيبقى في صعوبه ان الجسم يطرده

الفكرة إنك لازم تفكّه وتخليه خفيف علشان جسمك يعرف يطرده بسهولة 💪

💧 أول وأهم حاجة: السوائل!.
ليه؟ لأن البلغم عبارة عن مخاط ومية، فكل ما تزود المية في جسمك البلغم هيفك ويتحرك بسهولة.

لو ما شربتش مية كفاية، الجسم هيحاول يحتفظ بالمية للأعضاء المهمة (زي المخ والقلب)،
وساعتها الإفرازات تقل والبلغم يبقى أكثر سُمكًا 😬

> 🩵 نصيحة: اشرب سوائل دافية ، لأنها بتساعد تفك البلغم أسرع.

🫖 زي مثلا

🍋 1. الليمون الدافئ

بيساعد جدًا على فك البلغم وتنظيف الحلق.

خليك فاكر: الليمون الدافئ مش المغلي!
لو غليت الليمون، فيتامين C بيتكسر.
فاغلي المية الأول، وسيبها تهدى شوية بعدين حط الليمون.

🌿 2. الزنجبيل

فيه إنزيمات مضادة للالتهاب بتقلل احتقان الأغشية المخاطية.

لما تشربه، البلغم بيفك أسرع.

جرب تضيف عليه عصرتين ليمون بعد ما المية تبرد شوية… هيفرق جدًا 👌
( معاك كمان اليانسون والتيليو وورق الجوافه وورق اللبلاب)

🍲 3. الشوربه

بتقلل الالتهاب وبتساعد على خروج البلغم.

كمان شوربة الخضار أو اللحمة مفيدة جدًا لأنها سوائل دافية مليانة معادن..
في البيت، ممكن تغلي مية وتستنشق البخار (من غير ما تقرب وشك قوي).
ده بيساعد يفك البلغم جدًا.

🧂 غرغرة المية والملح

غرغرة بسيطة بـ ماء دافئ + ربع معلقة صغيرة ملح كل 4 ساعات:

بتقلل الاحتقان

بتكسر البلغم

وبتنضف الزور

بس خلي بالك
ما تزودش الملح علشان ما تلتهبش الأغشية.

وأخيرا بقي اللبان الدكر
انقع قبضه على لتر ميه دافيه وسيبها من بالليل للصبح واشرب كوبايه كل يوم قبل الاكل
حرفيا هتحس بسحر لانه مضاد قوي للالتهابات

💊 نيجى للأدوية

الكحة نوعين:
1️⃣ كحة جافة (من غير بلغم)
2️⃣ كحة ببلغم

⚠️ اوعى تاخد دواء "مضاد للكحة" وانت عندك بلغم!
لأن الكحة دي وسيلة الجسم إنه يطرد البلغم، ولو منعتها هتخليه يتراكم في صدرك.

💥 الحل: تاخد دواء "طارد للبلغم"

للكبار: في دوى اسمه أسيتايل سيستين (N-Acetyl Cysteine) بتركيز 600 مجم
بيتاخد مرتين في اليوم، وده بيساعد يفك البلغم بشكل ممتاز.
أول يومين ممكن تحس البلغم زاد شوية — ده طبيعي لأنه بيتفك وبيطلع.

🧒 الأطفال أقل من 6 سنين لازم يستشيروا الطبيب قبل أي دواء بلغم أو كحة.

🧫 إمتى تحتاج مضاد حيوي؟
لو البلغم بقى:

لونه أصفر أو أخضر

ومعاه سخونية أكتر من أسبوع

أو الوضع مش بيتحسن

يبقى لازم تروح للدكتور يحدد لك العلاج المناسب لحالتك

لو طبقت النصايح دي هتحس بفرق كبير جدًا 💪


@

#تغذيةعلاجية
#صحة #صحه #طب

📍شهر اكتوبر شهر التوعية ضد سرطان الثدي 💕⭐️ايه الحاجات اللي بتزود من خطر الإصابة بسرطان الثدي:*السن : بتزيد نسبة الإصابة ...
22/10/2025

📍شهر اكتوبر شهر التوعية ضد سرطان الثدي 💕
⭐️ايه الحاجات اللي بتزود من خطر الإصابة بسرطان الثدي:
*السن : بتزيد نسبة الإصابة في السيدات الأكبر في العمر خاصة بعد سن الأربعين 🤍
*التاريخ المرضي للعيلة وخاصة صلة القرابة من الدرجة الأولي !
*التاريخ المرضي للشخص نفسه : بمعني لو السيدة سبق لها واتعرضت لسرطان الثدي بتكون للأسف معرضة لتكرار الإصابة 😢
*الچينات: بيحصل فيها طفرات ومن رحمة ربنا ان نسبتها قليلة جداً ❤️
*مرض السمنة : يعتبر من أسوء الأمراض اللي ممكن تساعد في حدوث السرطان !!
*قلة النشاط الحركي والرياضة وعدم اتباع اي نظام صحي 🖐️
* استخدام موانع الحمل الهرمونية بطريقة عشوائية ولازم يتم استخدامها تحت إشراف طبيب 🥼
*أكل المواد المصنعة زي اللانشون وأشباهه واللي بالمناسبة مصنف عالمياً انه من مسببات السرطان ❌

🌞طب ازاي نقدر نحافظ علي نفسنا ضد سرطان الثدي ؟؟
💕اتباع نمط حياة صحي والمحافظة علي وزن صحي وممارسة اي نشاط يومي
💕الفحص الدوري بانتظام واستشارة طبيب في حالة وجود اي شكوي 🤗



#تغذيةعلاجية
#توعية

#صحة #دايت

04/10/2025

📌3حاجات أوعي تعملهم لو عاوز تقل في الوزن !! 😌💪

⭐️لأي استفسار أو استشارة يرجي التواصل علي رسايل البيدج 🩷🤗


#تغذيةعلاجية
#صحة


📌 فوائد فيتامين A :⭐️بيساعد في إنتاج صبغات شبكية العين التي تساعد علي الرؤية 👁⭐️يدعم نمو خلايا الدم البيضاء ويعزز وظيفة ...
01/10/2025

📌 فوائد فيتامين A :

⭐️بيساعد في إنتاج صبغات شبكية العين التي تساعد علي الرؤية 👁
⭐️يدعم نمو خلايا الدم البيضاء ويعزز وظيفة المناعة لحماية الجسم من العدوى 💪
⭐️يحافظ على سلامة الأغشية المخاطية وتحسين صحة الجلد بشكل عام 👏👏
⭐️كونه مضادًا للأكسدة، يساعد فيتامين أ في حماية خلايا الجسم من التلف الناتج عن الإجهاد التأكسدي، وقد يلعب دورًا في تقليل خطر الإصابة ببعض أنواع السرطان 💪

#تغذيةعلاجية #صحة

💊 اليوم العالمي للصيادلة – 25 سبتمبر 💊الصيدلي هو من يحوّل المعرفة إلى رعاية، والدواء إلى أمان، والاستشارة إلى طمأنينة.رس...
25/09/2025

💊 اليوم العالمي للصيادلة – 25 سبتمبر 💊

الصيدلي هو من يحوّل المعرفة إلى رعاية، والدواء إلى أمان، والاستشارة إلى طمأنينة.

رسالتنا تتجاوز صرف الوصفة الطبية؛ نحن نرشد، نتابع، نطمئن، ونقدّم رعاية شاملة تتجاوز حدود الدواء.

شكرًا لكل صيدلي وصيدلانية يضع بصمة في رحلة شفاء مريض

فخورين اننا جزء من هذا العالم ❤️🙏



" تحتوي الأطعمة ذات اللون الأحمر علي مجموعة من المواد الفعالة المفيدة جدا لصحتك ❤️💪⭐️ تحتوي علي الليكوبين (lycopenes ) ا...
25/09/2025

" تحتوي الأطعمة ذات اللون الأحمر علي مجموعة من المواد الفعالة المفيدة جدا لصحتك ❤️💪
⭐️ تحتوي علي الليكوبين (lycopenes ) اللي بتكون في الطماطم والبطيخ 🍅🍉 >> تحسن من صحة القلب وتقلل من خطر الإصابة ببعض السرطانات
⭐️ تحتوي علي مضادات الأكسدة اللي بتحافظ علي صحة الخلايا من التلف ❤️🍒
⭐️تحتوي علي مجموعة من الفيتامينات والمعادن الضرورية لصحة الجسم 🍓🍎🍒
" سبحان الله ! لم يخلق شيئاً عبثاً ❤️🙏
☀️ لأي استفسار أو استشارة يمكن التواصل علي رسايل البيدج 🩷🌸



#تغذيةعلاجية #صحة

Address

Shebin Al-Kom

Website

Alerts

Be the first to know and let us send you an email when Dr.Esraa Eldeeb /د.إسراء الديب أخصائي التغذية العلاجية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category