عيادة د / أحمد السيد كامل لطب الأطفال و حديثي الولادة

  • Home
  • Egypt
  • Sherbin
  • عيادة د / أحمد السيد كامل لطب الأطفال و حديثي الولادة

عيادة د / أحمد السيد كامل لطب الأطفال و حديثي الولادة مدينة شربين - شارع فرن أبو عبد اللّه - أعلى ماركت العيشي - الدور السادس

28/11/2025

إيه طبيعة الدور المنتشر حالياً و ازاي نتعامل معاه

24/11/2025

استكمالاً للبوست السابق
امتى نحتاج للمضاد الحيوي في الدور المنتشر ؟!

متبدأش مضاد حيوي من أول الدور
كمان مرة بلاش مضاد حيوي من أول الدور
لأنه مش بيفرق في شدة الحرارة و لا نزولها و لا علاج الدور

الدور فيروسي مش بكتيري

لكن
لما تحصل مضاعفات و الدكتور يتأكد إن فيه عدوى بكتيرية وقتها ندخل مضاد حيوي

على سبيل المثال
الدور بعد يومين أو تلاتة يزيد فيه الرشح و المخاط يتقل و مفيش استجابه لتنضيف الأنف و لا مذيبات المخاط
وقتها الدور دخل في عدوى جيوب أنفية بكتيري
و هنا ندخل مضاد حيوي مناسب

نقول كمان
بلاش مضاد حيوي في أول الدور
بلاش حقن بدون داعي
بلاش نبهدل مناعة الطفل

22/11/2025

هو إيه الدور اللي شغال اليومين دول ؟! 🤧🤔

دور كحة شديدة مع احتقان في الحلق و صعوبة في البلع و رشح و همدان و سخونية مش بتنزل إلا بأعجوبة

محدش يقدر يجزم و يقول ده فيروس إيه
لأن محتاجين مسحات من الحلق عشان نحلل و نحدد الأجسام المضادة خاصة بفيروس إيه
بس حالياً فيه انتشار لأنواع فيروسات الانفلونزا الموسمية ( A , B , C )
إلى جانب إن فيروس COVID كل فترة بيعمل موجات من العدوى

الفيروسات دي كلها مشتركة في الأعراض و سرعة الانتشار

طب التعامل الصح ازاي ؟!
علاج الأعراض
خوافض الحرارة
سوايل دافيه
راحة في البيت
عدم اختلاط بالتجمعات
مضاد فيروسات الانفلونزا الموسمية لو مكانش المريض أخد التطعيم
مضاد حيوي في حالة حدوث مضاعفات للدور

ربنا يشفي مرضانا و يعافينا جميعاً

14/11/2025

- ازاي تخلي ابنك يحب كل أنواع الأكل و ياكل من كل حاجة مامته بتعملها في البيت ؟!

= أنا شخصياً معرفش و الله 🤷
لو حد يعرف يقول

02/11/2025

الطبيب الناجح مش هو اللي بيعرف يعالج
إنما قبلها يعرف يشخص صح
و بعد كده يوصف علاج صح

و بعد ده كله و قبله ربنا اللي بإيده يجعل علاجه سبباً للشفاء أو لأ

لا الطبيب هو اللي بيشفي و لا تشخيصه فهلوة و شطارة منه
القصة كلها توفيق من ربنا و تسديد ليه
و اللي معندوش الكلام ده عقيدة سواء مريض أو دكتور هيتعب جداً طول حياته

24/10/2025

أكيد كل المتابعين معايا في العيادة عارفين إني بحاول متأخرش عن أي حد سواء قريب أو بعيد

بس ياريت الناس لما تبعت رسايل الواتس تتفهم إن فيه حاجات خارجه عن إرادة الإنسان
مثلاً في مواعيد الكشف أثناء تواجدي في العيادة مقدرش أتابعه رسايل الواتس
لما أكون في وقت برتاح فيه أو نايم مش هشوف الرسايل
لو في يوم إجازة أو عندي مشاغل تانية مش هقدر أرد في وقت عاجل

فرجاءا اللي يرسل رسالة يتفهم الأمور دي
لأني بفكر جدياً أقفل الواتس بسبب التعليقات اللي بتزعل و تضايق
و محدش متخيل ازاي الواحد بيعاني عشان يفتح يرد على استفسارات يومية من ناس متابعة معايا أو حتى مسافره بره مصر و أحيانا من ناس مش بتتابع معانا أصلاً
😞

الحمد للّه 🥰☺️
21/10/2025

الحمد للّه 🥰☺️

سؤال شائع و معلومة منتشرة ينفع أعطي لطفلي تطعيم إضافي بعد التطعيم الإجباري بفترة قصيرة و لا لازم مرور أسبوعين ؟!الإجابة ...
14/10/2025

سؤال شائع و معلومة منتشرة
ينفع أعطي لطفلي تطعيم إضافي بعد التطعيم الإجباري بفترة قصيرة و لا لازم مرور أسبوعين ؟!
الإجابة 👇👇

05/10/2025

من أجمل المشاعر اللي بحس بيها إحساس الواحد بتوفيق ربنا ليه لما تيجي أم و الطفل عنده شكوى بقالها شهور و ممكن توصل لأكتر و تقول ( لفيت بيه كتير و مفيش تحسن )
و ربنا يوفق الواحد يشخص السبب صح و تيجي بعد العلاج تقولك إن الطفل تحسن تماماً الحمد للّه

و حابب أشارككم هنا آخر موقف حصل معايا
طفل عمره 11 سنة كانت شكوته إنه دايما حاسس بضيق نفس و إجهاد و زعلان إنه مع أي مجهود بيتعب و يحس إنه مش قادر يكمله

عمل تحاليل دم و أخد علاج بس مفيش تحسن
و الموضوع يعدي عليه شهور و الطفل بنفس الشكوى

و يكون السبب هو وجود حساسية صدر مع حساسية أنف رغم إن الطفل مش بيكح و لا بينزل منه إفرازات
بس دي إحدى صور التحسس في العمر ده
و الحمد للّه بعد ما أخد العلاج المناسب اتحسن تماماً

عشان كده سماع شكوى الأم و سماع شكوى الطفل نفسه لو بيقدر يعبر مهم جداً
و في النهاية يبقى توفيق ربنا وحده هو أهم شيء

مش لازم تخلي الطفل يجي يكشف 😁خليه يجي ياخد هدايا و عينات دوا مجانية و هدايا تانية يفرح بيها و يتصور بالمرة 😎بكره الاتنين...
05/10/2025

مش لازم تخلي الطفل يجي يكشف 😁
خليه يجي ياخد هدايا و عينات دوا مجانية و هدايا تانية يفرح بيها و يتصور بالمرة 😎

بكره الاتنين إن شاء اللّه هنعمل يوم ترفيهي للأطفال المتابعين معانا في العيادة
منتظرينكم 🥰

02/10/2025

متلازمة ( HFMD ) أو اليدين و القدمين و الفم
بيسببها فيروس غير مجموعة الهيربس
و الدور موجود و بيقابلنا من قبل بداية الدراسة بشهر تقريباً

دور حميد مش مقلق و مالوش مضاعفات خطيرة الحمد للّه
مشكلته الكبيرة في قرح الفم المؤلمة اللي بتأثر على قدرة الطفل على البلع و الأكل
و المشكلة التانية سهولة العدوى و الانتقال للغير

و علاجه معالجة الأعراض و تقليل ألم القرح لحد الطفل ما يقدر يتعافى و ياكل كويس

- يا دكتور مش عارفين ننام من كتر العييط بتاعه و الصريخ طول اليوم كل شوية زن و قريفة مهما نمشي بيه و نشيله= هو أول ما يتح...
29/09/2025

- يا دكتور مش عارفين ننام من كتر العييط بتاعه و الصريخ طول اليوم
كل شوية زن و قريفة مهما نمشي بيه و نشيله

= هو أول ما يتحط على سرير الكشف 👇👇

Address

شارع فلسطين « ش فرن أبو عبد اللّه القديم »/أعلى ماركت العيشي
Sherbin

Opening Hours

Monday 3pm - 9pm
Tuesday 3pm - 9pm
Wednesday 3pm - 9pm
Thursday 3pm - 9pm
Saturday 3pm - 9pm
Sunday 3pm - 9pm

Telephone

+201227029325

Website

Alerts

Be the first to know and let us send you an email when عيادة د / أحمد السيد كامل لطب الأطفال و حديثي الولادة posts news and promotions. Your email address will not be used for any other purpose, and you can unsubscribe at any time.

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category