https://www.vezeeta.com/ar/dr/%D8%AE%D8%A8%D9%8A%D8%B1-%D9%86%D9%81%D8%B3%D9%8A-%D9%85%D8%AD%D9%85%D8%AF-%D8%A7%D8%AD%D9

Mohamed Ahmed, Clinical Psychologist, سوهاج الجديدة, Sohag (2026)

27/02/2026

حقيقي انا حابب النهاردة أشارك معاكم تجربة ترددت اني اتكلم عنها

انا كنت في بدايتي وانا وباخد الدبلومة الاكلينيكي كنت مقدم على تدريب ودي كانت آخر شهادة اخدتها

وبعدين لما بدأت اشتغل قولت في نفسي المراكز الخاصة فيها ٢٥ سرير وممكن اخد باقي التدريب منها ومكنتش مدي اي غدر او خيانه أن ممكن حد ميرضاش يديني شهادة لو طلبتها

كنت بشتغل فوق السنه
للامانه في بعض الناس قالتلي هديلك وفي فضل يعقد الموضوع معايا عشان مطلبهاش

المشكلة مش هنا المشكلة في النفوس المريضة والحقد اللي عند بعض الزملاء واللي هو بداخل نفسه اشمعنا انت تاخد الرخصة وانا مخدهاش فيعطل مصالحك ويفضل يعطل فيك ويزهقكك عشان متطلبهاش
وياسلام لو مشيت من عندهم ابقى قابلني لو حد عبرك
ولو رد عليك ممكن يرد عليك ردود باردة ومستفزة ولا كأنك بتشحت او بيعطف عليك وبيعمل فيك ثواب مع انه حقك اصلا .

المهم خلاصة تجربتي أن أسوأ شيء عملته هو الاعتماد على الوعود وان في نفوس بتتغير وفي ناس بتحقد لمجرد الحقد ولما بتختلف معاهم لأي سبب او تحصل مشكلة وتسيب الشغل

تلاقي المعاملة اتبدلت ووداعا للأخلاق والتعامل بمهنية

عشان كدة أمن نفسك وقدم في الحكومي حتى لو هيتأخر عليك وفي قائمه انتظار

خدها بكرامتك ومتسمحش لأي مخلوق انه يلوي دراعك ومفيش اي مستقبل بيقف على شهادة ولا حته ورقة ملهاش لازمه

اللي اقدر اقوله في الآخر مش كل متخصص في المجال شخص سوي ولا كل شخص سوي بالضرورة متخصص وربنا يبعد عننا النفوس الخبيثة والمريضة

26/02/2026

مستعدين لمحاضرة جديدة في العلاج المعرفي السلوكي 😁بإذن الله قريبا

20/02/2026

عائلة عم عصابي: القلق الاجتماعي

في بيت عم "عصابي" الذي لا يهدأ، حيث يعيش القلق في كل زاوية، نشأت طفلة يمكن أن نسميها "القلق الاجتماعي".

على عكس إخوتها الذين عبروا عن معاناتهم بطرق مختلفة، كانت مشكلة "القلق الاجتماعي" تظهر فقط عندما تكون محاطة بالآخرين.

في طفولتها، كانت تبدو كأي طفلة أخرى عندما تكون في أمان منزلها.

لكن بمجرد أن يطرق الباب ضيف، أو تذهب إلى مناسبة عائلية، كانت تختبئ خلف والدتها، وترفض الحديث مع أي شخص.

إذا وجه لها أحدهم سؤالاً، يحمر وجهها وتتلعثم، أو تكتفي بهز رأسها دون أن تنطق بكلمة.

كان الكبار يصفونها بأنها "خجولة جداً"، لكن ما بداخلها كان أعمق من مجرد الخجل.

المدرسة كانت بالنسبة لها ساحة تعذيب يومية.

كل حصة كانت تمثل تحدياً، خوفاً من أن يطلب منها المعلم الإجابة على سؤال أمام الجميع.

وقت الاستراحة كان هو الأسوأ، حيث ترى الطلاب يلعبون ويضحكون في مجموعات، بينما تقف هي وحيدة، تراقب من بعيد، وتتمنى لو تستطيع الانضمام إليهم، لكن صوتاً في رأسها يهمس لها: "سيضحكون عليكِ"، "ليس لديكِ ما تقولينه"، "سيرفضونكِ".

كانت تتجنب أي نشاط يتطلب تفاعلاً.

حفلات أعياد الميلاد، الرحلات المدرسية، وحتى اللعب في فناء المنزل.

كل موقف اجتماعي كان يسبقه أيام من القلق والأرق، وتصاحبه أعراض جسدية مثل تسارع ضربات القلب، والتعرق، وآلام المعدة.

كانت تشعر كأنها تقف على مسرح، وكل العيون مسلطة عليها، تنتظر منها أن تخطئ.

عندما كبرت "القلق الاجتماعي"، أصبح عالمها يضيق أكثر فأكثر.

رفضت فرص عمل ممتازة لأنها تتطلب إجراء مقابلات شخصية أو التعامل مع الجمهور.

علاقاتها العاطفية كانت نادرة ومحكوم عليها بالفشل، لأنها لم تكن تستطيع التعبير عن مشاعرها الحقيقية خوفاً من الحكم عليها.

حتى أبسط المهام اليومية، مثل الذهاب إلى السوبر ماركت أو إجراء مكالمة هاتفية، كانت تمثل لها عبئاً ثقيلاً.كانت تعيش في سجن من صنع أفكارها.

تتوق إلى التواصل والصداقة، لكنها تخاف من الرفض والنقد.

كانت ترى الآخرين يتصرفون بعفوية وسهولة، وتتساءل: "لماذا لا أستطيع أن أكون مثلهم؟".

كانت تشعر بأنها غير مرئية ومختلفة، وأن لا أحد يفهم حجم المعركة التي تخوضها بداخلها في كل مرة تضطر فيها لمواجهة العالم.

"القلق الاجتماعي" كانت تعاني في صمت، تبتسم في وجه الناس بينما يرتجف كل شيء بداخلها.

كانت تحلم باليوم الذي تستطيع فيه أن تتحدث بحرية، وتضحك بصوت عالٍ، وتكون جزءاً من العالم دون أن تشعر بأنها تحت المجهر.

آمل أن تكون هذه القصة قد نالت إعجابكم .

في المرة القادمة، يمكننا أن نتناول قصة "نوبات الهلع" لنكمل الصورة عن تأثيرات القلق المختلفة.

11/02/2026

عشان متغلطش غلطتي

في ٢٠٢٢ كنت في بداياتي وكنت شغال عملي فكنت حابب اقرا واطبق علمي

فالحمدلله كنت بقرأ كتير واشتري كتب

بعض من مديريني نصحني نصيحة وطبقتها وكنت ناسي قاعدة مهمة اوي

ما يناسب شخص قد لا يناسب الاخر

النصيحة كالآتي كفاية نظري وطبق عملي اكتر

المهم انجرفت في العملي وواحدة واحدة بطلت اقرا بالتدريج لغاية ما شبه بطلت اقرا

وعشان متغلطش غلطتي اسمع نصائح زي ما انت عايز بس لما تيجي تختار تطبق اختار تطبق اللي يناسبك فقط وارمي الباقي .

غلطه تانية انا كنت في فتره باخد دورات الرخصة رغم أنها كانت واقفة ومكنش في حد اصلا مهتم ياخدها

واغلب زملائي كان في مود عام في الفتره دي ان اغلبهم ترك فكره الرخصة وتعامل مع الموضوع عادي

المهم انا بطلت برضو زيهم لان مكنش فيه أمل تفتح تاني

الحمدلله مش نفذت النصيحة اوي بس سبت بعض الدورات مخدتهاش

اديني حاليا واقف على دورة مش عارف اخدها عشان بكل بساطة عايزة حضور وانا مش مناسب مع ظروفي حاليا لكن كانت هتناسب زمان جدا وخصوصا اني كنت شغال في القاهرة اصلا وقتها .

النصيحة الأخيرة
اوعي تكبر دماغك وتستخسر تشتري كتب وتقول pdf متاح اروح اشتري لي

الفكرة دي كفيلة تخليك دلوقتي تضرب نفسك بالمسطرة حرف تي على نشفيتك

اهو حاليا اقل كتاب بضعف الرقم اللي كان عليه وقتها

يعني مثلا لو ناوي تشتري كتب اقل كتاب بيلعب في ٤٥٠ 😁 غبي غبي مفيش كلام

عايزلك يجي ٤ الاف عشان تقول جبت اللي عايزة .

عشان متغلطش غلطتي

انا يمكن فادني شوية اني مبعرفش اقرا pdf لفتره طويله عيني بتوجعني وكمان بتشتت من الاشعارات

النصيحة الأخيرة ليكم جميعا
خليك اذكي مني وخد تمهيدي ماجستير وبلاش دبلومة لو انت ناوي تكمل اصلا ومتضيعش وقت وفلوس الا لو هي مطلوبة للتخصص في ماجستير علم النفس الاكلينيكي

10/02/2026

في معلومة بس حابب اضيفها للناس

مش انا شغال في مجال علاج الإدمان برضو

محدش مهتم يطلب مني محاضرات لي 😁

10/02/2026

عائلة عم عصابي: الوسواس القهري

بعد أن تعرفنا على "الاكتئاب" ورحلته الصامتة في عالم الظلام

هنتكلم النهاردة في رحلتنا عن فرد تاني من عائلة عم عصابي ، وهو الابن الثاني واللي هنسميه وسواسي

"الوسواسي القهري"، على عكس أخوه
الاكتئاب الهادئ والمنعزل، كان طفلاً يبدو عليه النشاط، لكنه نشاط من نوع خاص.

كان مهووساً بالنظام والترتيب بشكل مبالغ فيه.

ألعابه يجب أن تكون مرصوصة بطريقة معينة، وكتبه مصفوفة بالمليمتر، وأي تغيير بسيط في هذا النظام كان يسبب له نوبة من الغضب والبكاء لا يفهمها أحد.

في المدرسة، كان معروفاً بأنه "الطفل الدقيق"
يراجع واجباته عشرات المرات خوفاً من وجود خطأ بسيط.

إذا لمس شيئاً يشعر أنه غير نظيف، يجري إلى الحمام ليغسل يديه بشكل متكرر حتى يكاد جلده يتشقق.

كان زملاؤه يسخرون من هذه التصرفات، وهو ما جعله يشعر بالوحدة والعار، وبدأ يتجنب المواقف الاجتماعية خوفاً من أن تظهر "طقوسه" الغريبة أمام الجميع.

البيت، الذي كان مليء بقلق وتوتر الأب "عم عصابي"، لم يكن مكاناً آمناً.

كان "الوسواس القهري" يرى قلق والده المستمر فيتضاعف قلقه الخاص.

كان يشعر بمسؤولية تجاه كل شيء.

إذا مرض أحد أفراد الأسرة، يسيطر عليه شعور بالذنب بأنه ربما كان السبب، لأنه لم يقم بطقوسه "الحمائية" بشكل صحيح.

عندما كبر "الوسواس القهري"، تحولت هذه الهواجس إلى سجن حقيقي.

عقله أصبح ساحة معركة لا تهدأ.

أفكار متكررة ومزعجة تقتحم رأسه دون استئذان: "هل أغلقت الباب جيداً؟"، "هل يداي ملوثة بالجراثيم؟"، "قد يحدث شيء سيء لعائلتي إذا لم أقم بترتيب هذه الأشياء الآن".

هذه الأفكار، التي كان يعرف في قرارة نفسه أنها غير منطقية، كانت تسبب له قلقاً لا يطاق.

وللهروب من هذا القلق، كان يلجأ إلى أفعال قهرية يكررها مراراً وتكراراً.

يعود ليتأكد من قفل الباب عشرين مرة، ويغسل يديه حتى ينزف جلده، ويقوم بعدّ الأشياء من حوله بشكل متواصل.

كان يقضي ساعات طويلة في هذه الطقوس التي تسرق من يومه طاقته ووقته، وتجعله يتأخر عن عمله ومواعيده، ويفقد علاقاته تدريجياً.

كان يعيش في جحيم خاص به.

يدرك أن ما يفعله غير طبيعي، لكنه يشعر أنه مجبر عليه.

كان يخفي معاناته خلف ابتسامة باهتة، ويتحمل اللوم والنقد من المحيطين به الذين لم يفهموا لماذا يتصرف بهذه الطريقة.

"لماذا لا تتوقف ببساطة؟" كانوا يسألونه، دون أن يدركوا أن الإرادة وحدها لا تكفي لإيقاف عاصفة تدور في العقل.

"الوسواس القهري" كان سجيناً لأفكاره وأفعاله، يعيش في حلقة مفرغة من القلق والطقوس المؤقتة التي لا تجلب الراحة أبداً، بل تزيد من اشتعال الأفكار في اليوم التالي.

في المرة القادمة، سنستكشف حكاية أخرى من عائلة عم عصابي، لنرى كيف يمكن للقلق أن يتشكل في صور مختلفة ومعقدة. واتمني ان تنال اعجابكم

31/01/2026

العلاج المعرفي السلوكي سؤال وجواب

30/01/2026

لما حد يسأل على سعر الجلسات ويلاقيه قليل ويسألني رغم انك شاطر ومعروف ليه جلساتك مش غالية زي باقي المعالجين
: انا من المعالجين الطيبين

30/01/2026

أصدقائي المهتمين بالعلاج المعرفي السلوكي

جاهزين يكون بكرا في لايف عن العلاج المعرفي السلوكي الساعه العاشره مساءا بتوقيت القاهرة بإذن الله

لو حابين حاجة معينه اشرحها او نتناقش فيها اكتبوها في الكومنتات او جهزها بكرا في اللايف

28/01/2026

المهتمين بالعلاج المعرفي السلوكي جاهزين الفتره القادمة ناخد محاضرة ؟

27/01/2026

الصورة دي لمخ واحد طبيعي وواحد تاني عندة اكتئاب

ملاحظ النور والكهارب اللي في دماغ اللي على اليمين وملاحظ المخ اللي على الشمال مطفي ازي

تخيل أن الاكتئاب بيأثر على المخ فعلا

عارف لما حد يقولك انا حاسس اني انطفيت

هو فعلا انطفي مخه انطفي زي ما انت شايف المخ اللي على الشمال

تخيل أن الشخص المكتئب مش مجرد شخص بيدلع

تخيل أنه فعلا فسيولوجيا وعصبيا في فرق بين مخ الانسان الطبيعي ومخ مريض الاكتئاب

تاخد التقيلة واللي اغلب الناس متعرفش المعلومه دي

أن مرض الاكتئاب مش هو الحزن والمشاعر السلبية اللي بتمر عليها في أوقات الصعبة اللي بتعيشها زي موت انسان عزيز عليك أو خسارة أو فشل

ولكن الحزن والفشل دي أمور عادية انك تتأثر بيها

عارف ان أعراض الاكتئاب هي نفسها الأعراض اللي بتيجي لاي إنسان

الفرق بس في الوقت والشدة اللي بتكون فيه المشاعر دي

يعني لو الموضوع زاد عندك عن إسبوعين بالظبط بتبقى ينفع تتشخص انك مصاب بالاكتئاب

تعرف ان أعراض الاكتئاب أغلبنا عاشها ولو اوقات بسيطة من حياته

تعرف ان ممكن يكون جالك اكتئاب عرفت تتعايش معاه واختفي

أعراض الاكتئاب بسيطة أغلبنا يعرفها زي مثلا الشعور بالحزن والاسي دون سبب
الاحساس بالذنب دون سبب
فقدان القدرة على الاستمتاع بأي حاجة كنت قبل كدة بتستمتع بيها

فقدان الرغبة في اي شيء أو القدرة انك تعمل اي شيء

فقدان الشهية أو زيادتها
فقدان القدرة على النوم أو زيادتها عن اللزوم

عارف الشخص اللي ببنام كتير جدا دة ممكن يكون عندة اكتئاب والنوم عبارة عن هروب من الواقع المرير اللي هيصحي علية

تعرف ان الناس اللي بتفش غلها في الاكل أو اللي مبتاكلش خالص دول ممكن يكون عندهم اكتئاب

تعرف ان نقص الوزن بشكل كبير او زيادته بشكل كبير من ضمن أعراض الاكتئاب

الشخص اللي دايما بيفكر في الانتحار أو أنه يموت أو تحصله اي مصيبة المهم يهرب من الحياه اللي عايشها

عارف الشخص اللي بيتمني الموت اكتر ما بيتمني الحياة

تعرف ان دول عندهم اكتئاب وتخيل مطلعوش بيدلعة ولا حاجة

تعرف أنهم اغلب الوقت بيلومه نفسهم على حاجات هما اصلا ملهمش علاقة بيها

تعرف ان لما تقوله انت حزين ومكتئب عشان بعيد عن دينك وربنا ودة عقاب للبعد عن ربنا

أنه بكدة انت كأنك جايب سكينه وبتقطع بيها قلبة اهون من الكلمتين دول

عارف أنه عندة احساس بالذنب اصلا بشكل كبير اكتر من الإنسان العادي وبيلوم نفسه على كل حاجة بتحصل حواليه

دي كلها أعراض الاكتئاب

يمكن أغلبنا مر بواحدة أو حتى اكتر من الأعراض دي في فتره من حياته

بس اللي بيفرق بين الشخص الطبيعي اللي بيمر بالظروف دي وبين مريض الاكتئاب

أن الشخص الطبيعي حياته بتمشي وبيقدر يتجاوز

اما مريض الاكتئاب هو بالفعل حياته وقفت

لا عارف يشتغل ولا يدرس ولا عارف يقعد مع أهله أو أصحابه ويخرج معاهم زي الاول

بقيت كل حاجه بالنسباله نفس الطعم

طعم ماسخ ملهوش ريحة ولا لون

حتى الاكل مبيتبلعش بس مضطر ياكل عشان يقدر يكمل حياته مع انه مش عارف يكمل حياته بس عندة امل أنه ممكن كل الالم دة يزول مع الوقت أو ربنا يريحه ويموت

التفكير في الانتحار على باله طوال الوقت بس خايف جدا من ربنا

خايف يخسر آخرته ما كفاية خسران الدنيا هتبقى الاثنين

عشان كدة لو تعرف حد مريض اكتئاب او انت نفسك مريض اكتئاب قبل ما توجهه نصيحة ليه

اعرضه على طبيب أو اخصائي نفسي يتعالج

الموضوع مش يستاهل هزار ولا تريقة ولا انك تتهمه بالضعف

او انه مأفورها ومش عارف ياخد الأمور ببساطة

دة مريض فعلا

لو مش هتعرف تساعدة بلاش تزود أعراض المرض عندة وتلومه أو تزعله بكلمتين بايخين ملهمش لازمة

لو مش هتعرف تمدله ايدك بلاش تكرهه في المساعدة اصلا والحياة

مريض الاكتئاب محتاج أدوية وجلسات نفسية مش محتاج يتبخر ويروح لشيخ عشان هو ملبوس ولا محتاج يخرج يغير جو ولا يأكل فراخ واي اكله تانية

مريض الاكتئاب بيتعالج مريض الاكتئاب بيخف مريض الاكتئاب فيه امل أنه يرجع يعيش حياته بشكل أفضل

26/01/2026

مش معني ان الكورسات والكتب غالية ان معني كدة نستخسر في مجالنا ونصرف

بالعكس دة انا حابب المرادي اتكلم بجد واشارك معاكم بعض التفاصيل

اولا انا اول مرة اخد دورة كنت عندي مخاوف بعد ما اصرف في الكورسات ملاقيش شغل ولا جلسات

والحقيقة بعد ما بدأت اصرف على المجال لقيت ان ربنا بيقويني وبيبعتلي رزق وكل لما اشتري كتاب او اخد كورس مهما كان سعره

بلاقي ربنا بيعوضني عشان استمر واكبر من نفسي

وحابب اقول حاجة انا مزودتش جلساتي لحد الان رغم الظروف الاقتصادية حوالينا

لدرجة بدأت في بعض الحالات تشك فيه اني مش شاطر او مبتدئ مادام جلساتي بالسعر ده 😅

مااكيد في خازوق في الموضوع

لا بجد محتاجين ياجماعة ندرك شرط اساسي عشان تكون معالج شاطر ومبدع في مجالك انك تفهم النظرية دي

انت جزء من جلساتك يروح للتطوير والتعليم

ولا مانع من انك تطلع جزء صداقات وتعمل جلسات بأسعار مخفضة لبعض الحالات المستحقة

Mohamed Ahmed, Clinical Psychologist

27/02/2026

26/02/2026

20/02/2026

11/02/2026

10/02/2026

10/02/2026

31/01/2026

30/01/2026

30/01/2026

28/01/2026

27/01/2026

26/01/2026

Address

Telephone

Website

Alerts

Contact The Practice

Shortcuts

Share

Category