14/12/2025
🗣️👇
"معلش يا دكتور…
أختي عندها كتلة في الثدي.
بس بالله عليك متقوليش نعمل عيّنة…
بيقولوا العيّنة بتفَتِّح الورم وتخليه ينتشر."
ردّيت عليها:
"بتعمل اية !!!!؟ 🤯
مفيش تشخيص عن بعد. لازم نفحص."
وصلت أختها العيادة وهي بين الخوف والارتباك.
قعدت تشرح:
"أنا سمعت إن أول ما الإبرة تدخل… الورم يجري في الجسم."
عملنا الفحص.
اتاخدت العيّنة.
النتيجة؟
الكتلة كانت حميدة.
ولا جراحة كبيرة.
ولا علاج كيماوي.
ولا انتشار.
ولا حتى خوف.
ولو كانت صدقت الإشاعة؟
كانت هتعيش شهور بقلق…
أو تتأخر في العلاج الحقيقي لو كان الورم خبيث.
الحقيقة
أخذ عيّنة من ورم الثدي مابيسببش انتشار.
العكس…
هو الخطوة اللي بتنقذ حياة,
وبيحدد العلاج الصح، وبيمنع قرارات غلط.
الخلاصة
بلاش نسمع لحد مش مختص و نبطل نمشي وراء الإشاعات.
#اطمني
