21/02/2026
ليه بحس بدوخه وهبوط بعد الفطار؟ 🌙
🌿 كتير مننا بيحس بأعراض دوخة او عدم اتزان وهبوط او حتي كسل شديد بعد الافطار! طب ليه بيحصل كدا؟
تعالا معايا هفهمك 🏃♂️
🌿 في رمضان احنا بنصوم حوالي ١٦ ساعة او حتي في الصيام المتقطع، مع العلم ان في ناس بتصوم اكتر من ٢٤ ساعة في الصيام المتقطع كمان (بس مش بفضل كدا).
🌿 إنت جسمك حرفيا عبقري وبيقدر يتأقلم مع اي وضع انت تحطة فيه، لما انت بتصوم لفترة طويلة كدا المعدة بتقلل الإنزيمات الهاضمة وحمض المعدة (طبعا لإن مفيش اكل بيخش), ف هو بيوفر الطاقة اللي هينتج بيها الإنزيمات والحمض دا عشان يستخدمها ف حاجات تانية. 🤓
🌿 ف إنت بقي لما بتيجي تفطر، بتاكل الأخضر واليابس وكل حاجة علي السفرة من غير ما تهيأ جسمك وجهازك الهضمي ان في اكل جاي، عشان زي ما قولنا مفيش إنزيمات تهضم الاكل!
🌿 ف طبيعي جدا يحصل عسر هضم، وآلام في المعدة، واحساس بالقئ ودوخة، وكمان انتفاخ. 🤔
🌿 غير كمان لما تفطر علي حاجة فيها سكر زي العصاير، بترفع الانسولين مرة واحدة عشان الجلوكوز بيبقي علي اخرة في الدم وهيلطم منك. 😂😂 (ودا بردو من اسباب الدوخة).
🌿 غير ان لما انت بتفطر بالشكل دا انت بتخرب الدايت اللي بتحاول تعملة من سنين. 😂
🌿 ايوة يعني اعمل ايييه؟!
- أاااعمل الصححح 🤷🏻♂️
✴️ ازاي افطر بطريقة صحية؟!
1️⃣ إكسر صيامك بمياة (بكمية كفاية) و ممكن ٣ تمرات لو إنت مش over weight.
2️⃣ إبدأ بطبق سلطة قبل الطبق الرئيسي بربع او نص ساعة.
3️⃣ بلاش لما تيجي تاكل، تاكل فوق طاقتك وتقوم مش قادر تتنفس، الاكل مش هيجري والله. 😂
4️⃣ بلاش بلاش بلاش تفطر علي سكر. 🙅🏻♂️
——————————————————————
مركز الدكتور / هشام عميره
للعلاج الطبيعي وعلاج السمنه والنحافه
المنوفيه_تلا - شارع العقيد- بجوار مدرسه الشروق الخاصه
للإستفسار : 📞01026453216 📞 01100872663
المواعيد ١٢ ظهرا الي ٥ مساءا قبل الافطار
