04/11/2025
هابعتلك فيتامين D3 مجانا 20,000 وحدة دولية (IU)
من أفضل وأقوى مصنع في العالم على الإطلاق ،
هدية مجانية لكل حد هيعمل لايك على البوست ده ، وهيوصلك لحد مكانك بدون أي مصاريف نهائيًا 🤗
إقرا البوست للآخر 👇
التفاصيل :
اعمل لايك 👍 وكمل معايا ..
فيتامين D بيشارك في تنظيم هرمونات الجسم كلها ، خصوصًا التستوستيرون عند الرجالة ، والإستروجين والبروجسترون عند الستات ، وأي نقص فيه ممكن يعمل اضطرابات في المزاج / الرغبة / والخصوبة وكمان النشاط .
يعني مثلا الدراسات قالت إن الرجالة اللي عندهم مستوى مرتفع من فيتامين D التستوستيرون عندهم أعلى بـ 25–30% من اللي عندهم نقص فيه .
من الساعة 10 الصبح لـ 2 الظهر أشعة الشمس بتكون مُحمَّلة بـ UVB وتحت تأثير الأشعة فوق البنفسجية B (UVB) ، الجلد بيحوّل الكوليسترول (7-dehydrocholesterol) لـ فيتامين D3 (cholecalciferol) ، اللي بعد كده بيتحوّل في الكبد والكلى لـ الشكل النشط .
فـ انت هتتعرض من 10 لـ 30 دقيقة لـ الشمس المباشرة في التوقيت دة مرتين لـ 3 مرات أسبوعيًا ، حسب لون بشرتك والمنطقة اللي انت فيها ، و مش محتاج تخلع سلبوتة 😁
يكفي 25–35% من مساحة جلدك تشوف النور يعني دراعاتك ووشك ورجليك ، ده هيخلي جسمك ينتج من 10,000 لـ 20,000 وحدة دولية (IU) من فيتامين D3 مجانًا بدون أي تكاليف ..
ربنا باعت لك مُزِّود لا ينقطع للعنصر ده مجانًا تمامًا ♥️
أظن انا نفذت كلامي ✋😁
