https://www.facebook.com/113361627794790/

Syam nutrition, التجمع الخامس المنطقة الثانية, Cairo (2025)

12/01/2023

🟥 دايت ال2200 سعره يارجالة زي ماناس سألتني

👈الفطار
٢ بيضه مسلوقة أو مقلية بمسحة زيت + ١٥٠ ج قريش + ٥٠ ج خيار + ٥٠ ج كابوتشي

👈سناك
١٠٠ ج فراولة + ١٢٠ ج زبادي كامل الدسم

👈الوجبة الثالثة
٣٠٠ ج بطاطا

👈الوجبة الرابعه
٢٥٠ ج رز + ١٠٠ ج فاصوليا بيضا + ١٠٠ ج كوسة

👈الوجبة الخامسه
٢٥٠ ج رز بعد الطبخ + ٢٥٠ ج فراخ

👈قيمة المغذيات فيه تقريبا ٢٢٠٠ سعره ( ١٨١ ج بروتين +
٢١٣ ج كارب + ٦٥ ج دهون )

⚡النظام ياجماعه ممكن تعمل كذا حاجه وكذا مكس

🛑( يعني الفاصوليا ممكن تتعمل سلطه مثلا علي الزبادي وحبة خل وليمون وشطه وطعمها هيفرق )

🛑الزبادي مع الفراولة ممكن يبق زبادو
البيض مع قرن فلفل رومي ( ميعتبرش زيادة يعني ) وحبة بقدونس و كده بقي بيض بالخضار وهيشبعك وهكذا

⛔🚫 الدايت ممكن تنشف او تزيد بيه حسب معدل مجهودك وطبيعه تمرينك و يومك بيمشي إزاي وده نظام تقريبي يعني ممكن تعدل فيه براحتك بحيث تزود بروتين او تقلل طبعا بعد حساب سعراتك

09/01/2023

🔰 زي ماوعدتكم دايت ال من 1800 ل 1900 سعره عشان شكوانا المستمرة من الغلاء وهيتقسم كالتالي :
( 45 % كارب و 35%بروتين و 30 % فات )

👈 الوجبة الأولى 2 بيضه مقاية بمسحة زيت + 150 جم قريش )

👈 الوجبة الثانية ( 150 جم لبن لايت + 80 ج بليلة + 100 جم موز )

👈 الوجبة الثالثة ( 100 ج فول + نص رغيف بلدى أسمر )

👈 الوجبة الرابعة : قبل التمرين ( 125 ج بطاطس مسلوقة + 200 ج كوسة أو بدايله بالخضار الأخضر + 100 ج فراخ )

👈 الوجبة الأخيرة ( بعد التمرين )
( 100 ج رز ابيض أو 125 بطاطس مسلوقة أو 85 ج مكرونه + 100 ج حمص + 130 ج بروتين حيوانى من أي نوع مشوي أو مسلوق + كوب زبادى لايت يتعمل صوص يتحط فيه الحمص ونقطة خل وبابريكا وملح وثوم مجروش بقى زي الثومية )

🔰 بكده يبقي القيم الغذائية حوالى ( 203 ج كارب و 158 ج بروتين و 60 ج فات )

👋 طيب لو حابب تعلى بالقيم دي عشان توصل لل 1900 سعره يبقي هتزود ( العيش بدل من نص رغيف لرغيف الا ربع والبروتين الحيوانى 250 جم )
وبكده بقت القيم الغذائية ( 214 جم كارب و 167 بروتين و 64 فات )

🔰 للانظمة الغذائية والمتابعات كلمنى على رسايل الصفحة أو واتس اب 01112426373

07/01/2023

من بكره بإذن الله هرجع أنزلكم أنظمة أكل محسوبة للناس اللى حسه إن الدنيا مش مناسبة ليها أو غير مقتدرة علي أندمة الأكل الحالية وطبعا مش أنظمة ثابتة ممكن تحتاج تغير حاجات بسيطة فيها....يمكن أقدر أساعد بيها الناس

07/01/2023

👈انهارده بوست تمرين الضهر يارجالة وطبعا ده اللي بيتقال عليه ممنوع دوليا وعالميا .. وطبعا هو مفيش تمرين ممنوع إلا طبقا لحالتك الصحية والجسدية ونظرة المدرب أو خبرتك بجسمك وهو ( back lat pull down ) ( الصورة ١)

⬅️ الحقيقه إنه بيفعل الTres major و latissimuus dorsi وطبعا بيفعل الbrachioradialis يعني حضرتك بتشغل ضهر و باي بمعنى أبسط

⛔️ ولكن الإصابة اللي بتحصل نتيجة لكده بتبقي (Triceps brachii tears ) يعني لو حبينا نترجمها مزق في عضلة الترايسبس ( الصورة التانيه )

⛔️ طيب سبب الإصابة هنا إيه؟
✅️ سبب الإصابة المزق اللي بيحصل نتيجة للضغط علي عضلة التراي سبس نتيجه لإنك بتعمل عملية إرخاء أو flex مفاجئ للlatissimus dorsi او عضلة اللات فالضغط بيتحول للراس الطويلة من التراي وبالتالي بيحصل مزق جزئي فيها

⬅️ خلينا متفقين إن كتمرين مش بيفيد في تعريض للضهر ولكن لو قيسنا الاضرار يعني إصابات كتف وتراي يبقي بدايله كتير ممتازة زي
➡️straight Arm lat pull down
➡️ seated rows

⛔ خد بالك في نقطتين مهمين جدا في فرق بين إنك تفعل العضلة وإنك تأثر عليها بس يعني هنا اللات مداه الحركي سئ والرينج قليل اوي فالحمل أكتر علي التراي وعلي فكره في تاس بتحط التمرين ده للترباس وبرضو وحش لان المدي مختصر او قليل جدا فيعتبر مش مفيد ليه لان مسار الألياف مش مظبوط بسبب خط المقاومة

04/01/2023

✅️ صباح الفل بالنسبة للسؤال اللي بيتسأل كتير أنت ليه كاتبلي السمانة وانا واقف وبتسأله وانا بتمرن حتي اشمعنا مبتلعبش قاعد...

🔰 مبدأيا بدون الدخول في تفاصيل علمية السمانة عشان تظهر شكل رجلك الفصين الأساسيين دول بيتلعبوا وانت واقف ....ده بدون شرح علمي

🔰علميا بقي السمانه ٣ فصوص gastrocenimus lateral and medial وفي فص كمان صغير أوي اسمه الsoleus الفص الثالث ده حرفيا مدفون قدام الفص الخارجي للسمانه وضعيف شويه او شكله مبيفرقش أوي بمعني ادق مش معني كده بقول نهمله ..
بس بقول دايما اتمرن الأساسيات واتمكن منها واعرف التكنيك صح...

🔰 السمانه من العضلات الضعيفة وأليافها رخمه جدا فبتحتاج انك تsqueze وتعملها استرتش لتحت وانت بتلعبها يعني تلعبها علي ستيب او تارات مثلا ..

🔰 قبل ماتتمرن اي اوضاع للرجل يعني سكوات واسع وضيق و ٧ و ١١ وغيره وطبعا انا لا أعترف بده لأنها ملهاش لازمه وبتحرك المفصل عكس الاتجاهات الطبيعيه ليه أصلا وبتخلي الإصابات متاحة وسهلة فعشان كده بقول اتعلم الاول الحاجات دي
⬅️ التكنيك وطبعا قصدي بده الشكلين وانت واقف وقاعد
⬅️ ازاي اعمل muscele mind connection
⬅️ ازاي افهم وزني المؤثر واقدر اتمرن بيه

🔰 بعد كده اهتم بالفصوص واشكالها و ازاي اظهر الضعيف و هكذا ..وده مش استقلال او احباط نهائي بس اللي بشوفه بصراحه في التمرين والبرامج حاجه تكسف ...واحد مكتوبلو للكتف ٩ أشكال ...طيب ليه ؟ وقلتله هتتصاب واتصاب وغيره أمثلة كتير أوي
وهل مستواه الرياضى والبدني يسمح بكده ؟ والأهم هل تغذيته هتساعده ؟ وهل نومه واستشفاؤه مظبوطين ؟ والف سؤال وسؤال ؟

🔰 اللعبه والله مش عاوزه عتاله ولا زق اوزان اللعبه فعلا عاوزه مخ قبل العضلات ..افهم جسمك وقدر مستواه الصحي والعضلي وحتي قدراتك ومع الوقت هتزيد غصب عنك بالتغذية والتمرين

26/09/2022

🔰 سلام عليكم البوست غير جدلي او بفوق الصفحة بيه نهائي ....

🔰 الحمد لله تحولاتي كويسه وحرفيا بكسل انزل بس ...هو سؤالي هنا

🔰 ليه....يعني ايه عميل عاوز اتخنه اق له كل كادبوري و بيبس وايس كريم ميجا ...حضرتك بتتخنه او بتعمل bulk ولا بتجيبله السكر طيب

🔰 يعني ايه تاخد الاشتراك من عميل وتديلو دايت شهرين ومش هقولكم المبلغ عشان الفلوس حرفيا خزعبليه يعني المدرب المحترم واخد مثلا حق ٣ شهور في شهر ..

🔰 طيب يعني ايه بحدف الدايت بدون بعد كده مقاسات واسيب المتدرب يهبد ويحدف في التمرين يمين وشمال

🔰 انا بس بجد قصدي نراعي ربنا بجد...خلي شروطك او متابعتك علي ارض الواقع أهدافها حقيقيه ...بمعني
✅️ هتقول متابعه يوميه يبقي فعلا كده مش يتبعت سؤال في يوم يترد بعد اسبوع
✅️ هتقول الرد علي السؤال بحد اقصي ٦ ساعات تنفذ
✅️ هتقول خطة تغذية هتتغير كل اسبوعين يبقي كل اسبوعين
✅️ مريض او حالة جايالك وعاوز حياة صحية يبقي تقدمله اللي يساعدن مش لازم موازين و ٥٠ ج افوكادو و ١٥ ج سوداني ..بلاش سياسة الاختلاف عشان اصلي في فكره كده
✅️ مش لازم حرفيا عذاب للحالات ...وطبعا كلامي للناس العاديه او الطبيعيه مش فئة البطولات والقصة دي قصدي مش محتاج تقطع كارب وسكر وتقاطع الوالدين
✅️ العبرة بأنك تراعي شغلك وتراعي ربنا مش اني اخد تمن الاشتراك واحدف النظام وامشي..

🔰 البوست فضفضه حرفيا عن اللي بشوفه لان تقريبا معظم الاسكرينات اللي بتجيلي في الاكل بالذات بقت مريبة و مستفزة ...

🔰وللمتابعات الأونلاين والتمرين تقدر تبعتلي واتس اب او علي رسايل الصفحة 💪

22/09/2022

بوست جديد عن مرضي الكلي و تمارين المقاومة ✅✅🔥

قام المعهد البريطاني للبحوث الصحية (NIHR) بالشراكة و مركز ليستر للابحاث الطبية الحيوية Leicester BRC عبارة عن شراكة بين مستشفيات ليستر و جامعة ليستر و جامعة لوبورو بإجراء دراسة علي مرضي الكلي المزمن لمعرفة تأثير تمارين المقاومة و التمارين الهوائية عليهم .

☑️تحمل الورقة عنوان
12 Weeks Combination and aerobic Training
يعني ١٢ اسبوع كاملين من التمارين المجمعة (مقاومة) و تمارين هوائية (ايروبكس)

✅أظهرت الدراسة أن المرضي الذين قاموا باجراء تمارين المقاومة و تمارين الايروبكس مع بعض ٣ مرات اسبوعيا حصلوا علي زيادة عضلية و تحديدا في الساقين و قوة في الجسم بشكل عام و تحسن اللياقة القلبية التنفسية .

✅في حين لوحظ تغييرات ايجاببة بسيطة بالنسبة للياقة القلبية التنفسية في المرضي الذين مارسوا الايروبكس و كانت التمارين مثل المشي أو الجري أو ركوب الدراجات فقط .

🔥كانت النتائج لصالح تمارين المقاومة
زادت الكتلة العضلية بنسبة 9% في مقابل 5% لتمارين الايروبكس
في حين زادت القوة بنسبة 49% في مقابل 17 % لتمارين الايروبكس

☑️ نستنتج من ذلك ضرورة الجمع بين التمارين القلبية و تمارين المقاومة في جلسة واحدة لمرضي الكلي ✅

⛔️ الفكرة كلها بغض النظر عن عمرك او عن سنك او حتي طبيعة شغلك الرياضة متاحه وسهلة حتي لو في البيت كافية جدا مع الاستمرارية تغير يومك وشكل جسمك والصحة العامة بتاعتك

🔰 للمتابعات والأنظمة كلمني أونلاين او ابعت علي رسايل الصفحة

17/09/2022

🔰 هل النوم بيفرق فعلا في النتائج سواء في نزول الدهون او اكتساب العضلات ؟ 🤔

⬅️ في دارسه اتبع فيها فريقين نظام دايت لفقدان الدهون لمده 8 اسابيع. الباحثين قسمو المشاركين إلى مجموعة "بتنام اقل من الطبيعي" ومجموعة "بتنام طبيعي". كل حاجه متساوية ماعدا المجموعة الي بتنام اقل من الطبيعي بتنام اقل ساعه واحده بس م المجموعه الطبيعيه ، لمده خمس ايام في الأسبوع .

- النتيجه: بالنسبه للوزن الاتنين نزلو ف الوزن ، لاكن الاختلاف كان في نوع الوزن الي نزل (دهون ولا عضلات). بالنسبة للأشخاص الي ناموا بشكل طبيعي ، خسو %83 من الوزن على شكل دهون. بالنسبة للأشخاص الي نامو اقل ساعه من المجموعه الطبيعيه ، النتيجه اتغيرت خالص: نزلو حوالي %85 من الوزن كا كتلة خالية من الدهون!

✅️ الملخص ، المجموعه الي نامت طبيعي معظم وزنهم الي نزل (دهون) ، والمجموعه الي نامت اقل معظم وزنهم الي نزلوه (عضلات). وكل دا كان من مجرد ساعة واحدة من النوم أقل في الليله لمدة خمسة أيام في الأسبوع!

🔰 الاكتشاف دا بيسلط الضوء علي اهميه النوم وان الموضوع مش مجرد خسارة وزن , لا لو هدفك خساره اكبر قدر من الانسجه الدهنيه محتاج نومك يكون افضل .
🔰 مش بس دا الثأثير السلبي الوحيد, قله النوم بتسبب ارتفاع كبير في هرمون الجريلين (هرمون مسؤول عن زيادة مستويات الجوع)
🔰 ودا يخلي تحقيق أهدافك من السعرات الحرارية اصعب لانك هتحس بالجوع أكتر .
🔰 طيب ايه الي بيخلي قله النوم تخسسك العضلات بدلاً من الدهون؟ دا بيرجع : لرتفاع الكورتيزول ، وانخفاض الميوستاتين ، وانخفاض هرمون التستوستيرون وانخفاض IGF-1.) ، كل العمليات دي بتقلل من تخليق البروتين وتزود الهدم العضلي .

الخلاصه ناموا كويس يا شباب ❤️

🔰 وللمتابعات كلمني واتس اب او علي رسايل الصفحة 💪

05/09/2022

🔰 زياد من الجينات الجميلة خاصة إنه لاعيب جودو في وادي دجلة

🔰 أي نعم كنت متوقعله حرفيا نتيجه أحسن بكتير ولكن الانشغال بالتمرينين مع بعض مخلي نسبة التزامه متعديش ال ٧٠%

🔰 بالاضافة إننا لازم نتحرك في ميزان من ٦٩ ل ٦٦ لانه بيلعب في الوزن ده مع المنتخب فاحنا ماشيين براحه جدا بنقل دهون ونزود عضل براحه عشان ميزيدش اوي او فجاة نلاقي نفسنا ضخمنا

🔰 الفكرة عامة في إنك تساعد الحالة او العميل إزاي يحقق هدفه بدماغك أنت مش رص كميات و جرامات وخلاص وطبعا توفيق من ربنا ..

🔰 للمتابعات و الأنظمة الغذائية كلمني واتس اب 01112426373 او ابعتلي علي رسايل الصفحة

⛔️ ومتنسوش عرض ال ٥٠% لسه شغال وده اليون التاني ليه...باقي ٣ ايام 💪

03/09/2022

🔰 صباح الفل 🌷

🔰 الناس اللي سألتني عشان عيد ميلادك هتعمل عرض والكلام ده رغم ربنا يعلم مش من هواة القصة دي حرفيا عشان التركيز بس ..

🔰 فهعمل عرض لمدة ٥ ايام وهقفله لحين بس اكتمال العدد ومش أي عدد عشان أقدر اركز مع الناس

🔰 لمعرفة كافة التفاصيل كلمني واتس اب او ماسنجر وهرد عليك بنفسي ..

🔰 العرض علي ال ٣ شهور و ٦ شهور.

🔰 متاح تحجز وتبدأ في الوقت المناسب ليك .

🔰 العرض ساري علي برامج التغذية فقط أو التغذية والتدريب .

Syam nutrition

12/01/2023

09/01/2023

07/01/2023

07/01/2023

04/01/2023

26/09/2022

22/09/2022

17/09/2022

05/09/2022

03/09/2022

Address

Telephone

Website

Alerts

Contact The Practice

Shortcuts

Share

Category