Mazag فارما (2026)

22/06/2025

👈🏻طرق منزليه بتساعد علي تخفيف اعراض حساسية الأنف😷

👌🏻شرب كميات كافيه من السوائل دى بيعمل علي ترقيق المخاط

👌🏻استنشاق البخار الدافئ ده بيفتح الجيوب الانفيه وبيخفف الاحتقان

👌🏻عمل كمادات دافيه علي الوجه عشان نخفف الالم

👌🏻طريقة النوم تكون الراس مرفوعه باستخدام مخده أو اتنين

22/06/2025

حساسية الانف😷

👈🏻لو بتعاني من صعوبة في التنفس ف ده بسبب التهاب وتورم الاغشيه المبطنه للجيوب الانفيه وده معناه أن حضرتك اتعرضت ل حاجه اسمها حبوب اللقاح ودى بتكون من الشجر أو الاعشاب وممكن سببها يكون من الغبار أو وبر الحيوانات الأليفه أو ملوثات زى دخان السجاير والمواد الكيميائيه أو تكون بتعاني من الربو أو انحراف الحاجز الأنفي لا قدر الله🥺

✨الأدوية اللي بتساعد علي علاج حساسيه الانف زي..
👈🏻مضادات الهيستامين ودى بتساعد علي تخفيف العطس والحكه

👈🏻او بخاخ الستيرويد الأنفيه بتقلل الالتهاب والتورم في الممرات الانفيه والجيوب ودى بتكون فعاله جدا علي المدى الطويل👏🏻

وده بجانب غسول الانف الملحي بينضف الممرات الانفيه من المخاط ومسببات الحساسيه

متنساش لو محتاج اي استفسار ع اي حاجه او منتج تبعتلنا ع الخاص وتأكد إن اللي هيرد عليك صيدلي..👨🏻‍⚕️

09/11/2023

كنا اتكلمنا قبل كدة عن الأوميجا 3 و إنها لو اتاخدت مع دوا للسيولة زي الأسبرين بتزود تأثير السيولة بتاعة الدوا ده و تخلي في احتمال للbleeding..
المرة دي بقي هنتكلم ف معلومة بسيطة عن تأثير عكسي مع الأسبرين..يعني ايه..
يعني مثلا لو جيه مريض جلطات سابق و ماشي ع الأسبرين بتركيزاته بتاعة السيولة فقط زي ال100و ال81 و ال75 بشكل مزمن (خصوصا لو هو مش بياخده كوقاية وخلاص لا ده احتمال الجلطة عنده عالي) و محتاج ياخد مسكن.. 🚫اوعي نديله بروفين أو اي دوا مادته ايبوبروفين عموما⚠️ ..لأن الإيبوبروفين بيقلل من تأثير الأسبرين كمضاد لتجمع الصفائح الدموية (مضاد للتجلط) وبالتالي هيزود من مخاطر حدوث جلطات⚠️🩸

فبالتالي:
ممنوع إستخدام الاسبرين والإيبوبروفين مع بعض في نفس الوقت❌ .. طب الحل ايه لو مضطرين :
✅️اما المريض ياخذ الأسبرين قبل إستخدام الايبوبروفين بساعتين
✅️أو يأخذ الاسبرين بعد 8ساعات من تناول الإيبوبروفين
✅ و الأكثر أمانا طبعا يغير الايبوبروفين بمسكن تاني

16/10/2023

كلمة بسيطة ف السريع كدة عن مادة مشهورة موجودة ف اغلب ادوية البرد و الانفلونزا .. و هي ال Pseudoephedrine و دي اشهر حاجة nasal decongestant و بتشيل احتقان الجيوب الأنفية و بتبقي موجودة غالبا ف ادوية البرد بتركيز من 30 لحد 60 مجم عشان كدة دايما و احنا بنصرف الادوية دي بنقول انها ممكن تتاخد من 3 لحد 4 مرات يوميا علي مدار اليوم عادي جدا👍
بس استني مش خلاص كدة 🤌😁.. عندنا نوع مشهور جدا من ادوية البرد و يعتبر من ضمن نوعين تلاتة هما الاكثرهم فعالية و قوة💪... هو ال Trimed Flu
بس النقطة و المعلومة المهمة اللي هي محور البوست بقي ان مادة الPseudoephedrine اللي فيه تركيزها عالي جدا موجودة بتركيز 120 مجم🔥.. و أقصي جرعة ممكن جسم الانسان البالغ يتحملها من الPseudoephedrine ف اليوم الواحد هي 240 مجم 👌💥 .. عشان كدة ال Trimed Flu هو الوحيد من ادوية البرد اللي بنوصفه مرتين بس يوميا ( يعني كل 12 ساعة بعد الاكل ) كحد اقصي..
طب الكلام ده حلو ولا وحش؟ .. هو حلو و خلي الدوا ده قوي انما وحش الحالات دي..

أولا .. لو الجرعة زادت عن حدها ايه اللي ممكن يحصل بسبب الPseudoephedrine الزيادة ف الجسم ..ممكن يحصل صداع شديد و ألم ف الصدر و الاخطر بقي زيادة ضربات القلب و عدم انتظام النبض و زيادة ف ضغط الدم⚠️〽️

ثانيا .. لو جيه حد مريض قلب سابق او مريض ضغط مرتفع و طلب دوا للبرد ..يفضل طبعا مايكونش فيه pseudoephedrine خالص و ادوية البرد كتير بس لو اضطرينا ندي حاجة فيها pseudoephedrine ( و ده طبعا حسب حالة المريض ) ممنوع ندي ال Trimed Flu خطر جدا☠️ و ده طبعا بسبب تركيز الpseudoephedrine العالي اللي فيه⚠️

و خلينا فاكرين ان اقصي جرعة له ف الطبيعي مرتين بس ف اليوم👌

14/10/2023

هنتكلم دلوقتى عن الميكروب الحلزونى المعروف h.pylori🪱
دى اكتر جرثومه بتصيب ٥٠٪؜ من البشر
طب ومكانها فين ؟
بتستخبى ف جدار المعده
اعراضها:
*جوع شديد اول ماتصحى
*انتفاخ نتيجه لتراكم الغازات
*غثيان وقئ
*الم ف منطقه البطن
*حرقه المعده
*رائحه فم كريهه
طب انعالج منها ازاى 🤔
علاجها بنسميه العلاج الثلاثى :
1. proton pump inhibitor+antiacid
زى ال (downoprazol) ودى بتعالج الحرقه او القرح اللى اتسببت من الجرثومه وتقليل الانتفاخات ..
2. antibiotics وده ف كذا نوع
زى ال
*levofloxacin
*Moxifloxacin
*Clarithromycin (clarithiro)
*amoxicilin (augmentin)
اى نوع من الأربعة ده ينفع طبعاً
3. antiprotozoal المطهرات المعوية
*nanazoxide
*nitazode
*parazoxanide
دول هنمشى عليهم لمده ١٤ يوم
او الحل الاسهل اننا ناخد حاجه زى ال trioclar او helicure او peptic care
ده دوا بيحتوى ع التلات مواد دول كلهم ف قرص واحد وبرضه هنمشى لمده ١٤ يوم عليهم
بس الافضل انك تاخدهم منفصلين زى الطريقه الاولى طب ليه 🤔
عشان بيبقى تركيز الادويه المنفصله اعلى ..
طب وبعد ال ١٤ يوم هى كده بتموت ؟!
اقولك مش لازم فعشان كده لازم التحليل يحصل بعد شهر من العلاج عشان الجرثومه دى بتستخبى زى ماقولنا ف جدار المعده فمبتبنش ف التحليل ع طول بعد العلاج فعشان كده لازم نستنى لمده شهر بعد العلاج ونعمل التحاليل ونشوف هل اختفت ولا لا .....
متنساش لو محتاج اى استفسار ع اى حاجه او منتج تبعتلنا ع الخاص وتأكد ان اللى هيرد عليك صيدلى 🧑‍🔬

12/10/2023

دلوقتى هنفكركوا بمعلومه بسيطه وكلنا عارفنها ..
ايه هى اقصى جرعه للبارسيتامول ؟
من ٣.٢٥ ل ٤ جرام
ولو فحاله الناس اللى عندها مشاكل ف الكبد بتبقى اقصى جرعه ٢ جم
طب لو هدي اكتر من كده ايه الى هيحصل 🤔
المرحلة الأولى (بعد عدة ساعات)، قد يتقيَّأ الشخص دون أن يبدو عليه المرض.ولكن، لا تظهر أعراضٌ عند كثيرٍ من الأشخاص في المرحلة الأولى.
في المرحلة الثانية (بعدَ 24 - 72 ساعة) قد يحدث غثيانٌ وقيءٌ وألَمٌ في البَطن.في هذه المرحلة، تُظهِر الاختباراتُ الدَّمويَّة أنَّ الكبدَ يعملُ بشكلٍ غير طبيعي.
في المرحلة الثالثة (بعد 3 - 4 أيام)، يتفاقم القيء.وتُظهِرُ الاختباراتُ أنَّ الكبد يعمل بشكلٍ ضعيفٍ، ويحدث نزفٌ وإصابةٌ باليرقان (اصفرار العينين والجلد).وفي بعض الأحيان، يحدث فشل الكلى ويصبح البنكرياس ملتهبًا (التهاب البنكرياس).
في المرحلة الرابعة (بعد 5 أيام)، إمَّا أن يتعافى الشخص أو يُصاب بفشل الكبد، وغالبًا الأعضاء الأخرى، والذي قد يكون مُميتًا.
وممكن كمان توصل لمرحله الاختناق😱
طب ايه العمل لو حصل كده ؟
هاخد اكياس الاسيتيل سيستايين اول يوم ١٤ كيس ابلعهم كده
وبعد كده لمده ٣ ايام ١٠ كياس ....
ولو عندك اى استفسار ابعتلنا ع الصفحه وتاكد ان اللى هيرد عليك دكتور 🧑‍🔬

10/10/2023

طبب استكمالاً للبوست اللي فات عن الأوميجا 3👇
(اللينك بتاعه ف أول كومنت نقراه الأول👇)..

*ثالثا بقي و ده مهم جدا ايه اللي ماينفعش ناخده مع الاوميجا 3 بالتحديد؟👇🔥📢

- لو جالك مريض جلطة سابق او اي مريض ماشي علي دوا معين للسيولة زي الaspirin او اي دوا بيحتوي علي الclopidogrel او غيره من ادوية السيولة .. اوعي ياخد omega 3 لو طلبها او مكتوباله ف روشته⚠️ لأن ده هيزود تأثير السيولة بتاع ادويته بالتالي احتمالية حدوث bleeding نتيجة ان الاوميجا 3 بتزود فعالية دوا السيولة اكتر من اللازم.

- طب لو جبه مريض عنده GERD اللي هو Gastroesophageal reflux disease و هنا ف الحالة دي حموضة معدة المريض بترجع للمرئ و تسبب مشاكل .. طب لو المريض عايز ياخد اوميجا 3 كمان ..لا ماينفعش لازم لما يخف و الدنيا تهدي👌 والا الاوميجا 3 هتزود من مشاكل المعدة و ممكن تسبب قرح⚠️.
و ماننساش ان جرعتها ف الكبار كبسولة واحدة ف اليوم و الاطفال ليهم الادوية الشرب بالتركيزات المناسبة و دايما نستشير الصيدلي عن الجرعة المناسبة و الادوية اللي بناخدها👌...

09/10/2023

سريعا كدة هنتكلم كلمتين عن ال omega 3, ايه هي و فايدتها و حاجات ماينفعش تتاخد معاها...
*اولا هي نوع من 3 احماض دهنية غير مشبعة مفيدة منهم نوعين ضروريين جدا للجسم هما omega 3 و دي الاهم و ال omega 6 ..اما النوع التالت بقي هو omega 9 و دي الجسم بينتجها لوحده مش ضروري ندور عليها ف مصادر اكل برا او ادوية اما الباقي اجسامنا مابقتش تنتجه.
طيب الاوميجا 6 نلاقيها فين و فايدتها ايه؟ .. دي موجودة اكتر حاجة ف زيوت الصويا و برضو ف زيوت عباد الشمس و الذرة و الصبار و المايونيز و الفول السوداني ( و علي فكرة الاوميجا 9 برضو موجودة ف السوداني و المكسرات )🥜.
طب فايدة الاوميجا 6 انها ف الجسم بتتحول لحمض دهني تاني بيمد الجسم بالطاقة و يدي باور كدة💪 و يساعد ف تخفيف انواع معينة من الالتهابات.

*ثانيا نيجي بقي لموضوعنا الاساسي و اهم واحد فيهم الomega 3 ..و دي طبعا موجودة في ادوية كتير ف الصيدلية اشهرهم اللي ف الصورة.. بس ف الاكل نلاقيها فين.. هنلاقيها من الاخر ف زيوت اغلب المصادر البحرية🦈🐟 اكترهم سمك السلمون و الماكاريل و السردين و زيت كبد الحوت و كمان موجودة ف زيوت بذور الشيا و جنين القمح...
مبدأيا كدة ال omega3 لوحدها 3 انواع مختلفين حسب شكلهم كا structure و مختلفين شوية ف فايدتهم ..اختصارا كدة من غير تفاصيل هما DHA و EPA و ALA .. طبعا الاهم فيهم عشان صحة المخ و الذاكرة هي الDHA
طب فايدة الاوميجا 3 ايه تاني بشكل عام غير الذاكرة؟..هي مفيدة جدا لصحة القلب لأنها بتظبط نسب الكوليسترول و الدهون الثلاثية ف الجسم و بالتالي كمان مفيدة ف تظبيط الوزن كعامل مساعد مع ادوية التخسيس الاساسية و كمان تقليل دهون الكبد و بتساعد ف نمو مخ الاطفال اللي لسة اجنة بشكل سليم.

يُتبع في بوست جديد مهم🔥

07/10/2023

ادخل علي اللينك أو اعمل scan للكود و تابعنا علي الانستجرام💊💥
Follow us on Instagram😉
https://instagram.com/mazag_pharma?utm_source=qr&igshid=MzNlNGNkZWQ4Mg==

07/10/2023

دلوقتى هنتكلم ع فرق بين دوايين شبه بعض جداً ...
Panadol extra & petro
*panadol extra contain :
-paracetamol 500 mg
-caffeine 65 mg
* petro contain :
-paracetamol 400 mg
-Caffeien anhydrous 60 mg
-drotaverine
هنلاحظ هنا ان الختلاف بينهم ف الماده الفعاله بسيط جداً بس نيجى بقا نتكلم ع الاختلاف ف استخدامهم 🧑‍🔬
ادايماً نلاقى ان البيترو بيتكب ف حالات الحمل عكس البنادول اكسترا ميتاخدش طبعاً طب ليه 🤔
١- اول سبب الكافييين اللى موجود ف البيترو لا مائى فمبيترسبش ف الجسم خالص . على عكس الكافيين اللى موجود ف الباندول كافيين مائى بيترسب ف الجسم فمبينفعش ف حالات الحمل خالص ..
٢- تانى سبب ماده ال drotaverine دى ماده بتعالج التقلصات ودى مشكله بتعانى منها الستات كتير اثناء الحمل فعشان كده بيعتبر البيترو افضل دوا مناسب ف حالات الحمل وامن عليهم ...
بخلاف ذلك لو حالات صداع او الم او سخونه هيبقى الافضل بانادول اكسترا نظراً لان تركيزاته اعلى ..
طب امتى بقا مستخدمش اى حاجه فيها كافيين كمسكن 🤔
١- اول حاله لما يكون المريض اللى قدامى عنده hypertension لان طبعاً زى مانتوا عارفين ان الكافيين هيرفع الضغط معاه ..
٢- لو المريض اللى قدامى عنده صداع ناتج عن ارهاق لان ف الحاله دى الكافيين هينبه الدماغ اكتر ويفوقوا فهيزود معاه الارهاق والتعب ...
ومستعدين لاستفسارتكوا ف اى وقت وتاكد ان اللى هيرد عليك صيدلى 🧑‍🔬

07/10/2023

احنا مين!!!🤔
دايما مفيش حاجة ف الصيدلية اسمها ملهاش لزمه كل حاجة ليها لزمه بس في حاجة مناسبة لحالتك وحاجة مش مناسبة حتي لو فعاليتها اقوي.. فاحنا بقي اللي هنتكلم community pharmacy أو clinical pharmacy بشكل خفيف و رايق و بسيط .. و دايما رسايلنا مفتوحة لأي استفسار يخص اي حاجة عن الدوا💊 أو أي شئ ف الصيدلية و اللي هيرد عليك دايما صيدلي👨🏻‍🔬👌🏼...

Mazag فارما

22/06/2025

22/06/2025

09/11/2023

16/10/2023

14/10/2023

12/10/2023

10/10/2023

09/10/2023

07/10/2023

07/10/2023

07/10/2023

Address

Website

Alerts

Shortcuts

Share