اجزخانجي

15/03/2022

:
الهاشتاج الذي ينصح به 99%من اطباء العالم😊
🎬 اكشن تالت مرة:VIP👌
المرة دي الكلام مختلف وفعلا يهم اي بيت المرة دي هنتكلم عن:

👶👶

قبل ما نقول العلاج لازم اقول لكل ام ازاي

:

👶اول حاجة لازم تعرفي ان التسلخات سببها في الغالب هو البلل لأن ده بيدي فرصة للفطريات انها تسبب تسلخات
👶وعلشان كده اهم حاجة هو سرعة تغيير الحفاضة لان سواء بول الطفل او البراز او هما الاتنين بيعملوا تهييج لبشرة الطفل اللي بتكون حساسة شوية وعشان كده معلش اعملي ميزانية حلوة للبامبرز💵.
👶قبل ماتلبسي الطفل الحفاضة الجديدة اتاكدي انك شطفتي كويس🚿 ونشفي كويس وبلاش دعك جامد .في ستات تحس انها بتلمع بلاط الارضية .بالراحة تجفيف خفيف.
👶بلاش تحبكي البامبرز جامد ماتخافيش مافيش صراصير🐛 هتدخل.. ادي فرصة لشوية هوا صغيرين يدخلوا جوه .الجلد كائن حي محتاج يتنفس.
👶لو الجو برد وهتستعملي مناديل مبللة بلاش تكون معطرة او فيها كحول واعرفي ان حمام المياه احسن حاجة.
👶لو الجو كويس قلعي الطفل الحفاضة وخلي الجلد يشم👃هوا نضيف.
👶خلي بالك ان في اطفال بيجيلها تسلخات رغم انك محافظة جدا وبتغيري الحفاضة باستمرار لكن ده ممكن يكون بسبب ملابس الطفل ممكن تكون من ألياف صناعية مثلا .وعلشان كده الملابس تكون قطن داخلي وخارجي.
👶بودرة التلك للاسف مش بتعالج التسلخات. دي بتزودها حضرتك لانها اصلا مواد صناعية معدنية ممكن تسبب تهيج واحتكاك وحساسية.
👶في بعض الاطفال بتزيد معاهم التسلخات من البان صناعية معينة .
👶لما تدهني اي كريم تسلخات ماتكتريش .كمية بسيطة ووزيعها كويس.لأن الجلد كائن حي عاوز يت......👃............
👶زيت الزيتون فعلا حلو للتسلخات لكن شخصيا مش بارشحه لحد وده لأن السوق مليان انواع مغشوشة 😢ومليانة شوائب.
👶بلاش صابون الديتول لمنطقة الحفاضة خالص.بيعمل بلاوي..شفت بعيني👀ماحدش قاللي.

؟؟

👊التسلخات عند الاطفال الرضع مش بتتعالج بالكيناكومب اللي يكرم اصلكم ارحموا فخاد العيال..لان فيه خطورة عالرضع من استخدام الكيناكومب والمومنتا والبوليدرم وميكسدرم وكوادريدرم وغيرهم لان ببساطة استخدام الدهانات دي لفترات طويلة بيحصلها امتصاص وتوصل للدم (ايوه ماتستغربش بتوصل للدم)ومش كده بس دي ممكن تعمل لخبطة في الغدد اللي في جسم البيبي الرضيع.
وغير ده كله ممكن تخلي الحالة أسوأ.
👊وعلشان كده بننصح باستخدام صابون طبي ( زي صابون ترتيتكت بيبي او سنسوديرم )ومعاهم دهانات بسيطة زي بيبي كريم .كاميزان كريم .كير باي كير وخلافه وخلي بالك الحاجات دي ممتازة وفعالة لكن لو التسلخات زادت وعملت fungal infection(عدوى فطرية)
يعني حصلت خلاص
لازم نستعمل حاجةantifungal زي الmiconazol او clotrimazole مثلا ودول موجودين في كريمات كتيرة أشهرهاDaktarin.dermatin.miconaz.
ولو في التهابات شديدة ممكن نحتاج الكريمات اللي فيها hydrocortison والنوع ده من الكورتيزون هو أكتر نوع أمان لانه كورتيزون زي اللي موجود في اجسامنامش أي كورتيزونات تانية مصنعة.
امثلة الcombinationsدي:
Daktacort.
dermatin cort.
dermozol cort.
والحاجات دي آمنة لكن مانفتحش في الاستخدام .

👊ساعات التسلخات بتوصل لمرحلة انها بتعمل قرح وممكن دم.في الوقت ده بلاش نستعمل حاجة فيها كورتيزون نهائي ولا حتى هيدروكوتيزون لأنه هيزود المشكلة.
في المرحلة دي النضافة وتهوية منطقة الحفاض مهم جدا وهنا يأتي دور حبيب الملايينmebo
وبنستعمل قبله كمادات Kmno4 برمنجنات البوتاسيوم بتجيب نتيجة كويسة في الحالات الصعبة دي ..
ماتنساش تعمل شير للبوست ده لانه هيفيد ناس كتير.
واعمل mention لكل ام .
وكل صاحب وزميل
وماتنساش تعمل followلينا ع البروفايل الشخصي من هنا👈Hossam Nemo علشان يوصل لك كل جديد ومفيد..
لو استفدت ماتبخلش بlike....comment ...share
ورمضان كريم🌜.

03/11/2020

31/05/2020

لتكرار السؤال عن طرق تشخيص الكورونا وجب التنبيه
1- الطريقة الصحيحة حاليا للتشخيص هي المسحة ( + PCR) بس خلينا نسميها المسحة
2- قدرة المسحة علي تشخيص المرضى بطريقة صحيحة هي 70-80 ٪ ولكنها لا تشخص حد معندوش المرض بنسبة 100 ٪ = بالعربي في احتمال حوالي 30 ٪ أنها لا تشخص مريض بس لو تم التشخيص ف بنسبة 100 ٪ المرض عندك
3- أسباب عدم القدرة علي تشخيص كل المرضي هو ان في صعوبة في تنفيذ المسحة و قد تتلف في النقل وقد لا يكون هناك كمية من الفيروس تسمح بوجود المادة الجينية في اول المرض
4- الطريقة الأخرى للتشخيص هي تحليل الأجسام المضادة في الدم (serology) بس خلينا نسميها تحليل الاجسام
5- الطريقة ديه مشكلتها انها تشخص أجسام مناعية أخرى بالغلط بنسبة عالية جدا، يعني ممكن برد عادي من احدي فيروسات عائلة الكورونا يسبب وجود أجسام مناعية تشبه الكورونا المستجد (COVID19) وساعتها يتقالك عندك المرض (او كان عندك) وانت معندكش بنسبة قد تصل الي 50 ٪
6- مش بس كده كمان الطريقة ديه تحتاج انك تنتظر اسبوعين عشان تبقي متأكد ان الجهاز المناعي للمريض أصدر كمية كافية من الأجسام المناعية تقدر تلاقيها
7- المسحة هي الوسيلة الافضل في التشخيص
8- صورة الدم والأشعة هم والعدم سواء في التشخيص (بالعربي تضييع فلوس وضحك علي الدقون) ليه ؟
9- لعدة أسباب
اولا احنا في مصر في مرحلة انتشار وبائي للفيروس يعني بالعربي اي حد عنده اعراض يبقي عنده كورونا الي ان تثبت المسحة عكس ذلك
ثانيا التغييرات الموجودة في صورة الدم والأشعة قد تتواجد مع مئات الفيروسات ومئات البكتيريا الأخرى
ثالثا في اول المرض وفي الحالات البسيطة قد لا يكون هناك تغييرات اصلا
رابعا علي افضل حال الحاجتين دول قد يقولوا ان في اشتباه في كورونا بس حقيقة مع الانتشار الوبائي اللي في مصر حاليا الاصح انك تشتبه في كل عرض بدون حتي ما تضيع فلوسك علي حاجتين هيقولوا اه في اشتباه

للتلخيص
المسحة هي الطريقة الافضل حاليا (علي الرغم من عيوبها)
وفر فلوسك ولا ترميها علي تحاليل اجسام مناعية ولا اشعة وصورة دم
لو شاكك ان عندك كورونا (اي اعراض برد حتي ولو كانت بسيطة) حاول تعمل مسحة لو مش متوفرة او غالية يبقي توفر علي نفسك فلوس ومجهود وتعزل نفسك 14 يوم من ظهور الأعراض (راجع المنشور اللي كتبته يوم 26 مايو 2020)

اللهم بلغت اللهم فأشهد
منقول عن د زياد بسيوني

27/05/2020

- الواقع حاليا ان الكورونا اصبح ذو انتشار وبائي في مصر
- ده يعني أن الانتشار في الغيط زي المستشفى زي القهوة زي البنك زي اي حته خارج بيتك
- مستشفيات العزل (فكرة متخلفة) مقفلة من اسابيع ومفيهاش مكان
- النصائح عندي لم تتغير من اول في الكورونا وهحاول اسردها تاني في نقط مرقمة عشان لو في حد عنده استفسار او تعديل

1- التباعد الاجتماعي هو الحل الوحيد لإيقاف العدوي
2- التباعد ده له صور كثيرة: مسافة متر ونص بينك وبين اي شخص اخر في اي مكان، تقليل فترة التواجد مع اي شخص الي اقل من 15 دقيقة، لا سلام باليد علي حد بدون جوانتي، لا احضان ولا بوس
3- اي شخص مريض (برد، انلفونزا، كحه، التهاب رئوي، فقد الشم والتذوق، حرارة، بلغم، صعوبة في التنفس وهكذا) هو كورونا الي ان يثبت العكس
4- اي شخص من أصحاب الأعراض المذكورة في نقطة 3 يعزل نفسه في بيته
5- العزل لمدة 14 يوم من ظهور الاعراض
6- غرفة في البيت يدخلها ولا يخرج منها الا للحاجات الأساسية (قضاء الحاجة مثلا) في الوقت ده أفراد البيت الاخرين يبعدوا عنه كما هو مذكور في النقطة 2 + المريض يلبس كمامة
7- لا علاج للفيروس، لا توجد ادوية ننصح بها حاليا قد توقف الفيروس، الفيروس بياخد دورة حياته وينتهي بسيطرة جهازك المناعي عليه او تفوق الفيروس وده = وفاة
8- لو في ارتفاع في درجة الحرارة = استخدام خافض للحرارة (بانادول ومشتقاته + بروفين ومشتقاته)
9- البروفين آمن (في اول المرض كنا خايفين منه لاسباب متعلقة بمستقبلات معينة علي الخلايا حاليا لا دليل علي كونه مشكلة)
10- الكحة ليس مرض ولكنها عرض ومطلوبة للمساعدة في خروج البلغم من الصدر، بمعني لا تبحث عن دواء للكحه (هو مفيش دواء بيشتغل أصلا واحنا مش عايزين نوقف الكحة)
11- زود السوائل اي كان نوعها، بارد ساخن مش هتفرق
12- مفيش حاجة اسمها ادوية زيادة المناعة، ديه كلها خرافات وفلوكلور
13- عايز تاخد عسل خد ولكن الي الان لا يوجد دليل طبي ان العسل يساعد علي مقاومة الكورونا
14- الفيتامينات بشكل عام لا تقوي المناعة، لكن في دراسات تربط الدول اللي متوسط الناس فيها عندهم فيتامين د عالي بقلة عدد المرضي والوفيات، عشان كده ممكن تاخد فيتامين د يوميا (عملت منشور ل ده من 10 ايام دور عليه)
15- فيتامين سي قد يساعد (الأدلة الطبية غير حاسمة وانا عن نفسي لا استخدمه) في تقليل اعراض البرد وعلاجها، لو عايز تستخدمه براحتك
16- لا انصح بالذهاب للمستشفيات حاليا الا في حال وجود ضيق في التنفس
17- حاليا في صعوبة في الحصول علي المسحة، لو انا عايش في مصر، مش هتعب نفسي وادور، لو انا مريض هعزل نفسي + سوايل + خافض + مستشفي لو فيه ضيق تنفس
18- محدش ياخد ادوية جلطة او ادوية مضادات فيروسات او مضادات حيوية او كورتيزون، كده بتصرف فلوس علي الفاضي وفي مخاطرة التعرض للأعراض الجانبية اللي منها قد يكون خطير
19- دواء الملاريا لا انصح به (كلامي من اول يوم) ،الدراسات حاليا شبه مجمعة علي ضرره
20- جهاز النيبوليزر لا ينصح به للمرضى (اولا لا يعالج، ثانيا قد ينقل الفيروس للمحيطين) الا لو عندك ربو شعبي
21- لو ام مرضعة اصيبت بالاعراض يبقي التالي هو نصيحتي

* تغسل ايديها كل مره قبل ما تشيل فيها الطفل
* لو ينفع تستخدم شفاط لمدة 14 يوم يبقي تعزل نفسها عن الطفل وهو يرضع من لبن الشفاط بعد التسخين
* لو مينفعش يبقي ترضع بدون ما تتنفس ناحية الطفل + تلبس ماسك جراحي كل ما تقرب من الطفل (سواء هترضع ولا لا)
* متحميش الطفل
* متغيرش للطفل

--- معلومتين علي السريع
- 80-85 ٪ من المرضي اللي هيجيلهم كورونا هيعدي كبرد بسيط وبدون مستشفيات
- 10 ٪ قد يحتاجوا مستشفي وسيتم الشفاء بعون الله
- 5 ٪ قد يحتاجوا عناية ونوع من انواع مساعدة التنفس في العناية
- لا يوجد حاليا اي تحليل دم اثق فيه بشكل تام لتشخيص الفيروس
- الأشعة لا تشخص الفيروس
- متضيعش فلوسك ومجهودك علي أشعة وفلوس وأدوية لن تفيد
- حاليا افضل وسائل التشخيص هي المسحة (عارف انها مش متوفرة)

منقول عن د / زياد بسيوني

16/02/2020

10/03/2019

1- تحليل فيرس C اللي بيتعمل حالياً في حملة 100 مليون

2- مفيش تحليل بيأكد وجود اي فيرس بيتعمل في الشارع وبنقطة دم وفي خلال تلت ساعة .. ولكن اللي بيحصل حاليا هي أسرع طريقة بما ان العدد المطلوب فحصه كبير .

3- التحليل اللي انت بتعمله او هتعمله او عملته دة اسمه تحليل ( أجسام مضادة لفيرس سي ) .

4- الأجسام المضادة دي عبارة عن إستجابة من جهازك المناعي بسبب وجود أجسام مجهرية غريبة عليه وبيقاومها ، سواء كان الفيروس نشط او لأ .

5- أيوة بالظبط .. يعني لو عندك الأجسام المضادة لفيرس C التحليل هيطلع إيجابي
يعني من الآخر تحليل الأجسام المضادة اللي في الحملة ينفي الإصابة ولكن لا يثبتها

6- التحليل اللي بيثبت ويأكد وجود ال فيرس من عدمه ونوعه وكميته والطبيعة الجينية ليه اسمه PCR ودة اللي كان المفروض يتعمل من الأول بس طبعا بياخد وقت وتكلفة أكبر .

7- ال PCR من ضمن استخداماته انه بيكشف كمان عن وجود فيرس ب (HBV ) و الأيدز (HIV ) و غيرهم من الفيروسات وبيكشف كمان وجود أمراض مزمنة أو أورام سرطانية وبياخد من إسبوعين لاربع أسابيع .

8- لو النتيجة طلعت إيجابيه في الحملة والمريض راح عمل PCR وطلع نتيجته سلبية دة معناه ايه ؟!!!!!

- دة اسمه الحامل الصحي للفيروس ومعناه انه كان مصاب بالفيروس زمان وجهازه المناعي ساعتها قدر يقاومه و الأجسام المضادة فضلت موجودة في جسمه لكن الفيروس غير نشط ومش معدي.

- في الحالة دي مفيش أي مبرر طبي أو إسناد علمي يقدر يخليك تتمنع من السفر او العمل لمجرد ان الأجسام المضادة موجودة عندك .

- لذلك المفروض وزارة الصحة توضح سوء الفهم دة سواء جوة او برة مصر لأن دة تعنت ليس إلا .

9- طب ممكن في الحالة دي الفيروس ينشط ؟ .

- للأسف الإجابة أيوة ممكن ، بس دة بعد سنين كتيييير لو جهازك المناعي قلت قدرته على المقاومة بسبب تقدم السن أو الإصابة بالسكري أو الإصابة بالسرطان أو أمراض الدم لا قدر الله.

10- طب المطلوب منك ايه في الحالة دي ؟

- المطلوب منك تتابع مع طبيب متخصص وتبعد عن كل مسببات ضعف المناعة وتهتم بأكلك وتركز جدا على مضادات الأكسدة سواء كانت أدوية أو مصادر طبيعية ، وحذاري تاخد أي علاج بدون ارشاد طبي لانه ممكن يسبب ضرر للكبد ، واخيرا لازم فحص شامل دقيق كل 6 شهور ، ويفضل انك متتبرعش بالدم خالص.

11 - طيب الناس اللي عملت التحليلين واتأكدت ان عندها الفيروس ؟؟!!
أولا شفاكم الله وعافاكم .. ثانيا تحليل ال PCR مش بيقيم الحالة الصحية ليك إطلاقا.
يعني مثلا لو انت مكتوب في التحليل بتاعك مليون واللي جنبك 15 ألف دة مش معناه ان حالتك الصحية وحالة الكبد عندك أسوأ منه أو العكس ( طبعا دة في حالة فيروس سي ) .. العدد كان بيفيد زمان أيام العلاج بالانترفيرون.

12- تقييم الحالة الصحية بيتم عن طريق حاجتين :
١- تحليل وظائف الكبد :
( PT - PTT - Albumin - Globulin - AST -ALT - LDH - GGT - ALP - Bilirubin )
و تحليل صورة دم كاملة (CBC)
٢- أشعة تليفيزيونية على البطن

13- مسار المرض بيتحدد بعوامل تانية زي النوع الجيني للفيروس و وجود إصابات تانية زي فيروس بي أو السكري أو السمنة المفرطة .

14 - على حسب حالتك الصحية ومسار المرض بيتم توجيهك للمكان المناسب اللي هتاخد منه العلاج وتخف إن شاء الله .

15 - المريض اللي خلاص بدأ ياخد جرعات سوفالدي هيعمل إيه بعد كدا ؟
- هيفضل متابع برضو بالأشعة التليفيزيونية والمقطعية وتحاليل وظائف الكبد كل 6 شهور علي الأقل

16 - نسبة الشفاء تقترب من 100% .. والعلاج مكلف علي النفقه الخاصه و توفيره علي نفقه الدوله خطوه كويسه

17- الحمله كويسه كمسح شامل للمرضي بس كان واجب نصحح المفاهيم دي عند الناس عشان يبقوا فاهمين هيعملوا إيه بعد كدا


منقول

13/07/2018

لو انت مريض ضغط مرتفع او مريض قلب وبتاخد دواء #فالسارتان ( ) اللي موجود فالادوية دي بننصحك تراجع مع الصيدلي رقم تشغيلة الدواء اللي عندك وتشوف اذا كان رقم التشغيلة مطلوب سحبها من الصيدليات طبقا لمنشور الادارة المركزيه للشئؤن الصيدليه منشور دوري رقم (51) لسنه 2018
Valsarcard 80 mg
Valsarcard comb 80/12.5 tab
Elimolivan 5/160
Pressthioval
Zarlodip
Alkapress plus 5/160
Disartan 80mg cap
Disartan co 80 mg cap
Disartan 160mg
Disartan co 160 mg
Amilo plus tab
Blokatens 5/160
Blokatens 10/160
#اجزخانجي

19/05/2018

حلقه ٦ مرض السكر والصيام
كل عام وأنتم بخير ورمضان كريم
النهارده فى اجزخانجى هنتكلم فى موضوع غايه فى الأهمية وهو هل يصوم مريض السكر
والجواب هيكون وفقا للفيدرالية الدولية للسكر مع الرابطة الدوليه لخبراء السكر فى رمضان واللى ضمت ٣٢ استشارى للسكر من ٢٥ دولة حول العالم وبعد استشارة دار الافتاء المصرية
تم تقسيم مرضى السكر الى ٣ فئات تختلف النصيحة لهم حسب الحالة المرضية:
❤المجموعة الأولى: (الضوء الأحمر)
يجب التنبيه عليها بعدم❌ صيام رمضان والاصرار عليه لشدة الخطورة واستبداله بإطعام المساكين
١- من أصيب بنوبات انخفاض حادة فى السكر استدعت التدخل فى خلال الشهور الثلاثة السابقة لرمضان
٢-من أصيب بغيبوبة ارتفاع السكر والمعروفة بارتفاع الأسيتون فى الدم فى خلال الشهورالثلاثة السابقة لرمضان
٣- من أصيب بالارتفاع الحاد للسكر أعلى من ٥٠٠ مجم/مل قبل رمضان
٤- المعانين من تكرار انخفاض السكر
٥- المرضى الذين لا يشعرون بأعراض انخفاض السكر عند الانخفاض الشديد للسكر
٦- المرضى الذين يعانون من عدم انتظام السكر فى الدم بالعلاج ويظهر ذلك فى ارتفاع سكر الدم التراكمي A1C
٧- الحوامل ممن تم تشخيص إصابتهم بالسكر أثناء أو قبل الحمل والذين يعالجون بالأنسولين
٨- مرضى الفشل الكلوى المصاحب للسكر
٩- المصابون بمضاعفات السكر على شرايين القلب والدماغ والأطراف والذين لم تستقر حالتهم المرضية
١٠- كبار السن ممن يعانون من اعتلال الصحة بشكل عام
ولقد أوضحت دار الإفتاء ان رفض نصيحة الطبيب والاصرار على الصيام فى هذه المجموعة يعتبر إلقاء بالنفس إلى التهلكة ويعتبر فاعلها آثم إذا لم يستطع للنصيحة وأصر على الصيام

💛المجموعة الثانية (الضوء الأصفر): يجب عليها عدم الصيام لشدة الخطورة
١- مرضى السكر من النوع الأول والمعالجات بالأنسولين
٢- مرضى السكر من النوع الثانى المعالجون بالأنسولين
٣- مرضى السكر من النوع الثانى والذين يعانون من عدم انتظام معدل السكر بالدم
٤- الحوامل ممن يعالجون بالنظام الغذائى أو الحبوب المخفضة للسكر
٥- مرضى السكر المصابين بمبادىء اختلال وظيفة الكلى والتى لم تصل لمرحلة الفشل الكلوى
٦- المصابون بمضاعفات السكر على شرايين القلب والدماغ والأطراف والذين استقرت حالتهم المرضية
٧- المصابون بمرض السكر مع أمراض أخرى مزمنة أو حادة
٨- مرضى السكر الذين يقومون بعمل يدوى شاق
٩- مرضى السكر المعالجين بأدوية أخرى تؤثر على الوعى والانتباه والتركيز ووظائف المخ
اذا أصرت هذه المجموعة على الصيام فيجب اتخاذ الاحتياطات اللازمة بكل حزم
١- يجب عليهم المتابعة مع متخصص فى مجال السكر بصورة دورية أثناء الصيام
٢- يجب فحص نسبة السكر بالدم عدة مرات يوميا خاصة قبل الافطار وبعد الافطار وأثناء فترة الصيام
٣- تعديل جرعات الأدوية المستخدمة لعلاج السكر خاصة الانسولين
٤- الاستعداد الفورى لكسر الصيام عند حدوث أو من المضاعفات الحادة كانخفاض السكر عن نسبة ٧٠ مجم /مل أو ارتفاعه عن نسبة ٣٠٠مجم /مل
٥- الاستعداد لوقف الصيام تماما اذا تكرر انخفاض أو ارتفاع السكر عن النسب المذكورة أو حدث تدهور فى أو من الأمراض الناتجة عن مرض السكر أو المصاحبة له

💚المجموعة الثالثة ( الضوء الأخضر):يمكنها الصيام بعد مراجعة الطبيب والاستماع إلى النصيحة الطبية اذا طلب منها عدم الصيام وحسب قدرة المريض على تحمل الصيام
١- مرضى السكر من النوع الثانى ممن انتظم مرضهم تماما على العلاج بالغذاء والرياضة والأدوية التى لا تسبب انخفاض حاد فى مستوى السكر فى الدم
٢- مرضى السكر المعالجون بالأدوية مع الانسولين ممتد المفعول ممن استقر علاج السكر لديهم تماما

# اجزخانجي

01/05/2018

مكملين مع #اجزخانجي واخر كلامنا عن ّة
___
🔴 اعمل ايه لو عندي حساسيه 🤒 من مضاد حيوي
معين💊:

✔ لازم تبلغ الدكتور👨🏻‍⚕ باعراض الحساسيه اللي عندك لانها ممكن ماتكنش حساسيه 🤔 وتكون اثار جانبيه للمضاد الحيوي وبالتالي مش هيمنع انك تاخد المضاد الحيوي زي الغثيان والقيئ والاسهال🤢.

👈🏻اما لو كانت الاعراض اللي اتعرضتلها🤧 قبل كده بسبب المضاد الحيوي💉 زي ورم وانتفاخ الشفاه واللسان👄👅 وصعوبه فالتنفس والبلع فدي هي اعراض الحساسيه😷 وماينفعش تاخد المضاد الحيوي تاني⛔.

◀ والاعراض دي بتظهر اول 🕐 ماتستخدم المضاد الحيوي او ممكن تظهر بعد الاستخدام بيوم☝🏼 او يومين✌🏼.
👍🏼وعشان كده بيتطلب منك تعمل اختبار حساسيه🔬 للمضادات الحيوية اللي بتتاخد حقن💉 قبل ماتخدها.
لو حبيت تستفسر عن أى حاجة خاصة بالموضوع ده أو موضوع دوائى تانى يا ريت تملى الأبليكشن دى
https://goo.gl/forms/FpeiwlhumTnp4Ceq2

ماتنسوش اللايك👍🏼 والشير📬 وتابعوا #اجزخانجي عشان نفهم اكتر عن #الادوية.

صفحة صيدلانية خاصة بإجابة تساؤلات المرضي عن العلاجات الدوائي

29/04/2018

#اجزخانجي