💉 خد التطعيم… وحافظ على نفسك من تعب الإنفلونزا ومضاعفاتها 🙏
دمتم سلامى الصدر
د. بهاء عبيد
10/08/2025
🐶 عضة كلب… ومريض صدر؟! اقرأ قبل ما تقلق 🫁💉
لو اتعرضت لعضة أو خدش من كلب أو قطه أو اى حيوان ، اللقاح هو خط الدفاع الأول…
ومرضى الصدر مش استثناء! 💪
🔹 التوصيات الجديدة لوزارة الصحة:
الجرعات بقت 4 بس بدل 5 (أيام: 0، 3، 7، 14)، مع إعطاء المصل ، في الحالات الشديدة و ممكن تكون جرعات اللقاح 3 بس لو الحيوان بيتى و تابعته 10 ايام و محصلوش حاجه .
🔹 طيب ومرضى الصدر؟
مريض الربو، السده الرئويه المزمنه ، أو أي مرض مزمن في الرئة يقدر ياخد اللقاح بأمان.
حتى لو بتاخد كورتيزون بخاخ أو أقراص، ده مش مانع… لكن لازم تبلغ الطبيب.
في حالة نقص المناعة الشديد (جرعات عالية من الكورتيزون أو علاج بيولوجي)، ممكن يحتاج الطبيب جرعة إضافية أو فحص للأجسام المضادة.
💡 ليه مهم ما نتأخرش؟
فيروس السعار قاتل بنسبة 100% بعد ظهور الأعراض… لكن يمكن الوقاية منه بنسبة 100% لو خدت اللقاح والمصل في الوقت الصح.
📌 نصيحة ذهبية:
حتى لو مريض صدر، ما تنتظرش ولا ساعة بعد العضة… اغسل الجرح كويس، وروح أقرب مستشفى أو وحدة صحية فورًا.
❤️ حافظ على نفسك… وحافظ على رئتك… واحمي حياتك.
دمتم سلامى الصدر
د. بهاء عبيد
17/07/2025
🫁💨 ليه علاج الربو لوحده مش كفاية؟
ناس كتير بتستغرب: "باخد علاج للربو بانتظام.. بس لسه بكتم وبنهج!"
السر هنا إن في عوامل تانية ممكن تكون بتزود الأعراض 👇
🔍 لو عندك ربو، لازم كمان تراجع الحاجات دي:
👃 التهاب الجيوب الأنفية
لو أنفك مسدودة على طول أو عندك إفرازات كتير، ده بيزود كتمة النفس!
⚖️ السمنة
الوزن الزايد بيضغط على الرئة.. وبيخلي التحكم في الربو أصعب.
😟 القلق والتوتر
الحالة النفسية ليها دور كبير في شدة الأعراض والهجمات.
😴 توقف التنفس أثناء النوم (OSA)
لو بتشخر جامد أو بتحس بتعب شديد الصبح.. لازم تتأكد إنك مش مصاب بتوقف التنفس الليلي!
📌 الخلاصة:
الربو مش بس بخاخ.. لازم نعالج أو نتحكم في المشاكل المصاحبة عشان نتنفس بسهولة ونعيش براحة! 🫶
دمتم سلامى الصدر
د. بهاء عبيد
10/07/2025
🌀 هل ابنك بيعاني من حساسية صدر موسمية؟ وبتسأل نفسك: يا ترى هتروح لما يكبر؟ 🌀
📌 الإجابة:
في كتير من الحالات، أيوه… بتروح أو على الأقل بتخف جدًا مع الوقت 🙏
وده بسبب إن الجهاز التنفسي والمناعة بيبقوا أقوى مع النمو، لكن في حالات تانية ممكن تستمر خصوصًا لو فيه تاريخ وراثي أو نوبات متكررة.
💡 علامات كويسة إنها ممكن تختفي: ✅ الأعراض خفيفة وموسمية بس
✅ استجابة سريعة للعلاج
✅ مافيش نوبات شديدة أو دخول مستشفى
📌 نصيحة مهمة: كل ما بدأنا علاج ووقاية بدري، كل ما زادت فرصة التحسن مع الوقت 💪
وتابع دايمًا مع دكتور صدر متخصص.
دمتم سلامى الصدر
د. بهاء عبيد
#الصدرية
04/07/2025
🌾 عندك طيور زينة في البيت؟ أو بتشتغل في مزرعة أو مصنع؟ ممكن يكون نفسك تعبان بسبب حاجة بسيطة مش واخد بالك منها!
🫁 في مرض اسمه "التهاب الرئة التحسسي الخارجي" أو "حساسية الرئة من البيئة"، وده بيحصل لما الجسم يتحسس من حاجات زي:
🐦 ريش الطيور – خصوصًا الحمام والببغاوات
🌾 تراب المزارع أو الحبوب
🚿 البخار من أجهزة التكييف أو السخانات القديمة
🧴 بعض المواد الكيماوية في المصانع
👇 الأعراض:
كحة جافة مستمرة
ضيق في النفس بيزيد مع الوقت
تعب عام وحرارة خفيفة
وأحيانًا فقدان وزن أو فقدان شهية
🩺 لو الأعراض دي بتحصل لك بعد التعرض لحاجات معينة... لازم تستشير دكتور صدر فورًا!
✅ العلاج الأساسي هو:
🔹 الابتعاد عن السبب
🔹 علاج دوائي مناسب حسب الحالة
📣 شارك البوست ده مع أي حد عنده طيور أو بيشتغل في بيئة معرضة لغبار أو بخار أو مواد كيميائية. ممكن تنقذ رئته!
دمتم سلامى الصدر
د. بهاء عبيد
26/06/2025
🧠 تعرف إيه هو اللونج كوفيد ( long COVID )؟
(يعني أعراض كورونا اللي بتفضل حتى بعد ما تخف)
رغم إن ناس كتير بتخف من كورونا خلال أسبوعين، في بعض الناس بتستمر معاهم الأعراض أسابيع أو شهور بعد التعافي، وده بنسميه Long COVID أو "الكورونا الممتدة".
👇 أشهر الأعراض اللي ممكن تفضل:
تعب وإرهاق مستمر حتى مع الراحة
نهجان أو كتمة نفس
صداع أو زغللة في التفكير (brain fog)
ضربات قلب سريعة
صعوبة في النوم
اكتئاب أو توتر
آلام في الجسم أو المفاصل
مشاكل في المعدة أو الأمعاء
❗ممكن تحصل لأي حد، حتى لو كانت الإصابة خفيفة أو من غير أعراض!
🩺 لو حسيت بالأعراض دي مستمرة بعد الكورونا، متسكتش... روح للدكتور. في طرق للمساعدة والعلاج.
🎯 هدفنا:
توعية الناس بإن التعب المستمر له سبب حقيقي
وتأكيد إن "اللونج كوفيد" مش وهم!
#كورونا
دمتم سلامى الصدر
د. بهاء عبيد
24/06/2025
> 🤧 كحة بقالها أكتر من 3 أسابيع ؟
مش لازم تكون برد عادي. !
Be the first to know and let us send you an email when د.بهاء عبيد- امراض صدرية posts news and promotions. Your email address will not be used for any other purpose, and you can unsubscribe at any time.
