13/11/2025
🚨 حد لسه فاكر إن مقاومة الإنسولين يعني “سكر” أو “مرض”؟
لا يا سيدي دي قصة تانية خالص 😎
بص بقى يا جميل…
علشان نفهم يعني إيه مقاومة إنسولين، لازم الأول نفهم الإنسولين نفسه بيعمل إيه 👇
كل لما ناكل حاجة فيها نشويات أو سكريات (عيش، رز، مكرونة، بطاطس، فاكهة، حتى العسل 😋)
الجسم بيحولها لـ “جلوكوز” — اللي هو ببساطة الطاقة اللي المفروض الجسم يشتغل بيها 💪
وهنا يدخل البطل بتاعنا:
💉 “الإنسولين”
الهرمون اللي بيفتح للخلايا الباب وتقول للجلوكوز: “اتفضل نورتنا” 😂
بس لو الإنسولين فضل شغال طول اليوم — فطار، سناك، عصير، كوباية قهوة بسكر، غدا، لقمة قبل النوم —
الخلايا بعد شوية تقول له:
“كفاية شغل يا عم إحنا مش فاضيين!” 😅
وهنا تبدأ مقاومة الإنسولين 😬
يعني الإنسولين لسه موجود، بس الخلايا بطلت تسمع كلامه!
فالسكر يفضل عالي في الدم، والجسم يقول:
“فيه طاقة، بس مش عارف أستعملها” 😩
وساعتها الجسم يبدأ “يخزن” الطاقة الزيادة دي…
بس يخزنها في شكل دهون حوالين البطن والجوانب والخصر
علشان كده تلاقي ناس تقولك “أنا باكل قليل جدًا وبرضو بطني مش بتروح” 🙈
وتبدأ الأعراض:
🔴 تعب ودوخة بعد الأكل
🔴 جوع متكرر أو رغبة في الحلويات
🔴 ثبات وزن غريب رغم إنك بتاكل قليل
🔴 سمنة متركزة في البطن
🔴 واسمرار بسيط في الرقبة أو تحت الإبط
🔴الزوائد الجلدية الصغيرة
🔴ارتفاع ضغط الدم والكوليسترول والدهون الثلاثية في الدم
طيب الحل؟ 👇
ولا محتاج دواء ولا وصفة سحرية
كل اللي محتاجاه إنك تريّحي الجسم شوية من الإنسولين ⏳
✅لازم تنزل وزنك .. هيبقى صعب في الاول بس كل ما هتبدأ وتظبط أكلك كل ما هتلاقى الاستجابة بقت احسن والنزول هيبقى اسهل
✅ قلل السكر والدقيق الأبيض
✅ خلي بين الوجبات فاصل كويس
✅الصيام المتقطع .. فعال جدا
✅ اتحرك حتى لو مشى نص ساعة كل يوم / الرياضة ثم الرياضة ثم الرياضة هي اهم خطوة للسيطرة على مقاومة الإنسولين
✅ نام كويس
✅ واهدى على نفسك… الجسم محتاج وقت علشان يرجع يسمع الكلام ❤️
وساعتها هتلاقي الوزن بيتحرك، والطاقة راجعة، والمزاج اتحسّن 😉
