🌹 استشاري طب الاطفال وحديثي الولادة
🌹 دكتوراه طب الاطفال كليه الطب ومستشفيات جامعه الزقازيق
🌹 استشاري دولي الرضاعه الطبيعيه
🌹 دبلومه الجمعيه الاوروبيه لامراض وزراعه الكلي في الاطفال
03/11/2025
ليه الطفل اثناء التسنين بيخبط رأسه ويشد فى الأذن 👂
ده بيكون بسبب ان الم الأسنان بيكون معاه الم مرتجع فى العصب الخامس اللى بيمد الوجه والرأس بالأعصاب فبيسمع فى الرأس والأذن فيبدأ الطفل يشد فى الأذن 👂
العلامات الأخرى المصاحبة للتسنين 😄
٢-ارتفاع بسيط فى درجة الحراره
٢-البراز بيكون سايب عن العادى
٣-عصبيه وقريفه من الطفل ورياله زياده بالفم 😪
امتى نقلق ونروح لدكتور
١-لو الحراره شديدة ومحتاجة خافض
٢-الطفل حالته بتسوء او فى افرازات او صديد من الأذن 👂
٣-مصاحب اسهال شديد او ترجيع 🤢
د امل الجوهرى مدرس واستشارى طب الأطفال وحديثى الولادة #امهات
25/10/2025
ابنى مبيخفش من البرد !!؟؟؟؟اشهر الأمراض اللى بتذيد فى فصل الخريف مع تغير الجو اعراض حساسية الأنف فى الأطفال 🥲
الشكوى الأساسية من الام ان الطفل مبيخفشمن البرد و الأنف سايب طول الوقت وعينه تحتها اسود وبيسخر وهو نايم وأوقات فاتح فمه وعينه ديما حمراء ومدمعه كل دى اعراض لحساسية الأنف 👃🤧🤧
وعاده بتلاقى حد فى الاسره عنده حساسيه انف لانها وراثيه 🤝
العلاج الاساسي ليه بعد التشخيص الصحيح
١-تجنب المسببات لهياج الحساسية زى البخور ودخان السجاير والعطور وأوقات كتير الحيوانات الاليفه 👍
٢-مضادات الحساسية ✅
٣-بخاخات الأنف العلاجية من مضاد الحساسية والكورتيزون الموضعى وليس بخاخات ماء البحر لانها غسول للانف فقط 👍✅
امتى نحتاج نروح لدكتور حساسية ومناعة لتلقى علاج مناعى للحساسية
١-لو اعراض حساسية الأنف شديدة وغير مستجيبه للعلاج 🥲🤝
٢-لو الطفل عنده حساسية جلد او طعام مصاحبه ليها وقتها بيتحسن فعلا مع العلاج المناعى بالتعرض التدريجى للمثير للحساسية 😇
احفظوا الفيديو وشاركوه للفايدة
د امل الجوهرى مدرس واستشارى طب الأطفال وحديثى الولادة
21/10/2025
مرض الكوزاكى الخطير Kawasaki disease اللى اصاب ابن الفنان حمزه نمره وازاى نفرق بينه وبين الحمى القرمزية 👍
د امل الجوهرى مدرس واستشارى طب الأطفال وحديثى الولاده
#امهات #الحمى _القرمزية
18/10/2025
الطريقة الصحيحة لاستخدام الشفاط اليدوى بحيث يشفط اللبن بشكل فعال ✅✅
لتجنب الألم او نقص أدار اللبن #امهات
د امل الجوهرى مدرس واستشارى طب الأطفال وحديثى الولاده استشارى الرضاعة الطبيعية ✅
16/10/2025
الطريقة العلمية الاقتصادية اللى اقدر ادى بيها لطفلى كل التطعيمات الإضافية فى مصر بانى اوفر بس ٢٥٠ج كل شهر ✅😇 تطعيم الروتا وتطعيم المكورات الرءوية 👍
د امل الجوهرى مدرس واستشارى طب الأطفال وحديثى الولادة
✅ #امهات #صحه
14/10/2025
دكتوره أنا بجرى ورا ابنى بالأكل طول النهار وباكله بالعافيه 😅🥲 لو معملتش كده مبياكلش
الطفل العنيد فى الاكل وخاصة لو عايز حاجات معينه زى الحلويات والشيبسي ده عنده انتقاء يعنى بياكل بمزاجه 👍
الحل فيه نقلل وجود الحلويات فىً البيت ويقعد معانا واحنا بناكل ونتجاهله تماما ومنربطش الاكل بمكافآت لانه تصرف طبيعى وخلال أسبوعين لشهر هيتعرد الموضوع محتاج صبر 👍
أنا لا أنسى ابن عمى واحنا صغيرين اعترض على الاكل والدته قالتله قوم منتش واكل مدام مش عاجبك وسابته للعشاء بدون لوم وعلى العشا جاع واكل من الاكل اللى كان مش عاجبه الموضوع فى جانب نفسي الطفل عايز يسيطر 🥲👶
د امل الجوهرى مدرس واستشارى طب الأطفال وحديثى الولادة
#امهات #أطفال
11/10/2025
الطفل اللى رافض البيبرونة وماما فى الشغل طرق نقدر ندى بيها اللبن لطفلك 😇👦🏻
اولاً لبن الام نقدر نديه فى كوب يشربه الطفل فى الكوب وفى الجو الشتوى ممكن يظل خارج الثلاجة ل ٤ساعات ✅
٢-نديلو كعصير فاكهة 🍇
٣-نديلو كوجبة على ارز مسلوق او سريال ويأكله بالمعلقة 👦🏻😇
اللبن المتجمد بينزل من الفريزر يتحط على رف الثلاجة لحد ميفك ثم يستخدم خلال ٢٤ساعة ✅
دمتم بخير
د امل الجوهرى مدرس واستشارى طب الأطفال وحديثى الولادة واستشارى الرضاعة الطبيعية #امهات
14/07/2025
22/06/2025
👶💉 ليه الكلكوعة اللى ظهرت مكان تطعيم طفلك مش حاجة تخوّف؟!
ناس كتير بتقلق لما يشوفوا تورم أو خراج صغير بعد تطعيم الدرن (BCG) عند الرضع…
بس الحقيقة إن دي حاجة طبيعية جدًا وبتحصل علشان الجسم بيكوّن مناعة ضد الدرن 💪🔥
تطعيم الدرن بيتاخد جرعة واحدة فى اول ٣شهور من عمر الطفل فى الجلد بيبقى وقاية من مرض السل اللى بيأثر على الرئتين بشكل أساسي 👩🏻⚕️👍
❗ مضاعفات تطعيم الدرن الممكن تحصل:
• 🔹 تورم بسيط مكان الحقنة (الكلكوعة)
• 🔹 خراج صغير فيه صديد خفيف
• 🔹 ندبة مكان التطعيم (ودي طبيعية وبتفضل مدى الحياة)
• 🔹 نادرًا: سخونية أو خمول
🙋♀️ امتى نروح للدكتور؟
• الكلكوعة كبرت جدًا أو فيها صديد كتير
• ارتفاع في درجة الحرارة مستمر
• تورم كبير في الغدد
📌 التطعيم ده مهم جدًا لحماية أطفالنا من مرض خطير ممكن يسبب مضاعفات في الرئة والمخ.
د امل الجوهرى مدرس واستشارى طب الأطفال وحديثى الولادة كلية الطب جامعة الزقازيق
18/06/2025
هدية 🎁 غالية 🥰
من طفلة جميلة بدأنا معاها الرحلة من مشاكل فى الصفراء تكسيرية بالدم واحتجنا لحجز بالحضانة وعلاج بالأجسام المناعية لحد بفضل الله ما اتحسنت وبعدها كان فى مشاكل فى الرضاعة الطبيعية وواحدة واحدة وصلنا لرضاعة طبيعية كاملة ونمو ممتاز بفضل الله وانهارده عمرها شهرين وزارتنا للمتابعة ومعاها الهدية الجميلة ❤️🌹🤱👶
الحقيقة فى الفترة الأخيرة ارتفاع الوعى عند الزملاء الاطباء وعند الاهل من آباء وأمهات بقى حاجة تفرح من اهتمام بالطفل واستمرار الرضاعة الطبيعية على قد مايقدروا علشان مناعة الطفل 👍👩🏻⚕️ والوعى بنمو الطفل ومراحل تطوره والتمييز بين الصح والمنتشر من بعض المعتقدات اللى اتغيرت 🙏
اللهم استخدمنا ولا تستبدلنا والحمد لله اولاً واخيراً وربنا يحفظ الاطفال كلهم 🥰
د امل الجوهرى
مدرس واستشارى طب الأطفال وحديثى الولادة كلية الطب ومستشفيات جامعة الزقازيق
واستشارى الرضاعة الطبيعية
#امهات #اطفال
Be the first to know and let us send you an email when عيادة د. امل الجوهري لطب الأطفال posts news and promotions. Your email address will not be used for any other purpose, and you can unsubscribe at any time.
