04/08/2020
كلام مهم جدا لكل سيدة حامل
اهلا وسهلا بيكوا
ورجعنا نتكلم تانى عن الغذاء الصحى السليم اللى حضرتك محتاجة خلال فترة الحمل لسلامتك وسلامة طفلك.
نحب نفكر حضرتك أن البروتينات من الحاجات المهمة لبناء جسم جنينك والكالسيوم كمان علشان العظم.
اما بقى الفيتامينات فحضرتك بتخديها علشان تساعد خلايا الجسم انه يؤدى وظيفته على أكمل وجه.
عايز اقول لحضرتك الفرق بين السكريات والنشويات المعقدة زى المكرونة الرز البطاطس العيش الاسمر :السكريات بتديكى طاقة سريعة لكن لفترة قصيرة اما النشويات المعقدة زى العيش فبتدى طاقة وسعرات حرارية بسيطة لكن لفترة أطول، لكن مانحبش نزود منها علشان نحافظ على الوزن.
وجبة الفطار:
بالنسبة للسيدات اللى بتاكل سكريات فى الصباح فيستحسن بلاش منها ويفضل انك تبداءى فطارك بالبقسماط او عيش التوست وبعد كدة ممكن تكملى فطارك عادى جدا زى العيش الاسمر فيه فيتامينات والياف تمنع حدوث الإمساك، والفول طبعا مهم جدا لانه غنى بالبروتين الضرورى لبناء جسمك وجسم طفلك بالإضافة لذلك اللبن اللى هنتكلم عليه بعد كدة
صباح السعادة
