د/إيمان إبراهيم أبوزيد Dr Eman Ibrahim AbuZeid أخصائى التوليد وأمراض النساء

30/11/2025

صور لمنع الحمل 🤣🤣

30/11/2025

عملت اختبار حمل و طلع إيجابي
جاية وقت البريود مش بعدها بأسبوع
طبعا مش بيظهر من على البطن
عملنا سونار مهبلى لحد م شوفناه

25/11/2025

فى غدة فى الجسم اسمها الغدة الكظرية موجودة فوق الكلى

الغدة الكظرية ليها دور مهم في توازن الهرمونات في الجسم، وأي خلل فيها ممكن يسبب تأخر في الحمل بشكل مباشر أو غير مباشر.

إزاي خلل الغدة الكظرية ممكن يأثر على الإنجاب؟

🔹 زيادة هرمونات الذكورة
ارتفاع DHEA و DHEA-S بيضعف التبويض ويمانع خروج البويضة بشكل طبيعي.

🔹 لخبطة هرمون الكورتيزول
الزيادة أو النقصان الشديد في الكورتيزول بيأثر على إفراز FSH و LH و بيضعف جودة التبويض.

🔹 ارتفاع 17-OH Progesterone
خصوصًا في حالات اضطراب الغدة الكظرية البسيط (CAH) وده سبب مشهور لتأخر الحمل.

🔹 اضطراب الدورة الشهرية
بسبب عدم انتظام الهرمونات الناتج عن خلل الغدة الكظرية.

🔹 تأثير غير مباشر
زيادة الوزن – مقاومة الإنسولين – التوتر المزمن… كل ده يقلل فرص الحمل.

الأعراض المحتملة

✔ لخبطة الدورة
✔ شعر زائد أو حب شباب
✔ ضعف التبويض
✔ إرهاق وتوتر
✔ زيادة أو نقصان وزن

🌟♦️🌟امتى نعمل تحليل للغدة الكظرية؟🌟♦️🌟

لو في:

تأخر حمل بدون سبب واضح
شعر زائد
ارتفاع هرمونات ذكورة
لخبطة دورة متكررة
تبويض ضعيف رغم العلاج

لو فى اى حاجة من الحاجات دى لازم استشارة الدكتورة طبعا و هى هتقولك على الخطوات اللى هنمشى عليها سواء تحاليل او علاج

25/11/2025

سيدة عندها ٤٣ سنة جاية تشتكي من وجع جامد مع الدورة و كمان ايام الدورة زادت بعد م كانت ٤ ايام بقت ٧ ايام و كمية الدم زادت
الغريبة انها تأقلمت مع كل دا و اللى جابها تكشف الالتهابات المهبلية ... الستات دول غلابة اوى والله

عملنا سونار لقينا جزء من بطانة الرحم دخل بين عضلات الرحم و دى بنسميها بطانة مهاجرة داخل الرحم adenomyosis

💢 طب ايه هو الـ Adenomyosis؟

هو حالة يحدث فيها دخول بطانة الرحم داخل عضلة الرحم نفسها، مما يؤدي إلى زيادة سُمك الرحم وحدوث آلام ونزيف شديد.

📌 أعراضها الشائعة ايه ؟؟

🚫دورة شهرية غزيرة أو تنزل مدد طويلة
🚫ألم شديد أثناء الدورة
🚫ألم بالحوض أو أسفل الظهر
🚫كتل دموية أثناء الحيض
🚫صعوبة في الحمل أحيانًا

📍 عوامل تزيد احتمالية الإصابة

الولادات المتكررة
عمليات قيصرية أو جراحات رحمية
العمر بين 35–50 سنة

🩺 ازاى بنشخصها الحالة دى ؟

السونار ثنائي الأبعاد
السونار ثلاثي الأبعاد
الرنين المغناطيسي MRI
التاريخ الطبي والفحص الإكلينيكي

💠 العلاج ايه

يعتمد على شدة الحالة ورغبة السيدة في الحمل:

مسكنات ومضادات الالتهاب
حبوب أو لولب هرموني
حقن أو أدوية تقلل هرمون الإستروجين
استئصال بؤر الأدينوميوزس أو استئصال الرحم في الحالات الشديدة جدًا

🌸 نصيحة

لو دورتك غزيرة بشكل غير طبيعي أو الألم بقى معطلك…
الفحص المبكر مهم وبيفرق في العلاج .

24/11/2025

بتيجي حالات تأخر الحمل نتابع مع بعض التبويض لحد م نتأكد من خروج البويضة و ناخد علاج لمدة اسبوعين و نعمل اختبار حمل فى الدم و ربنا بيكرم الحمد لله ❤❤

على النقيض كتير من السيدات بيبدأوا تنشيط التبويض ومايحصلش استجابة كويسة 😌😔… وده له أسباب طبية واضحة، أهمها:

🔹 1. مخزون المبيض ضعيف (Low AMH / Poor ovarian reserve)

عدد البويضات قليل أو جودتها منخفضة.
الاستجابة للتنشيط بتكون محدودة مهما عليّينا الجرعات.

🔹 2. تكيس المبايض الشديد (PCOS-resistant)

بعض الحالات ما تستجيبش بسهولة للكلوميد أو الليتروزول.
ساعات نحتاج تغيير البروتوكول أو إضافة أدوية مساعدة.

🔹 3. الوزن الزائد واضطراب الهرمونات

السمنة بتقلل حساسية المبيض للتنشيط.
فقدان وزن بسيط (5–10%) يحسّن الاستجابة جدًا.

🔹 4. خلل في هرمونات الغدة الدرقية أو هرمون الحليب

ارتفاع البرولاكتين أو اضطراب TSH يمنع التبويض مهما أخدتِ تنشيط.

🔹 5. السن فوق 35–40

جودة البويضات بتقل طبيعيًّا، فبتقلّ الاستجابة للعلاج.

🔹 6. مقاومة الجسم للأدوية (Resistance)

بعض السيدات محتاجين بروتوكولات خاصة أو حقن تناسقية متعددة.

---

🔥🔥🧪 إمتى نعيد تقييم الخطة؟

لو أخدتي 2–3 دورات تنشيط بدون استجابة.
لو حجم البويضة مش بيتجاوز 12–14 مم رغم العلاج.
لو بطانة الرحم ضعيفة مع كلوميد.

---

💥💥🩺 الحلول المتاحة

تغيير نوع وجرعة العلاج.
استخدام بروتوكولات حقن تنشيط متقدمة.
تحسين الهرمونات والغدة الدرقية.
تحسين الوزن ونمط الحياة.
التوجه للـ IVF لو المبيض ضعيف جدًا...................

عدم الاستجابة مش معناه إن مفيش أمل… المهم التشخيص المظبوط، متابعة كويسة، وتغيير الخطة حسب كل حالة. ❤❤

23/11/2025

سيدة عندها ٢٩ سنة ولدت قبل كدا مرتين وزنها زيادة لكن مفيش سمنة مفرطة جت بتشتكي من نزيف متكرر يتوقف بالعلاج ووقف العلاقة الزوجيه و يرجع مرة أخرى برجوع العلاقة و ليس له علاقة بمواعيد الدورة الشهرية
كل دا بيخلينا نكشف عليها بمنظار مهبلى لتوضيح عنق الرحم الذى تبين وجود لحمية بعنق الرحم

يعنى ايه ؟؟؟؟
لحمية عنق الرحم (Cervical Polyp)؟ ❓❓❓

لحمية عنق الرحم هي زوائد صغيرة تنمو على سطح عنق الرحم. غالبًا تكون حميدة وغير سرطانية، وتظهر غالبًا عند النساء في سن الإنجاب أو بعد الولادة.

أعراضها ايه ❓❓❓

معظم الأحيان لا تسبب أي أعراض، لكن قد تظهر:
💥نزيف خفيف بين الدورات.
💥نزيف بعد الجماع.
💥نزيف بعد الفحص النسائي.
💥زيادة الإفرازات المهبلية.

🚫🚫🚫 أسبابها المحتملة ايه 🚫🚫🚫

🍀التهابات مزمنة في عنق الرحم.
🍀تغيّرات هرمونية (زيادة الإستروجين).
🍀احتقان الأوعية الدموية في عنق الرحم.

🚫🚫🚫هل اللحمية خطيرة؟🚫🚫🚫

غالبًا حميدة ولا تتحول لسرطان إلا نادرًا جدًا.
يتم تأكيد طبيعتها بالفحص الباثولوجي بعد إزالتها.

🚫🚫كيفية التشخيص🚫🚫

💥فحص نسائي بمنظار عنق الرحم.
💥موجات صوتية إذا لزم الأمر .

🔥🔥العلاج🔥🔥

إزالة اللحمية بعملية بسيطة داخل العيادة بدون تخدير غالبًا.
تُرسل العينة للتحليل للتأكد من سلامتها.
المتابعة بعد الإزالة مطلوبة.

امتى لازم تروحى للدكتورة فورا ❓❓❓

🌡نزيف مستمر أو غزير.
🌡رائحة كريهة للإفرازات.
🌡ألم شديد أو حمى.

خلى بالك صحتك امانة و اى حاجة غير طبيعتك لازم تكشفى فورا

22/11/2025

01/11/2025

د ايمان ابوزيد اللى بتولد فى معبد النور 🤣🤣🤣🤣
لا تخافوا و لكن احذروا

01/11/2025

01/11/2025

الصغنن 💝💝

31/10/2025

بمناسبة افتتاح المتحف بكرة ان شاء الله
بنفكر نغير ديكور العيادة و نخليه كدا

30/10/2025

🔹 دكتورة ... انا عندى سخونية 🚫🚫

من الطبيعي أن تشعر الحامل بزيادة بسيطة في حرارة الجسم بسبب التغيرات الهرمونية، لكن الارتفاع الملحوظ في درجة الحرارة (أكثر من 38°م) قد يكون مؤشرًا على وجود مشكلة تحتاج للتدخل الطبي.

📌 أهم أسباب ارتفاع الحرارة أثناء الحمل:

1️⃣ العدوى (Infection):
من أكثر الأسباب شيوعًا، مثل التهابات الجهاز التنفسي، أو التهاب المسالك البولية، أو التهابات الرحم.
➡️ العدوى قد تؤثر على الجنين إذا لم تُعالج مبكرًا.

2️⃣ الإجهاد الزائد أو الجفاف:
قلة شرب الماء أو التعرض لأجواء حارة دون تعويض السوائل يرفع حرارة الجسم.

3️⃣ التهابات المسالك البولية (UTI):
شائعة جدًا أثناء الحمل بسبب التغيرات الهرمونية وضغط الرحم على المثانة.

4️⃣ الالتهابات الرئوية أو الفيروسية (مثل الإنفلونزا):
تسبب ارتفاع الحرارة مع كحة أو ضيق تنفس، وتحتاج إلى تقييم فوري.

5️⃣ أمراض المناعة الذاتية:
بعض الأمراض المزمنة مثل الذئبة الحمراء قد تسبب ارتفاع الحرارة بشكل متكرر.
__________________

⚠️ نصائح مهمة للحامل عند ارتفاع الحرارة:

راقبي درجة الحرارة بانتظام بالترمومتر.

اشربي كميات كافية من الماء.

استخدمي كمادات باردة على جانبى الرقبة و تحت الابطين.

لا تتناولي أي خافض حرارة إلا بعد استشارة الطبيب.

توجهي للطبيب فورًا إذا صاحب الحرارة ألم شديد بالبطن أو نقص في حركة الجنين.

👩‍⚕️ تذكري: ارتفاع الحرارة ليس أمرًا بسيطًا أثناء الحمل، والتعامل المبكر معه يحميكِ ويحمي جنينك

❤❤