11/10/2025
Este venres 17/10 vémonos compartindo en familia taller "EMOCIÓNS EN MOVEMENTO"
"Un obradoiro en familia para explorar, identificar e compartir sensacións a través do corpo, o movemento, a danza e a respiración, con técnicas e dinámicas acompañadas pola música, a pintura e diversos materiais que nos axudarán a expresarnos, conectar, divertirnos en familia e atopar camiños para comezar a xestionar as nosas emocións".
Inscrición carballo.gal
As concellarías de Igualdade e Normalización Lingüística continúan a traballar en diferentes iniciativas coas que queremos contribuír á crianza positiva, igualitaria e libre de violencias, empregando o galego como lingua de relación, expresión e afecto. Froito desa colaboración xorde "De landras a carballos", un proxecto de sensibilización e acompañamento ás familias que reúne diversas propostas lúdicas pensadas para favorecer o crecemento persoal e comunitario desde o respecto, a empatía e a igualdade.
Neste último trimestre do ano imos desenvolver as seguintes actividades:
👉Emocións en movemento, obradoiro práctico, impartido pola educadora social e terapeuta de danza movemento Laura Martínez Rey.
17 de outubro | 18.00 h | Escolas do Xardín Agra de Caldas | Nenas/os ata 7 anos
Inscricións en https://carballo.gal/evento/de-landras-a-carballos-emocions-en-movemento-con-laura-martinez-rey/
👉Bolboretas, espectáculo de Sole Felloza
21 de novembro | 18.00 h | Escolas do Xardín Agra de Caldas | Nenas/os a partir de 8 anos
Inscricións en https://carballo.gal/evento/de-landras-a-carballos-bolboretas-un-espectaculo-de-sole-felloza/
👉Xogando sen etiquetas, con Laura Martínez Rey
19 de decembro | 18.00 h | Escolas do Xardín Agra de Caldas | Nenas/os ata 7 anos
Inscricións en https://carballo.gal/evento/de-landras-a-carballos-xogando-sen-etiquetas-con-laura-martinez-rey/
Prazas limitadas!
