Loitamos por visibilizar a ELA e as necesidades tanto das persoas que a padecen como das súas familias, para mellorar e manter a súa calidade de vida 💚
01/12/2025
Gala benéfica en Lalín 🍀
O vindeiro 13 de decembro ás 20:30h temos unha cita solidaria no Salón Teatro de Lalín: unha gala benéfica moi especial a favor de AGAELA, onde a emoción, a música e a forza da comunidade se unirán para apoiar ás persoas con ELA e as súas familias.
A entrada é totalmente gratuíta 🎟️ e se queres acompañarnos podes recoller a túa invitación no Centro Wellness Alba Iglesias Monitora
¡Acompáñanos nesta gala e axuda a seguir impulsado a nosa labor diaria coas persoas e familias con ELA! 💚
📍Salon Teatro de Lalín
🗓️ 13 de decembro
🕣 Ás 20:30h
27/11/2025
Vémonos mañá nunha nova reapertura solidaria do Sanbrandan de Avenida de Oza 150 💚
Cada compra suma e axúdanos a continuar ofrecendo axuda, apoio e acompañamento ás case 300 persoas con ELA de Galicia e ás súas familias para que poidan mellorar e manter a súa calidade de vida.
¡Grazas pola vosa colaboración e apoio! 🍀
🥳 ¡Mañana abrimos de nuevo las puertas de nuestra panadería de Avenida de Oza!
Celebra con nosotros la reapertura:
⏰ De 09:00 a 20:00 h
🥖 Degustación gratuita de nuestros productos.
Además, todo lo recaudado mañana irá destinado a Agaela Galicia , para apoyar a las personas afectadas por ELA y sus familias.
¡Ven y únete a esta iniciativa ! ✨
27/11/2025
GRAZAS 🍀
Dende AgaELA queremos agradecer á Irmandade da Santísima Virxe dos Dolores e Soidade de Cangas do Morrazo polo seu donativo de 300€ á nosa asociación.
É unha honra contar con xestos solidarios que manteñen viva a esperanza e impulsan os nosos proxectos.
O voso apoio axúdanos a seguir loitando cada día para seguir mellorando a calidade de vida das persoas con ELA e das súas familias.
Grazas por camiñar ao noso carón 💚
25/11/2025
II Xornada formación “Convivir coa ELA: comprender, coidar e acompañar” 💻
O pasado venres cerramos a nosa última xornada formativa cun encontro no que profundizamos na dimensión psicosocial da ELA.
Contamos coa intervención das nosas psicólogas, Yolanda e Elena, que abordaron a xestión emocional, o estrés, a resiliencia e a importancia do autocoidado nas persoas coidadoras e familias.
Ademais, a nosa traballadora social, Araceli, explicou os recursos e dereitos sociais dispoñibles en Galicia, ofrecendo información clara e actualizada sobre prestacións e axudas técnicas para apoiar ás persoas con ELA no seu día a día.
Unha sesión moi valorada polas persoas asistentes, que atoparon respostas concretas ás necesidades reais do seu día a día.
Grazas a todas as persoas asistentes, tanto presencial como en liña, pola vosa participación e interese.
Un agradecemento especial a Airas Catering que se encargou de preparar o catering para o descanso ☕️
Seguimos traballando para que as persoas que conviven coa ELA teñan acceso a ferramentas útiles, apoio emocional e información clara e actualizada sobre os trámites que conleva a enfermidade: acompañando, comprendendo e construíndo 🍀
30º aniversario ACEM - Asociación Compostelá de Esclerose Múltiple, Párkinson, ELA e outras 💚
Esta fin de semana foi a celebración do trinta aniversario dos nosos compañeiros e compañeiras de ACEM e alí estiveron a nosa directora, Vanesa, e a nosa vicepresidenta, Susi, xunto cos seus acompañantes.
Queremos expresar o noso máis profundo agradecemento á cadea OCA Hotels e en especial ao Hotel OCA Puerta del Camino por facilitar unha estancia adaptada para catro persoas, permitindo que Susi poidese estar arroupada nesta ocasión tan significativa.
Un xesto de enorme solidaridade e compromiso social, que contribúe a facer máis accesible a participación e a visibilidade das persoas con ELA. Grazas de corazón por facelo posible 💚
Queremos felicitar tamén a ACEM por estes 30 anos de traballo compartido, pola súa forza e pola inmesa labor que realizan día a día. E facer unha mención moi especial a Susi, que recibiu o pin de prata de ACEM, compartindo recoñecemento coa alcaldesa de Santiago, Goretti Sanmartín, a conselleira de Política Social e Igualdade, Fabiola García, a Policía Nacional, o CiMUS, o xefe de Neuroloxía do CHUS e tantas outras entidades e persoas referentes.
Un recoñecemento máis que merecido para quen, nas palabras de ACEM que tamén facemos nosas, é "unha persoa incrible e marabillosa, que todos os que temos o placer de coñecer nos cambiou a vida e nos marcou; unha das persoas máis marabillosas que existen nesta terra”.
¡Parabéns compañeiros e compañeiras! Por outros 30 anos máis (como mínimo) de loita compartida, compromiso e esperanza igrazas por todo o que facedes polas persoas con ELA e as súas familias!
Seguimos unindo forzas porque xuntos somos máis fortes, xuntos chegamos máis lonxe 🍀
19/11/2025
GRAZAS 🍀
Dende AgaELA queremos expresar un inmenso agradecemento a Radio Monforte por tan xeneroso donativo.
Con este apoio achegamonos un pouco máis ao noso obxectivo: mellorar a calidade de vida das persoas afectadas pola ELA e as súas familias.
Cada xesto conta, cada euro suma e, xuntas e xuntos, continuaremos traballando para concienciar e apoiar ás persoas que máis o necesitan, construíndo un futuro con máis esperanza e melloras para todas elas.
Grazas por camiñar sempre ao noso carón Radio Monforte 💚
18/11/2025
I Xornada Formación “Convivir coa ELA: comprender, coidar e acompañar” 💻
O pasado venres 14 celebramos no CEGADI o acto inaugural da nosa formación, un encontro cheo de aprendizaxe, apoio e compromiso coa comunidade.
Contamos coa presenza de Antón Acevedo, director xeral de Maiores e Atención Sociosanitaria da Xunta de Galicia, e con María Rozas, tenente de alcaldesa e Concelleira de Dereitos e Servizos Sociais, Promoción Económica e Xuventude do Concello de Santiago.
Tralo acto inaugural deu comezo o primeiro bloque formativo coa intervención da Dra. García Sobrino, neuróloga coordinadora da Unidade ELA do CHUS, que ofreceu unha visión clara, accesible e rigorosa sobre a ELA, a súa evolución e os tratamentos dispoñibles, permitindo entender mellor a realidade clínica da enfermidade.
Leváronse a cabo tres obradoiros prácticos:
💪🏽 Fisioterapia con Maria Carbia: cambios posturais, transferencias e prevención de lesións.
🗣️ Logopedia con Impulsa Neuro : estratexias e consellos para mellorar a comunicación, a deglución e a fala.
🧩 Terapia Ocupacional con Victoria Búa: adaptacións do fogar e produtos de apoio.
A formación continúa o vindeiro venres 21 cunha xornada centrada na dimensión psicosocial e a rede de apoios na ELA coas psicologas e traballadora social da nosa asociación.
Grazas a todas as persoas asistentes polo interese e compromiso. Se queres unirte á próxima xornada, ainda estás a tempo ¡podes facelo no seguinte enlace https://forms.gle/oj7e9koa5hqbeeXD9 🔗
Mención especial para Airas Catering pola súa xenerosa colaboración ao ofrecernos o seu catering para o descanso da nosa formación ¡grazas! 💚
Queremos expresar nuestro más profundo agradecimiento a Sanbrandan por realizar, por tercera vez consecutiva, esta admirable iniciativa de donar todo lo recaudado en un día a la asociación.
Su compromiso y solidaridad marcan una gran diferencia y nos dan fuerzas para seguir luchando por mejorar la calidad de vida de las personas que conviven con la ELA cada día.
¡Gracias por apoyar nuestra causa! 🍀
13/11/2025
Desfile benéfico pola ELA✨
O vindeiro 29 de novembro ás 19:00h, o Círculo de Artesáns da Coruña encherase de moda, solidaridade e esperanza.
O certame Mrs. +30 Spain organiza un desfile benéfico para dar visibilidade á ELA e recadar fondos para a nosa Asociación que nos axuden a seguir ofrecendo os servizos de apoio e acompañamento ás persoas afectadas por esta enfermidade e ás súas familias.
Énchenos de alegría compartir unha gran nova: AGAELA incorpórase ao Cluster Saúde de Galicia, CSG 💚
Formar parte da permítenos seguir medrando xunto a entidades comprometidas coa saúde, a innovación e o benestar das persoas.
Dende AgaELA continuamos traballando para mellorar a calidade de vida das persoas afectadas pola ELA e das súas familias, impulsando a investigación e promovendo unha sociedade máis solidaria e consciente.
Grazas ao CSG pola cálida benvida. Estamos encantados de sumar esforzos e de seguir construíndo xuntos unha Galicia máis humana, colaborativa e saudable 🤝🍀
11/11/2025
Kilómetros pola ELA 👣🍀
De Arcade a Pontevedra, 14km pola ELA, por todas as persoas que conviven cada día con esta enfermidade, para recordarlles que non están sos nesta loita.
Cada paso foi unha mensaxe de apoio, unha maneira de dicir: camiñamos sempre ao voso carón. Porque o camiño faise máis levadeiro cando se percorre en compañía e porque a solidaridade é o mellor impulso para seguir loitando.
¡Grazas a todas as persoas que estivestedes participando, colaborando e apoiando! 💚
Sé el primero en enterarse y déjanos enviarle un correo electrónico cuando Agaela Galicia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.
ASOCIACIÓN GALEGA DE ESCLEROSE LATERAL AMIOTRÓFICA - AGAELA
A asociación galega de afectados de esclerose lateral amiotrófica, AGAELA, é unha entidade sen ánimo de lucro que opera en todo o territorio galego.
Os nosos obxectivos son:
Ofrecer un servizo sociosanitario dende un enfoque multidisciplinar e integral, que garantice a proximidade, calidade, eficacia á hora de satisfacer as necesidades que teñen unha persoa con ELA e a súa familia.
Sensibilizar aos diferentes sectores implicados no proceso da enfermidade, a opinión pública e a administración dos problemas de prevención e tratamento destas enfermidades, así como promover os cambios de actitude social que permitan unha mellora na calidade de vida dos enfermos crónicos.
Estimular e promover a investigación científica, para mellorar as posibilidades terapéuticas e rehabilitadoras.
Dar a coñecer os seus dereitos e beneficios a todos os niveis, tanto a enfermos como a familiares, potenciando a utilización de todos os canais de información e sistemas de axuda, para proporcionar a plena integración.
Promover actuacións que favorezcan a superación e o alivio das barreiras físicas e/ou psicolóxicas que conleva a enfermidade.
Cubrir as necesidades de información, asesoramento e orientación sobre todo o relacionado coa ELA, así como atender directamente aos diversos problemas físicos, psicolóxicos, rehabilitadores, sociais, laborais, xurídicos, de formación, ocio, etc… que conleva esta enfermidade.
