10/12/2025
Desde a Área de Muller EU Lugo e EsquerdaUnida Lugo amosamos a nosa máis firne condea as condutas de acoso e abuso denunciadas contra José Tomé Roca por mulleres do PSOE.
Esiximos a súa inmediata dimisión, non só como Presidente da Deputación de Lugo, se non tamén como Alcalde de Monforte de Lemos.
Esquerda Unida amosa a súa máis absoluta condena polas acusacións de acoso sexual de varias mulleres do PSOE contra o Presidente da Deputación e Alcalde de Monforte de Lemos, José Tomé, e esixe a súa dimisión inmediata.
Coñecida a noticia de que varias militantes do Partido Socialista denunciaron, vía canal interno do partido, situacións de acoso sexual e condutas inapropiadas de abuso por parte do máximo responsable do PSOE de Lugo, José Tomé Roca, desde Esquerda Unida, a súa Coordinadora Comarcal, Isabel Sánchez, “reclama a dimisión inmediata e a depuración de todas as responsabilidades ata as últimas consecuencias”.
A responsable de Institucional en EU, Chus Rodríguez, pola súa banda, amosa a máis “absoluta indignación porque, unha vez máis, as canles internas do PSOE semellan non ter funcionado”, despois de que as mulleres denunciantes queixaran que esta situación víñase prolongando desde hai tempo, mentres os responsables do PSG eran coñecedores das mesmas.
Isabel Sánchez enfatiza que “se se demostra que Besteiro e Lara Méndez coñecían o que estaba a pasar deben asumir as súas responsabilidades e dimitir igualmente”.
Finalmente, neste comunicado, desde Esquerda Unida queremos amosar o noso total apoio ás vítimas, pois a nosa organización que é feminista e anticapitalista está coas mulleres, está do lado das vítimas e está en contra do machismo institucional, que sustenta comportamentos despreciables coma estes, dos que se acusa ao Presidente da Deputación de Lugo, e Alcalde de Monforte de Lemos.
