Servicis Assistenciaus Integrats d'Aran

Casa
España
Viella
Servicis Assistenciaus Integrats d'Aran

Sistèma sanitari e sociau integrat deth Conselh Generau d'Aran.

06/03/2026

Aguest dijaus, ena Bibliotèca Generau de Vielha, auem amiat a tèrme era exposicion dera 2au edicion de Sabers Collectius “Suenhar ei sostier era vida”, atau coma era presentacion dera revista sus eth procès dera sua elaboracion.

Aguesta activitat a consistit ena exposicion de rotes aqueres creacions realizades enes desparièrs talhèrs que s’amièren a tèrme entre es mesi d’octobre e deseme, damb: husta, ceramica e textil.

Atau madeish, se presentèren es creacions de linogravats vinculadi as actes deth 25-N (Dia Internacionau Dera Eliminacion dera Violéncia Contra era Hemna).

Enguan auem centrat eth debat enes suenhs: aguesti gèsti de cada dia que mos estaquen damb ues autes persones, qu’includissen as familhes e ara comunitat, que mos acompanhen ena vida… e que, maugrat açò, fòrça còps son invisibilizadi.

04/03/2026

🏥💙 Aué, 4 de març, ei eth Dia Mondiau dera Obesitat. D’ençà des Servicis Assitenciaus Integrats d’Aran mos somam ara crida internacionau impulsada pera World Obesity Federation entà promòir era prevencion, eth diagnostic oportun e eth tractament integrau dera obesitat.

Parlam d’ua malautia cronica e multifactoriau qu’impacte significativament ena salut fisica e emocionau des persones. Ei associada a un màger risc de desvolopar diabetes tipe 2, malauties cardiovasculares, ipertension arteriau e d’autes complicacions que pòden afectar era qualitat e esperança de vida.

Coma institucion der encastre dera salut, reafirmam eth nòste compromís de brindar atencion professionau, acompanhament interdisciplinari e educacion entà fomentar abituds saludables.

Promoiguem ua alimentacion equilibrada, era activitat fisica regulara e eth suenh dera salut mentau coma pilars fonamentaus entara prevencion.

Convidam ara comunautat a apropar-se as nòsti servicis entà arrecéber orientacion e supòrt. En tot trabalhar amassa, podem bastir entorns mès saludables e melhorar era qualitat de vida des nòsti pacients e es sues familhes.

28/02/2026

🩷 Aué, 28 de hereuèr, en Dia Mondiau des Malauties Rares, lheuam era votz per milions de persones e familhes que conviuen cada dia damb malauties pòc frequentes. Visibilizar, apuar era investigacion e promòir er accès a un diagnostic e tractament oportun ei fonamentau. Amassa podem bastir ua societat mès inclusiva, solidària e empatica.

27/02/2026

Aguesta setmana s’a amiat a tèrme era activitat “Airines e arnesi antics deth camp e dera casa” en Es Bòrdes, vinculada ath programa “Ligams” qu’ei promocionat peth Conselh Generau d’Aran e coordinat per airau sociau entà combàter era Soletat Non Voluda e orientat a promòir activitats comunitàries as municipis, damb er objectiu de generar espacis grupaus d’amassada, relacion e participacion.

Aguesti espacis non solaments fomenten era coesion e eth supòrt comunitari, senon que tanben faciliten era deteccion de possibles situacions de solitud non desirada, en tot perméter restacar es persones identificades a recorsi, activitats grupaus e dinamiques comunitàries que favorisquen eth sòn benèster e eth sòn includiment sociau.

Volem arregraïr era collaboracion der Ajuntament d’Es Bòrdes entà qu’aguesta activitat siguesse un succès.

24/02/2026

👩‍🦰 Eth Conselh Generau d’Aran presente eth programa d’activitats restacades damb eth Dia Internacionau dera Hemna deth 8 de març.

Es actes, qu’enguan viren ath torn des diferentes manères de cuedar, auràn lòc deth 5 ath 8 de març damb exposicions, charrades e era 12au Corsa dera Hemna.

Es Servicis Assistenciaus Integrats d’Aran an elaborat eth calendari d’activitats restacat damb eth Dia Internacionau dera Hemna, que se celèbre eth 8 de març.

Entà commemorar aguesta jornada, es dies 5, 6 e 8 de març i aurà desparières accions dubèrtes a tot tipe de public.

Eth 5 de març, a compdar des 18.30, era Bibliotèca Generau de Vielha acuelherà era exposicion des òbres e procèssi creatius dera 2au edicion deth projècte “Sabers Collectius”, en diuèrsi airaus: husteria, ceramica, textil e linogravatge. Se tracte d’ua mòstra d’aquerò que passe quan pensam es suenhs damb es mans, eth còs e era comunitat. Tanben se presentarà ua revista deth procès que i a auut, e se barrarà er acte damb un aperitiu.

Eth 6 de març, entàs 18.30, era sala de premsa deth Conselh Generau d’Aran acuelherà era charrada “Suenh e Espòrt” damb Paula Fernández-Ochoa, autora deth libre “Vivir corriendo”. Ua convèrsa sus eth suenh, er espòrt, era exigéncia e es limits. Córrer e arrir tanben damb ua guardada de genre.

Entà acabar, eth 8 de març, tàs 11.00, damb gessuda e arribada ena Plaça d’Aran, se harà era 12au Corsa dera Hemna dera Val d’Aran. Ua corsa que ja ei un classic d’aguesta jornada reivindicativa e que sage d’amassar e visibilizar es desigualtats, deféner eth dret a cuedar e a èster cuedades, e sostier era vida collectivament. E, en acabar era corsa, era conselhèra de Joenessa, Igualtat e Inclusion Sociau, Maria Menis, liegerà eth manifèst deth 8-M e, tà barrar es actes d’enguan, se liuraràn es prèmis dera corsa.

21/02/2026

Aran Salut participèc en 5au Comitat de Direccion d’Infirmieria dera Region Sanitària der Alt Pirineu e Aran celebrat en Puigcerdà.

Es direccions d’Infirmieria deth territòri s’amassèren entà compartir guardades, experiéncies e rèptes comuns, damb er objectiu de contunhar en tot auançar amassa ena coordinacion assistenciau e ena milhora dera atencion as persones.

En un territòri damb ua realitat geografica complèxa coma ei eth Pirenèu, eth trabalh en hilat e era collaboracion entre equips se tornen imprescendibles entara garantir ua atencion pròplèua, segura e de qualitat.

Era jornada mos a permetut tanben conéisher d’apròp eth modèl singular de cooperacion transtermerièra der Espitau de Cerdanha e méter en valor era importància de generar espacis d’amassada tà refortilhar eth compromís compartit damb eth suenh.

12/02/2026

🧑👧 Aguest pròplèu deluns, 16 de hereuèr, vene a participar en ua naua activitat deth programa “Connexion Joena”.

🎲🧩 En Centre de Joenessa “Antara” de Vielha gaudiram d’ua vrespada de jòcs de taula dirigida ara joenessa de 12 a 18 ans.

🕓 Orari: des 16 as 19 ores.

🧃🍏 Ath delà, se vies damb eth tòn titàs te convidam a vrespalhar!

11/02/2026

👩👧 Aué, 11 de hereuèr, se commemòre eth Dia Internacionau dera Hemna e era Mainada en Sciéncia. Es Servicis Assistenciaus Integrats d’Aran mos somam ad aguesta jornada qu’a coma objectiu visibilizar eth trabalh des hemnes que se dediquen as airines STEM (Sciéncia, Tecnologia, Enginheria e Matematiques), fòrça d’eres estretaments restacades damb era investigacion en matéria de salut, qu’ei fonamentau entà fòrça malauties e problèmes de salut.

Ath delà, aguesta iniciatiua fomente practiques entà arténher era igualtat de genre en airau scientific.

06/02/2026

Seguim en tot auançar en Plan d’Accion Comunitària.

Aguest pròplèu 10 de hereuèr entàs 18 ores vos demoram entà definir milhores en concèptes coma: salut mentau, isolament sociau e eth léser.

Vos i demoram! Quinsevolha persona interessada pòt somar-se a participar en bastiment d’ua Val d’Aran mès saludabla, coesionada e participatiua.

05/02/2026

🧑‍🧑‍🧒‍🧒 Tornam a repréner es activitats e es talhèrs d’EN FAMILHA, per aquerò vos hèm a arribar era informacion deth propèr talhèr d’En Familha en tot convidar as familhes deth territòri a participar-i.

Talhèr entà pairs e mairs: Educar ena prumèra enfança (2–6 ans)

Data: deluns 09/02/2026

Ora: 15:15–16:45 o

Lòc: Espaci d’atencion infantila, juvenila e as sues familhes (Carrèr Pomaròla, 12), Vielha

A qui ei adreçat: pairs e mairs (o persones cuedadores) de mainatges de 2 a 6 ans

Idea clau: Educar damb amor e respècte: ne autoritaris, ne permissius

Damb era collaboracion de: psicòlòga deth CDIAP e terapèuta ocupacionau deth Suenha-te e Connexion Joena

04/02/2026

💚 Aué mos junham entà arrebrembar qu’eth càncer non ei sonque ua malautia: ei ua realitat que trauèsse istòries, familhes e comunitats entières. En aguest dia, aunoram era fortalesa de qui afronten eth diagnostic damb coratge, era memòria de qui ja non i son e eth compromís jornalièr des professionaus dera salut qu’acompanhen cada procès damb sciéncia, empatia e umanitat.

D’ençà d’Aran Salut, reafirmam eth nòste compromís damb era prevencion, eth diagnostic oportun, eth tractament integrau e er acompanhament pròplèu, en tot compréner que darrèr de cada cas i a ua persona, ua vida e un projècte que merite èster suenhat.

Credem ena importància dera informacion, era deteccion primairenca e eth trabalh conjunt coma estruments claus entà sauvar vides. Aué e toti es dies, contunham de trabalhar damb esperança, dedicacion e respècte, convençudi qu’amassa podem mercar era diferéncia.

28/01/2026

🧑‍🧑‍🧒‍🧒 D’ençà des Servicis Assistenciaus Integrats d’Aran deth Conselh Generau d’Aran seguim en tot aufrir eth programa “En Familha”.

👉 “En Familha” ei un recors especializat e preventiu qu’aufrís informacion, orientacion, atencion e assessorament as familhes deth territòri sus desparièrs aspèctes d’interès enes diuèrses etapes dera vida.

👍 Ei un espaci d’arencion familhara, d’atencion gropau, a on s’amien a tèrme talhèrs e charrades, en tot fomentar un hilat de comunautat suenhadora.

👌 Un espaci adreçat a tot tipe de familhes: damb o sense mainadèra, damb persones granes o depenentes, e tà persones adultes en desparièrs moments vitaus.

🤳 Mès informacion e consulta prealabla: enfamilha@aransalut.com e en 973642560.

Dirección

Carrèr Deth Espitau, 5
Viella
25530

Teléfono

+34973640004

Página web

https://salut.conselharan.org/

Notificaciones

Sé el primero en enterarse y déjanos enviarle un correo electrónico cuando Servicis Assistenciaus Integrats d'Aran publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto El Consultorio

Enviar un mensaje a Servicis Assistenciaus Integrats d'Aran:

Atajos

¿Quieres que tu consultorio sea el Clínica mas cotizado en Viella?