Servicis Assistenciaus Integrats d'Aran

Casa
España
Viella
Servicis Assistenciaus Integrats d'Aran

Sistèma sanitari e sociau integrat deth Conselh Generau d'Aran.

23/12/2025

Deseme ei un mes magic, pr’amor qu’arribe Nadau e ena Residéncia Geriatrica “Sant Antòni” de Vielha, s’i an amiat a tèrme un ensem d’activitats. Vos aufrim un amàs de çò que s’a realizat.

Bon Nadau a toti!

Fotografies:

1- Visita des Patges des Reis d’Orient.
2- Charrada de Rosa Mari Salgueiro sus era Istòris dera Val d’Aran.
3- Liurament de nadalets per part dera mainadèra de Caritas.
4- Actuacion der alumnat dera Associacion Culturau Arània.
5- Nadalets interpretadi per escolanat dera Escòla Alejandro Casona de Les.
6 e 7- Liurament de detalhs hèti per escolanat dera Escòla Alejandro Casona de Les.
8- Nadalets interpretadi per escolanat der INS d’Aran.

22/12/2025

🚶‍♂️🚶‍♀️ Entà Nadau, ath delà de hèr a tier compde damb es dinars, tanben ei important auer ua prevision de mantier quauqui abits saludables en çò que tanh a activitat fisica, entà evitar digestions pesades. Damb er objectiu de previer molèsties digestiues e mantier un avient estat de salut, vos facilitar quauques recomanacions realizades pera nòsta fisioterapeuta d’atencion primària, Eri Sakamoto.

19/12/2025

🍎🧃 Arribe Nadau, qu’ei un moment entà compartir e gaudir, tanben ath torn dera taula. Damb er objectiu de previer molèsties digestives e mantier un avient estat de salut vos facilitam quauques recomanacions realizades pera nòsta nutricionista Esther Carmona.

✨🌲 Bones Hèstes!

18/12/2025

🧠 Era Val d’Aran priorize era salut mentau ena session comunitària damb mès de 30 participaires.

Eth passat 18 de noveme, era Sala Sociau de Betren, acuelhec era session de priorizacion des principaus besonhs de salut qu’afècten ara poblacion aranesa.

Era trobada amassèc ara equipa de comunitària d’Aran Salut, professionaus, representants deth teishut asociatiu dera Val d’Aran e ciutadania interessada damb ua participacion de 40 persones.

Era session permetec validar es besonhs identificadi en diagnostic de salut comunitària:

- Salut mentau
- Obesitat e suberpés
- Isolament sociau
- Retencion deth talent
- Accès as servicis publics especializadi
- Abitatge
- Léser

Dempús d’un espaci de reflexion conjunta, es persones assistents votèren quini besonhs
consideren prioritaris entà començar a trabalhar. Es resultats son:

- Salut mentau
- Isolament sociau
- Léser

A compdar d’aguesti resultats se crearàn grops de trabalh especifics, un sus salut mentau, e un aute d’isolament sociau e léser.

Es grops s’iniciaràn pendent eth prumèr trimèstre de 2026 e son dauridi a tota era comunautat. Quinsevolha persona interessada pòt somar-se a participar en bastiment d’ua Val d’Aran mès saludabla, coesionada e participatiua.

15/12/2025

☕🗣️ En marc deth Dia Internacionau des Persones Migrantes, que se celèbre eth 18 de deseme, d’ençà deth servici pes Drets deth Conselh Generau d’Aran vos convidam ath “Cafè Migrant”, un espaci segur, pròplèu e participatiu a on compartir experiéncies, emocions e reflexions sus eth procès migratòri.

Dirigit a persones migrantes majors de 18 ans residentes ena Val d’Aran interessades en participar, independentaments dera sua situacion administrativa, país d’origina o temps de permanéncia en país.

[CAST] ☕🗣️ En el marco del Día Internacional de las Personas Migrantes, que se celebra el 18 de diciembre, des del servici pes Drets del Conselh Generau d’Aran os invitamos al “Café Migrante”, un espacio seguro, cercano y participativo donde compartir experiencias, emociones y reflexiones sobre el proceso migratorio.

Dirigido a personas migrantes mayores de 18 años residentes en la Val d’Aran interesadas en participar, independientemente de su situación administrativa, país de origen o tiempo de permanencia en el país.

13/12/2025

🟣 Aguesta setmana an finalizat es actes commemoratius deth 25N: Dia Internacionau dera Eliminacion dera Violéncia contra es Hemnes.

Vos aufrim un amàs de fotografies sus es diuèrses activitats e talhèrs que s’an amiat a tèrme en noveme e deseme.

Des des Servicis Assistenciaus Integrats d’Aran arregraïm a toti/es era vòsta participacion.

10/12/2025

😷 A compdar d’aué, 10 de deseme, ei obligatòri er emplec dera masqueta enes diuèrsi centres sanitaris e era Residéncia Geriatrica dera Val d’Aran.

Eth Departament de Salut dera Generalitat a establit, nauaments, eth caractèr obligatòri der emplec dera masqueta en toti es centres sanitaris e residenciaus.

Normes e recomanacions en vigor en Espitau Val d’Aran:

· Emplec obligatòri dera masqueta en toti es airaus assistenciaus.
· Maximal d’1 acompanhant per pacient ingressat, laguens der orari de visites establides.
· Mantier es vacunes ath dia, especiuaments gripa e COVID-19.
· S’as simptòmes respiratòris, empleos era masqueta tanben en d’auti espacis publics.
· Evitar anar entar espitau se non ei estrictaments de besonh.
· Igièna de mans e respècte as indicacions deth personau.

Entre toti ajudam a protegir as pacients, as persones mès vulnerables e ara nòsta equipa sanitària.

Masqueta Prevencion SalutPublica

09/12/2025

👩‍⚕️🤝 Aguest mes de deseme auem realizat ua naua amassada damb es familhars des persones que demoren ena residéncia de Sant Antòni de Vielha e es persones usatgères deth centre de dia.

👏 Aguesta amassada a estat fòrça ben arrecebuda pes familhaus que lèu i an assistit toti e an arregraït era convocatòria e auer era oportunitat de tractar aspèctes que les preocupen atau coma implicar-les enes dinamiques d’atencion as sòns familhars residents. Era reünion a estat dinamizada per tota er equip tecnic professionau dera residéncia qu’a explicat eth detalh des dinamiques e activitats que darrèraments s’an implementat.

📅 🏨 Se prepausèc era creacion d’un conselh de participacion damb familhars, persones residentes e usatgèrs entà trabalhar es aspèctes de milhora e seguiment des acòrds.

02/12/2025

Simulacre d’actuacion ena assisténcia ath pacient politraumatic.

Recentaments, er equip d’Urgéncies der Espitau Val d’Aran a trabalhat ena actualizacion deth Protocòl deth Còdi PPT (pacient pllitraumatic).

Eth passat 18 de noveme se realizèc en Servici d’Urgéncies un excercici de simulacion d’assisténcia ath pacient politraumatic, damb era participacion de toti es professionaus que intervien en aguesti casi (Pompièrs-Emergéncies, Servici d’Urgéncies, Mètged Especialistes, Servici de Radiologia, Servici de Laboratòri, Servici de Quiròfan e personau administratiu der Espitau Val d’Aran).

A estat un exercici practic que met en valor eth trabalh en equip coma pilar fondamentau entà arténher era excelléncia assistenciau, en tot favorir era comunicacion e coordinacion entre toti es equips implicadi e era milhora enes tempsi de responsa, damb er objectiu prioritari d’aufrir una atencion integrau de qualitat, centrada ena persona e damb es mès nauti estandars de qualitat enes moments mès critics.

27/11/2025

Era alimentacion espitalària de Serunion impulse ar Espitau Val d’Aran entre es centres milhors avaloradi de Catalonha.

Era qualitat dera atencion, era confidança deth pacient e era bona avaloracion deth minjar espitalari placen ath centre coma referent en experiéncia deth pacient.

Er Espitau Val d’Aran a estat arreconeishut coma eth centre sanitari melhor avalorat de Catalonha segontes er estudi PLAENSA 2025 deth Servei Català dera Salut, que mesure era percepcion, experiéncia e satisfaccion des pacients enes espitaus publics e concertadi dera comunitat.

Er Espitau Val d’Aran destaque especiuaments en aspèctes coma era tranquillitat entà pausar pendent era net, era qualitat deth minjar espitalari, era sensacion d’èster en bones mans, era coeréncia dera informacion entre professionaus e era claretat enes explicacions ath dar era nauta espitalària.

Era qualitat alimentària ei justaments un des aspèctes milhors avaloradi pes pacients. Eth servici de restauracion, gestionat per Serunion, hè part deth modèl assistenciau der espitau, en tot aufrir menus equilibradi, adaptadi as besonhs nutricionaus de cada pacient e elaboradi damb productes fresqui e de proximitat.

26/11/2025

𝐍au 𝐂𝐡𝐚𝐭 𝐝’𝐈𝐧𝐭𝐞lligéncia 𝐀𝐫𝐭𝐢𝐟𝐢𝐜𝐢𝐚u 𝐞𝐧 Espitau dera Val d’Aran

Er espitau incorpòre un nau assistent virtuau entà facilitar era atencion ara ciutadania e milhorar er accès ara informacion sanitària.

𝐃𝐢𝐬𝐩𝐨𝐧𝐢𝐛𝐥𝐞 𝐞𝐧 𝐚𝐫𝐚𝐧é𝐬, 𝐜𝐚𝐭𝐚𝐥an e 𝐜𝐚𝐬𝐭𝐞lhan.
𝐀𝐭𝐞𝐧𝐜𝐢on 𝟐𝟒/𝟕.
𝐈𝐧𝐟𝐨𝐫𝐦𝐚𝐜𝐢on 𝐜𝐥𝐚𝐫𝐚 𝐞 𝐢mmediata.
𝐀juda 𝐝𝐢𝐫ècta tà emplegar 𝐋𝐚 𝐌𝐞𝐯𝐚 𝐒𝐚𝐥𝐮𝐭.
𝐌ès 𝐚𝐜𝐜ès, 𝐦ens trucades.
𝐀𝐜𝐜𝐞𝐬𝐢𝐛𝐥𝐞 𝐚 𝐭𝐨tes es 𝐞𝐝𝐚ts e perfils 𝐝𝐢𝐠𝐢𝐭aus.

Un estrument dessenhat entà facilitar era comunicacion entre er espitau e era ciutadania, desvolopada damb eth supòrt tecnologic de Ok Otto Agency.

𝐏òs trapar-lo, provar-lo e emplegar-lo a compdar d’aué ena nòsta plana web:
https://salut.conselharan.org/

25/11/2025

🟣 DIA INTERNACIONAU PERA ELIMINACION DERA VIOLÉNCIA CONTRA ES HEMMES

👉🏽Damb motiu deth dia internacionau pera eliminacion dera violéncia contra es hemmes, aguest maitin a auut lòc ena plaça d’Aran era lectura deth manifèst commemoratiu, seguit d’ua menuta de silenci en memòria des victimes dera violéncia de genre.

🫵 Era violéncia contra era hemna ei ua herida daurida ena nòsta societat, ua injustícia que non podem perméter pas ne normalizar. Cada gèst de contraròtle, cada mot qu’umílie, cada còp que herís, ei ua violacion ara dignitat umana e un atac dirècte ara libertat.

Dirección

Carrèr Deth Espitau, 5
Viella
25530

Teléfono

+34973640004

Página web

https://salut.conselharan.org/

Notificaciones

Sé el primero en enterarse y déjanos enviarle un correo electrónico cuando Servicis Assistenciaus Integrats d'Aran publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto El Consultorio

Enviar un mensaje a Servicis Assistenciaus Integrats d'Aran:

Atajos

¿Quieres que tu consultorio sea el Clínica mas cotizado en Viella?