Dr. Hamza Jemal

03/04/2026

Faayidaa ganama garaa duwwaatti bishaan dhuguun qabu.
***********************************
1. Dhukkuba bowwuu mataa.
2. Dhukkuba onneef.
3. Dhibee nama kuffiisuuf(gaggabdoof).
4. Furdina gar malee.
5. Biroonkaayitiif.
6. Asmiif.
7. Dhibee sombaa.
8. Garaachaaf.
9. Dhibee ijaa fi gurraa.
10. Dhibee funyaanii fi qoonqoo irraa nu baraara.

Akkaataa fayyadamaa;
» Yeroo hunda ganama ganama utuu ilkaan hin rigatiin bishaan liitira 1 dhuguu
» Kana booda ilkaanii fi afaan erga qulqulleeffatanii booda daqiiqaa 45f waan nyaatamuu fi dhugamu ala turuu.

Hubadhaa;
Namootni umriin isaanii dabale(ol siqe) bishaan burcuqqoo 4 al tokkoon dhuganii fixuun waan itti cimuuf suuta suuta of shaakalsiisuu qabu!
Ulfaadhaa!! Fayyaa dahaa!
©️ Dr. Hamzaa Jamaal

03/04/2026

Meeshaan dubraa san narvii kuma 8 ol of keessaa qabdi! Kuniis narvii fiixee meeshaa dhiiraa ( g***s p***s) irra jiru dachaa lamaan caala jechuudha! Narviileen kunneen miira kakaasuu fi yeroo walqunnamtii saalaa gammachuu argachuuf gargaaru!
Meeshaa dubraa( cl****is) huddumatti irraa qunqumtee yoo lafa keesse ,fedhiin isii zeeroo seenee teessaniituma wal ilaaltan malee wanti addaa tokkolleen hin jiraatu!
Yeroo akkanaa tokko quufee tokko agabuu bula jechuudha!
Kanaaf suutuma walirraa jechuutu gaariidha!
Fayyaa hin dhabinaa!!

03/04/2026

Ati Nama Salphaa Miti🫵
*****************************************
Yeroo walqunnamtiin saalaa gaggeeffamtu sanyii kormaa miliyoona 200 hanga 300 tu qaama saalaa dubartii keessatti dhangala'a. Hundi isaanii waldorgoommii daakkiitiin hanga killee oovaarii irra gad lakkafifamteen walqunnamanitti tattaaffii ajaa'ibaa godhu. Miliyoona 200 keessaa irra baay'een isaanii dadhabanii gariiniis du'anii sanyii kormaa 300 hanga 500 qofaatuu killeen wal qunnama.
300n kana keeysaa tokko qofaatu irra jabaate killee san wajjin fartilaayizeeshiinii uuma.

Tokkichi fiigicha maaraatoonii injifate san eenyu ni beeytaa? Si'ii bar! Akkuma gaafasuu rakkoo meeqaaf harka kennachuu diddee injifatte, ammallee wanni feete yoo dhufte harka hin kennatin!! Gaafa lubbuun hin jirre fiiydee injifattee arra injifatamtaa ree?
Ulfaadhaa! Fayyaa dahaa!

03/04/2026

Gaafa rakkinni sitti dhufu hin laafiin...
********************************************
Jireenyi Addunyaa kanaa akka Ati yaaddetti osoo hin taane akka fedhii isatti si jiraachisuu danda'a. Jireenya jettee ati addunyaa kanarratti jiraattu kun yeroo hundaa akka ati feete siif hin taatu. Wanti ati har'a of harkaa qabdu guyyaa tokko akka dhabdu beekuu qabda. Mee fakkeenya tokkon siif fudhadha:- Nama ati hedduu jaalattu yeroo hundaa of biraa dhabuu hin feene yoo dhabdemmoo jireenyi kee hiika akka hin qabnetti fudhattee ija kee irraa buqqisuunillee si sassachiisu osoo of biraa du'aan dhabdehoo?? Ykn namni sun akka ati isa jaalatutti si jaalachuu dhiisee onneekee madeessee osoo deemehoo?? Argitee jireenya kana gaafa jiraattu dhiphinaaf, dhabaaf, gaddaaf, rakkinaaf qophaa'aa ta'uu qabda. Sababni isaas yeroo hundaa gammachuun hin jiru gaddi ni jiraata, jaalalli akkuma jiru jibbis ni jiraata, wal arguun akkuma jiru gargar bahuunis ni jiraata. Nama jaalatturraa gargar bahuu yaaduun ulfaataa ta'us guyyaa tokko dirqama nama sanirraa adda ni baata kun seera uumamaati! Kanaaf gammachuun yeroo hundaa waan hin jirreef gaddaaf of qopheessi. Gaafa rakkinni sitti dhufu hin laafiin, jireenyi rakkina kanaa booda akka waan hin jirreetti fudhattee mataa gad hin qabin jabaadhu. Boru guyyaa addaa ta'uusaa bari.

Jireenya addunyaa kanaa salphisuus ulfeessuus kan danda'u suma mataa keeti. Al tokko tokko rakkinoota nu quunnamanirra rakkinichaaf deebiin nuti kenninu hedduu nu miidhu kanaaf jireenya kee salphistee jiraachuu yoo feete wanta har'a argite boru akka hin jirre, akkasumas adda bahuu namni ati hin feene guyyaa tokko akka irraa adda baatu beeytee yeroo hundumaa qophaa'aa ta'uu qabda. Halkan akkuma jiru bariinillee dhufee halkanicha akka seenaatti ni haasofta, hin dabru wanti ati jette dabree boqonnaa haaraatti ni ceeta guyyichas seenaa gootee dubbatta. Kan jaalatte si jibbus kan abdatte si ganus godoon ati ijaarratte si jalaa diigamus guyyaa tokko hunduu dabree galmee seenaa keerratti ni galmaa'a.

Kanaaf yeroo hundumaa ati nama jabaa akka taateefi rakkinni si moo'uu akka hin dandeenye ofiiti himi! Gochi ati gootu firii yaada kee waan ta'eef waan gaarii yaaduu shaakali yeroos waan gaarii hojjetta jireenya kees salphistee jiraatta. Sababa malee namni kamuu addunyaa kanarratti hin uumamu atis akkasuma sababa dhalatteef qabda kanaaf gaafa rakkinni sitti dhufu guyyaa uumama kee hin abaariin! Dukkana booda ifni ni jira dukkanni har'aas darbee kaleessa ni ta'a isas borirra dhaabattee ni haasofta.... Ati uumama kaleessaafi boru walitti araarsitee har'a jiraachuu danda'u kanaaf ati yeroo hundaa nama addaati!! Jabaadhu jireenya moo'i malee jireenyi sin moo'iin ergaa kooti.
********************************************
Ulfaadhaa! Fayyaa dahaa!
©️ Dr. Hamza Jemal

03/04/2026

Wantoota qulqullina hirriibaa hir'isuun rakkoowwan fayyaa hirriiba dhabuun dhufaniif nama saaxiluu danda'an keessaa tokko walhaammatanii baay'ee walitti siqanii rafuudha. Kanaaf siree bal'aan qulqullina hirribaa dabaluu irratti gahee guddaa qaba. Siree bal'aa irra addaan siqanii rafuun fayyaaf gaaridha. Hirriiba Gaarii!!
©️ Dr. Hamza Jemal

03/04/2026

Namaa waggaa baay'ee dandeessee baadhattee, nyaachisaa obaasaa turtee guyyaa tokko yoo waan barbaade sirraa dhabe deemee si komatu fuula sitti guuru waliin hin jiraatin. Inni sababuma ati waa qabduuf si barbaada malee jaalala tee hin qabu. Namoonni akkasii namoota sirraa nyaatanii deebi'anii si nyaatan waan taheef irraa fagaadhu. Namni akkasii namummaa hin qabu atis amala akkasii irraa fagaadhu. Nama guyyaa tokkos tahu galata siif godhe galateeffadhu.
Galatoomaa!!!
©️Dr. Hamzaa Jamaal

03/04/2026

"Yeroo ulfaa walqunnamtii saalaa yoo baay'isan sanyiin kormaa mataa daa'ima xureessaa?"
*****************************************
Xuraawaan mataa daa’ima amma dhalatanii irratti mul’atu sababa rakkoo gogaa salphaa fi midhaa hinqabnee "cradle cap" jedhamuun dhufa. Yeroo baay'ee sababa hormoonii haadhaa, dibata gogaan daa'imaa maddisiisufii raacitii malassezia jedhamu faatu fida. Xuraawan kun bifa gara garaa qaba. Daa’imman irratti miidhaa tokkollee hin qabu. Yeroo muraasa booda ofumaan irraa bada. Yoo barbaachise Zeeyta Kaakawoofii Zeeyta Asmuudii fayyadamuun irraa balleessun ni danda'ama. Shaampoowwanifii dibata gara garaa fayyadamuun irraa balleessuuf yaaluun miidhaa qaba.

Walumaagalatti Xuraawaan mataa daa’ima amma dhalatanii irratti mul’atu sababa sanyii kormaa yeroo ulfaa walqunnamtii saalaa raawwatamuun dhangala'uun wal hin qabatu. Sanyiin kormaa daa'ima mataarratti dhangala'ee daa’ima mataa xureessa yaadni jedhu sirrii miti. Daa’imman tokko tokkorratti mul’atatee kan biraatirratti mul’atuu dhabuunis sababa hormoonii, dibata gogaan daa'imaa maddisiisufii raacitii malassezia jedhamuun walqabata.
©️ Dr. Hamzaa Jamaal

03/04/2026

Hanga feete yoo rakkate, hanga feete yoo hanqina qabaattes, rakkinaafii hanqina kee nama tokkotti hin himin. Hanqina kee namatti himuun qawwee nyaachiftee diina keetitti kennuun garaagarummaa hin qabu. Boru namni bakka ati hanqinaafii rakkina qabdu saniin sitti fayyadamuuf dhufa. Nama arra wajji jirtan boru wal dhabuu dandeessan, garaa namaa keessa beekuu waan dandeenyef rakkinaafii hanqina kee ofumaa fooyyessuuf yaali malee namatti hin himin.
Ulfaadhaa! Fayyaa dahaa!
Dr. Hamzaa Jamaal

03/04/2026

Wantoota 6 Kana Namatti hin Himin..!
********************************************
1. Karoora kee.
2. Dadhabina kee.
3. Kufaatii kee.
4. Iccitii kee.
5. Sochii kee kan fuul-duraa.
7. Galii kee yookiin (qabeenya) kee hin himin.
********************************************
Jahan Kana Ammoo Hojiirra Oolchi!
********************************************
1. Yaadi malee hin dhiphatin!
2. Nama irraa baay'ee hin eeggatin!
3. Dandeettii tee beeki!
4. Dogoggora kee irraa baradhu!
5. Ofitti amanamummaa qabaadhu.
6. Dandeettii teetitti fayyadami!
********************************************
©️ Dr. Hamza Jemal

03/04/2026

Foolii Badaa Qaama Saalaa Shamarranii Ittisuuf Maal Gochuu Qabna?
*********************************************
Foolii badaa qaama saalaa shamarranii ittisuuf, of-eeggannoo fi qulqullina yeroo hunda eeguun murteessaadha. Guyyaa guyyaan luka lamaan gidduufi qaama saalaa sirritti dhiqachuun qoorsuun faayidaa guddaa qaba. Saamunaa foolii jabaa qabuun dhiqachuun microbiota uumamaa balleessuu danda’a, kanaafis of-eeggannoo barbaachisa. Bishaan ho’aa qofaan dhiqachuunis filannoo gaariidha. Uffata jalaa jibrii (cotton) ta’e fayyadamuun akkasumas yeroo yeroon jijjiirachuun qaamni akka qabbana argatu taasisa. Yeroo wal-qunnamtii saalaa duraaf booda qaama dhiqachuun infekshinii fi foolii badaa ittisuuf murteessaadha. Bishaan gahaa dhuguun qaama keessaa qulqulleessuuf gargaara, wantoota urgaa’aa akka doodraantii fi kkf naannoo qaama saalaatti biifuun ammoo miidhaa uumu danda’a. Kanaaf, shamarran gorsa kana hordofuun fayyaa fi qulqullina isaanii tikfachuun ni danda’ama.

©️ Dr. Hamza Jemal

03/04/2026

Congratulations 🙏🙏🙏

Kabajamoo Reshad Mohammed jedhama. Pirezidaantiin Murti Guutoo Association Madda Walabu University yoo tahu nama cimaa dandeettii garagaraa qabuudha. Yunivaristii Madda Walaabuu bakka bu'ee National Moot Court Yunivaristii Arbaa Mincitti qophaa'e irratti hirmaatuf deema. Dibichi hegeree qabu gooranatti beeysisa je'anii mitii ree! Ammallee milkiin duratti tarkaanfadhu qaalii kiyya.🙏🙏 Gurbaan siingiliidhaa chiikonni laalladhaa😀

02/04/2026

Yeroo gaariifii gammachuu dabalatee wanti hundi bara baraan akka hin turre odoo beeytu, rakkoofii haalli hamaan ati amma keessa jirtu akka waan bara baraan si wajjiin turutti maaliif qalbii cabsitee gaddita? Gammadi, humna hotadhuu, irra deebi'ii yaali, qabsaa'ii ni injifattaa hadaraa hin gaddin!
©️Dr. Hamzaa Jamaal